The Latest
وحدت نیوز (گلگت) قراقرم انٹرنیشنل یونیورسٹی گلگت میں یوم حسین کے انعقاد پر درجنوں طالب علموں کے انسداد دہشت گردی ایکٹ کے مقدمات قائم کرنا ریاستی جبر ہے۔طاقت کے بل بوتے پر اپنا عقیدہ دوسروں پر تھوپنے کی دین ہرگز اجازت نہیں دیتا ،انتظامیہ کا متعصبانہ رویہ علاقے کے امن کیلئے نیک شگون نہیں۔
مجلس وحدت مسلمین گلگت بلتستان کےترجمان غلام عباس نے کہا کہ صوبائی حکومت کی جانب سے تعلیمی اداروں میں مذہبی پروگرامات پر پابندی محض یوم حسین کے انعقاد کو رکوانا مقصود تھا وگرنہ قراقرم یونیورسٹی میں یوم حسین کے علاوہ کوئی مذہبی تقریب منعقد نہیں ہوتی۔حکومت کے اس غیر دانشمندانہ فیصلے سے نہ صرف علاقے میں ان کی جگ ہنسائی ہوئی بلکہ عالمی سطح پرگلگت بلتستان حکومت تنقید کا نشانہ بنی ہے۔حکومت نے ایک ایسے حساس ایشو کو چھیڑا ہے جس پر کوئی سمجھوتہ ممکن نہیں عاشقان حسین اپنے سرتو کٹواسکتے ہیں لیکن نواسہ رسول کے ذکر پر پابندی ہرگز قبول نہیں کرسکتے۔
انہوں نے کہا کہ حکومت سنجیدگی کا مظاہرہ کرتی تو احتجاجی دھرنا اتنا طویل نہ ہوتا لیکن حکومت نے اسے اپنی انا کا مسئلہ بنایا اور ہٹ دھرمی دکھائی۔ پاکستان کی تمام جامعات میں تمام اسلامی فرقے یوم حسین کے پروگرامات میں بھرپور شرکت کرتے ہیں اور انتہائی عقیدت و احترام کے ساتھ پروگرامات منعقد ہوتے ہیں۔انہوں نے کہا یوم حسین کے انعقاد پر کسی کی دل آزاری نہیں ہوتی اگر کسی کو نواسہ رسول کا ذکر ناگوار گزرتا ہے تو وہ اس پروگرام میں شرکت نہ کرے۔علاقے کے عوام وسعت قلبی کا مظاہرہ کریں اور کسی کے عقیدے کو نہ چھیڑیں اور اپنا عقیدہ نہ چھوڑیں تو کوئی قباحت نہیں لیکن یہاں تو معاملہ بالکل ہی برعکس نظر آرہا ہے۔یونیورسٹی میں یوم حسین کے پروگرام میں کوئی دل آزار تقریر ہوئی ہے اور نہ ہی کسی کے عقیدے کو چھیڑا گیا ہے اس کے باوجود طلباء کے خلاف ایف آئی آر درج کرنا صوبائی حکومت کی بدنیتی ،تعصب اور حماقت پر مبنی اقدام ہے جس کی بھرپور مذمت کی جاتی ہے۔
وحدت نیوز(مظفر آباد) بھارت ناپاک عزائم کی تکمیل کے لیے پھر سے لائن آف کنٹرول کی مسلسل خلاف ورزی کر رہا ہے ۔ مختلف سیکٹرز پر فائرنگ اور گولہ باری سے بھاری نقصان ہو رہا ہے ۔ اب تو حد ہو گئی ہمارے سات جوان شہید ہو گئے ۔بھمبر سیکٹر پر شہید ہونے والے جوانوں کوخراج تحسین پیش کرتے ہیں۔ بھارت کے اس بزدلانہ فعل کی جس قدر مذمت کی جائے کم ہے۔ مسئلہ کشمیر کو ایسے ہتھکنڈوں سے نہیں دبایا جا سکتا ۔ان خیالات کا اظہار سیکرٹری جنرل مجلس وحدت مسلمین آزاد جموںو کشمیر علامہ سید تصور حسین نقوی نے اپنے دفتر میںکابینہ اجلاس سے خطاب میں کیا۔
