وحدت نیوز(خانیوال)مجلس وحدت مسلمین ضلع خانیوال کا اجلاس ضلعی آرگنائزر منظر مہدی کی صدارت میں منعقد ہوا، اجلاس میں خصوصی طور پر مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی نے شرکت کی۔ اجلاس میں ضلعی آرگنائزنگ کمیٹی کے اراکین نے شرکت کی۔ اجلاس میں اتفاق رائے سے محمد عرفان کو مجلس وحدت مسلمین تحصیل کبیروالا کا سیکرٹری جنرل نامزد کیا گیا۔ اجلاس سے خطاب کرتے ہوئے علامہ اقتدار حسین نقوی نے کہا کہ مجلس وحدت مسلمین پاکستان ایک مذہبی و سیاسی جماعت ہے جو آمدہ بلدیاتی الیکشن میں بھرپور حصہ لے گی، مجلس وحدت مسلمین اتحاد بین المسلمین کے حوالے شب و روز کوشاں ہے، ملی یکجہتی کونسل میں ایم ڈبلیو ایم کی فعالیت اس کی نمایاں مثال ہے۔