The Latest
وحدت نیوز(سکردو) مجلس وحدت مسلمین گلگت بلتستان کے رہنماء ڈاکٹر کاظم سلیم نے کہا ہے کہ مقپون داس کی زمین قدیم الایام سے اہالیان حراموش کی ملکیت اور قبضے میں ہے، لہٰذا اس زمین پر سے عوام کو فورسز کے ذریعے بے دخل کرانا نہ صرف ریاستی دہشت گردی ہے بلکہ عدالتی احکامات کے بھی منافی ہے۔ یہ بات ایم ڈبلیو ایم کے رہنماء ڈاکٹر کاظم سلیم نے قراقرم کمپلکس اسلام آباد میں گلگت بلتستان کے طلباء اجتماع سے خطاب کرتے ہوئے کہی۔ انہوں نے مزید کہا کہ مقپون داس جو مقپون شغرن کے نام سے مشہور ہے، آزادی گلگت بلتستان سے پہلے بھی عوامی ملکیت میں ہے اور موجودہ عدالتی فیصلوں نے بھی اس زمین پر حراموش کے عوام کی ملکیت اور قبضے کی توثیق کی ہے لیکن اس کے باوجود حکومت کا فورسز کے ذریعے یہاں سے عوام کو بے دخل کرانا ریاستی دہشت گردی ہے۔
ڈاکٹر کاظم سلیم نے مزید کہا حکومتی اقدامات سے بے اعتمادی کی فضاء قائم ہورہی ہے، جس کے نتیجے میں جو لاوا بنے گا اسکے پھٹنے میں زیادہ دیر نہیں لگے گی۔ لہٰذا بہتر یہ ہے کہ اس حساس علاقے میں ہر ایسے اقدام سے گریز کیا جائے جس سے سکیورٹی فورسز خصوصا پاک فوج کے بارے میں عوامی رائے عامہ تبدیل ہوجائے۔ یہاں کی عوام محب وطن ہیں لیکن اگر حکومت نے عوام سے دشمنوں جیسا سلوک بند نہ کیا تو بعد کے حالات پر قابو پانا کسی کے بس میں نہیں رہے گا۔ ڈاکٹر کاظم سلیم نے مزید کہا کہ پاک چائنہ اکنامک کوریڈور پاکستان کی بیمار معیشت کو سنبھالنے کیلئے ناگزیر ہے لیکن اس کا مطلب یہ نہیں کہ اس مقصد کے لئے ہماری زمینیں ھڑپ کی جائیں۔ گلگت بلتستان غیرت مندوں کی سرزمین ہے لہٰذا اس خطے میں حکومت سمیت کوئی بھی ادارہ طاقت کے بل بوتے پر ہماری زمینیں نہیں چھین سکتی، اس لئے ہم خبردار کرنا چاہتے ہیں کہ اس پرامن خطے میں کسی ناخوشگوار واقعہ پیش آنے سے پہلے حکومت اپنی غلطیوں کا ازلہ کرے۔
وحدت نیوز (سکردو) مجلس وحدت مسلمین پاکستان بلتستان کے رہنماء ورکن اسمبلی کاچو امتیاز حیدر خان نے کہا ہے کہ حکومت مقپون داس میں رات کی تاریکی میں آپریشن کرکے علاقے میں امن وامان کا مسئلہ پیدا کررہی ہے، گلگت بلتستان کے لوگوں کی زمینوں پر قبضہ کرکے جان بوجھ کر حالات خراب کئے جارہے ہیں، اگر حکومت کو زمین کی ضرورت ہے تو وہ عوام کو اعتماد میں لے کر معاوضہ دے کر زمین حاصل کرے، عوام کی خواہشات کے برعکس زمین ہتھیانے کی کوشش کی گئی تو حالات کی ذمہ دار حکومت ہوگی۔ میڈیا سے گفتگو کرتے ہوئے انہوں نے کہا کہ مقپون داس مقپون خاندان کی ملکیت ہے، حکومت بتائے کہ اس نے کس طرح اس داس پر واقع تعمیرات مسمار کردی ہے۔ انہوں نے کہا کہ مقپون داس کے مسئلے پر حکومت سیاست نہ کرے کیونکہ داس کا مسئلہ بہت ہی پیچیدہ ہے اور اس کا معاملہ عدالت میں ہے، حکومت نے آپریشن کرکے عدالت کی توہین کی ہے۔ انہوں نے کہا کہ ایک طرف ہم اقتصادی راہداری میں حصہ مانگ رہے ہیں دوسری جانب منظم منصوبہ بندی کے تحت ہماری زمینوں پر قبضہ کیا جارہا ہے، اگر ہم نے خاموشی اختیار کی تو کل حکومت ہمارے گھروں کو بھی مسمار کرے گی۔ انہوں نے کہا کہ عوام کی ملکیتی زمینوں پر قبضہ کرنا سنگین واقعہ ہے اس واقعے پر خاموش نہیں رہا جاسکتا، جو لوگ عوامی ملکیت پرقبضہ کررہے ہیں انہیں جلد اپنی حیثیت معلوم ہوجائے گی۔
وحدت نیوز(حیدرآباد) پریس کلب پر تکفیری عناصرکے حملے کے بعد زخمی صحافیوں سے اظہار یکجہتی کیلئے ایم ڈبلیوایم صوبائی رہنما آغاندیم جعفری کی سربراہی میں ایم ڈبلیوایم کے وفدنے پریس کلب کا دورہ کیااورسیکریٹری پریس کلب اور دیگرصحافیوں سے ملاقات کی وفدنے زخمی صحافیوں کی جلد صحت یابی کی دعا کی اور گذشتہ دنوں وفات پانے والے سینئر صحافی مشتاق اجمیری کے ایصال ثواب کیلئے فاتحہ خوانی بهی کی اس موقع پر ایم ڈبلیوایم ضلع حیدرآباد کے سیکریٹری جنرل رحمن رضا ایڈووکیٹ،علامہ گل حسن مرتضوی، علامہ نورحسن ،علامہ ملازم حسین،غلام نبی مغل اور آغا قیصرموجود تهے.
وحدت نیوز(ہنگو) سیکرٹری جنرل مجلس وحدت مسلمین صوبہ خیبر پختونخوا علامہ سبطین حسینی نے کہا ہے کہ علماء دین کے وارث، امین و پاسدار ہیں۔ شہیدوں نے اپنا لہو دے کر جبکہ علماء نے قلم کی سیاہی سے اس مکتب کی آبیاری کی اور شب و روز کی زحمتوں اور صدیوں کی کاوشوں سے اسلام ناب کو ہم تک پہنچایا۔ علماء نے اس راہ میں بڑی بڑی قربانیاں دیں، وہ اسیر ہوتے، شہادت کے درجہ پر فائز ہو کر انسانیت کی دارین میں سعادت کا سامان فراہم کرتے ہیں۔ ہنگو بابر میلہ کے مقام پر منعقدہ مولانا منصف علی مطہری کے چہلم کی تقریب سے خطاب کرتے ہوئے سیکرٹری جنرل ایم ڈبلیو ایم خیبرپختونخوا نے کہا کہ مکتب تشیع کو شیخ طوسی، شیخ صدوق، علی بن طاوس اور قاضی نور اللہ شوستری شہید ثالث جیسے بزرگوں پہ ناز ہے جنہوں نے اسلام کی آبیاری و مکتب تشیع کی جاودانگی اپنے خون سے کی۔ علماء کی فضیلت بڑی ہے۔ ان کے خون کی سیاہی شہداء کے لہو سے افضل ہے لیکن ان کی ذمہ داریاں بھی بڑی ہیں۔ امیر مومنان نے فرمایا کہ میں خلافت کو اس لئے قبول کر رہا ہوں کہ اللہ تعالیٰ نے علماء سے عہد لیا ہے کہ وہ ظالم کی شکم پری اور مظلوم کی گرسنگی یہ راضی ہوں۔
وحدت نیوز (لاڑکانہ) مجلس وحدت مسلمین پاکستان ضلع لاڑکانہ کے سیکریٹری جنرل جناب طارق حسین بدو ی کی سربراہی میں ایک وفدنے تنظیم سازی کے سلسلے میں تحصیل ڈوکری کے گاؤں بابل خان جروار کا دورہ کیا، اس موقع پرایم ڈبلیوایم کے ضلعی رہنمامشتاق علی میمن اور طارق رسول بھی انکے ہمراہ تھے،ایم ڈبلیوایم رہنما ئوں نے مقامی مومنین کے ایک بڑے اجتماع سے ملاقات کی انہیں مجلس وحدت مسلمین کی قومی جدوجہد اور اغراض ومقاصد سے آگاہ کیابعدازاں وہاں ایک نئے تنظیمی یونٹ کا قیام عمل میں لایا گیا۔
