وحدت نیوز(اسلام آباد) مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے مرکزی کابینہ سمیت اپنے عہدے سے استعفیٰ دے دیا ہے،آئندہ تین برس کیلئےنئے مرکزی سیکریٹری جنرل کا انتخاب عمل لانے کیلئےووٹنگ کا عمل سربراہ شوریٰ عالی حجتہ الاسلام علامہ شیخ حسن صلاح الدین کی نگرانی میں جاری ہے ، اراکین شوریٰ مرکزی  شوریٰ عالی کی جانب سے اعلان کردہ تین ناموں جن میں علامہ راجہ ناصرعباس جعفری ، علامہ امین شہیدی اور علامہ احمد اقبال رضوی شامل ہیں میں سے کسی ایک کے بحیثیت مرکزی سیکریٹری جنرل انتخاب کیلئے حق رائے دہی استعمال کررہے ہیں ، ووٹنگ کا عمل مکمل ہونے کے بعد نماز ظہرین کے اختتام پر پیام وحدت کانفرنس منعقد کی جائے گی اور بعدازاں شوریٰ عالی کی جانب سے نومنتخب مرکزی سیکریٹری جنرل کے نام کا اعلان کیا جائے گا۔