وحدت نیوز (مظفرآباد) شہادت امام حسین ؑ میں ایسی حرارت جو کبھی دلوں کو ٹھنڈا نہیں ہونے دے گی، کربلا ایسا معجزہ حسینی کہ تا قیام قیامت اپنا درس دیتا رہے گا، انتظامیہ آزاد کشمیر بھر میں چہلم جلوسوں کے فول پروف سیکورٹی کا اہتمام کرے ، چہلم سید الشہداء ؑ شایان شان طریقے سے منایا جائے، عزادار رسولؐ گرامی قدر کو ان کے بیٹے کا پرسہ دیں گے، ان خیالات کا اظہار ریاستی سیکرٹری جنرل مجلس وحدت مسلمین پاکستان آزاد جموں و کشمیر علامہ سید تصور حسین نقوی الجوادی نے سلطان پور پٹھاناں میں مجلس عزا سے خطاب کے بعد معززین علاقہ سے ملاقات کے دوران کیا ، انہوں نے کہا کہ جب تک کائنات باقی ہے ذکر حسین جاری رہے گا، شہادت امام حسین ؑ مومنوں کے دلوں میں ایسی حرارت جو کبھی ٹھنڈا نہیں ہونے دے گی۔ کربلا ایسا معجزہِ حسین ؑ کہ تاقیام قیامت اپنا درس جاری رکھے گا۔ مظلوموں محروموں و محکوموں کو درس حریت دیتا رہے گا، کربلا میں چہلم امام حسین ؑ کے موقع پر دو کروڑ سے زائد افراد کا جمع ہونا اس بات کی واضح دلیل ہے کہ باطل جتنی کوششیں کر سکتا ہے کر لے ، جتنے حربے استعمال کر سکتا ہے کر لے ، لیکن رسول ؑ کے بیٹے کے ذکر کو کبھی نہیں دبا سکے گا۔ وہ کہ جس نے اسلام کی بقاء کے لیئے اپنی جان کا نذرانہ پیش کر دیا ، وہ کہ جس نے نیزے کی نوک پر بھی قرآن پڑھ کر لشکر یزید کو بتا دیا کہ تم زندہ رہ کر بھی مردہ باد ہو ہم سرکٹا کر بھی زندہ باد ہیں ، یزید کو داخل دشنام کا دیا، نام یزید گالی بن کر رہ گیا، نام حسین ؑ تا ابد زندہ باد ہو گیا۔ علامہ تصور جوادی نے کہا کہ اس سال بھی چہلم سید الشہدا ؑ بھرپور انداز میں منایا جائے گا، ملک بھر کی طر ریاست میں بھی چہلم کے جلوسوں کا انعقاد کیا جائے گا، جہاں عزادارن امام مظلوم ؑ رسول ؐ کو پرسہ پیش کریں گے، انتظامیہ فول پروف سیکورٹی انتظامات کرے ۔

وحدت نیوز (مظفرآباد) دہشت گردوں کا دین اسلام سے کوئی تعلق نہیں، اسلام امن و آشتی کا مذہب، دشمنان اسلام اس کا چہرہ مسخ کر رہے ہیں ،داعش ہو یا طالبان ، کوئی بھی شدت پسندگروپ اسلام کا خیر خواہ نہیں ، ان خیالات کا اظہار ریاستی سیکرٹری جنرل مجلس وحدت مسلمین پاکستان آزاد کشمیر علامہ سید تصور حسین نقوی الجوادی نے مجلس وحدت مسلمین آزاد کشمیر کی ریاستی کابینہ کے اجلاس سے خطاب کرتے ہوئے کیا ۔

