The Latest
وحدت نیوز(سکردو)مجلس وحدت مسلمین کے پارلیمانی لیڈر اور گلگت بلتستان اسمبلی میں قائد حزب اختلاف کاظم میثم نے اپنے بیان میں کہا ہے کہ تعلیم کے معیار کو بہتر بنانے کیلئے لوکل چھٹیاں ختم کرنا مضحکہ خیز عمل ہے۔
تعلیمی معیار کو بہتر کرنا ہے تو ایچ آر اور اے وی ایڈز سمیت دیگر ریسورسز کو بڑھائیں۔
اہلیت کی بنیاد پر تقرری اور پرفارمنس کی بنیاد پر پرموشن اور زونگ کرکے مراعات دیں اور اساتذہ کو تکریم دیں تو معیار بہتر ہونا ہے۔
جدید دنیا کی نسبت اب بھی پاکستان تعلیم کا تعلیمی دورانیہ زیادہ ہے لیکن بنیادی اصلاح کی طرف توجہ نہیں ہے۔
لوکل چھٹیوں کو ختم کرنے کے مضمرات کا دفاع یکطرفہ حکومت نہیں کرسکتی، لہذا فوری بحال کیا جائے۔
کے سی بی ایل کے ملازمین کو نوکریوں سے برخاست کرنا زیادتی ہے، فوری بحال کیا جائے۔
جی بی اسمبلی کے اختیار کو چیلنج کرنا حکومت کی بدترین شکست ہے۔
اسمبلی سیکرٹریٹ کیا سیکرٹریٹ ہے یا نہیں اور کس سیکرٹریٹ کے الاونس کتنا کم زیادہ کرنا ہے وہ اسمبلی کا استحقاق ہے۔
گلگت بلتستان اسمبلی کی توقیر ختم کرنے کی کوشش کرنے والے عوامی غضب کے شکار ہوں گے۔
جس دن سیاسی نمائندہ عوامی مینڈیٹ کو سمجھیں تو حکمران بن جائے گا، اسوقت سرکاری ملازمین حکمران بننے کی کوشش کر رہے ہیں۔
جن کو حکمرانی کا شوق ہے وہ الیکشن لڑکے اسمبلی میں آئیں پھر حکمران بنیں۔
گلگت بلتستان کا آوا کا آوا بگڑا ہوا ہے لیکن راوی چین کی بانسری بجانے میں مصروف ہے۔
وحدت نیوز(جیکب آباد) مجلس وحدت مسلمین پاکستان کے مرکزی رہنماء علامہ مقصود علی ڈومکی نے کہا ہے کہ امیر المومنین امام علی علیہ السلام عالم انسانیت کے رہبر اور رہنماء ہیں۔ آپ کی شان میں قرآن کریم کی سینکڑوں آیات کریمہ نازل ہوئیں اور پیغمبر اسلام صلی اللہ علیہ وآلہ وسلم نے آپ کو اپنا بھائی، وصی، وزیر اور جانشین قرار دیا۔ آپؑ کی شان میں جتنی احادیث ہیں، اتنی کسی اور کے لئے نہیں۔ آپ امت محمد (ص) میں سب سے افضل اور اعلیٰ ہیں۔ اپنی بے مثال شجاعت جہاد فی سبیل اللہ، علم، سخاوت، حکمت و دانائی، فصاحت و بلاغت اور زھد و تقویٰ کے باعث آپؑ کو تاریخ انسانی میں منفرد مقام حاصل ہے۔ آپ علیہ السلام کا پانچ سالہ دور خلافت دنیا بھر کے حکمرانوں کے لئے مشعل راہ ہے۔ ان خیالات کا اظہار انہوں نے شب ضربت امیر المومنین علی ابن ابی طالب علیہ الصلوۃ والسلام کی مناسبت سے جیکب آباد میں درگاہ لاہوری بابا پر سالانہ مجلس عزاء کے موقع پر عزاداروں سے خطاب کرتے ہوئے کیا۔