وحدت نیوز (حیدرآباد) چیمبرآف کامرس کے وائس پریذیڈنٹ آغا تراب علی خواجہ کی دعوت پر مجلس وحدت مسلمین ضلع حیدرآبادکے سیکریٹری جنرل رحمن رضا ایڈووکیٹ کی سربراہی میں وفدنے انکے دفتر میں ملاقا ت کی، اس موقع پر ایم ڈبلیوایم کے رہنماعلامہ گل حسن مرتضوی، علامہ نورحسن ،علامہ ملازم حسین،غلام نبی مغل اور آغا قیصربھی موجود تھے، ایم ڈبلیوایم کے وفدنے آغا تراب علی خواجہ سے تاجروں کے مسائل سمیت دوطرفہ دلچسپی کے امور پر تبادلہ خیال کیا۔
وحدت نیوز (مشہد) مجلس وحدت مسلمین شعبہ مشہد مقدس کے سیکرٹری جنرل حجۃ الاسلام عقیل حسین خان نے قائد انقلاب حضرت امام خمینی اوررھبرمعظم کے دیرینہ ساتھی ،مجاہد عالم دین آیت اللہ عباس واعظ طبسی کی وفات حسرت آیات پر اپنے تعزیتی بیان میں کہا کہ آیت اللہ واعظ طبسی کی خدمات انقلاب اسلامی اور ایران اسلامی کے لئے بہت زیادہ ہیں ۔بے شک مرحوم آیہ اللہ طبسی انقلاب اسلامی ایران کے لئے ایک عظیم سرمایہ تھے اور انکی وفات پوری ملت اسلامیہ خصوصا نظام مقدس اسلامی جمہوری ایران کے لئے جبران نا پذیر نقصان اور بہت ہی افسوس ناک سانحہ ہے۔
حجۃ الاسلام والمسلمین عقیل حسین خان نے کہا ہم اس عطیم نقصان پر اپنے مولا و آقا امام زمان عج اور انکے نمائندہ برحق رہبر معظم انقلاب حضرت آیۃ العظمی سید علی خامنہ ای مدظلہ اور ملت اسلامیہ اور مرحوم کے خانوادہ محترم کی خدمت میں تعزیت و تسلیت عرض کرتے ہیں اور خدا وند کریم سے دعاگو ہیں کہ خدا مرحوم کے درجات عالی ہیں متعالی فرما اور انکے پسماندگان کو صبر جمیل عطا فرما۔آمین یا رب العالمین
وحدت نیوز(جیکب آباد) خیرالعمل فائونڈیشن شعبہ ویلفیئرمجلس وحدت مسلمین پاکستان کے تحت نو تعمیر شدہ جامع مسجد الامام المجتبیٰ ؑ کا افتتاح خیر العمل ورکنگ اینڈ ڈیولپمنٹ ٹرسٹ (رجسٹرڈ)کے چیئرمین علامہ سید باقرعباس زیدی کے دست مبارک سے ہوگیا، اس موقع پرایم ڈبلیوایم کے علامہ مقصودڈومکی سمیت علاقہ مکینوں کی بڑی تعداد موجود تھی، جنہوں نے مسجد کی تعمیر پر دلی مسرت اور خوشی کا اظہارکیا اور ساتھ ہی ایم ڈبلیوایم کے سربراہ علامہ ناصرعباس جعفری کا خصوصی شکریہ ادا کیا۔
وحدت نیوز (اسلام آباد) مجلس وحدت مسلمین پاکستان کے مرکزی رہنما علامہ اصغر عسکری نے کراچی اور حیدر آبادسمیت ملک کے مختلف شہروں میں احتجاج کے دوران صحافی حضرات کو مظاہرین کی طرف سے تشدد کا نشانہ بنانے کی شدید مذمت کرتے ہوئے کہا کہ ہے میڈیا کارکنوں پر اس طرح کے حملے پیشہ وارانہ صحافتی فرائض کی ادائیگی میں رکاوٹ پیدا کرنے کے مترادف ہے۔احتجاج ہر شخص کا بنیادی ہے لیکن اسے شر پسندی اور تشدد سے پاک ہونا چاہیے۔