وحدت نیوز(کراچی) مجلس وحدت مسلمین صوبہ سندھ کے سیکریٹری جنرل علامہ سید باقرعباس زیدی نے مہران انجینئرنگ یونیورسٹی جامشورو کے ہونہار شاگرد اور ملک کی پرامن اور وطن دوست تنظیم "اصغریہ اسٹوڈنٹس آرگنائزیشن پاکستان کے مرکزی صدر برادر محسن علی اصغری کی بلا جواز گرفتاری کی شدید الفاظ میں مذمت کرتے ہوئے آئی جی سندھ سے پرزورمطالبہ کیاہے کہ برادر محسن علی اصغری کو رہا کر کے ایک ہونہار طالب علم کا مستقبل بچایا جائے اور بلا جواز گرفتاری پر حیدرآباد پولیس کے خلاف فوری کاروائی عمل میں لائی جائے۔

وحدت نیوز(کراچی) مجلس وحدت مسلمین پاکستان ضلع وسطی(کراچی) کی شوریٰ کا اہم اجلاس بعنوان "رابطہ مہم بسلسلہ تنظیم سازی" آج بروز پیر ڈویژن آفس انچولی بلاک 20 میں سیکریٹری جنرل ضلع وسطی برادر محمد کاظم کی زیر صدارت منعقد ہوا ۔ اجلاس میں مجلس وحدت مسلمین پاکستان کے بانی رکن اور صوبہ سندھ کے رکن الیکشن کمیشن برادر زکی عابدی، کراچی ڈویژن کے سیکریٹری جنرل علامہ صادق جعفری، ڈویژنل ڈپٹی سیکریٹری جنرل علامہ مبشر حسن، ڈویژنل رہنماء علامہ سید علی انور جعفری اور میر تقی ظفر نے خصوصی شرکت کی ۔
اجلاس میں مجلس وحدت مسلمین پاکستان ضلع وسطی کی عمومی کارکردگی باالخصوص تنظیم سازی کے حوالے سے اقدامات کا جائزہ لیا گیا، اس موقع پر رکن صوبائی الیکشن کمیشن برادر زکی عابدی نے ضلعی شوریٰ باالخصوص ضلعی کابینہ کے اراکین سے گفتگو کرتے ہوئے اس بات ہر زور دیا کہ تمام ذمہ داران پرانے یونٹس کو منظم اور متحرک بنانے کے ساتھ ساتھ نئے یونٹس کے قیام کے حوالے سے مجلس وحدت مسلمین پاکستان کے بانی اراکین، سینئر برادران، علماء اور عوام باالخصوص جوانوں کے ساتھ روابط کو تیز کریں تاکہ وقت معین تک تنظیم سازی کے عمل کو مکمل کیا جا سکے۔

وحدت نیوز(کراچی) وفاقی حکومت کے الیکٹرک کے جھوٹے بلوں پر فوری ایکشن لے۔ بجلی کےاضافی بل کے الیکٹر ک کی کھلی معاشی دہشت گردی ہے۔ غریب صارفین ان بلوں کو دیکھ کر ہوش وحواس کھو بیٹھے ہیں اور وفاقی حکومت کے الیکٹرک کے جھوٹے بلوں پر کوئی کار وا ئی نہیں کر رہی ہے۔’’کے الیکٹرک‘‘ کا نیا بل ٹیرف اور اسکے کے بعد لیٹ بلنگ انتہائی ظالمانہ ہے جبکہ پہلے ہی مرکب سودکی طرز پر بل چارج کیئے جاتے ہیں۔ ان خیالات کا اظہار مجلس وحدت مسلمین سندھ کے سیکریٹری جنرل علامہ باقر زیدی نے میڈیا سیل کراچی سے جاری اپنے ایک بیان میں کیا۔