مجلس عزاء سے خطاب کرتے ہوئے علامہ مقصود ڈومکی نے کہا کہ حضرت مالک اشتر رضی اللہ تعالی عنہ کو مصر کا گورنر مقرر کرتے ہوئے آپ علیہ السلام نے جو عہد نامہ تحریر کیا، وہ آج بھی حکمرانی کا جامع منشور ہے۔ انہوں نے کہا کہ امام علی علیہ السلام کے خطبات، مکتوبات اور فرامین کا مجموعہ نہج البلاغہ علم و حکمت اور فصاحت و بلاغت کا سمندر ہے۔ انہوں نے کہا کہ مولا علی علیہ السلام نے اپنی آخری وصیت میں فرمایا تھا کہ ظالم کے دشمن اور مظلوم کے حامی رہو۔ یہی وجہ ہے کہ آج شیعیان علی ابن ابی طالب علیہ السلام پوری دنیا میں ظالم کے خلاف صف آراء ہیں اور دنیا بھر کے مظلوموں کے مددگار اور طرفدار ہیں۔ فلسطین اور غزہ کے مظلوموں کی حمایت اور شیطان بزرگ امریکا و اسرائیل غاصب کے خلاف لبنان، یمن، عراق، ایران سمیت پوری دنیا میں شیعیان علی نے جو کردار ادا کیا ہے وہ لائق صد تعریف ہے۔ ہم غزہ اور یمن کے عوام کی استقامت کو سلام پیش کرتے ہیں، اور عہد کرتے ہیں کہ کبھی بھی فلسطین کو اکیلا، نہیں چھوڑیں گے۔
وحدت نیوز(ملتان)مجلس وحدت مسلمین پاکستان کے وفد کی مرکزی جنرل سیکرٹری سید ناصر عباس شیرازی ایڈووکیٹ کی قیادت میں بزرگ عالم دین، رفیق شہید قائد علامہ عارف حسین الحسینی، علامہ قاضی شبیر حسین علوی کی وفات پر تعزیت کے لئے ملتان میں مدرسہ شہید مطہری آمد، پرنسپل جامعہ و مجلس علماء مکتب اہلبیت کے صوبہ جنوبی پنجاب کے صدر علامہ قاضی نادر حسین علوی نے استقبال کیا اور دکھ کی اس گھڑی میں مرکزی وفد کی آمد اور علامہ راجہ ناصر عباس جعفری کی جانب سے تعزیت پر شکریہ ادا کیا۔۔
وفد میں مرکزی سیکرٹری عزاداری ونگ اقرار حسین ملک، مرکزی معاون اجرائی امور آصف رضا ایڈووکیٹ اور عاشق حسین شامل تھے، جبکہ صوبہ جنوبی پنجاب کے صدر علامہ اقتدار نقوی، مرکزی ڈپٹی سیکرٹری جنرل سلیم صدیقی، صوبائی کابینہ کے ممبران اور ضلع ملتان کے اراکین بھی ہمراہ تھے۔ وفد نے اجتماعی دعا کے بعد مرحوم علامہ قاضی شبیر حسین علوی کی قبر پر بھی حاضری دی اور فاتحہ خوانی بھی کی۔
وحدت نیوز(ملتان)مجلس وحدت مسلمین پاکستان کے وفد نے مرکزی جنرل سیکرٹری سید ناصر عباس شیرازی ایڈووکیٹ کی قیادت میں شیعہ علماء کونسل پاکستان کے سینیئر نائب صدر علامہ سید محمد تقی نقوی کے بھائی معروف عالم دین علامہ سید علی رضا نقوی کے انتقال پر ان کے بھائی علامہ ڈاکٹر کاظم نقوی سے اظہار افسوس کیا۔ ایم ڈبلیو ایم کے وفد نے قدیمی دینی درسگاہ جامعہ مخزن العلوم الجعفریہ سورج میانی میں مرحوم کی قبر پر فاتحہ خوانی اور دعائے مغفرت کی۔ ایم ڈبلیو ایم کے وفد میں مرکزی سیکرٹری عزاداری ونگ اقرار حسین ملک، مرکزی معاون اجرائی امور آصف رضا ایڈووکیٹ اور عاشق حسین شامل تھے، جبکہ صوبہ جنوبی پنجاب کے صدر علامہ اقتدار نقوی، مرکزی ڈپٹی سیکرٹری جنرل سلیم صدیقی، صوبائی کابینہ کے ممبران اور ضلع ملتان کے اراکین بھی ہمراہ تھے۔
