وحدت نیوز(کراچی) نـلـتـر میں پیش آنے والا دلخراش واقعہ قابل مذمت ہے، شہر کراچی کی عوام غم کی اس گھڑی میں شہید اور زخمی ہونے والوں کے لواحقین کے شانہ بہ شانہ کھڑی ہے،علاقے کے امن و امان کے بہت دشمن ہیں اور وہ اوچھے ہتھکنڈوں سے باز نہیں آئینگے جوکہ موقع کی تلاش میں ہوتے ہیں، لہٰذا فرقہ وارانہ فساد ڈالنے والوں کو باشعور ہونے کا ثبوت دیں۔ان خیالات کا اظہار مولانا محمد صادق جعفری خطیب جمعہ ویسٹ کراچی اور سیکریٹری جنرل مجلس وحدت مسلمین کراچی ڈویژن نے خطبہ جمعہ میں گفتگو کرتے کیا۔انہوں نے کہاکہ امن و امان کے صورتحال کو مدِ نظر رکھتے ہوئے حکومت گلگت بلتستان کو چاہئیے کہ جلد از جلد مجرمان کو کیفرِ کردار تک پہنچائیں ۔