وحدت نیوز (اسلام آباد) وزیر اعظم پاکستان وچیئرمین پاکستان تحریک انصاف عمران خان کی خصوصی ہدایت پر تحریک انصاف اور مجلس وحدت مسلمین کی اعلیٰ سطحی جوائنٹ کوآرڈینیشن کمیٹی قائم ۔کمیٹی کے قیام کا مقصد قومی و ملکی اہداف کے حصول کے لئے حکومت پاکستان کو تجاویز دینااور مشترکہ اہداف کے حصول میں رکاوٹوں کو دور کرنے کے لئے عملی اقدامات کرنا ہیں ۔جوائنٹ کوآرڈینیشن کمیٹی میں تحریک انصاف کی جانب سے وزیر اعظم کے معاون خصوصی نعیم الحق ،وفاقی وزیر برائے پورٹ اینڈ شیپنگ علی حیدر زیدی اور ایڈیشنل سیکرٹری جنرل تحریک انصاف اعجاز چوہدری شامل ہیں جبکہ مجلس وحدت مسلمین کی جانب مرکزی ڈپٹی سیکرٹری جنرل سید ناصر عباس شیرازی ایڈووکیٹ ،سیکرٹری سیاسیات سید اسد عباس نقوی اور معاون سیکرٹری سیاسیات محسن شہریار شامل ہیں ،سربراہ مجلس وحدت مسلمین پاکستان علامہ راجہ ناصر عباس جعفری نے اس اعلیٰ سطحی کوآرڈینیشن کمیٹی کے قیام کو خوش آئند قرار دیتے ہوئے امید ظاہرکی کہ مشترکہ اہداف کے حصول کی پیشرفت میں یہ کمیٹی اہم کردار ادا کرےگی۔

وحدت نیوز (اسلام آباد) گلگت بلتستان کونسل کے رکن اور مسلم لیگ ن گلگت بلتستا ن کےترجمان حاجی اشرف صدانے مجلس وحدت مسلمین پاکستان کے مرکزی سیکریٹریٹ کا دورہ کیا، اس موقع پرانہوں نے ایم ڈبلیوایم کے مرکزی پولیٹیکل سیکریٹری اسدعباس نقوی،مرکزی ڈپٹی پولیٹیکل سیکریٹری محسن شہریار، ایم ڈبلیوایم گلگت بلتستان کے سیکریٹری جنرل آغا علی رضوی ، ڈپٹی سیکریٹری جنرل آغا احمد علی نوری اور مرکزی ڈپٹی سیکریٹری تنظیم سازی آصف رضا ایڈووکیٹ سے ملاقات کی  رہنمائوں کے درمیان گلگت بلتستان کے آئینی حقوق کے حوالے سے تفصیلی بات چیت ہوئی اور اس بات پر اتفاق کیا گیاکہگلگت بلتستان قانون ساز  اسمبلی کے قراداد کے روشنی میں جی بی کو آئینی صوبہ بنانے کے لئے بھر پور کردارادا کرینگے۔

وحدت نیوز(لاہور) تحریک وحدت اسلامی کے زیر اہتمام لاہور کے مقامی ہوٹل میں *پیام پاکستان کانفرنس* کا انعقاد،کانفرنس میں مختلف مکاتب فکر کے علماء و مشائخ عظام نے شرکت کی مجلس وحدت مسلمین پاکستان کے مرکزی سیکرٹری سیاسیات سید اسد عباس نقوی نے پیام پاکستان کانفرنس سے خطاب کرتے ہوئے کہا کہ پاکستان میں امن و امان کے لئے دہائیوں سے کام کر رہے ہیں جنہوں نے لاشوں پر کھڑے ہوکر وطن عزیز میں امن کا پیغام دیا جنہوں نے اپنے پیاروں کی ہزاروں لاشوں کو اٹھایا لیکن امن امان خراب کرنے کی اجازت نہیں دی یہ انکی محنتوں کا صلہ ہے کہ آج *پیام پاکستان* کی شکل میں ایک متفقہ اور مشترکہ بیانیہ اس قوم کے پاس موجود ہے،اس سے پہلے بھی اس ملک میں وطن دشمن تکفیریوں کے خلاف آپریشن ضرب عضب شروع ہوا ساتھ ہی نیشنل ایکشن پلان کا اعلان ہوا اور نیشنل ایکشن پلان کے نتیجے میں جہاں کچھ فوائد ہوئے وہاں اداروں اور حکومتی صفوں کے اندر چھپی ہوئی کالی بھیڑوں نے اس نیشنل ایکشن پلان کو ملک دشمنوں کیخلاف استعمال کرنے کے بجائے دہشتگردی سے متاثرہ محب وطن لوگوں کو بھی بیلنس پالیسی کے تحت یا تو پابند سلاسل کیا گیا یا جبری گمشدگان میں انکے نام آگئے۔

