وحدت نیوز(سرگودھا) مجلس وحدت مسلمین اورآئی ایس او ساہیوال سرگودھاکے زیر اہتمام  سانحہ پشاور خلاف احتجاجی ریلی نکالی گی جس میں کثیر تعداد میں عوام نے شرکت کی ریلی امام بارگاہ حسین آباد سے شروع ہوئی اور لاری اڈا پر اختتام پذیرہوئی، شرکائے ریلی نے طالبان مردہ باد، امریکہ مردہ باد، دہشت گردی مردہ بادکےنعرے لگائے  جبکہ مولانا اسد رضا قمی مولانا حافظ مطیع الحسنین اور  سید انتخاب شاہ نے خطاب کرتے ہوئے سانحہ پشاور کو انسانی تاریخ کا سفاک ترین سانحہ قرار دیتے ہوئے اسلام دشمن ، تعلیم دشمن طالبان اور ان کے حمایتیوں کی پر زور الفاظ میں مذمت کی۔

وحدت نیوز (اسکردو) مجلس وحدت مسلمین پاکستان بلتستان اور امامیہ سٹوڈنٹس آرگنائزیشن پاکستان بلتستان ڈویژن کے زیراہتمام پشاور میں دہشتگردوں کی جانب سے آرمی پبلک سکول میں وحشیانہ حملے کے خلاف ایک احتجاجی ریلی حسینی چوک اسکردو سے یاد گار شہداء اسکردو تک نکالی گئی۔ احتجاجی ریلی یادگارشہدا اسکردو پر ایک احتجاجی جلسے کی صورت اختیار کر گئی۔ احتجاجی جلسے سے مجلس وحدت مسلمین بلتستان ڈویژن کے سیکرٹری جنرل علامہ آغا علی رضوی، شیخ محمد حسن جوہری، سید طاہر موسوی اور آئی ایس او بلتستان ڈویژن کے صدر عاطف حسین موسوی نے خطاب کیا۔ مقررین نے سانحہ پشاور کی شدید مزمت کی اور اس المناک واقعہ کو سکیورٹی اداروں اور حکومت کی ناکامی قرار دیا۔ مقررین نے اپنے خطاب میں کہا کہ سانحہ پشاور دہشتگردوں اور تکفیری مسلح جماعتوں کے خلاف ٹھوس بنیادوں پر آپریشن نہ کرنے اور دہشتگرد جماعتوں کی حکومتی پشت پناہی کا نتیجہ ہے۔ پاکستان کی موجودہ حکومت اس المناک اور افسوسناک سانحہ کے بعد حق حکمرانی کھو چکی ہے۔ پاکستان آرمی وطن عزیز پاکستان کی سلامتی کے ضامن ہے انہیں دہشتگردوں کے خلاف ملک گھیر بے رحم آپریشن کرنے کی ضرورت ہے۔ یہ مٹھی بھر دہشت گرد جماعت جو نہتے بچوں پر بزدلانہ حملہ کرکے رعب جمانا چاہتی ہے حقیقت میں بہت کمزور اور بزدل ہے۔ انکا گھیرا تنگ نہ کیا گیا تو وطن عزیز پاکستان میں عراق جیسی صورتحال بن سکتی ہے۔ اگر ابتدا سے ہی ان بزدلوں، اسلام دشمنوں، پاکستان دشمنوں، انسانیت دشمنوں کے خلاف پاکستان آرمی اٹھ کھڑی ہوتی تو یہ دن دیکھنا نہ پڑتا۔ دہشتگرد تنظیمیں آستین کے سانپ ہیں جہاں مل جائے ان کے سر کچل دینا ضروری ہے کیونکہ ڈسنا انکی فطرت ہے۔

مقررین نے کہا کہ تمام دہشتگرد جماعتیں ضیاء الحق کی منحوس پالیسیوں کا نتیجہ ہے اور موجودہ وفاقی حکومت اسی آمر طالبان کے بانی دہشتگردوں کے بانی کی گود کا پلا ہے۔ وفاقی حکومت ان دہشتگردوں کے خلاف نہ صرف آہنی ہاتھوں سے نمٹ نہیں سکتی بلکہ ان کے خلاف بیان دیتے ہوئے بھی ہچکچاتی ہے۔ پاک فوج نے وفاقی حکومت کو اعتماد میں لیے بغیر آپریشن ضرب عضب کا آغاز کر کے بہت اچھا فیصلہ کیا اور نون لیگ اور ان کے ہمنوا کبھی آپریشن کرنے نہیں دیتی بلکہ مذاکرات کا مذاق کرتے رہتے۔ ان تمام دہشتگردوانہ واقعات میں ان تمام سیاسی پارٹیاں بری الذمہ نہیں جنکے سائے میں دہشتگرد جماعتیں پلتی ہیں اور انکی پشت پناہی ہوتی ہیں۔وہ تمام سیاسی جماعتیں جنہوں نے طالبان کو بے گناہ ثابت کرنے کی کوشش کی تھی انکو کوئی حق نہیں کہ آج اس سانحہ کی مزمت کریں اور ان پارٹیوں کو بھی کوئی حق بولنے کا نہیں جنہوں نے دہشتگردوں کے خلاف آپریشن کی مخالفت کی اور یہ دہشتگرد ٹولے مضبوط ہوگئے۔ دہشتگردوں کے خلاف آپریشن میں اور پاکستان کی حفاظت کے لیے ہم پاکستان آرمی کے شانہ بشانہ ہیں۔ پاکستان آرمی کو دہشتگردوں کے خلاف ڈٹ جانا چاہیے اور ملک گھیر آپریشن ناگزیر ہو چکا ہے۔

وحدت نیوز(پشاور) مجلس وحدت مسلمین اور امامیہ اسٹوڈنٹس آرگنائزیشن کے زیراہتمام لیہ میں سانحہ پشاور کیخلاف ریلی نکالی گئی، جس میں پاکستان عوامی تحریک کے رہنماوں، طلباء، علمائے کرام اور مختلف شعبہ ہائے زندگی سے تعلق رکھنے والے افراد نے بھرپور شرکت کی، ریلی سے ایم ڈبلیوایم کے ضلعی رہنماء سید سرورحسین شاہ، علامہ آغا حسین، پاکستان عوامی تحریک کے رہنماء نذر حسین اور آئی ایس او کے ڈویژنل صدر رضوان جعفری نے خطاب کیا۔ ریلی کا آغاز کالج چوک سے ہوا، اور شرکاء نواز حکومت، دہشتگردوں اور خیبر پختونخواحکومت کیخلاف نعرہ بازی کرتے ہوئے پریس کلب کے سامنے پہنچے، اس موقع پر مقررین کا کہنا تھا کہ دہشتگردی کے ناسور کو ملک سے اکھاڑ پھینکنے کا وقت آگیا ہے، پوری قوم کو متحد ہوکر ان ظالمان کا مقابلہ کرنا ہوگا، اگرطالبان دہشتگردوں کیساتھ مذاکرات کا ڈرامہ نہ رچایا جاتا تو پشاور سانحہ رونماء نہ ہوتا، ان کا کہنا تھا کہ آپریشن ضرب عضب کو پورے ملک تک وسعت دی جائے اور دہشتگردوں کو چن چن کر مارا جائے۔

وحدت نیوز(اسلام آباد) یوم القدس یوم شعائر اسلام ہے،امام خمینی کی سنہری یادوں میں سے ایک یاد یوم القدس ہے، یوم القدس عالمی استعمار کے خلاف سر بکف ہو نے کا دن ہے، مجلس وحدت مسلمین پاکستان ملک بھر میں یوم القدس اسلامی تشخص اور آبرو کے ساتھ منائے گی، یوم القدس کے پروگرامات کو حتمی شکل دے دی گئی ہے، ان خیالات کا اظہار مجلس وحدت مسلمین پاکستان کے مرکزی سیکریٹری سیاسیات ناصر عباس شیرازی ایڈووکیٹ نے مرکزی سیکریٹریٹ سے جاری اپنے بیان میں کیا۔

ان کا کہنا تھا کہ سالہائے گذشتہ کی نسبت اس سال یوم القدس انتہائی حساس اہمیت کا حامل ہے، غزہ ، عراق اور شام میں جاری انسانیت سوز مظالم تقاضہ کرتے ہیں کہ یوم القدس کو یوم حمایت مظلومین جہاں کی طور پر منایا جائے ، داعش امریکہ ، اسرائیل اور سعودیہ کی ایماء پر شیعہ سنی مسلمانوں کے قتل عام اور مقامات مقدسہ کی تباہی میں ملوث ہے، انشاء اللہ مجلس وحدت مسلمین پاکستان رہبر کبیر ، بت شکن زمان ، حضرت امام خمینی رضوان  اللہ تعالیٰ علیہ کے فرمان پر جمعتہ الوداع کو یوم القدس امت اسلامی کے اتحاد کے مظہر کے عنوان سے منائے گی، اس حوالے سے پروگرامات ترتیب دے دیئے گئے ہیں،مرکزی شعبہ اطلاعات کی جانب سے یوم القدس کی مناسبت سے پوسٹر کا اجراء کر دیا گیا ہے،  مختلف شہروں میں فلسطین سیمینار کانفرنسیں منعقد کی جائیں گی ،جبکہ آئی ایس او کے ساتھ ریلیوں میں بھر پو ر شرکت کی جائے گی۔

وحدت نیوز(لاہور) مجلس وحدت مسلمین پاکستان کے مرکزی سیکرٹری سیاسیات سید ناصرعباس شیرازی ایڈووکیٹ نے کہا ہے کہ دنیا میں دہشتگردی کے جتنے واقعات ہوئے ہیں کسی میں بھی ملت تشیع شامل نہیں۔ جن علاقوں میں ملت تشیع اکثریت میں ہے وہاں بھی امن قائم ہے۔ انہوں نے پاکستان کی مثال دیتے ہوئے کہا کہ گلگت، بلتستان، پاراچنار کوئٹہ جہاں بھی ملت تشیع اکثریت میں ہیں کسی سے لڑائی نہیں کی اور کسی کو ہم سے خطرہ نہیں ہے، لیکن اہم سوال یہ ہے کہ پھر بھی دنیا میں تشیع کو  ہی کیوں ٹارگٹ کیا جا رہا ہے۔ اسرائیل، امریکہ حتی تکفیری گروہ بھی ملت تشیع پر حملہ آور رہتا ہے۔ ایسا کیوں ہے؟ اس لئے کہ ان لوگوں کو تشیع سے وہی دشمنی ہے جو کسی زمانے میں حضرت موسی علیہ السلام سے فرعون کو تھی۔ دنیا میں صرف ایک مکتب ایسا ہے جس کے پاس آئیڈیالوجی ہے۔ جس کے پاس ایک نظریہ ہے، جو عملی طور پر میکنزم رکھتا ہے۔ جس کی بنیاد پر عملی طور پر اظہار کرکے ان عالمی طاقتوں کو شکست دی جا سکتی ہے۔ ان خیالات کا اظہار انہوں نے لاہور میں آئی ایس او کے زیراہتمام طلوع فجر تعلیمی کنونشن سے خطاب کرتے ہوئے کیا۔

سیکریٹری سیاسیات نے کہا کہ دنیا میں قائم تسلط ختم کیا جا سکتا ہے اور یہاں پر اس نظام کی راہ ہموار کی جا سکتی ہے۔ جس کے بارے میں خدا نے قرآن مجید میں وعدہ فرمایا ہے جس سے پوری دنیا پر عدل و انصاف کا پرچم بلند ہو گا۔ دنیا میں جو مکتب اس کا عملی نفاذ کر سکتا ہے وہ مکتب صرف محمد و آل محمد علیھم السلام کا مکتب ہے۔ ناصر عباس شیرازی نے طلباء سے مخاطب ہوتے ہوئے کہا کہ دنیا میں مضبوط ترین آئیڈیالوجی محمد و آل محمد کی آئیڈیالوجی ہے۔ اس آئیڈیالوجی کے ترجمان سرزمین پاکستان پر امامیہ طالبہ ہیں، پاکستان میں آپ کو خطرات درپیش ہیں۔ یہی وجہ ہے کہ ہمارے قتل عام پر نہ کوئی سیاسی پارٹی بولتی ہے نہ حکومت اور نہ ہی ریاستی ادارے بولتے ہیں۔ آرمی اپنے افراد کے قتل پر تو حرکت میں آتی ہے لیکن 100 افراد آپ کے شہید ہوتے ہیں تو کیوں حرکت میں نہیں آتی۔ ہم نے شہید حسینی کے اس خواب کی تعبیر کرنی ہے کہ پاکستان کی فیصلہ سازی کے اندر مکتب اہل بیت علیھم السلام کی شمولیت کے بغیر نہ تو اقتصادی فیصلے ہو سکیں اور نہ سیاسی فیصلے۔ شہید کے خواب کی تعبیر میں آئی ایس او پاکستان کے نوجوان بہتر رول پلے کر سکتے ہیں۔

وحدت نیوز(گلگت) یوم حسین (ع) پر تکفیری دہشت گردوں کی فائرنگ سے شہید ہو نے والے آئی ایس او کے کارکن ضمیرعباس کے خانوادے سے  مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری، مرکزی ڈپٹی سیکریٹری جنرل علامہ محمد امین شہیدی اور صوبائی سیکریٹری جنرل علامہ نیئرعباس مصطفوی نے تعزیت کی، اس موقع پر مقامی عمائدین بھی موجود تھے، قائدین نےشہید کے ایصال ثواب کے لئے فاتحہ خوانی کی اس کے بعد شہید کے لیے اپنی یاداشت لکھوائیں اور شہید کے اپنے ہاتھوں سےتحریر کردہ وصیت نامے کا مطالعہ بھی کیا۔آخر میں قائدین نے خانوادہ شہید کو دفاع وطن کنونشن میں شرکت کی دعوت دی۔بعد ازاں قائدین نے امام جمعہ سید عباس علی اور عابد حسین شاہ کے گھر جا کر انکے اہل خانہ سے تعزیت کا اظہار کیا ۔