وحدت نیوز(اسلام آباد) سنٹرل سیکریٹریٹ مجلسِ وحدتِ مسلمین پاکستان میں جلال پور شریف ضلع جہلم کے نواحی علاقہ سیدانوالہ کے مومنین کی علامہ سید عقیل اصغر کاظمی کی سربراہی میں مرکزی ڈپٹی سیکرٹری جنرل برادر ناصر شیرازی ایڈووکیٹ سے ملاقات۔

ملاقات میں وفد نے 8 محرم الحرام کے جلوس پر اینٹی ٹیرارزم ایکٹ کی دفعات کے تحت کاٹی گئی ایف آئی آر اور تاریخ میں پہلی دفعہ پر امن جلوس میں شریک خواتین پر بھی ایف آئی آر کاٹے جانےاور مومنین کی گرفتاریوں اور اہل علاقہ کو ہراساں کیے جانے کے حوالہ سے درپیش مسائل سے آگاہ کیا۔

اس موقع پر سید ناصر عباس شیرازی ایڈووکیٹ نے وفد کو مکمل طور پر تعاون کی یقین دہانی کراتے ہوئے فوری طور پر متعلقہ انتظامیہ سے رابطہ کرتے ہوئے انہیں مزید کسی ممکنہ گرفتاری کے حوالہ سے متنبہ کیا. اس حوالہ سے انہوں نے مزید کہا کہ اس ایشو پر تمام تر قانونی راستے اختیار کیے جائیں گے عزاداری سید الشہداء کے حوالے سے کسی قسم کی کوئی پابندی قبول نہیں کی جائے گی۔

 انہوں نے وفد کو مزید آگاہ کیا کہ اس حوالے سے صوبائی سیکرٹری جنرل پنجاب علامہ عبدالخالق اسدی چند گھنٹوں کے دوران علاقے کا دورہ کریں گے اور مومنین سے مل کر آئندہ کا لائحہ عمل طے کریں گے۔