وحدت نیوز(ملتان) مجلس وحدت مسلمین جنوبی پنجاب کے شعبہ تنظیم سازی کی جانب سے تنظیمی فعالیت کو بڑھانے اور امور تنظیم سازی پر زیادہ بہتر انداز میں توجہ دینے کیلئے صوبائی سطح پر 7 رکنی تنظیم سازی کونسل تشکیل دے دی گئی ہے۔ جس کے اراکین میں صوبائی سیکرٹری تنظیم سازی سید عدیل عباس زیدی، غلام اصغر تقی، نیاز حسین دشتی، سید شفقت کاظمی، منظر عباس، ڈاکٹر مشتاق حسین بھٹی اور مصور عباس شامل ہیں۔ عدیل عباس زیدی کے مطابق اس تنظیم سازی کونسل کے قیام کا مقصد ضلع، تحصیل اور یونٹ تک تنظیم کو فعال بنانا، تنظیمی ڈھانچہ کی مضبوطی، رابطوں کو مضبوط کرنا اور ریکارڈ سازی ہوگا۔ ان کا کہنا تھا کہ کونسل کی پہلی میٹنگ 20 اگست بروز اتوار ملتان میں طلب کی گئی ہے۔