The Latest

وحدت نیوز(ملتان) مرکزی کوآرڈینیٹرتنظیم سازی کونسل مجلس وحدت مسلمین پاکستان آصف رضاایڈوکیٹ اور صوبائی سیکرٹری تنظیم سازی جنوبی پنجاب علی رضا زیدی کا ضلع ملتان کا دورہ ،ضلعی کا بینہ کے ممبران سے ملاقات، تنظیمی صورت حال کا جائزہ لیااور تنظیمی سازی کے لائحہ عمل پر گفتگو کی گئی۔

ملاقات میںآئندہ ماہانہ دورجات اور یونٹس کے وزٹ پر اتفاق کیا گیا۔آئندہ ماہانہ سطح پر مرکزی شخصیت کےملتان کے باقائدہ دورہ جات کالائحہ عمل تیارکیا گیا۔آصف رضا ایڈوکیٹ ضلعی سیکریٹری جنرل کو آئندہ ایک ماہ کے اندر تنظیم سازی تیز کرنے کی ہدایت دی اور اعلان کیا کہ اگلے ماہ جنوری 2020 مرکزی ترجمان مجلس وحدت مسلمین پاکستان علامہ مقصود ڈمکی ملتان کا دورہ کریں گے۔

وحدت نیوز (اسلام آباد) مجلس وحدت مسلمین پاکستان کے مرکزی سیکریٹری امور سیاسیات سید اسدعباس نقوی نےایم ڈبلیوایم کے شعبہ سیاسیات کی سینٹرل ایگزیکٹوکونسل کے اراکین کے ناموں کا اعلان کردیا ہے ۔ مرکزی سیکریٹریٹ سے جاری اعلامیہ کے مطابق سید محسن شہریار کو مرکزی ڈپٹی سیکریٹری امور سیاسیات ، علامہ ملازم حسین شاہ کو معاون مرکزی سیکریٹری امور سیاسیات اور سید عارف رضا زیدی کو ممبر سینٹرل ایگزیکٹو کونسل نامزد کر دیا۔

اسدعباس نقوی نےکہاہے کہ ایم ڈبلیوایم شعبہ سیاسیات کی مرکزی ایگزیکٹوکونسل کے نامزد اراکین ملک بھر میںتنظیمی سیٹ اپ سے مربوط ہوکر سیاسی حکمت عملی وضع کرنے اور میں معاونت کریں گے ، انہوں نے امید ظاہر کی کہ انشاءاللہ تمام اراکین ایگزیکٹوکونسل ایم ڈبلیوایم کے پلیٹ فارم سے قوم وملت کی خدمت کیلئے شب و روزاپنی تمام ترصلاحیتیں بروئے کار لائیں گے۔

وحدت نیوز (اسلام آباد) وزارت مذہبی امور کے زیر اہتمام زیارت پالیسی سے متعلق اجلاس سے خطاب کرتے ہوئے مجلس وحدت مسلمین کے مرکزی رہنما علامہ محمد اقبال بہشتی نے کہا ہے کہ کسی ایسی حکومتی پالیسی کی حمایت نہیں کی جائے گی جس سے زائرین کی سفری یا دستاویزاتی مشکلات میں اضافہ ہوتا ہو۔انہوں نے کہا کہ پاکستان سے ایران اور عراق جانے والے زائرین پہلے ہی تشویش ناک صورت حال سے دوچار ہیں۔متعلقہ حکام اس معاملے پر خاطرخواہ توجہ نہیں دے رہے۔زائرین کے حوالے سے حکومت کی یہ سردمہری پوری قوم کے لیے اضطراب کا باعث ہے۔