مرکزی سیکرٹری جنرل نے چیئرمین مجلس وحدت مسلمین علامہ راجہ ناصر عباس جعفری کا تعزیتی پیغام بھی پہنچایا۔ وفد نے مرحوم کے لواحقین اور خاندان کے افراد سے تعزیت اور فاتحہ خوانی کی۔ بعدازاں جائے مدفن پر اجتماعی دعا کی گئی، مرحوم کی آخری آرام گاہ پر بھی فاتحہ خوانی کی اور سید العلماء علامہ سید گلاب علی شاہ کے مرقد پر بھی دعا کی۔ اس موقع پر مدرسین مدرسہ، علمائے کرام اور مرحوم کے خاندان کے افراد نے دکھ کی اس گھڑی میں تعزیت کے لئے آمد پر وفد کا شکریہ ادا کیا۔
وحدت نیوز(کراچی)مجلس وحدت مسلمین صوبہ سندھ کیصدرباقر عباس زیدی کا کہنا تھا کہ یوم علی منانے کا مقصد مظلوم کی یادمنانا ہے دنیا بھر میں امام علی علیہ السلام کی شہادت کے ایام شروع ہوگئے ہیں اور اس حوالے عزاداری سلسلہ جاری ہے اور 21 رمضان المبارک دنیا بھر کی طرح ملک میں بھر کے چھوٹے بڑے شہروں میں مجالس عزاء و جلوس نکالے جائیں گے اس حوالے سے حکومت و سیکورٹی اداروں سے سخت سکیورٹی کی اپیل کرتے ہیں۔ان خیالات کا اظہار انہوں نے وحدت ہاوس صوبائی دفتر میں منعقدہ پریس کانفرنس سے خطاب میں کیا انہوں نے کہا کہ یوم علی کو ایک دن کے شہر میں بہت سارے مسائل ہے کم از کم شہری حکومت کو چاہئے کہ شہر کے مختلف اضلاع میں جلوس کے روٹس پر سیوریج کے نظام کو بہتر بنائے۔
ان کاکہنا تھاکہ فلسطین میں ظلم وبربریت جارہی ہے۔ جنگ بندی کے بعد 400سے زائد شہری شہید ہو چکے ہیں غزہ دوبارہ حالت جنگ میں ہے اور جنگ بندی کا معاہدہ اسرائیل کی طرف سے توڑا گیا اور جنگ شروع کی۔انہوں نے کہا کہ دنیا بھر میں یوم القدس ہر سال منایا جاتاہے، یوم القدس کا مقصد فلسطینیوں کی حمایت اور اس بات کی تائید ہے کہ فلسطین فلسطینیوں کا ہے۔جو ممالک اسرائیل کے حق میں ہے وہاں پر بھی یوم القدس منایا جاتا ہے۔یوم القدس کو حکومتی سطح پر منانے کا مطالبہ کرتے ہیں۔
کانفرنس سے کراچی ڈویژن کے صدر علامہ صادق جعفری کا کہنا تھا کہ پاکستان میں علماء سمیت شہریوں کو ٹارگٹ کیا جا رہا ہے لہذا دوبارہ تاکید کی جارہی ہے کہ سیکیورٹی یقینی بنائیں۔پارا چنار میں مسئلہ جوں کا توں ہے وہاں کے مسائل ختم ہونا چاہئے اگر کوئی حکومتی رٹ کو چیلنج کررہاہے تو حکومت کو کارروائی کرنی چاہے امید ہے ان تمام مسائل کو حل کریں گے ۔
انہوں نے کہا سندھ میں یوم علی علیہ السلام سے قبل سیکیورٹی کیخدشات موجود ہے پولیس اور سیکیورٹی ادارے علماء کی سیکیورٹی کا خاص انتظام کریں حکومت کی۔جانب سے ہم علماء و شخصیات کی سیکیورٹی واپس لینا قابل مذمت ہے۔رہنماوں نےآج بروز جمعہ فلسطین پر اسرائیلی جارحیت کے خلاف یوم احتجاج منانے کا اعلان کیا ہے۔بعد نماز جمعہ سندھ بھر کی جامع مساجد کے باہر احتجاجی مظاہرے اور ریلیاں نکالی جائیں گی۔کانفرنس میں علامی مختار امامی، علامہ مبشر حسن سمیت دیگر رہنما موجود تھے۔
وحدت نیوز(اسلام آباد)سربراہ مجلس وحدت مسلمین پاکستان سینیٹر علامہ راجہ ناصر عباس جعفری نے میڈیا سے گفتگو کرتے ہوئے کہا ہے کہ ساری دنیا جانتی ہے معاشرے رول آف لاء کے بغیر نہیں چلتے، جہاں عوام کو بنیادی حقوق نہ ملیں، وہ معاشرہ بھی آگے نہیں چلتا، آج بھی ہماری بانی پی ٹی آئی عمران خان سے ملاقات نہیں کرائی گئی، کئی گھنٹے انتظار کروا کے پھر واپس بھیج دیا جاتا ہے اور حکومت کو پتہ نہیں کس بات کا خوف ہے، بانی پی ٹی آئی عمران خان سے ملاقات ہمارا قانونی حق ہے اور حکومت عمران خان کو بلیک آؤٹ کر کے معلوم نہیں کیا حاصل کرنا چاہتی ہے۔
انہوں نے حکومت کے رویے پر شدید تنقید کرتے ہوئے کہا کہ ایسے اقدامات سے حکومت اپنے ساتھ ساتھ پورے ملک کو بھی نقصان پہنچا رہی ہے، کوئی بھی حکومت عوام کے بغیر کامیاب نہیں ہو سکتی، حکومت پہلے دن سے اپنا وجود عوام میں کھو چکی ہے، عوام کا حکومت پر کوئی اعتماد نہیں، حکومت غلط بیانی سے کام لے رہی ہے اور اگر پاکستان کو بچانا ہے تو حکمرانوں کو سچ بولنا پڑے گا، کہ عوام صرف بانی پی ٹی آئی عمران خان پر اعتماد کرتی ہے اور انہیں جیل سے باہر نکالنا ہو گا کیونکہ عمران خان ہی ملک کو بحرانوں سے نکالنے کی صلاحیت رکھتے ہیں، خان کو رہا کرنا ضروری ہے، حکومت جو بھی اقدامات کر رہی ہے وہ عمران خان کے خوف سے کر رہی ہے، پیکا، 26 ویں ترمیم اور دیگر اقدامات اسی کا تسلسل ہے۔
انہوں نے اپوزیشن کے حوالے سے بات کرتے ہوئے کہا کہ اپوزیشن کا مل بیٹھنا ایک مثبت پیش رفت ہے اور تمام اپوزیشن جماعتیں اس بات پر متفق ہیں کہ پاکستان کا وجود خطرے میں ہے، اپوزیشن کا اتفاق ہے آئین کی حکمرانی کے لیے اکٹھے ہونا پڑے گا، انشا اللہ عید کے بعد اپوزیشن کا اتحاد پوری طرح سامنے آئے گا، ہم نے کہا تھا امن و امان کی صورتحال پر پارلیمنٹ کا مشترکہ اجلاس بلایا جائے، ہمارا مطالبہ تھا دہشت گردی پر پارلیمینٹ سے ایک مشترکہ پیغام دیا جائے، ملکی سالمیت اور وجود خطرے میں ہے،وقت ضائع کئے بغیر بانی کو باہر لائیں۔
وحدت نیوز(اسلام آباد) مجلس وحدت مسلمین پاکستان کے پارلیمانی لیڈر و رکن قومی اسمبلی حلقہ این اے37 کرم انجینئر حمید حسین طوری نے ضلع کرم میں بدترین ناامنی کے خلاف قومی اسمبلی میں دوسری قرارداد پیش کی۔جس پر 55 سے زائد ایم این ایز نے دستخط کئے۔
قرارداد میں قومی اسمبلی نے ضلع کرم میں بگڑتی ہوئی صورتحال پر گہری تشویش کا اظہار کیا ہے، 6 ماہ سے چپری تا تری منگل تک سڑک کی بندش اور عسکری سرگرمیوں نے ہر بار بار المناک واقعات کو جنم دیا ہے:
