وحدت نیوز(اسلام آباد) مجلس وحدت مسلمین نے جمعہ کے روز ملک گیر یوم یکجہتی مظلومین فلسطین منانے کا اعلان کر دیا۔21 مئی کو ملک کے چھوٹے بڑے شہروں میں فلسطین کے حق میں ریلیاں نکالی جائیں گی۔مرکزی ترجمان ایم ڈبلیوایم علامہ مقصود ڈومکی نے کہا کہ علامہ راجہ ناصر عباس جعفری نے پوری قوم سے اپیل کی ہے کہ مظلومین فلسطین کی حمایت میں گھروں سے نکلیں۔
انہوں نے کہا مزید کہا کہ ریلیوں کا مقصد فلسطین کی حمایت اور اسرائیل بربریت پر آواز بلند کرنا ہے۔ باشعور مسلمانوں نے مل کر بے حس حکمرانوں کو مردہ ضمیروں کو جھنجھوڑنا ہے ۔مسئلہ فلسطین پر عالمی برادری کی خاموشی مجرمانہ غفلت اور بدترین بے حسی ہے۔