 اجلاس میں ایم ڈبلیوایم کے رہنما نے اپنا موقف نکات کی صورت میں پیش کرتے ہوئے مزیدکہا کہ زائرین کے ٹٰیکسز میں قطعاََ اضافہ نہ کیا جائے۔پاکستانی ہونے کی حیثیت سے شہری پہلے ہی بے شمار قسم کے ٹیکسز کے بوجھ اٹھائے ہوئے ہیں۔زائرین اب کسی بھی اضافی بوجھ کے متحمل نہیں رہے۔پاکستانی زائرین دوسرے ممالک میں ملک کے روشن تشخص کو اجاگر کرتے ہیں انہیں زیادہ سے زیادہ سہولیات ملنی چاہیئے۔نظم و ضبط کے نام پر زائرین کی تعداد سے مشروط کوئی قانون یا نکتہ قابل قبول نہیں ہو گا۔اس ضمن میں وزارت مذہبی امور کی سفارشات کا مقصد زائرین کوغیر ضروری قوانین کے تابع کرنے کی بجائے زائرین کی مشکلات کا ازالہ ہونا چاہیے۔اس سلسلے میں سیاحت کا موجودہ قانون ہی لاگو رہنا چاہیے۔

انہوںنے کہاکہ زائرین پالیسی کو حج پالیسی کے ساتھ نتھی نہ کیا جائے کیونکہ یہ دونوں مسائل انتظامی اور افرادی اعتبار سے مختلف ہیں۔ایران و عراق میں پاکستانی سفارتخانوں کے عملے کا پاکستانی زائرین کے ساتھ غیرذمہ دارنہ طرز عمل پر متعلقہ وزارت کی طرف سے باز پرس ہونی چاہیے اور انہیں زائرین کے مسائل کے حل کے لیے ذمہ دارانہ کردار ادا کرنے کا پابند بنایا جائے۔بلوچستان میں داخل ہونے کے لیے این او سی کی شرط سمجھ سے بالاتر اور غیر منصفانہ ہے اس کا فوری طور پر خاتمہ ازحد ضروری ہے۔تفتان میں امیگریشن کے عمل میں آسانی پیدا کرنے اور تیزی لانے کی ضرورت ہے۔محرم صفر کے ایام میں عملے کی تعداد میں ممکنہ حد تک اضافہ اور خواتین کی تعیناتی کی جائے۔کوئٹہ سے تفتان کے سفر کو آسان اور محفوظ بنانے کے لیے سفری سہولیات میں بہتری لائی جائے۔ کوئٹہ اور تفتان میں زائرین کو غیر ضروری قیام پر مجبور کرنے کو سوائے زیادتی کے کوئی اورنام نہیں دیا جا سکتا۔اس زیادتی کا اب ازالہ ہو جانا چاہیے۔

علامہ اقبال بہشتی نے کہاکہ زائرین کی لوٹ مار میں مصروف کوئٹہ اور تفتان میں موجود”مخصوص مافیا“ کو کنٹرول کیا جائے۔کراچی اور سندھ کے لیے گوادر اور پسنی کا سرحدی راستہ کھولا جائے۔ہوائی سفر کرنے والے زائرین کی جملہ مشکلات کا حل نکالا جائے۔محرم اور صفر کے دوران پی آئی اےکی زائرین کے لیے خصوصی پروازوں کا انتظام کرکے آسانیاں پیدا کی جاسکتی ہیں۔یا درہے کہ اس سے قبل وفاقی وزارت مذہبی امور کی جانب سے بلائے گئے اجلاس میں شیعہ قافلہ سالاروں کو مدعو نہ کرنے پر مجلس وحدت مسلمین نے احتجاجاََ بائیکاٹ کر دیا تھاجس پر مذکورہ اجلاس دوبارہ بلایا گیااور ایم ڈبلیوایم کے مطالبے پر کراچی تا پاراچنار کوئٹہ تا گلگت تمام بڑے قافلہ سالاروں اور اور ٹورآپریٹرزکو دعوت دی گئی تھی۔وزارت مذہبی امورکی طرف سے ان امور پر سنجیدگی سے غور کرنے کی یقین دہانی بھی کرائی گئی۔