 انہوں نے کہا کہ ’’K الیکٹرک‘‘ کا ادارہ پرائیوٹ ہونے کے بعد اربوں ڈالر سالانہ کما رہاہے جو غریب عوام کی جیبوں سے چوری کیا جاتا ہے۔انہوں نے مزید کہا کہ لوڈ شیڈنگ دورانیہ کا تعین بلوں کی ادائیگی سے جوڑنا سفاکانہ طرز عمل ہے جس کی غریب عوام بھرپور مذمت کرتے ہیں۔علامہ باقر زیدی نے کہا کہ ’’K الیکٹرک‘‘ کی سوچ پوری طرح کمرشل بن چکی ہے جس سے عوام کو کوئی فائدہ نہیں حکومت جلد از جلد ا س ادارے کو واپس نیشنلائز کرے۔ علامہ باقر زیدی نے مزید کہا کہ ’’Kالیکٹرک‘‘ کے زیادہ استعمال والے اوقات میں جس نئے ٹیرف کو نافذ کرنا چاہتی ہے اس کا براہ راست نقصان تمام صارفین کو ہوگا۔

 انہوں نے کہا کہ حکومت کی نا اہلی کی وجہ سے مہنگائی بڑھنے کا جو لامتناہی تسلسل جاری ہے اس کی وجہ سے روزمرہ استعمال کی ہر چیز خوفناک حد تک مہنگی ہوچکی ہے اور غریب آدمی دو وقت کی روٹی کے حصول کے لئے ناجائز ذرائع اختیار کرنے پر مجبور ہے، وزیر اعظم سمیت تمام وزراء کے معاشی بہتری کے تمام تر دعوے طفل تسلی کے سوا کچھ نہیں۔علامہ باقر زیدی نے کہا کہ حکومت نے عوام کو ریلیف دینے کی بجائے مزید ٹیکس کے پیئے میں کچل دیا ہے۔تنخواہ دار طبقہ پر بھاری ٹیکسس لگانا،بجلی،گیس اور پیٹرول کی قیمتوں میں اضافہ نے غریب عوام کی کمر توڑ دی ہے ۔انہوں نے کہا کہ موجودہ حکمران اپنے عوام کو ریلیف دینے میں ناکام رہے۔

علامہ باقر زیدی نے اعداد وشمار کا ہیرپھیر اور ملک کے متوسط طبقے کی مشکلات میں ناقابل برداشت اضافہ قرار دیتے ہوئے کہا ہے کہ موجودہ بجٹ انتہائی مایوس کن ہے۔مہنگائی کے موجودہ تناسب سے مطابقت نہ رکھنے والا یہ بجٹ ظاہر کرتا ہے کہ حکومت کی داخلی اور خارجی پالیسیوں کی طرح اقتصادی معاملات بھی صلاحیتوں کے فقدان کی نذر ہو رہے ہیں۔سابقہ حکومت کی ناکام تجارتی پالیسیوں اور وطن عزیز میں عدم استحکام کی صورتحال نے غیر ملکی سرمایہ کاروں کو پاکستان سے دور کرنے میں اہم کردار ادا کیا۔غیر ملکی قرضوں میں مذید اضافہ ہوا پاکستان کا کثیر سرمایہ غیر قانونی طریقہ سے ملک سے باہر منتقل کیا گیا جس سے ملکی ترقی پر منفی اثرات مرتب ہوئے۔پڑھے لکھے نوجوان طبقے کو ملازمتوں کی فراہمی میں شدید مشکلات کا سامنا ہے۔جس سے عام شہریوں کی مایوسی میں اضافہ ہو ا ہے۔

علامہ باقر زیدی نے کہا کہ وفاقی حکومت کی اصل ترجیحات سیاسی رسہ کشی اور سابقہ حکمرانوں کی کرپشن کو عیاں کرنے میں مقصود رہی ہے،تھر کے پی کے بلوچستان اور گلگت بلتستان میں غریب عوام کو پینے کی پانی سے لے کر بجلی، صحت کے بنیادی ضروریات،تعلیمی سہولیات تک میسر نہیں،اس بجٹ میں صرف سابقہ حکومتوں کی بجٹ پالیسی پر الزامات لگا کر عوام پر مذیدٹیکس لگا کر مشکلات میں مبتلا کر دیا گیا ہے۔

وحدت نیوز(اسلام آباد) حالیہ گرفتاریوں کو سیاسی انتقام کا الزام دےکر اپوزیشن عوام کی آنکھ میں دھول جھونکنے کی کوشش کر رہی ہے،یہ کیسسز انہی جماعتوں کا اپنے اپنے ادوار میں ایک دوسرے پر بنائے ہوئے کیسسز ہیں، اپوزیشن حقیقی عوامی مسائل کی بجائے کرپٹ عناصر کو بچانے کی مہم پر لگ چکی ہے عوام کرپٹ عناصر سے قومی دولت کی واپسی کے منتظر ہیں ان خیالات کا اظہار مرکزی سیکریٹری سیاسیات مجلس وحدت مسلمین سید اسد عباس نقوی نے میڈیا سیل سے جاری بیان میں کیا۔

 انہوں نے کہا کہ وزیر اعظم عمران خان کی کرپشن کے خلاف اقدامات کی تائید کرتے ہیں ۔ضرورت اس امر کی ہے کہ کرپٹ عناصر کے خلاف بلاتفریق کاروائی کی جائے ۔ ملکی دولت اور وسائل کی لوٹ مار نے آج پاکستانی قوم کو مشکلات سے دوچار کر رکھا ہے ۔ کرپشن اور کرپٹ عناصر کے خلاف حکومت کو سخت اقدامات کرنا ہونگے ۔

انہوںنے مزید کہاکہ وطن عزیز کی معیشت کو کرپشن نے کھوکھلا کردیا ہے اس ناسور کے خلاف حکومت کو نچلی سطح سے آگاہی مہم شروع کرنا ہو گی علما کرام کو بھی کردار ادار کرنا ہوگااور تعلیمی نصاب میں کرپشن کے خلاف مضامین شامل کئے جائیں تاکہ معاشرے میں کرپشن سے نفرت پیدا ہو ۔

وحدت نیوز (گجرات) مجلس وحدت مسلمین ضلع گجرات کے انٹراپارٹی الیکشن کیلئے ضلعی شوریٰ کا اجلاس منعقد ہوا۔اجلاس میں صوبائی سیکریٹری جنرل ایم ڈبلیوایم پنجاب علامہ عبدالخالق اسدی نے خصوصی شرکت کی ۔ اراکین ضلعی شوریٰ نے رائے شماری کے ذریعے آئندہ تین سال کیلئےسید عابد حسین شاہ کو ایم ڈبلیوایم ضلع گجرات کا سیکریٹری جنرل منتخب کرلیا۔ نومنتخب ضلعی سیکریٹری جنرل عابد حسین شاہ سےمرکزی مسئول آفس امور خارجہ علامہ ضیغم عباس نےان کے عہدے کا حلف لیا۔

وحدت نیوز(کراچی) مجلس وحدت مسلمین صوبہ سندھ کےالیکشن کمیشن نے ضلع شکار پور اور ضلع جیکب آباد میں یونٹس کا ریکارڈ پورا نا ہونے پر انٹراپارٹی الیکشن کا عمل روک دیا۔

صوبائی سیکریٹری جنرل علامہ سیدباقرعباس زیدی نے کہاکہ الیکشن ایک ماہ کے لئے ملتوی کردیےگئے ہیں ۔دونوں اضلاع کے موجودہ سیکرٹری جنرلز اپنے اپنے اضلاع کے تمام یونٹس کا ریکارڈمکمل کرکے ایک ماہ میں صوبائی الیکشن کمیشن کو آگا ہ کرینگے تب تک کے لئے ضلع شکار پوراور ضلع جیکب آباد کےانٹراپارٹی الیکشن ملتوی کیئے جاتے ہیں۔

Page 1 of 491

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree