وحدت نیوز(سکردو) ممبر جی بی کونسل و صوبائی رہنما مجلس وحدت مسلمین شیخ احمد علی نوری نے سیلاب سے متاثرہ کندوس چھوغو گرونگ کا دورہ کیا جہاں انہوں نے متاثرین سیلاب، علمائے کرام،معززین علاقہ اور مقامی کمیٹی سے تفصیلی ملاقات کی اور نقصانات کا جائزہ لیا۔
انہوں نے متاثرین کی فوری بحالی کے لئے متعلقہ حکام سے بات کرنے کی یقین دھانی کرائی اور ہر ممکن تعاون کی یقین دھانی کراتے ہوئے سیلاب متاثرین کی داد رسی کی۔اس موقع پر انہوں نے فلاحی اداروں, تنظیموں اور مومنین سے بھی اپیل کی کہ وہ اس آزمائش کی گھڑی میں کندوس چھوغوگرونگ کے سیلاب متاثرین کی مدد کے لیے آگے بڑھے۔
