وحدت نیوز (لاہور) مجلس وحدت مسلمین پاکستان صوبہ پنجاب شعبہ روابط کے زیر اہتمام ایک روزہ تربیتی ورکشاپ صوبائی دفتر لاہور میں ہوئی جس میں پنجاب بھر سے ضلعی سیکرٹری روابط نے شرکت کی۔ ہنجاب بھر میں شدید پٹرول بحران کے بوجود اطمینان بخش شرکت رہی۔تربیتی ورکشاپ میں تقریبا ۱۸ اضلاع کے سیکرٹری روابط نے شرکت کی۔ورکشاپ کا باقائدہ آغاز تلاوت کلام پاک سے سیکرٹری روابط ضلع لاہور سید محمد رضا شاہ نے کیا جبکہ ابداۂ اور ورکشاپ کے مقاصد سے صوبائی سیکرٹری روابط علی رضا طوری نے تفصیل سے آگاہ کیا۔ ورکشاپ کے مقررین میں مرکزی سیکرٹری تنظیم سازی برادر یعقوب حسینی نے تنظیم سازی میں شعبہ روابط کی اہمیت پر تفصیل سے روشنی ڈالی۔ جبکہ صوبائی سیکرٹری میڈیا نے شعبہ روابط اور میڈیا کے کردار کے حوالے لیکچر دیا۔برادر تقی حیدر ممبر تعمیر ملت فنڈ کمیٹی نے مجلس وحدت مسلمین کی معاشی صورتحال کو بہتر بنانے کے لئے شعبہ روابط کو انتہائی اہم گردانا،صوبائی ڈپٹی سیکرٹری جنرل علامہ محمد اقبال کامرانی نے مجلس وحدت مسلمین پاکستان میں شعبہ روابط کی اہمیت پر روشنی ڈالی۔جبکہ مرکزی سیکرٹری روابط برادر ملک اقرار حسین نے ورکشاپ سے ٹیلیفونک خطاب کیا۔

وحدت نیوز (کوئٹہ) مجلس وحدت مسلمین کوئٹہ ڈویژن کےوفد نے صوبائی سیکریٹری امور سیاسیات اور رکن بلوچستان اسمبلی آغا سید محمد رضا کی قیادت میں پشتونخواہ ملی عوامی پارٹی کے مرکزی سیکریٹریٹ کا دورہ کیااور اتحادی جماعتوں کے متفقہ امیدوار ڈاکٹر کلیم اللہ اور یونس بلوچ کی کامیابی پر مبارک باد پیش کی، اس موقع پر آغا رضا نے گفتگو کرتے ہوئے  کہاہے کہ کوئٹہ کے ’’ میئر اور ڈپٹی میئر ‘‘ کے لیے اتفاق رائے سے تمام اتحادی جماعتوں کے متفقہ امیدوار ڈاکٹر کلیم اللہ اور یونس بلوچ کی کامیابی سے کوئٹہ شہر پر مثبت اثرات مرتب ہونگے ،جو اس وقت مختلف مسائل کا شکار ہے ۔ شہر کی ترقی اور امن و امان کا قیام اولین ترجیح ہونی چاہیے۔ پشتونخواہ ملی عوامی پارٹی ، مجلس وحدت مسلمین ، نیشنل پارٹی ، مسلم لیگ (ن) اور آزاد ارکان کے اتحاد و اتفاق سے یہ کامیابی ملی ہے۔ کوئٹہ شہر کی تعمیر و ترقی کے لیے یہ اتحادی جماعتیں مل کر کام کرینگے۔امید ہے کہ اس سلسلے میں کوئٹہ میٹرو پولیٹن کارپوریشن کے ایک ایک کونسلرز سے مشاورت کی جائیگی۔اس مرتبہ کوئٹہ سے جو کونسلرز منتخب ہوئے ہیں وہ کوئٹہ کی ترقی اور خوشحالی کو یقینی بنائینگے اور کوئٹہ کے مسائل حل کرلیے جائینگے۔ ہم ڈاکٹر کلیم اللہ کو میئر اور یونس بلوچ کو ڈپٹی میئر منتخب ہونے پر مبارک باد پیش کرتے ہیں اور امید کرتے ہیں کہ وہ کوئٹہ کے عوام کے مسائل پر بھر پور توجہ دینگے اور اسے حل کرنے کی کوشش کرینگے۔ مجلس وحدت مسلمین کے کونسلرز کا نومنتخب میئر کوئٹہ ڈاکٹر کلیم اللہ اور ڈپٹی میئریونس بلوچ سے بھرپور تعاون جاری رئیگا۔