انہوں نے کہا کہ مجلس وحدت مسلمین شہداء کو زبردست خراج عقیدت پیش کرتی ہے۔ جبکہ نام نہاد جمہوریہ بھارت کی کھلے الفاظ میں مذمت کرتی ہے۔ ایسے ہتھکنڈوں سے تحریک آزادی کو ہر گز نہیں دبایا جا سکتا۔ منزل کے حصول تک جدوجہد آزادی جاری رہے گی۔ بھارت جنگی جرائم کا مرتکب ہو رہا ہے۔ عالمی سطح پر اسے بے نقاب کیا جانا از حد ضروری ہے۔ انصاف کی عالمی عدالت کو از خود نوٹس لینا چاہیے ۔بھارت جس طرح مسلسل لائن آف کنٹرول اور ورکنگ باؤنڈری پر اشتعال انگیزی کر رہا ہے نا قابل قبول ہے پاک فوج منہ توڑ جواب دینے کی صلاحیت رکھتی ہے۔عالمی برادری دہرا معیار اپنائے ہوئے خاموش تماشائی بنی ہوئی ہے ۔ مسئلہ کشمیرانسانیت کا مسئلہ ہے ۔ اس کے حل اور پوری قوم پاک فوج کی پشت پر ہے۔
علامہ تصور نقوی نے مزید کہا کہ وفاقی و ریاستی حکومتیں بنکرز کی تعمیر اور دیگر حفاظتی امور کے لیے سنجیدہ اقدامات کریں۔ کنٹرول لائن پر بسنے والے بلا تنخواہ سپاہیوںکا خیال رکھے ۔سردیوں میں بارڈرپر رہنے والے دیگر علاقوں سے کٹ کر رہ جاتے ہیں خوراک اور میڈیکل کے لیے عملی اقدامات نا گزیر ہیں۔
وحدت نیوز(لاہور) مجلس وحدت مسلمین پنجاب کے سیکرٹری جنرل علامہ مبارک موسوی نے لاہور میں عزاداری سیل کے اجلاس سے خطاب کرتے ہوئے کہا کہ تفتان بارڈر اور کوئٹہ میں زائرین امام حسین کو حکومتی بے حسی اور نااہلی کے سبب مشکلات کا سامنا ہے، حکومت اپنی ذمہ داری پوری کرے اور زائرین کے سفر میں حائل رکاوٹوں کو فوری ختم کرے۔ انہوں نے کہا کہ کوئٹہ اور تفتان میں سکیورٹی اور امیگریشن عملے کی کمی کے سبب ہزاروں زائرین مشکلات سے دوچار ہیں، وفاق اور بلوچستان حکومت کی عدم دلچسپی کے سبب تفتان میں کھلے آسمان تلے لوگ اس سردی کے موسم میں بے یارومددگار پڑے ہیں، زائرین سراپا احتجاج ہیں اور حکمرانوں کے کانوں پر جوں تک نہیں رینگتی، ہم وفاقی وزیر داخلہ اور بلوچستان حکومت سے مطالبہ کرتے ہیں کہ وہ اپنی ذمہ داریاں ادا کرتے ہوئے زائرین کو منزل کی طرف روانہ کریں بصورت دیگر کسی بھی ناخوشگوار واقعے کی ذمہ داری حکومت پر عائد ہوگی۔
وحدت نیوز (گلگت) مجلس وحدت مسلمین گلگت بلتستان شعبہ خواتین کی کوارڈینیٹر سائرہ ابراہیم نے یوم حضرت سکینہ (س) کے موقع پر قصر حضرت ابو طالب (ع) برمس میں خواتین کے اجتماع سے خطاب کرتے ہوئے کہا کہ ذکر حسین ؑ کے بغیر ہماری زندگی کی کوئی اہمیت نہیں، ہم اپنا سب کچھ تو قربان کرسکتے ہیں، لیکن حسینؑ اور حسینت کا پرچم بلند رکھیں گے، چاہے اس کیلئے ہمیں اپنے بچوں کو قربان کرنا پڑے۔ انہوں نے کہا کہ حکومت کی یہ بھول ہے کہ ہم اپنے موقف سے پیچھے ہٹیں گے، نہیں یہ ہرگز نہیں ہوسکتا۔ سرزمین گلگت بلتستان میں حسینی پروانے بیدار ہوچکے ہیں، اب ظلم کو پروان چڑھانے والوں کی خیر نہیں ہوگی۔ ہمارے بیٹے ملک عزیز کی سرحدات کی حفاظت کرنے والے ہیں، ہمارے بھائی ضرب عضب میں قربان ہو رہے ہیں، سی پیک کی حفاظت ہماری ذمہ داری ہے، ملک کو خطرات سے بچانا ہمارے عقیدے میں شامل ہے، ہماری رگوں میں حسینی خون گردش کر رہا ہے اور ہم کسی ظالم کے سامنے جھکنے والے نہیں اور یہ درس ہمیں کربلا والوں نے دیا ہے۔ نواز لیگ کی حمایت پر کمر بستہ ممبران اسمبلی نوشتہ دیوار پڑھ لیں، اب ان کے اقتدار کا سورج غروب ہونے کو ہے۔ اقتدار کی کرسی کسی کے ساتھ وفا نہیں کرتی، لہٰذا بہتر یہ ہے کہ نواسہ رسول کے پیروکاروں سے تصادم لینے کی بجائے ان کا ساتھ دیں۔ انہوں نے کہا کہ مجلس وحدت ہمیشہ سے عوام کی ترجمانی کرتی رہی ہے، ہر ظلم کے سامنے سینہ تان کر کھڑی ہے اور آج بھی گلگت بلتستان میں یوم حسین ؑ پر پابندی کیخلاف عوامی احتجاج میں عوام کے شانہ بشانہ کھڑی ہے۔ ہم جانتے ہیں کہ حکومت کے ارادے ٹھیک نہیں اور خطے میں فرقہ وارانہ کشیدگی کو ہوا دینا چاہتی ہے، تاکہ اپنے اقتدار کو طول دے سکے، لیکن یہ یاد رکھے کہ اب ان کا یہ حربہ کارگر نہیں ہوگا۔
وحدت نیوز (اسلام آباد) قومی اسمبلی کے سابق ڈپٹی سپیکر فیصل کریم کنڈی نے مجلس وحدت مسلمین پاکستان کے مرکزی ڈپٹی سیکرٹری سید ناصر شیرازی سے ایم ڈبلیو ایم کے مرکزی سیکرٹریٹ میں ملاقات کی جس میں باہمی دلچسپی کے امور پر تبادلہ خیال کیا گیا۔انہوں نے کہا کہ ضرب عضب کی کامیابی پاکستان کی کامیابی ہے۔جو نادیدہ قوتیں ضرب عضب کو ناکام بنانا چاہتے ہیں ان کوسوائے ناکامی کے اور کچھ نہیں ملے گا۔پاک چین اقتصادی راہدری پاکستان کے معاشی استحکام اور ترقی کے لیے انتہائی ضروری ہے۔کچھ عالمی طاقتیں اور خلیجی ممالک سی پیک کی تعمیر کو اپنے مفادات پر کاری ضرب تصور کرتے ہیں ۔یہی وجہ ہے کہ اس اہم منصوبے کی راہ میں رکاوٹیں پیدا کر رہے ہیں۔ہمارے پڑوسی ملک بھارت کا اس میں انتہائی گھناؤنا کردار ہے۔ وہ بلوچستان میں دہشت گردی کی کاروائیوں میں مصروف ہیں تا کہ یہ معاملہ کھٹائی میں پڑا رہے۔ ملک کی تمام سیاسی و مذہبی جماعتیں اور فوج کی اعلی قیادت پورے عزم ،جرات اور ولولے کے ساتھ سی پیک کی تکمیل کی جانب سفر جاری رکھے ہوئے ہیں جو لائق تحسین ہے۔
انہوں نے کہا کہ گوادر پورٹ کا عملی آغاز ملکی ترقی کی جانب ایک اہم پیش رفت ہے۔جس پر پوری قوم مبارکباد کی مستحق ہے۔سی پیک منصوبے میں گلگت بلتسان کے عوام کو نظر اندازکرنے کی کوشش اس کی افادیت کو متاثر کرنے کے ساتھ ساتھ پاکستان کی اس اکثریت آبادی کے لیے مایوسی کا باعث بنے گی جن کا تحریک پاکستان سے قیام پاکستان تک اہم اور نمایاں کردار رہا ہے۔دہشت گردی کے حوالے سے دونوں رہنماؤں نے بات چیت کرتے ہوئے کہا کہ نیشنل ایکشن پلان کے تمام نکات پر عمل درآمد کے ذریعے اس ناسور کو جڑ سے اکھاڑا جا سکتا ہے۔دہشت گردوں عناصر کی پشت پناہی ملک کی کالعدم مذہبی جماعتیں کر رہی ہیں۔جب تک ان سہولت کاروں کے خلاف کاروائی نہیں کی جاتی تب تک امن و امان کا قیام ممکن نہیں اوراس پر ملک کی تمام معتدل اور ہم خیال قوتوں کا موقف بالکل واضح اور شفاف ہے ۔فیصل کریم کنڈی نے مجلس وحدت مسلمین کے کردار کو سراہتے ہوئے کہا کہ پاکستان میں شیعہ سنی اتحاد و اخوت کے لیے اس جماعت کی کاوشیں لائق تحسین ہیں۔اپنے حقوق کی لیے انہوں نے ہمیشہ آئین و قانون اوراقدار کی پاسداری کی۔انہوں نے قائد وحدت علامہ ناصر عباس جعفری کی ہمشیرہ محترمہ کے انتقال پر تعزیت کا بھی اظہار کرتے ہوئے مرحومہ کی بلندی درجات اور پسماندگان کے لیے صبر کی دعا کی ۔
وحدت نیوز(جھنگ)مجلس وحدت مسلمین کے مرکزی سیکریٹری امور سیاسیات سید اسد عباس نقوی کی سربراہی میں ایم ڈبلیوایم کی مرکزی پولیٹیکل کونسل کے اراکین پر مشتمل وفد نے سابق رکن قومی اسمبلی شیخ وقاص اکرم سے ان کی رہائش گاہ پر ملاقات کی، جس میں دوطرفہ دلچسپی کے امور سمیت حلقہ PP-78جھنگ میں ہونے والے حالیہ ضمنی انتخاب کے حوالے سے تفصیلی بات چیت ہوئی ،اس موقع پر ایم ڈبلیوایم کی پولیٹیکل کونسل کے رکن آصف رضا ایڈووکیٹ ، سید شہریار اور حسن رضا کاظمی سمیت دیگر بھی موجود تھے۔
وحدت نیوز (جھنگ) مجلس وحدت مسلمین کے مرکزی وصوبائی قائدین نے ضلع جھنگ میں تنظیمی ڈھانچے کی اسرنو تشکیل کے لئے جنرل باڈی اجلاس طلب کیا، اجلا س میں مرکزی سیکریٹری امور سیاسیات سید اسد عباس نقوی ، صوبائی سیکریٹری جنرل علامہ مبارک موسوی، ڈپٹی سیکریٹری جنرل آغا ملازم حسین شاہ ، ڈاکٹرافتخار حسین نقوی ، صوبائی سیکریٹری امور سیاسیات سید حسن کاظمی اور سید شہریارنے خصوصی شرکت کی ، علامہ مبارک موسوی نے علامہ اظہرحسین کاظمی کی طبیعت کی ناسازی کے باعث ان کا استعفیٰ قبول کرتے ہوئے سردار انتخاب خان بلوچ کی سربراہی میں بانچ رکنی ضلعی آرگنائزنگ کمیٹی کا اعلان کردیا جس میں عمائدین اور سابقہ ضلعی کابینہ کے اراکین شامل ہیں ، قائدین نے ضلعی آرگنائزنگ کمیٹی کے اراکین اور صوبے کی جانب سے آغازملازم شاہ ، سید حسن کاظمی اور مظاہر شگری پر مشتمل آٹھ رکنی کمیٹی کا بھی اعلان کیا جوکہ جھنگ PP-78میں ہونے والے حالیہ ضمنی انتخاب کے حوالے سے تنظیمی حکمت عملی مرتب کرے گی جس کا جلد اعلان کیا جائے گا۔
وحدت نیوز (نجف اشرف) اسلامی جمہوریہ ایران کے ممتاز شیعہ عالم دین نے کہا ہے کہ اربعین کا پیدل مارچ اسلام کی سیاسی طاقت کی نمائش ہے۔ نیوز نورکی رپورٹ کے مطابق اسلامی تمدن ریسرچ انسٹی ٹیوٹ کے انچارج ’’حجت الاسلام سید محمد حسین متولی امامی‘‘ نے اربعین کے پیدل مارچ کےعظیم اجتماع کی طرف اشارہ کرتے ہوئے کہا کہ ہم اگراربعین کے پیدل مارچ کوزیارت کے بجائے ایک اہم ثقافتی اورتمدنی واقعہ کے عنوان سے دیکھیں تو ہم بخوبی سمجھ جائیں گے کہ یہ حسینی اجتماع فقط زیارت کے لیے نہیں ہے بلکہ اس کے مختلف پہلو ہیں۔
انہوں نے کہا کہ روایات میں زیارت اربعین کے بارے میں آیا ہےکہ یہ مومن کی علامات میں سے ایک علامت ہے بنابریں زیارت اربعین کا یہ مقام بین الاقوامی سطح پرانسانیت کے لیے ایک عظیم پیغام رکھتا ہے۔ حجت الاسلام متولی امامی نےبین الاقوامی سطح پراسلامی انقلاب کے تسلسل کو اربعین کےاس عظیم الشان اجتماع کا ایک سیاسی پہلو قراردیتے ہوئے کہا کہ اسلامی انقلاب امام معصوم کی مرکزیت میں عالم اسلام کے مختلف فرقوں کو ایک مقام پرجمع کرنے میں کامیاب ہوگیا ہے، اس اجتماع کا سیاسی پیغام عالم اسلام کی وحدت اورمادی ،سیکولراور لیبرل تفکر کے مقابلے میں مختلف ملتوں کےمحاذ کا قیام ہے۔
انہوں نے اس عظیم الشان اجتماع کو داعش جیسے تکفیری گروہوں کہ جنہوں نے اسلام کے نام پر قتل و غارت گری کا بازار گرم کررکھا ہے اور استعماری طاقتوں بالخصوص امریکہ کی خطے میں موجودگی کے مقابلے میں ایک سیاسی اورعسکری پیغام قراقر دیا ہے۔ انہوں نےقرآن کریم کی آیت ’’عَدُوَّ اللَّهِ وَعَدُوَّكُم‘‘ کا حوالہ دیتے ہوئے کہا کہ اربعین کا یہ عظیم الشان اجتماع مغربی معاشروں اورتکفیری گروہوں کےمقابلے میں اسلامی معاشرے کی حمایت کی علامت ہے۔
موصوف عالم دین نے اربعین کے پیدل مارچ کے معاشی پہلو کی طرف اشارہ کرتے ہوئے کہا کہ اسلامی معاشرہ بغیرکسی لالچ کےاس عظیم الشان اجتماع میں اپنی پوری زندگی کو امام حسین علیہ السلام کے زائرین کے لیے وقف کردیتا ہےکہ جو اشتراکیت سسٹم کےمخالف ہے۔ انہوں نےاربعین کے پیدل مارچ کے بعض روحانی پہلووں کی طرف اشارہ کرتے ہوئےکہا کہ اس راستے میں زائرقدم بقدم حرم مطہر سید الشہداء علیہ السلام کی جانب حرکت کرتا ہے اورہرلمحہ اپنے آپ کو بلند مرتبے پردیکھتا ہے۔
واضح رہے کہ اربعین کی مناسبت سےلاکھوں افراد کا پیدل مارچ عالم اسلام کےامام معصوم علیہ السلام کےساتھ اتصال کے لیے بین الاقوامی سطح پراسلامی انقلاب کی طاقت کا ایسا غماز ہے کہ جسے سیاسی اسلام مختلف اقوام ، تہذیبوں اورگروہوں کو ایک روحانی نقطے پرجمع کرنے میں کامیاب ہوگیا ہے۔
وحدت نیوز(گلگت) کالعدم جماعتوں کی حمایت سے برسر اقتدار آنے والے رکن اسمبلی کو حق نہیں پہنچتا کہ وہ دوسروں پر بے بنیاد الزامات لگائیں۔حکومت کی تعصب پر مبنی فیصلوں سے عوام سڑکوں پر آئے ہیں اور کسی مذہبی جماعت نے انہیں سڑکوں پر نہیں لایا ہے۔
اراکین گلگت بلتستان قانون اسمبلی حاجی رضوان علی اور کیپٹن محمد شفیع نے کہا ہے کہ اسلامی جمہوریہ پاکستان میں مذہبی پروگرامات پر پابندی اس ملک کے آئین کے منافی اور اسلام دشمن اقدامات ہیں،صوبائی حکومت تعلیمی اداروں میں مذہبی پروگرامات پر پابندی لگاکر دنیا کو کیا پیغام دینا چاہتی ہے جبکہ یہ مملکت اسلام کے نام پر معرض وجود میں آئی ہے۔سو فیصد مسلم آبادی والے خطے میں نوجوان نسل کو اسلام سے دور کرکے نہ تو امن قائم ہوسکتا ہے اور نہ ہی دہشت گردی پر قابو پایا جاسکتا ہے۔
دونوں رہنمائوں نے ڈپٹی سپیکر کے بیان کو مضحکہ خیز قرار دیتے ہوئے کہا کہ مظاہرین کے پرامن دھرنا اس بات کا ثبوت ہے کہ ہم نے کوئی اشتعال انگیز تقریر نہیں کی اور نہ ہی ہم اشتعال انگیزی اور بدامنی کے خواہاں ہیں۔یوم حسین پر پابندی سے نواز لیگ بے نقاب ہوچکی ہے اس کی سوچ کالعدم جماعتوں کی سوچ ہے اور ان کی فکر تکفیری ہے۔انہوں نے کہا کہ نواز لیگ عوام کی نمائندہ جماعت نہیںاور نہ ہی انہیں عوام کی تکالیف و مشکلات کا کوئی خیال ہے۔ہم حقیقی معنوں میں عوام کے حقوق کی ترجمانی کرتے ہیں جہاں عوام ہوگی وہاں ہم ہونگے ،ذاتی مفادات کیلئے ہم عوام سے الگ نہیں رہ سکتے ہمارا مرنا جینا انہی عوام کے ساتھ ہے۔انہوں نے کہا کہ نواز لیگ کے کسی نمائندے کوابھی تک یہ توفیق نصیب نہیں ہوئی کہ اس سردی کے موسم میں دھرنے میں بیٹھے عوام کا سامنا کرسکے۔
انہوں نے کہا کہ حکومت مسئلے کے حل میں قطعاً سنجیدہ نہیں اور اگر حکومت سنجیدہ ہوتی تو حکومتی اراکین پارلیمانی کمیٹی کے اجلاس میںشریک ہوتے اور مسئلے کا کوئی حل تلاش کرلیتے۔حکومت کے رویے سے ایسا لگ رہا ہے کہ علاقے کے امن میں خلل ڈال دیا جائے اور الزام مذہبی جماعتوں پر ڈال دیا جائے۔یاد رکھیں کہ ہم ایسا ہرگز نہیں ہونے دینگے مسئلے کے حل میں حکومت جتنی دیر کرے گی اسی حساب سے اس کی مقبولیت کا گراف گرتا جائیگا۔
وحدت نیوز(نجف اشرف) سربراہ مجلس وحدت مسلمین پاکستان قائد وحدت حضرت علامہ راجہ ناصر عباس جعفری حفظ اللہ کارکنان وحدت اور دیگر مومنین کےقافلے کے ہمراہ ۱۵ صفرالمظفر بعد از ظہرین حرم امام علی (ع) نجف اشرف سےکربلا ئے معلیٰ کی جانب چہلم شہدائے کربلا میں شرکت کیلئے پیدل سفر کا آغاز کرینگےاور روز اربعین حرم مطہر سید الشہداءامام حسینؑ میں پاکستانی وفد کے ہمراہ حاضری دیں گےاورپرسہ داری کریں گے، مجلس وحدت مسلمین کے مرکزی سیکریٹری امور خارجہ علامہ ڈاکٹر سید شفقت حسین شیرازی نے وحدت نیوزسے گفتگو کرتے ہوئے کہا کہ الحمد اللہ اس برس مجلس وحدت مسلمین شعبہ امور خارجہ کی جانب سے اربعین حسینی ؑ میں شرکت کیلئے نجف تا کربلا پاپیادہ عازم سفر ہونے والے زائرین کرام کی سہولت کے لئےنجف سے کربلا کے راستے میں پول نمبر1120پر موکب شہدائے پاکستان قائم کیا گیا ہے ، جو کہ 14تا19صفر المظفر تک قائم رہےگا،جس میں زائرین شہدائے کربلا ؑکیلئے تصویری نمائش گاہ،قیام وطعام،علمائے کرام سے ملاقات، علمائے کرام سے سوال وجواب،ثقافتی اشیاءکی تقسیم اور دیگر سہولیات فراہم کی جائیں گی۔جب کہ مجلس وحدت مسلمین کے مرکزی سیکریٹری جنرل علامہ راجہ ناصرعباس جعفری بھی اس موکب کا خصوصی دورہ کریں گے اور زائرین گرامی قدرسے خطاب کریں گے۔
