وحدت نیوز(کراچی)مجلس وحدت مسلمین کراچی ڈویژن کی جانب سےآزادی? القدس کانفرنس کا انعقاد کراچی کے مقامی ہال میں کیا گیا۔ القدس کانفرنس میں مجلس وحدت مسلمین کے مرکزی ڈپٹی سیکریٹری جنرل علامہ احمد اقبال، صوبہ سندھ کے سیکریٹری جنرل علامہ باقر عباس زیدی، ایم کیو ایم رہنماء ڈاکٹر فاروق ستار، میجر (ر) قمر عباس، جماعت اسلامی کے رہنماء اسد اللہ بھٹو، امامیہ اسٹوڈنٹس آرگنائزیشن پاکستان کے مرکزی صدر قاسم شمسی، مجلس علمائے شیعہ پاکستان کے سربراہ علامہ مرزا یوسف حسین، سیدعلی حسین نقوی، یعقوب حسینی ، مولانا صادق جعفری، مولانا عبد اللہ جوناگڑھی ،علامہ صادق رضا تقوی، علامہ حیدرعباس عابدی اور دیگر رہنماء شریک تھے۔

بزرگ شیعہ عالم دین اور مجلس علمائے شیعہ پاکستان کے سربراہ علامہ مرزا یوسف نے اپنے خطاب میں کہا کہ صیہونی گماشتے اب فلسطین کے بعد اپنی نظر یں کعبہ پر قبضہ کے لئےجمائے بیٹھے ہیں۔ انہوںنے کہا کہ آج ظالم کو ظالم نہیں سمجھا جا تا اور نہ مظلوم کو مظلو م نہیں سمجھاجاتا ہے۔

انہوں نے پاکستانی عوام سے اپیل کی ہے کہ وہ جمعۃ الوداع یعنی 31مئی کو پاکستان بھر مین ہونے والےیوم القدس کے اجتماعات میں بھرپور شرکت کریں اور اس دن کو اس کے مذہبی عقیدہ اور جوش و خروش کے ساتھ زندہ کیا جائے۔