وحدت نیوز(پشاور) مجلس وحدت مسلمین خیبر پختونخوا کے صوبائی سیکرٹری جنرل علامہ وحید کاظمی نے لکی مروت کے ممتاز شاعر، ادیب اور شیعہ رہنما کے بہیمانہ قتل کی شدید الفاظ میں مذمت کرتےہوئے کہا ہے کہ سوچی سمجھی سازش کے تحت افگار بخاری کو شہید کیا گیا،خیبرپختونخوا میں ایک منظم منصوبہ بندی کے تحت تکفیری فکر کو دوبارہ سے پروان چڑھایا جا رہا ہے، ٹانک اور بالخصوص ڈیرہ اسماعیل خان کئی سالوں سےاہلِ تشع کی مقتل گاہ بنا ہوا ہے اب لکی مروت میں یہ سلسلہ شروع ہونا اس بات کی غمازی ہے کہ حکومت مٹھی بھر تکفیری شدت پسندوں کے سامنے بے بس ہے۔

علامہ وحید کاظمی نے کہا ہے کہ صوبائی حکومت کے ذمہ دار صرف طفل تسلیاں دیکر خوابِ خرگوش کی نیند سو جاتے ہیں۔ انہوں نے کہا کہ لکی مروت کے مظاہرین کے مطالبات کی بھر پورحمایت کرتے ہیں حکومت شہید افگار بخاری کی قاتلوں کو جلد از جلد گرفتار کرے، بصورت دیگر ہم ہر قسم کے احتجاج کاآئینی قانونی اور جمہوری حق محفوظ رکھتے ہیں۔

وحدت نیوز(کراچی) مجلس وحدت مسلمین پاکستان کے صوبائی سیکرٹری جنرل علامہ باقر عباس زیدی نے پنجاب انسٹی ٹیوٹ آف کارڈیالوجی میں ہنگامہ آرائی کی سخت الفاظ میں مذمت کرتے ہوئے کہا ہے کہ کسی بھی زیادتی کے خلاف آواز بلند کرنا ہر کسی کا آئینی حق ہے لیکن احتجاج کی آڑ میں ہنگامہ آرائی کی اجازت کسی کو نہیں دی جا سکتی۔احتجاج ہمیشہ قانون و آئین کے دائرہ اختیار میں رہتے ہوئے کیا جاتا ہے۔

انہوں نے پی آئی سی میں سنگین نوعیت کے مریض لائے جاتے ہیں وہاں مریضوں اور لواحقین کے لیے مشکلات پیدا کرنا کسی بڑے حادثے کو دعوت دینے کے مترادف ہے۔انہوں نے کہا کہ کسی بھی مہذب معاشرے میں عام شہری قانون کو کبھی بھی اپنے ہاتھ میں نہیں لیتے۔وکلا کا تعلق ایک پڑھے لکھے طبقے سے ہے۔ پڑھے لکھے لوگوں سے اس طرح تور پھوڑ کی توقع نہیں کی جا سکتی۔

انہوں نے کہا کہ بعض اوقات کسی بھی طبقے کے چند افراد کا غیر ذمہ دارانہ عمل پورے طبقے کی نیک نامی کے لیے خطرہ بن جاتا ہے۔حالات خواہ کیسے بھی ہوں عقل و بصیرت کے دامن کو ہاتھ سے چھوڑنا غیر دانشمندانہ فعل سمجھا جاتا ہے۔وکلا برداری کسی بھی ریاست میں قانونی ماہرین تصویر ہوتی ہے انہیں قانونی تقاضوں پر زیادہ سختی سے کاربند ہونا چاہیئے۔

انہوں کے کہا اس افسوسناک واقعہ اور اس کے محرکات کی جانچ پڑتال کے لیے ایک اعلی سطح کمیٹی تشکیل دی جانی چاہیے اور ذمہ داران کے خلاف قانون کے مطابق کاروائی ہونی چاہیے۔


وحدت نیوز(اسلام آباد) سربراہ مجلس وحدت مسلمین علامہ راجہ ناصر عباس جعفری نےمیڈیا سیل سے جاری بیان میں لاہور کے امراض قلب کے ہسپتال پنجاب انسٹیٹوٹ آف کارڈیالوجی( پی آئی سی) میں وکلاء کی جانب سے تشدد کی مذمت کی ہے۔