انہوں نے کہا کہ پیرس میں دہشت گردی ، اسلام کو بدنام کرنے کی مذموم سازش ہے، داعش عالم اسلام کے لیے خطرہ ہے، ان کو گمراہ کہہ کر کھلی چھوٹ دینے والے آج سزا بھگت رہے ہیں ، اسلام قطعاً بے گناہ انسانوں کے قتل کی اجازت نہیں دیتا ، اور نہ ہی اس طرح سے اسلام نافذ کیا جاسکتا ہے، اسی لیے تو دشمن کہتا آیا کہ اسلام تلوار کے زور سے پھیلا، نہیں تلوار کے زور سے نہیں حضورؐ کے اخلاق و کردار سے پھیلا، آج دنیا میں جس اسلام کی تصویر پیش کی جارہی ہے تو حقیقی اسلام ہر گز نہ ہے ، اسلام تو امن والا محبت والادین ہے ، اسلام نام ہی سلامتی کا ہے، علامہ تصور جوادی نے کہا کہ مجلس وحدت مسلمین پیرس میں ہونے والی دہشت گردی کی بھرپور مذمت کرتے ہوئے متاثرہ خاندانوں کے ساتھ اظہار یکجہتی کرتی ہے ، کیوں کہ ہم جانتے ہیں ان سانحات کا درد کیا ہوتا ہے ، سب سے زیادہ مظلوم ہماری ملت ہے ، جو آئے روز ان وحشی درندوں کا شکار بنتی ہے، جو اسلام کے نام پر اپنے بنائے ہوئے دین کو مسلط کرنا چاہتے ہیں ، مملکت خداداد پاکستان کو عدم استحکام سے دوچار کرنا چاہتے ہیں ، پاکستان میں جاری ضرب عضب پاک فوج کا احسن اقدام ، نیشنل ایکشن پلان پر عمل درآمد ضروری ہے ، تا ہم نیشنل ایکشن پلان کی آڑ میں بعض قوتیں اپنے مخالف کو دبانے کے ہتھکنڈے سے باز آئیں ، اور مذاہب و مسالک کو آزاد ی کے ساتھ ان کی مذہبی عبادات کی ادائیگی کرنے دی جائے جو کہ ان کا بنیادی ترین حق ہے ، عزاداری سید الشہداؑ اور میلاد سید الانبیاء ؐ پر کسی قسم کی قدغن کو ہر گز برداشت نہیں کیا جائے گا۔ انہوں نے کہا کہ ہم مطالبہ کرتے ہیں کہ پاکستان سے ان وحشی درندوں کو ختم کرنے کے عمل کو تیز تر کیا جائے اور پورے ملک میں بغیر کسی تفریق کے ضرب عضب کو پھیلایا جائے ۔ تا کہ ملک کا چپہ چپہ ان سے اور ان کے ناپاک عزائم سے پاک ہو۔

وحدت نیوز (مظفرآباد) سانحہ منیٰ ، ذمہ داروں کا تعین بہر حال ضروری ہے، کعبۃ اللہ امت مسلمہ کی مشترکہ میراث ہے، دوران حج پیش آنے والے دو واقعات امت مسلمہ کو بے حد غمزدہ کر گئے ، شہید حاجیوں کا خون رائیگان نہ جانے دیا جائے، ان خیالات کا اظہار سیکرٹری جنرل مجلس وحدت مسلمین پاکستان آزاد کشمیر علامہ سید تصور حسین نقوی الجوادی نے وحدت ہاؤس میں آئے مختلف وفود سے گفتگو کرتے ہوئے کیا ، انہوں نے کہا کہ حکومت پاکستان کو شہدا کی میتوں کو واپس لانے میں جاندار کردار ادا کرنا چاہیے ، لاپتہ حاجیوں کے حوالے سے اقدامات کو تیز تر کرتے ہوئے لواحقین کی تسلی کے لیے اقدامات کرنے چاہیے ، سعودی عرب حکومت واقعات کا ذمہ دار حاجیوں کو ٹھہرانے کے بجائے واقعے کے ذمہ داروں کا تعین کرے ، اتنا بڑے مجمع کو کنٹرول کرنا ایک سائنس ہے ، اس کے لیے باقاعدہ انتظام و انصرام کی ضرورت ہے ، جس پر توجہ نہ دی گئی،افراد کی تربیت کا اہتمام نہ کیا گیا، جو کہ افسوس ناک امر ہے ، 1925میں آل سعود نے اصحاب کرامؓ، امہات المومنینؓ اور اہلبیت اطہارؓ کے مزارات منہدم کرکے جس قبیح فعل کی ابتدا کی تھی آج 2015میں بھی آل سعود اس کی ذمہ داری نہ قبول کرکے عالم اسلام کی آنکھوں میں دھول جھونک رہے ہیں ، عالم اسلام کو آل سعود کے اس طرز عمل کی طرف توجہ دینی چاہیے ، تا کہ اس طرح کے واقعات کی روک تھام کی جا سکے ۔ علامہ تصور جوادی نے مطالبہ کیا کہ حکومت پاکستان ٹھوس اقدامات کرتے ہوئے لازمی طور پر شہداء ، لاپتہ اور زخمیوں کی داد رسی کا اہتمام کرے ، اور سرکاری طور پر جانے والے خدام حج کی پرسش بھی کرے کہ وہ کس لیے بھیجے گئے تھے اور انہوں نے کیا کیا؟

وحدت نیوز (اسلام آباد) قائد شہید عارف حسینی کے پیغام امن کو گھر گھر پہنچائیں گے، شیعہ سنی وحدت کا پرچار کریں گے، ملک دشمنوں و اسلام دشمنوں کے سامنے کبھی نہیں جھکیں گے ، اتحاد بین المسلمین سے طاغوتی قوتوں کو شکست فاش دیں گے، کشمیر پاکستان کی شہ رگ، بلا اشتعال فائرنگ بند کی جائے،ہندوستان کبھی اپنے مقاصد حاصل نہیں کر سکتا،ان خیالات کا اظہار مجلس وحدت مسلمین آزاد کشمیر کے سیکرٹری جنرل علامہ سید تصورحسین نقوی الجوادی نے اسلام آباد میں شہید قائد علامہ عارف حسین الحسینی کی 27برسی کے موقع پر منعقدہ بیداری امت کانفرنس سے خطاب کے دوران کیا ، علامہ سید تصور جوادی نے کہا کہ شہید قائد علامہ سید عارف حسین الحسینی کا پیغام وحدت گھر گھر پہنچائیں گے، ان کے مشن کی تکمیل کے لیئے مجلس وحدت ہر وقت میدان میں ہے، شیعہ سنی اتحاد ہی اس ملک کی بقاء کا ضامن ہے ، ہم شیعہ سنی وحدت کا پرچار کریں گے، ہم اس اتحاد کے لیئے ہر قسم کی قربانی کے لیئے تیار ہیں ، ملک دشمنوں کے خلاف سینہ سپر رہیں گے ، ملک کے محب وطن و پر امن شہری ہیں ، اس ملک پر کبھی آنچ نہیں آنے دیں گے، اسلام دشمنوں کو بھی منہ کی کھانی پڑے گی، اسلام زندہ باد رہے گا ، دشمن اسلام مردہ باد تھا اور رہے گا، طاغوت و استعمار کے ایجنڈے اس ملک کے محب وطن شہری کبھی کامیاب نہیں ہونے دیں گے، تکفیریت جو زہر قاتل ہے ، اس کا حشر نشر بھی طاغوت جیسا ہو گا، ہم ملک و اسلام دشمنوں کے سامنے کبھی نہیں جھکیں گے ، علامہ تصور جوادی نے کہا کہ کشمیر پاکستان کی شہ رگ، کشمیریوں کے دل پاکستانیوں کے ساتھ دھڑکتے ہیں ، انڈیا بوکھلا کر کنٹرول لائن کی مسلسل خلاف ورزیاں کر رہا ہے، بلا اشتعال فائرنگ بند کی جائے،انڈیا کبھی بھی اپنے مقاصد میں کامیابی حاصل نہیں کر سکے گا۔شہید قائد کے شجاع و معنوی فرزند اپنے ملک کا دفاع جانتے ہیں۔

وحدت نیوز (مظفرآباد) بھارت گھنٹیاں بجاتا رہے ، اسے کچھ حاصل نہیں ہو گا، گیدڑ بھبکیوں سے ڈرایا نہیں جا سکتا، پاک فوج ہر قسم کی جارحیت کا جواب دے گی ، قوم پاک فوج کے شانہ بشانہ ہے ، ان خیالات کا اظہار مجلس وحدت مسلمین آزاد جموں و کشمیر کے سیکرٹری سیاسیات سید تصور عباس موسوی نے وحدت میڈیا سیل سے جاری ایک بیان میں کیا ، انہوں نے کہا کہ بھارت شروع سے پاکستان مخالف عزائم رکھتا ہے ، کوئی بھی موقع ہاتھ سے نہیں جانے دیتا ، برما پر حملہ کر کے گیدڑ بھبکیوں کے ذریعے پاکستان کو ڈرا رہا ہے ، جبکہ اسے یہ نہیں معلوم کہ پاکستان لا الہ الا اللہ کے نعرے کی بنیاد پر بنا ،یہ ڈرا نہیں کرتے بلکہ ڈرایا کرتے ہیں ، پاکستان قائم و دائم رہے ، بھارت ایک دفعہ جرأت کر کے دیکھے ،دن میں تارے دکھا دیئے جائیں گے، شجاعت حیدری کی پیرو افواج پاکستان نہ ڈرتے ہیں ، نہ جھکتے ہیں اور نہ میدان سے بھاگنے کا ارادہ کر کے آتے ہیں ، مملکت خداداد پاکستان خدا وند کی خاص عطا ، اللہ تعالی کی مدد و نصرت شامل حال ، کل کے گیدڑ کیا منہ دکھائیں گے،کل جب کارگل پیش آیا تھا تو بھاگنے کا راستہ بھی معلوم نہ پڑ رہا تھا،تابوت کے لیئے لکڑ تک دستیاب نہ ہو رہی تھی ، وہ ہمیں کیا ڈرائیں گے ، ہم غیرت مند ماؤں کے بیٹے ہیں ، محب وطن ہیں وطن کی خاطر خون کے آخری قطرے تک لڑیں گے ، پاک فوج اس عمل میں اکیلی نہیں ہر طرح سے پوری قوم ان کے شانہ بشانہ ہے، ڈرانے والے احمقوں کی جنت میں رہتے ہیں ، ایک چھوٹا سا حملہ کر کے پاکستان کو ڈرانے والے گرج رہے ہیں ، برسنے کی ہمت نہیں ، 65اور 71کی جنگ کا پورا احوال یاد ہو گا، مشرقی پاکستان کو توڑنے کے لیئے منافقت کرنے والا انڈیا اپنی چال میں کبھی کامیاب نہیں ہو سکے گا، قوم ہر طرح کے چیلنج سے نبٹنے کے لیئے تیار ہے ، تصور موسوی نے مذید کہا کہ مسلمان کے دل میں خدا ہوتا ہے ، جس دل میں خدا ہو اسے کسی بھی قسم کا خوف نہیں ہوتا ، وہ صرف اللہ سے ڈرتا ہے ، اللہ پر توکل کرنے والے کسی دوسرے کے بھروسے نہیں رہتے ، انشاء اللہ اسلام و پاکستان قائم رہے گا ، دشمنان اسلام و دشمنان پاکستان نیست و نابود ہوں گے۔

وحدت نیوز (مظفرآباد) سعودی عرب میں داعش کی کاروائیاں ، شدید ترین الفاظ میں مذمت کرتے ہیں، مسجد امام علی و مسجد امام حسین میں پہ در پہ ایک ہفتے کے اندر 2دھماکے ، سعودی حکومت باہر کے بجائے اندر کا خیال کرے، عوام کے جان و مال کا تحفظ کرے ، ان خیالات کا اظہا ر ریاستی سیکرٹری جنرل علامہ سید تصور حسین نقوی الجوادی نے میڈیا سیل سے جاری ایک بیان میں کیا ، انہوں نے کہا کہ حجاز مقدس میں شرپشندانہ کاروائیاں لمحہ فکریہ، داعش کو سپورٹ کرنے والے احمق کہاں ہیں ، انہوں نے کہا کہ مجلس وحدت مسلمین آزاد جموں و کشمیر ان واقعات کی شدید ترین الفاظ میں مذمت کرتی ہے ، اور شیعان سعودی عرب سے مکمل اظہار یکجہتی کرتی ہے۔دھماکے اسلام کو بدنام کرنے کی سازش ، دشمن اپنے مشن میں کبھی کامیاب نہیں ہو گا، کربلا کے راستے کے راہی ہر مصیبت کا ڈٹ کر مقابلہ کریں گے۔