مئی 2023 میں تڑی منگل میں سات اساتذہ کی سفاکانہ قتل، (اکتوبر 2024) میں خون ریز لڑائیوں سے سینکڑوں ہلاکتیں، نومبر میں عوامی کانوائے مین 100سے زائد شہریوں کی اجتماعی قتل ، باگن میں گھروں/دکانوں کو آگ لگانا، ڈپٹی کمشنر پر نشانہ بند حملہ (جنوری 2025)، خوراک کے قافلے کی لوٹ مار، اور چار خیل میں سامان کے قافلے پر تازہ ترین حملہ ضلع کرم دہشت گرد گروہوں، مقامی عسکریت پسندوں اور غیرملکی دہشت گردوں کا اڈہ بن چکا ہے، جس نے علاقے کو جنگ زدہ علاقے میں بدل دیا ہے اور مقامی باشندوں کی زندگیوں کو مفلوج کر دیا ہے۔
ضلع کرم پاکستان سےمنقطع ہو چکا ہے، جہاں ضروری سامان کی شدید قلت ہے، جبکہ دہشت گرد عناصر بے خوف و خطر کام کر رہے ہیں۔
وحدت نیوز(پاراچنار)مجلس وحدت مسلمین ضلع کرم کی ضلعی کابینہ کا باقاعدہ اعلان کیا گیا اور حلف برداری کا پروگرام ضلعی آفس میں منعقد ہوا۔ پروگرام میں ضلعی مشاورتی کونسل، سیاسی کونسل کے ممبران اور دیگر کارکنان نے شرکت کی۔ طویل مشاورت کے بعد ضلعی کابینہ کا اعلان کیا گیا اور صوبائی صدر علامہ جہانزیب علی جعفری صاحب سے مشاورت کے بعد صوبائی نمائندے سید مسرت کاظمی نے ضلعی کابینہ کے اراکین سے حلف لیا۔ سابق امید وار صوبائی اسمبلی سید نجات حسین، حاجی محبوب علی، ریٹائرڈ پرنسپل ناصر حسین، سید مفید حسین میاں، حاجی جمشید علی، حاجی امجد علی، کربلائی ممتاز علی، حاجی احمد علی اور ساجد کاظمی کابینہ میں شامل ہیں۔
اس موقع پر نو منتخب ضلعی صدر سید معین حسین الحسینی اور نائب صدر سید سرفراز علی شاہ نے کہا کہ تنظیمی ڈھانچے کو مزید فعال کیا جائے گا اور توسیع تنظیم و تنظیم سازی پر خصوصی توجہ دی جائے گی، عنقریب یونین کونسل، نبھرہوڈ کونسل سطح پر اور ہر گاؤں کی سطح پر تنظیمی یونٹس بنائے جائیں گے اور کارکنان کی فعالیت و تربیت کے لئے خصوصی پروگرامات تشکیل دیئے جائیں گے۔ انہوں نے مزید کہا کہ ہم قومی وحدت پر یقین رکھتے ہیں، ضلع کرم میں آباد اقوام کو بھائی چارے اور مذہبی ہم آہنگی کی دعوت دیتے ہیں کیونکہ ضلع کرم کی آمن وآمان کی مخدوش صورتحال باہمی بھائی چارے اور مذہبی ہم آہنگی قائم رکھنے میں مضمر ہے مختلف اقوام کے درمیان تمام تنازعات علاقی معاہدوں کے ذریعے حل کرنے کوشش کی جائے گی۔
وحدت نیوز(سکردو)اپوزیشن لیڈر گلگت بلتستان اسمبلی و پارلیمانی لیڈر مجلس وحدت مسلمین گلگت بلتستان محمد کاظم میثم نے میڈیا کو جاری ایک بیان میں کہا کہ گلگت بلتستان کی بگڑتی صورتحال پر اپوزیشن نے سیاسی پوائنٹ سکورینگ کی بجائے ہرممکن اصلاح کی کوشش کی،عوامی ایشوز اور خطے کے معاملات کو ہر فورم تک پہنچایا لیکن لگتا ایسا ہے تمام خرابیاں ایک بڑے کھیل کا حصہ ہے،تحمل، بردباری اور وسعت قلبی کے ساتھ نظام کو آگے بڑھانے کا موقع فراہم کیا لیکن اپوزیشن کے حلقوں اور عوام کو بیگانہ سمجھا جا رہا ہے،انہوں نے کہ کہ وسائل کی ظالمانہ، غیرمنصافہ تقسیم اور تعصبات پر مبنی اقدامات کی بدترین مثال پیش کی جارہی ہے لیکن راوی چین کی بانسری بجانے میں مصروف ہےملکی سکیورٹی صورتحال پر شدید تشویش ہے اور دہشتگردی کے پے درپے حملوں کی شدید مذمت اور شہدا کو خراج عقیدت پیش کرتے ہیں،ملکی سکیورٹی، معاشی، سیاسی اور سماجی استحکام کے لئے دعائیں اور نیک تمنائیں ہیں۔
