وحدت نیوز(نجف) مجلس وحدت مسلمین کے سیکرٹری جنرل علامہ راجہ ناصر عباس جعفری حفظہ اللہ نے وفد کے ہمراہ مرجع عالی قدر آیت اللہ العظمی حافظ بشیر حسین نجفی دام ظلہ الوارف سے ان کے مرکزی دفتر نجف اشرف میں ملاقات کی۔
علامہ راجہ ناصر عباس جعفری حفظہ اللہ کے ہمراہ وفد میں مجلس وحدت مسلمین پاکستان کے مرکزی سیکریٹری امور خارجہ علامہ شفقت شیرازی سمیت مجلس وحدت مسلمین کے خارجہ امور کے عہد داران شامل تھے۔
اس ملاقات میں علامہ راجہ ناصر عباس جعفری حفظہ اللہ نے تشیع کو پاکستان میں درپیش چیلنجز کو بیان کیا اور مزید یہ بھی بیان فرمایا کہ پاکستان میں تشیع کو درپیش مشکلات کے باوجود تشیع کی قوت وسربلندی میں اضافہ ہورہا ہے ۔
اس ملاقات میں جب علامہ راجہ ناصر عباس جعفری حفظہ اللہ نے اپنے مدارس کو علمی حوالے سے مضبوط سے مضبوط تر بنانے کے حوالے سے کیا اقدامات کیے جائیں،اس حوالے سے مرجع عالی قدر آیت اللہ العظمی حافظ بشیر حسین نجفی دام ظلہ الوارف سے سوال کیا تو مرجع عالی قدر دام ظلہ الوارف نے فرمایا کہ طلاب کو نصاب میں رائج قدیمی کتب کو پڑھایا جائے تاکہ طلاب کی صلاحیتوں میں اضافہ ہو۔
اس ملاقات میں علامہ راجہ ناصر عباس جعفری حفظہ اللہ نے پاکستان میں کی جانے والی کاوشوں کو بیان کیا۔جنکو مرجع عالی قدر آیت اللہ العظمی حافظ بشیر حسین نجفی دام ظلہ الوارف نے سراہتے ہوئے مزید توفیقات کے اضافے کے لیے دعا فرمائی۔
