وحدت نیوز(کراچی) وحدت یوتھ پاکستان سندھ کے سیکرٹری جنرل مہدی عباس نے بتایا ہے کہ وحدت یوتھ پاکستان سندھ کے زیر اہتمام نوجوانوں کی ذہنی اور فکری تربیت کے لئے سہون شریف میں دو روزہ تربیتی ورکشاپ بعنوان ’’خود سازی‘‘ کا انعقاد مورخہ 29,30مارچ بروز ہفتہ اور اتوار کو کیا گیا ہے۔ مہدی عباس کاکہنا تھا کہ تربیتی ورکشاپ میں سندھ کے تمام اضلاع سے وحدت یوتھ پاکستان کے مسؤلین سمیت معاون مسؤل اور سیکرٹری اسکاؤٹس کو مدعو کیا گیا ہے ۔مہدی عبا س کاکہنا تھا کہ دو روزہ تربیتی ورکشاپ میں مجلس وحدت مسلمین پاکستان کے مرکزی رہنما مولانا احمد اقبال، مولانا اعجاز حسین بہشتی سمیت وحدت یوتھ پاکستان کے مرکزی چیئر مین سید فضل عباس نقوی ایڈووکیٹ اور دیگر علمائے کرام دینی و تنظیمی موضوعات سمیت حالات حاضرہ پر گفتگو کریں گے۔