وحدت نیوز (مظفرآباد) مجلس وحدت مسلمین کے زیراہتمام دربار سہیلی سرکارؒ پر امن و محبت کی خوبصورت شمع بصورت وحدت امت کانفرنس روشن کی گئی، کانفرنس اپنی نوعیت کی انفرادی اور اہم ترین کاوش ، شرکاء ، مہمانان گرامی، علماء کرام اور انتظامیہ کی طرف سے کاوش کو بھرپور سراہا گیا، کانفرنس میلاد النبی ؐ کے سلسلہ میں منعقد ہوئی جس میں علامہ مفتی سید کفایت حسین نقوی کانفرنس کے تمام امور کی سرپرستی کرتے رہے، مجلس وحدت مسلمین کی مرکزی قیادت کے علاوہ آزاد کشمیر سے سنی اتحاد کونسل ، تحریک منہاج القرآن ، جعفریہ سپریم کونسل ، امامیہ آرگنائزیشن ، انجمن ہائے جعفریہ، تنظیم السادات آزادکشمیر، سیرت کمیٹی ہٹیاں بالا، مرکزی سیرت کمیٹی کے قائدین نے شرکت وخطاب کیا۔ کانفرنس کی پہلی نشست صدارت چئیرمین جعفریہ سپریم کونسل سید شبیر حسین بخاری اور دوسری نشست کی صدارت مجلس وحدت مسلمین آزاد جموں و کشمیر کے سیکرٹری جنرل علامہ سید تصور حسین نقوی الجوادی نے کی، جبکہ مہمان خصوصی مرکزی ترجمان مجلس وحدت مسلمین پاکستان علامہ محمد اصغر عسکری تھے، کانفرنس سے ڈپٹی کمشنر مظفر آباد مسعود الرحمن نے بھی خطاب کیا، نماز ظہر کا وقفہ ہوا، تو تمام مسمانوں نے شیعہ سنی اتحاد کا عملی مظاہرہ کرتے ہوئے ایک ہی امام کی اقتدا میں نماز جماعت پڑھی، نماز عصر پر پروگرام کا اختتام ہوا ، منتظمین کی طرف سے تمام شرکاء مہمانان گرامی ، صحافی برادری ، ضلعی انتظامیہ پولیس اور محکمہ اوقاف کا شکریہ ادا کیا گی۔

مجلس وحدت مسلمین پاکستان پنجاب کے ترجمان علامہ محمد اصغر عسکری نے مجلس وحدت مسلمین آزاد جموں و کشمیر کے زیر اہتمام وحدت امت کانفرنس کے شرکاء سے خطاب کرتے ہوئے کہا کہ مجلس وحدت مسلمین اپنی اتحادی جماعتوں سنی اتحاد کونسل اور تحریک منھاج القرآن کے ساتھ ملکر پورے ملک اور ریاست کشمیر کے کونے کونے میں و حدت اخوت اور یگانگت کے پیغام کے ساتھ دہشتگردی اور دہشتگردوں کے مقابلے میں کھڑی ہے اور انشاء اللہ وہ وقت زیادہ دور نہیں کہ پاکستان جو محمد رسولؐ اللہ کے نام پر بنا تھا اس میں نظام محمدیؐ کا نفاذ ہو گا اور دہشتگرد اور تکفیری ٹولہ منہ چھپاتے پھر رہا ہے اور مزید رسوا ہوگا، اتحاد وحدت ہر دور کی ضرورت رہی ہے، لیکن آج ضرورت میں کئی گنا اضافہ ہو چکا ہے، اب جبکہ استعماری و طاغوتی قوتیں پیغمبر اسلام رسول رحمت ؐ کی شان میں گستاخی تک اتر آئی ہیں ، ایسے حالات میں ضروری ہو گیا ہے کہ امت مسلمہ ملت واحدہ بن کر اٹھے اور ہر دشمن ، ظالم اور گستاخ رسول ؐ کی کلائی مروڑ دے، اسلام میں دہشتگردی کی کوئی گنجائش موجود نہیں ہے جو کسی ناحق پر گولی چلائے وہ بھی دہشتگرد ہے اور کسی کے مقدسات کی توہین کرے وہ بھی دہشت گرد ہے ، تاریخ آدمیت کی سب سے مقدس ہستی ذات رسالتمآب ؐہے اور سرکار کی شان میں گستاخی دنیا کی سب سے بڑی دہشتگردی ہے جس کی نہ صرف مذمت کی جانی چاہیے بلکہ امت مسلمہ کو متحد ہو گستاخان رسولؐ کو پیغام دینا چاہییے اور او آئی سی نامی ادارہ جو کبھی مسلمانوں کا ترجمان شمار ہوتا تھا اس کا آج کہیں نام و نشان تک نہیں ہے۔

علامہ محمد اصغر عسکری نے کہا کہ کشمیر پاکستان کی شہ رگ ہے اور شہ رگ ہر ایک کو عزیز ہوتی ہے اگر شہ رگ سلامت تو جان سلامت ہے ، ہم مسئلہ کشمیر کے حوالے سے واضح مؤقف رکھتے ہیں ،کہ مسئلہ کشمیر کا منصفانہ حل خطہ میں پائیدار امن کی ضمانت ہے،انہوں نے کہا کہ سرزمین کشمیر جو اولیاء کی سرزمین ہے، اور آج کی کانفرنس ایک ولی کے آستانہ پر ہو رہی ہے، یہاں سے ہمیشہ امن و محبت کے پھول کھلے ہیں اور انشاء اللہ مجلس وحدت مسلمین ریاست میں امن و اتحاد بین المسلمین کے لیئے مؤثر کردار ادا کرتی رہے گی،ہمارے رسول تمام رسولوں کے سردار ہیں ، آپ کا مقام بیان کروں تو اتنا کافی ہے اللہ نے تمام انبیاء ؑ کو نام لے لے کر پکارا ہے ، حضور ؐ کو جب بھی پکارا لقب سے پکارا اور اللہ جو جو ادا اچھی لگی اس اس ادا سے پکارا ، آپ عالمین کے لیئے رحمت ہیں ، رسول رحمت ؐ پیغمبر وحدت کے ماننے والے پورے ملک میں اکھٹے ہو چکے ہیں اور سرزمین کشمیر پر اس سفر کا حسین آغاز ایک ولی کے آستانے سے ہونا ، انتہائی نیک شگون ہے، کربلا کے بعد دنیا دو حصوں میں تقسیم ہوئی ہے ایک ظالم اور ایک مظلوم، آج سب کو فیصلہ کرنا ہے کہ کون ظالم کے ساتھ ہے اور کون مظلوم کے ساتھ ، مجلس وحدت مسلمین مظلوموں ،محروموں اور مستضعف طبقے کی آواز بن کر اٹھی ہے۔

کانفرنس سے خطاب کرتے ہوئے سنی اتحاد کونسل آزاد کشمیر کے صدر علامہ عبدالخالق نقشبندی نے کہا کہ مجلس وحدت مسلمین کے ساتھ جس اتحاد کی بنیاد صاحبزادہ حامد رضا اور علامہ راجہ ناصر عباس جعفری نے سرزمین پاکستان پر رکھی تھی آج اس کا سرزمین کشمیر پر مظاہرہ ہے اور خوبصورت مناسبت ہے ، میلاد رسول گرامی ؐ کی خوبصورت جگہ کا انتخاب ہے، ایک ولی کامل حضرت سخی سائیں سہیلی سرکارؒ کا دربار اور نہایت خوبصورت عنوان ہے ، وحدت امت کانفرنس اس مناسبت سے اتنی خوبصورت بزم سجانے پر مجلس وحدت مسلمین آزاد کشمیر کے ذمہ داران کو مبارکباد پیش کرتا ہوں جنہوں نے اتحاد و وحدت کی شمع روشن کی ہے ، ہم رسول اللہ کی محبت میں تمام مکاتب فکر کو دعوت دیتے ہیں کہ آئیے ، عشق رسول پر محبت اہلبیت ؑ پر ، محبت صحابہ کرام ، احترام اولیاء اللہ اور بزرگان دین پر عزت و ناموس رسالت کی خاطر اکھٹے ہو جائیں ، انشاء اللہ ہمارے اتحاد اور وحدت سے دشمن کے دانت کھٹے ہونگے اور دنیا بھر میں پاکستان اور مسلمانوں کی عزت و آبرو میں اضافہ ہو گا ۔