علامہ راجہ ناصرعباس نےوکلاء کی جانب سے پر تشدد کاروائی کی مذمت کرتے ہوئے کہا کہ پی آئی سی لاہور میں ہونےوالی ہنگامہ آرائی افسوسناک ہے،مہذب معاشرے کے شہری قانون کبھی اپنے ہاتھ میں نہیں لیتے۔

انہوں نے کہا کہ وکلا معاشرے کا پڑھا لکھا طبقہ ہے، انہیں قانونی تقاضوں کی پاسداری کرنا چاہیے، کسی بھی قسم کا احتجاج قانونی و آئینی حدود کے اندر رہ کر ہونا چاہیئے۔

انہوں نے مطالبہ کیا کہ پی آئی سی واقعہ کے ذمہ داروں کے خلاف قانونی کارروائی ہونی چاہیئے۔

وحدت نیوز(گلگت) صوبائی حکومت عدالتی معاملات میں بیجا مداخلت کررہی ہے ۔ وکلاء برادری کے اپنے مطالبات کے حق میں احتجاج کی بھرپور حمایت کرتے ہیں ۔ عدالت حکومتی ہٹ دھرمی کیخلاف ایکشن لیکر رول آف لاء کو یقینی بنائے ۔ مجلس وحدت مسلمین گلگت بلتستان کے سیکرٹری سیاسیات غلام عباس نے کہا ہے کہ حکومت اپنے من پسند سفارشی پراسکیوٹر کو مستقل کرنے کیلئے عدالتی احکامات کو بھی نظر انداز کررہی ہے ۔ تمام خالی پوسٹوں کو پبلک سروس کمیشن کے ذریعے پر کرکے وکلاء برادری میں پائی جانیوالی بے چینی کو دور کرے ۔

 انہوں نے کہا کہ گلگت بلتستان میں موجودہ حکومت کے دور میں میرٹ پامالی کی بدترین مثالیں رقم کردی گئی ہیں ، آج نوبت یہاں تک پہنچ چکی ہے کہ گریڈون بھرتی ہونے کیلئے ضروری ہے کہ وہ کسی حکومتی وزیر مشیر کا رشتہ دار ہونا ضروری ہوگیا ہے ۔ اہل اور حقدار پڑھے لکھے افراد کو دیوار سے لگایا جارہا ہے جبکہ سفارشی بنیادوں پر ملازمتیں بندربانٹ کی جارہی ہیں جس کی وجہ سے پڑھے لکھے جوان مایوسی کا شکار ہیں ۔ نوجوانوں میں مایوسی اس حد تک جاچکی ہے کہ کئی غریب گھرانوں کے اہل افراد ٹیسٹ انٹرویو کے نام پر جو ناٹک رچایا جارہا ہے اس میں حصہ لینا بھی بند کردیا ہے ۔

 انہوں نے کہا کہ اعلیٰ پوسٹوں پر کام کرنے والے آفیسران بھی ریاست سے زیادہ حکومت کی وفاداری کا مظاہرہ کررہے ہیں ۔ ایک ایسی صورت حال میں عوام کا آخری سہاراعدالتیں ہیں اگر عدالتوں کو بھی حکومت بائی پاس کرے تو غریبوں کا آخری سہارابھی چھن جائےگا ۔

وحدت نیوز(لاہور) مجلس وحدت مسلمین پنجاب کے صوبائی سیکرٹری جنرل علامہ عبد الخالق اسدی نے پنجاب انسٹیٹیوٹ آف کارڈیالوجی میں توڑپھوڑ کے واقعہ کی مذمت کرتے ہوئے کہا ہے کہ چند افراد کے غیر سنجیدہ عمل کی وجہ سے پوری وکلا برادری کے خلاف انگلیاں اٹھائی جا رہی ہیں۔

انہوں نے کہا قانون شکنی ایک مجرمانہ فعل ہے جس کی اجازت کسی کو حاصل نہیں۔اسپتال جیسے حساس مقام پر اس طرح کی ہنگامہ آرائی قیمتی انسانی جانوں کے ضیاع کا باعث بنی ہے جس کی تلافی کسی طور ممکن نہیں۔

انہوں نے کہا کہ ماضی میں بھی اس طرح کے واقعات منظر عام پر آچکے ہیں جس سے وکلا کی نیک نامی کسی حد تک متاثر ہوئی۔ قانون و انصاف کی سربلندی کے لیے علم اٹھانے والے کبھی قانون شکن نہیں ہو سکتے ۔وکلا کو چاہیے کہ وہ اپنی صفوں میں موجود ایسے عناصر کی نشاندھی کریں جو وکلا کی بدنامی کا باعث بن رہے ہیں۔

انہوں نے کہا پی آئی سی میں رونما ہونے والا واقعہ ایک انتہائی خطرناک عمل ہے جس کے محرکات پر غور کرنے کی ضرورت ہے۔ کوئی بھی شخص قانون سے بالاتر نہیں۔ واقعہ کی اعلی سطح تحقیقات ہونی چاہیئے اور ذمہ داران کو قانون کے مطابق سزا ملنی چاہیئے ۔

وحدت نیوز(لاہور) مجلس وحدت مسلمین شعبہ خواتین لاھور کی جانب سے علی حسین آباد میں محترمہ نسیم زھرا کے تعاون سے نیا یونٹ تشکیل دیا گیا۔اس موقع پر ضلعی سیکرٹری جنرل ایم ڈبلیو ایم شعبہ خواتین لاھور محترمہ حنا تقوی نے خواتین سے خطاب کیا۔ ان کے ہمراہ ڈپٹی سیکرٹری جنرل محترمہ عظمی نقوی بھی موجود تھیں۔ اپنے خطاب میں انھوں نے گزشتہ روز یمن پر سعودی بمباری کی مذمت کرتے ہوئے کہا کہ یمن کے معصوم لوگوں کی شہادتیں سعودی عرب کی یزیدی حکومت کا تختہ الٹ دیں گی۔ انھوں نے کشمیر میں ایک سو چھبیس روزہ کرفیو پر اظہار تشویش کرتے ہوے کہا کہ دنیا کی طاغوتی طاقتیں مسلمانوں کو ظلم و بربریت کیساتھ کمزور کرنا چاہتی ہیں لیکن ان شاءالله وہ وقت دور نہیں جب عدل و انصاف کا پیکر امام برحق ، مھدی موعود علیہ سلام ظالم حکومتوں کو تہ و بالا کر کے پوری دنیا میں امن قائم کریگا۔

وحدت نیوز(لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی نے کہا ہے کہ انسانی حقوق کا عالمی دن منانے والوں کو مقبوضہ کشمیر اور مقبوضہ بیت المقدس میں انسانی حقوق کی پامالی اور مظلوموں کی گرتی نعشیں نظر نہیں آتیں، کیونکہ ان کی آنکھوں پر مفادات کی پٹی بندھی ہے۔

 انسانی حقوق کے عالمی دن کی مناسبت سے لاہور میں ہونیوالے اجلاس میں گفتگو میں علامہ عبدالخالق اسدی کا مزید کہنا تھا کہ مقبوضہ کشمیر میں لاکھوں مرد و خواتین، بزرگ و بچے گھروں میں محصور ہیں، اناج اور ادویات کا قحط ہے، کئی دہائیوں سے مظلوم فلسطینی اپنی سر زمین کیلئے آزادی کی جنگ لڑ رہے ہیں لیکن انسانی حقوق کے موجودہ داعی ہی ان مظلوموں پر مظالم کی وجہ ہیں، کیونکہ ظلم ہوتا دیکھ کر بھی یہ خاموش ہیں۔

انہوں نے کہا کہ دین اسلام سے بڑا انسانی حقوق کا داعی کوئی نہیں اور آج انسانی حقوق کیلئے سب سے زیادہ چیخ و پکار کرنیوالے ہی اس کے ذمہ دار نظر آتے ہیں۔

Page 1 of 988

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree