وحدت نیوز(کراچی) مجلس وحدت مسلمین پاکستان کے مرکزی سیکریٹری جنرل علامہ ناصرعباس جعفری اور مرکزی ڈپٹی سیکریٹری جنرل علامہ محمد امین شہیدی نے ایم ڈبلیوایم کراچی ڈویژن کے زیر اہتمام امروہہ گراونڈ انچولی سوسائٹی میں منعقدہ شہدائے راہ ولایت کانفرنس کے اختتام پر کانفرنس میں شریک خانوادگان شہداء سے خصوصی ملاقات کی، ایم ڈبلیوایم کے دونوں قائدین فرداً فرداً تمام خانوادوں سے ملے ، ان کی خیریت دریافت کی اور شہداء کے معصوم بچوں کے ساتھ اظہار شفقت اور محبت کی، خانوادگان شہداء اپنے محبوب قائدین کو اپنے درمیان پا کر انتہائی مسرت کا احساس کر رہے تھے۔