تحریک منہاج القرآن آزاد کشمیر کے ناظم ظفر اقبال طاہر نے اپنے خطاب میں کہا کہ قائد تحریک پروفیسر ڈاکٹر طاہر القادری نے پاکستان میں اصلاحاتی نظام کے قیام کے لیئے جس تحریک کا آغاز کیا ،مجلس وحدت مسلمین پاکستان کے قائد علامہ راجہ ناصر عباس نے جس ہمت جوانمردی سے ساتھ دیا اس کی وفا کا تقاضہ ہے کہ مجلس وحدت مسلمین جب بھی جہاں بھی بلائے ہم حاضر رہیں ، آج کی کانفرنس کا جو سرکار کی میلاد کے سلسلہ میں منعقد ہو رہی ہے اس کے ذریعے سے دنیا بھر کو بالعموم اور اہل پاکستان اور اہل کشمیر کو بالخصوص یہ پیغام دینے آیا ہوں کہ ذات رسالتمآب اور فرقوں سے اسلام کو نقصان ہو رہا ہے ہم سب کو پرچم رسول کے سائے میں اکھٹے ہو کر تعلیمات رسالتمآب کے احیاء اور نظام رسالت کے عملی نفاذکے لیئے کوشش کرنے کی ضرورت ہے انشاء اللہ وہ وقت زیادہ دور نہیں جبکہ پورے ملک سے دہشتگردی ناامنی اور فرقہ واریت کا خاتمہ ہو گا ، نظام اسلامی کا نفاذ ہو گا۔

کانفرنس سے سیکرٹری جنرل مجلس وحدت مسلمین آزاد جموں و کشمیر علامہ سید تصور حسین نقوی الجوادی،مرکزی سیکرٹری روابط مجلس وحدت مسلمین ملک اقرار حسین ،چئیرمین جعفریہ سپریم کونسل سید شبیر حسین بخاری، صدر سیرت کمیٹی ہٹیاں بالاقاضی محمد ابراہیم چشتی، صاحبزادہ محمد سلیم چشتی، ڈپٹی کمشنر مظفرآباد مسعود الرحمن، صدر مرکزی انجمن جعفریہ مظفرآباد میجر (ر) بشیر کاظمی، سابق سیکرٹری جنرل تنظیم السادات سید شفیق حسین نقوی، ضلعی سیکرٹری جنرل مجلس وحدت مسلمین آزاد کشمیر مولانا سید طالب حسین ہمدانی اور دیگر نے بھی خطاب کیا ، جبکہ معروف نعت خواں سید ظہور حسین بخاری ، ضیاء احمد چغتائی ، اقارب نقوی، حسنین نقوی، اور دیگر نے بارگاہ رسالت میں نذرانہ عقیدت پیش کیا۔

وحدت نیوز (کراچی) حکومت شہر قائد میں جاری بے گناہ افراد کی ٹارگٹ کلنگ روکنے میں ناکام ہو گئی ،سندھ حکومت کی جانب سے شیعہ علماء کرام و رہنماؤں کی سکیورٹی واپس لیناقابل مذمت ہے ، ان خیالات کا اظہار مجلس و حدت مسلمین کے سیکر ٹری امورسیاسیات علی حسین نقوی،علامہ علی انور ،علامہ مبشر حسن ،اصغر عباس زیدی،ناصر حسینی سمیت دیگر رہنماؤں نے و حدت ہاؤس میں جاری اجلاس سے خطاب میں کیا،علی حسین نقوی کا کہنا تھا کہ حکومت کی جانب سے کراچی میں جاری ٹارگیٹڈ آپریشن کن جرائم پیشہ افراد کے خلاف ہو رہا اور اب تک کتنے دہشتگردوں کو گرفتار کیا گیا ہے جبکہ دوسری جانب ایسا لگ رہا ہے کہ شہر دہشتگردوں کے رحم و کرم پرچھوڑ دیا گیا ہے دہشتگرد جب چاہیں جہاں چاہیں بے گناہ افراد کو اپنی دہشتگردی کا نشانہ بنا رہے ہیں دہشتگردی کا نشانہ بنے والے زیادہ تر افراد عزادار ہیں جن کا تعلق ملت جعفریہ سے ہے شہر میں شیعہ عزاداروں کی ٹارگٹ کلنگ میں اضافہ ہورہا ہے اور شہر کے مخصوص علاقے لانڈھی و کورنگی میں 10روز میں 6افراد کو ٹارگٹ کلنگ کا نشانہ بنایا گیا مگر قانون نافذ کرنے والے ادارے پولیس اور رینجرز کی جانب سے ٹارگٹ کلنگ میں ملوث کسی دہشتگر د کی گرفتاری تاحال نہیں کی گئی بلکہ شہر قائد میں جاری شیعہ نسل کشی عزاداروں کی ٹارگٹ کلنگ کے واقعات میں اضافہ کے باوجود سندھ کی متعصب حکومت نے تکفیری دہشتگردوں کے حصول کے خاطر مجلس و حدت مسلمین کے علماء سے پولیس سکیورٹی واپس لے کر انہیں دہشتگردوں کے ہدف پر رکھ دیا ہے جس کی ہم مذمت کرتے ہیں اور حکومت سے مطالبہ کرتے ہیں کے علماء کرام و رہنماؤں کی سکیورٹی پر معمور اہلکاروں کو واپس کیا جائے حکومت میں موجود متعصب نمائندگان کے خلاف فوری کاروائی کی جائے۔

وحدت نیوز (لاہور) ایم ڈبلیوایم صوبہ پنجاب کے صوبائی سیکریٹریٹ میں وحدت یوتھ لاہور ڈویژن کی یوتھ کونسل کا اجلاس ہوا جس میں ضلع شیخوپورہ، قصور اور لاہور کے نمائندوں نے شرکت کی . اجلاس میں آئندہ تین ماہ کا پروگرام پیش کیا گیا اور اجلاس مرکزی یوتھ کونسل کے معاون خصوصی برائے پنجاب برادر اصغر علی کمیلی اور معاون خصوصی برائے لاہور ڈویژن کا اعلان کیا گیا،اس اجلاس میں مرکزی چیئرمین وحدت یوتھ پاکستان برادر فضل عباس نقوی ایڈووکیٹ نے خصوصی شرکت کی اور دوستوں سے گفتگو کی۔

وحدت نیوز (گلگت) نگران حکومت اپنے حدود میں رہے چھلانگیں مارنے کی کوشش نہ کرے،انہیں صرف انتخابات کروانے کا مینڈیٹ ملا ہے علاقے میں افراتفری پھیلانے کا نہیں۔گلگت اور مضافات کی غیرآباد زمینیں علاقے کے عوام کی ملکیت ہیں خالصہ سرکار قرار دیکر عوام کے حقوق چھیننے کی کوشش کی گئی تو سخت مزاحمت کریں گے۔

ان خیالات کا اظہار مجلس وحدت مسلمین کے گلگت ڈویژن کے ڈپٹی سیکرٹری جنرل شیخ عاشق حسین ناصری نے اپنے ایک بیان میں کیا ہے۔ انہوں نے کہا کہ ماضی میں عوام دشمن قانون ناردرن ایریاز ناتوڑ رولز نافذ کرکے عوام حقوق پر شب خون مارا گیا ہے جس کی آڑ میں انتظامیہ من پسند افراد کو زمینیں الاٹ کرکے علاقے میں بدامنی کو ہوا دے رہی ہے۔گلگت اور اس کے مضافات میں صرف اور صرف شیعہ آبادیوں سے متصل غیر آباد زمینیوں پر حکومت قبضہ کرنا چاہتی ہے جبکہ پورے گلگت بلتستان میں کہیں پر بھی ناتوڑ رولز نافذ نہیں اور علاقے کے عوام غیر آباد زمینوں کو اپنے تصرف میں لارہے ہیں۔ انہوں نے کہا اگر غیر آباد زمینیں خالصہ سرکار ہیں تو دیامر باشا ڈیم کی زد میں آنیوالی ہزاروں ایکڑ ارا ضی کا معاوضہ ادا کرکے قومی خزانے کو کیوں نقصان پہنچایا گیا۔علاقے میں مقیم اہل تشیع یہ سمجھنے میں حق بجانت ہیں کہ ناتوڑ رول کی تلوار صرف اور صرف شیعہ آبادیوں کو متاثر کرنے کیلئے نافذ کیا گیا ہے۔سونی یار،پیدن داس،ہوسی داس بونجی اور پڑی داس کی اراضیاں خالصہ سرکار کیوں نہیں، کیا صرف شیعہ آبادیوں سے متصل زمینیں ہی خالصہ سرکار ہیں؟ حکومت ہوش کے ناخن لے اور علاقے کو آگ اور خون میں نہلانے کی سازشیں بند کرے ۔انہوں نے کہا کہ گلگت بلتستان میں نگران حکومت کی تشکیل سے نوازحکومت کی شیعہ دشمنی کھل کرسامنے آگئی ہے اور نگران حکومت سے کسی خیر کی توقع رکھنا عبث سمجھتے ہیں اور گلگت بلتستان اسمبلی کے آئندہ انتخابات میں تکفیری سوچ کا خاتمہ کردینگے۔