انہوں نے مزید کہاکہ پیام پاکستان کا بیانہ نہایت احسن اقدام ہے جس پر آج اس سٹیج پر بیٹھے علماء و مشائخ میں سے اکثریت کے دستخط ہیں،لیکن اس موقع پر ہمیں ہوشیار رہنے کی ضرورت ہے کہ وہ ہمارا دشمن جس نے اس ملک میں آگ و خون کی ہولی کھیلی وہ آج پیام پاکستان کے پیچھے چھپنا چاہتا ہے،کس شخص یاکسی شخصیت کو یہ حق نہیں پہنچتا کہ وہ پیام پاکستان کی آڑ میں ہزاروں بے گناہ شہداء کے پاکیزہ لہو کیساتھ غداری کرے وہ پیام پاکستان کی آڑ میں ذاتی مفادات کو حاصل کرنے خاطر دہشتگردوں کو معاف کرے،اس حق نہ کسی ادارے کو ہے نہ حکومت یا کسی شخصیت کو اس بیانیے کے روح پر عمل اسی صورت ممکن ہیں کہ جن حالات کے سبب اس مشترکہ بیانیہ کو بنانے کی ضرورت پیش آئی اور ان لوگوں کی وجہ سے حالات اس نہج پر پہنچا ہے ان لوگوں کو کٹہرے میں کھڑا ہونا چاہیئے،اور ان کو قرار واقعی سزا ملے تب تو یہ بیانیہ آنے والی نسلوں کے لیے کا آمد ہے اور اس نتیجے میں امن کا پیغام عام ہوگا لیکن اسی بیانیے کی آڑ میں اگر قاتل دندناتے پھر رہے ہوں قاتل معزز ہوگئے ہوں اور غداروں کو شلٹر دیا جا رہا ہو تو ہمیں یہ سمجھ لینا چاہیئے کہ یہ بیانیہ محض ایک کتاب کے مسودے کے سوا کچھ نہیں،دہشتگردی سے پاک پاکستان کے لئے ضروری ہے کہ اس پیام پاکستان کی روح پر عمل کیا جائے،دہشتگردوں کے سرپرستوں تکفیریت اور شدت پسندی کے بانیوں اور مفاد پرستوں کو پروٹوکول نہیں قانون کے کٹہرے میں کھڑا کر کے انہیں نشان عبرت بنایا جائے تاکہ اس دہشتگردی کے ناسور سے اس قوم کو مستقل نجات مل سکے۔

وحدت نیوز(ملتان) مجلس وحدت مسلمین جنوبی پنجاب کا دو روزہ تنظیمی وتربیتی اجلاس صوبائی شوریٰ سبزہ زار کالونی میںعلامہ سید اقتدار حسین نقوی کی زیرصدارت جاری ہے، اجلاس میں ایم ڈبلیو ایم کے مرکزی قائدین کی شرکت اور خطابات، تفصیل کے مطابق اجلاس میں جنوبی پنجاب بھر کے تمام اضلاع کے سیکرٹری جنرل اور رہنما شریک ہیں، تمام اضلاع اپنی اپنی کارکردگی رپورٹ پیش کریں گے، اجلاس میں خصوصی طور پر مجلس وحدت مسلمین پاکستان کے مرکزی ڈپٹی سیکرٹری جنرل سید ناصر عباس شیرازی، مرکزی سیکرٹری سیاسیات سید اسد عباس نقوی، مرکزی سیکرٹری یوتھ علامہ ڈاکٹر یونس حیدری، معاون سیکرٹری تنظیم سازی آصف رضا ایڈووکیٹ شریک ہیں۔