کسی واقعہ کی اخبار میں اشاعت یا ٹی وی پر نشر نہ ہونے کا تعلق فیلڈ میں موجود صحافیوں سے نہیں بلکہ ادارے کی پالیسی سے ہے۔اس لیے صحافیوں کو مورد الزام ٹھرانا قطعی نا انصافی ہے۔ممتاز قادری کی نماز جنازہ میں لاکھوں افراد کی شرکت ایک تاریخی واقعہ اور بڑی خبر تھی۔پیمرا کی طرف سے اس کی کوریج پر پابندی لگا کر آزادی صحافت کے منافی اقدام کیا گیا جو سراسر غلط ہے۔تاہم اس قصور کی تمام تر ذمہ داری حکومتی اداروں پر عائد ہوتی ہے نا کہ صحافتی اداروں پر۔علامہ عسکری نے میڈیا سے اظہار یکجہتی کرتے ہوئے ہر اہم موقعہ پر میڈیا کی کارکردگی کو سراہا ہے۔
وحدت نیوز (کراچی) مجلس وحدت مسلمین پاکستان کے مرکزی ڈپٹی سیکرٹری جنرل علامہ محمد امین شہیدی نے سعودیہ کی قیادت میں بنے والے34 ممالک کے فوجی اتحاد اور وزیر اعظم میاں نواز شریف کے اتحادی کی حیثیت سے شرکت پرشدید ردعمل کا اظہار کرتے ہوئے کہنا تھا کہ اس اتحاد کا مقصد اسلامی ممالک میں دہشت گردی کے خاتمہ نہیں بلکہ امت مسلمہ کے خلاف امریکی وصیہونی مفادات اور گریٹر اسرائیل کی تکمیل ہے۔اس کے پس پردہ وہ قوتیں ہیں جنہوں نے گزشتہ تین دہائیوں کے دوران نہ صرف لاکھوں مسلمانوں آگ بارود کی بھٹی میں جھونک دیا بلکہ امت مسلمہ کو اقتصادی و معاشی طور پر مفلوج کر کے رکھ دیا ہے۔تاریخ شاید ہے کہ دہشت گرد چاہے طالبان کے روپ میں ہوں یا داعش کی شکل میں ان کی فکری رہنمائی اور مالی معاونت میں عرب ممالک اور امریکہ کا کردار کلیدی رہا ہے۔ہم خیال ریاستوں کا یہ فوجی اتحاد ان مسلم ممالک کے داخلی و خارجی مفادات کے لیے سخت نقصان دہ ثابت ہو گا جو طاغوتی طاقتوں کے زیر اثر نہیں ہیں۔خطہ میں سعودی عرب و اسرائیل کے درینہ دوستانہ تعلقات مسلم ممالک سے ڈھکے چھپے نہیں عالمی میڈیا میں اس اتحاد کو امریکی حکمت عملی کی طرف مثبت قرار دیا جانا ہماری آنکھیں کھولنے کے لیے کافی ہے۔انسداد دہشت گردی اتحاد میں ان مسلم ممالک کو دانستہ طور پر شامل نہیں کیا گیا جو امریکی ڈکٹیشن کو خاطر میں نہیں لاتے۔فرقہ وارانہ تقسیم کی بنیادپر تشکیل کردہ اس اتحادکے نافقط عالمی سطح پر منفی اثرات مرتب ہوں رہے ہیں بلکہ داخلی طور پربھی یہ اختلاف اور انتشار کا باعث بن رہا ہے، ہمارے ناعاقبت اندیش حکمرانوں نے ذاتی مفادات اور کاروباری مقاصدکے حصول کی خاطربیس کروڑ عوام کی عزت اور وقارکو داؤ پر لگا دیا ہے،انہوں نے کہا کہ انسداد دہشت گردی کے نام پر تشکیل کردہ یہ اتحاد کسی بھی صورت موثرثابت نہیں ہوسکتا کیوں کہ عالمی سطح پر اسلام کے خوش نما چہرے پرلگے داعش،النصرہ ، القائدہ ،طالبان اور بوکوحرام جیسے بدنماداغوں کو مٹانے کیلئے عملی طورپر میدان میں حاضر ممالک شام ، لبنان، عراق ، فلسطین اور ایران کو اس اتحاد سے باہر رکھا گیا ہے جو کہ اس اتحاد کی تشکیل میں تعصب کو ظاہر کرتا ہے۔
