وحدت نیوز(کراچی) مجلس وحدت مسلمین ضلع ملیر کی کابینہ برائے سال 2022-25  کی تقریب حلف برداری ضلعی سیکریٹریٹ ،وحدت ہاؤس جعفرطیارسوسائٹی میں منعقد ہوئی ،ضلعی صدر سید احسن عباس رضوی نے نامزد اراکین ضلعی کابینہ کے ناموں کا اعلان کیا۔ قائدین نے نو منتخب اراکین کو پھولوں کے ہار پہناکر خوش آمدید کہا۔

نامزد اراکین ضلعی کابینہ سے صدر ایم ڈبلیوایم ضلع ملیر سید احسن عباس رضوی نے حلف لیا۔ تقریب سے صوبائی نائب صدر علامہ مختاراحمد امامی نے خصوصی خطاب کیا۔ اس موقع پر ڈویژنل نائب صدر مولانا نشان حیدرساجدی، ڈویژنل پولیٹیکل سیکریٹری علامہ مبشر حسن اور ضلع غربی کے صدر کلیم رضا زیدی نے خصوصی شرکت کی۔

نامزد اراکین ضلعی کابینہ میں مولانا گلزار حسین شاہدی سینیئر نائب صدر، سید شعیب رضا رضوی نائب صدر، مولانا بلاول حسین فائزی نائب صدر، کاچونیاز علی خان جنرل سیکریٹری ، ممتازمہدی ڈپٹی جنرل سیکریٹری ، ثمر سعید رضوی ڈپٹی جنرل سیکریٹری ، سید عارف رضا زیدی سیکریٹری امور سیاسیات، مولانا حسن رضا غدیری سیکریٹری امور تبلیغات،کاشف حسین سیکریٹری اطلاعات، حسین حیدر رضوی سیکریٹری روابط، سید قیصرعباس زیدی سیکریٹری امور عزاداری، ظہیرعباس رضوی سیکریٹری مالیات، اسدعلی زیدی سیکریٹری فلاح وبہبود،سلیم انور کاظمی سیکریٹری شماریات، رضا حیدرزیدی سیکریٹری نشرواشاعت شامل ہیں۔

 واضح رہے کہ چند نامزد اراکین ضلعی کابینہ شہر میں موجود نہ ہونے اور مصروفیات کے سبب حلف نہیں اٹھاسکے ان کی تقریب حلف برداری آئندہ چند روز میں متوقع ہے ۔