اجلا س سے خطاب کرتے ہوئے ایم ڈبلیو ایم کے رہنمائوں کا کہنا تھا کہ بھارت مسلسل انسانی حقوق کی پامالی کررہا ہے، پاکستان اس وقت فیصلہ کن موڑ پر کھڑا ہے، ہمیں دشمن بنانے کی بجائے دوستوں کی ضرورت ہے، حکومت عوام سے کیے گئے اپنے وعدوں کو پورا کرے، ہتھکڑیوں میں جکڑے ایک اُستاد کی موت پوری قوم کے لیے افسوسناک ہے، اس وقت کرپٹ افراد کے خلاف گھیرا تنگ کیا جارہا ہے لیکن احتساب بلاتفریق کیا جائے، عوام کے مسائل جوں کے توں ہیں ۔

 دوسری جانب مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس بھی ملتان پہنچ گئے ہیں ، علامہ راجہ ناصر عباس جعفری دورہ ملتان کے دوران مختلف تقاریب سے خطاب کریں گے، وہ سورج میانی ملتان میں ڈپٹی سیکرٹری جنرل سلیم عباس صدیقی کی والدہ کے انتقال پر اظہار تعزیت کریں گے، سہہ پہر 4بجے ملتان میں دیگر عمائدین ، مذہبی جماعتوں کے رہنمائوں کے ساتھ مشترکہ پریس کانفرنس کریں گے۔

وحدت نیوز(لاہور) اتحاد امت مصطفی کے زیر اہتمام بسلسلہ جشن میلاد مصطفی صلی علیہ وآلہ وسلم کانفرنس کا اہتمام کیا گیا جس میں تمام مسالک کے علما و مشائخ نے بھرپور شرکت کی،جس میں جمعیت علمائے پاکستان نیازی کے سربراہ پیر سید معصوم حسین نقوی،ایم پی اے جلیل شرق پوری،مہمان خصوصی پاکستان تحریک انصاف کے ایڈیشنل سیکرٹری جنرل اعجاز چوہدری،مجلس وحدت مسلمین پاکستان کے مرکزی سیکرٹری سیاسیات سید اسد عباس نقوی،کل مسالک علماء بورڈ کے چیئرمین مخدوم عاصم حسین،مفتی شبیر انجم،مجلس وحدت مسلمین پنجاب کے سیکرٹری جنرل علامہ مبارک موسوی،سیکرٹری جنرل ایم ڈبلیو ایم لاہور علامہ حسن ھمدانی،پیر حبیب آستانی سندر شریف،سید ایاز ھماشمی چئیرمین علما مشائخ کونسل پاکستان،الحاج سائیں محمد طفیل چشتی،پروفیسر ذولفقار احمد نقشبندی،مولانا محمد افضل حیدری علما ونگ پاکستان تحریک انصاف لاہور،مفتی محمد طاہر شریف ناظم اعلیٰ مرکزی جماعت اہلسنت لاہور،علامہ محمد حسین گولڑوی،سید نوبہارشاہ،عطا محمد گولڑوی،مفتی عبد الرحمن،ڈاکٹر شریف عالمی سیرت اکیڈمی،علامہ منیر احمد نو شاہی،مفتی عاشق حسین،میاں محمد اسحاق،سردار محمد ڈوگر سیفی، علامہ اصغر عارف چشتی،سردار بدر منیر مجددی، سمیت کثیر تعداد میں علماء و مشائخ نے شرکت کی ۔

کانفرنس میں علمائے کرام و مشائخ عظام نے سیرت طیبہ پر عمل کرتے ہوئے اتحاد امت پر عمل پیرا ہونے کی ضروت پر زور دیتے ہو کہا کہ حضور سرور کائنات صلی علیہ وآلہ وسلم کی تعلیمات پر عمل کرتے ہوئے ہمیں متحد ہونا ہو گا اور اسلام دین محمدی صلی علیہ وآلہ وسلم کو درپیش چلیجز کا مقابلہ کرنا ہوگا، تکفیریت اسلامی معاشرے کے لئے زہر قاتل ہے اس کیخلاف علماء کو دو ٹوک فیصلہ دینا ہوگا کسی بھی مسلمان فرقے کیخلاف تکفیر کرنے والے نہ صرف وطن عزیز کے دشمن ہیں بلکہ اسلام کے روشن ماتھے پر ایک بد نما داغ ہیں،ناموس رسالت صلی علیہ وآلہ وسلم پر ہماری جانیں قربان لیکن اس کے آڑ لے کر سیاسی مفادات حاصل کرنے اور شدت پسندی کو ہوا دینے کی اجازت نہیں دینگے،ہم ناموس رسالت صلی علیہ وآلہ وسلم کا بھرپور دفاع کرینگے،لیکن اس پاکیزہ مشن کو سیاسی مقاصد کے لئے استعمال میں ہونے دینگے،ہم پاکستان میں دشمن کے آلہ کار بن کر اداروں کو کمزور کرنے کی کس بھی سازش کو کامیاب نہیں ہونے دینگے،پاکستان کی نظریاتی و جغرافیائی سرحدوں کی حفاظت کرینگے،علمائے کرام نے اس عزم کا اظہار بھی کیا کہ ہم اتحاد امت کے لئے متحد ہیں اور کسی بھی قسم کی گروہ وارانہ سازش کو کامیاب نہیں ہونے دینگے،ہم تمام مزاہب و مسالک کے علماء آج متحد ہو کر یہ عہد کرتے ہیں معاشرے سے شدت پسندی و عدم برداشت کے فضا کو ہمیشہ کے لئے ختم کرنے کی جدو جہد کو تیز کرینگے اور اتحاد امت اور تکفیریت کے خلاف کسی بھی قربانی سے دریغ نہیں کریں گے۔

وحدت نیوز(لاہور) مجلس وحدت مسلمین کے مرکزی و صوبائی رہنماؤں اور مرکزی صدر امامیہ اسٹوڈنٹس آرگنائزیشن پاکستان کی چیئرمین امامیہ آرگنائزیشن کی جبری گمشدگی کے بعد بخیر و عافیت بازیاب ہونے پر انکی رہائش گاہ پر ملاقات.مجلس وحدت مسلمین پاکستان کے مرکزی سیکرٹری سیاسیات سید اسد عباس نقوی، سیکرٹری جنرل پنجاب علامہ مبارک موسوی، سیکرٹری عزاداری کونسل پنجاب سید خرم نقوی اور آئی.ایس.او پاکستان کے مرکزی صدر برادر عنصر مہدی نے سید رضی شمسی چیئرمین امامیہ آرگنائزیشن پاکستان سے انکی رہائش گاہ پر ملاقات کی. گزشتہ ماہ سید رضی شمسی کو اسلام آباد سے جبری اغواء کر لیا گیا تھا بفضل خدا خیر و عافیت کے ساتھ سید رضی شمسی اپنے گھر پہنچ گئے ہیں، انکی بازیابی کیلئے کی جانے والی تحریک میں مکمل تعاون پر سید رضی شمسی اور انکے خانوادے نے مجلس وحدت مسلمین اور آئی.ایس.او پاکستان کا شکریہ ادا کرتے ہوئے کہا کہ مشکل کی اس گھڑی میں ملت کی نمائندہ جماعتوں نے ہمارا ساتھ دے کر علامہ راجہ ناصر عباس جعفری کے قول کو ثابت کیا کہ ہم ہر مظلوم کے حامی ہیں اور ہر ظالم کے خلاف ہیں۔

Page 1 of 8

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree