وحدت نیوز(اسلام آباد) مجلس وحدت مسلمین کے مرکزی رہنما وسیکرٹری یوتھ علامہ اعجاز حسین بہشتی نے غواڑی میں پیش آنے والے ناخوشگوار واقع پر اپنے بیان میں کہا کہ پُر امن وادی میں شرپسندوں اور دہشتگردوں کے لئے کوئی جگہ نہیں ہے۔ ھم پرامن لوگ ہے ہمیں پُر امن رہنے دیں۔ ان کا مزید کہنا تھا کہ غواڑی میں عزاداری ابا عبداللہ الحسین ع کے جلوس پر حملہ قانون نافذ کرنے والے اداروں کی کارکردگی پر سوالیہ نشان ہے۔شرپسند عناصر کو ایک بار پھر کھلی چھوٹ دی جا رہی ہے محرم الحرام سے پہلے چیک پوسٹوں کو ختم کرنے  کا نتیجہ سامنے آنے لگا ہے پرامن قوم کے خلاف دہشت گردانہ کارروائیاں کرنے والوں کو لگام دی جائے۔یہ ملک کسی نئے فتنے کا متحمل نہیں ہے۔