انہوں نے مزید کہا کہ دہشتگردی کے خلاف جاری جنگ میں سکیورٹی اداروں کے ساتھ کھڑے ہیں، دہشتگردی کے سبب حالیہ گھٹن زدہ ماحول کے خاتمے کے انتظار میں ہیں، معاملات نارمل ہونے کے بعد گلگت بلتستان میں جاری مظالم، واردات اور زیادتیوں پر تفصیلی پریس کانفرنس کروں گا،ان تمام مس ڈیلورنس اور مس ایڈونچر کے ذمہ داروں کا تعین کرکے ایک ایک چیز کو پبلک کیا جائے گا جو رجیم چینج سے اب تک ہوا،ہم نے بہت کوشش کی کہ ظلم ختم ہو، زیادتی نہ ہو، خطہ تعمیر و ترقی کی راہ پر گامزن ہو لیکن ہماری مثبت کوشش کو کمزوری سمجھ کر عوام دشمن اقدامات کو بام عروج تک پہنچایا گیا،سیاسی جماعتوں کے قائدین کے دل و دماغ میں کرسی بیٹھی ہوئی ہے جبکہ نئی نسل اس سیاسی طبقے سے آگے نکل چکی ہے،یوتھ کی انٹلیکٹ اور اپروچ کی سطح روایتی سیاست سے بہت بلند ہے جبکہ نظام کے باگ سنبھالنے والے قرون وسطی' میں ہے۔
گلگت بلتستان میں سکیورٹی خدشات موجود ہیں، سکیورٹی ادارے اس حساس خطے کی سکیورٹی پر خصوصی توجہ دیں،ملک بھر میں دہشتگردی کے افسوسناک واقعات کے بعد سکیورٹی ہائی الرٹ نہایت ضروری ہے،رمضان مین شبہائے قدر، ایام شہادت اور عید کے اجتماعات پر خصوصی نظر رکھنے کی ضرورت ہے،دیامر ڈیم کے متاثرین کے مطالبات کو تسلیم کرنے میں تاخیر کرنا نیک شگون نہیں، ڈیم متاثرین کے ساتھ جی بی حکومت بھی ہے تو رکاوٹ کس بات کی ہے،حالت روزہ میں بھی اپنے حقوق کے لیے دھرنے میں بیٹھے تمام لوگوں کی جدوجہد قابل تعریف ہے، رجیم چینج کے دوران اداروں نے تسلی دیا تھا کہ اس لاڈلی حکومت کو بجٹ بھرپور دلا دیں گے لیکن اب اینڈومنٹ کے مریضوں کا علاج بھی رکا ہوا ہے،حکومتی ذمہ دار کو کہنا تھا کہ گلگت بلتستان کا خزانہ خالی ہوگیا ہے تو ہم کہاں سے پیسہ لائیں، میں نے کہا وفاق میں عمران خان کی نہیں آپکی جماعت کی حکومت ہے لائیں پیسے،اسٹبلشمنٹ کے سربراہ جی بی میں بھی رہ چکے ہیں، گلگت بلتستان کے حوالے سے جلد انکو خط لکھیں گے، شنوائی نہ ہوئی تو اس خط کو بھی پبلک کریں گے۔
وحدت نیوز(لاہور)مجلس وحدت مسلمین ضلع لاہور کے زیر اہتمام ایم ڈبلیو ایم صوبائی سیکرٹریٹ ماڈل ٹاؤن لاہور میں شیعہ بیٹھک اور ضیافت افطار کا اہتمام کیا گیا ۔ مجلس وحدت مسلمین سے وابستہ جید اور معروف تنظیمی شخصیات کی شرکت ۔
مرکزی سیکرٹری سیاسیات جناب سید اسد عباس نقوی کی شیعہ بیٹھک میں خصوصی شرکت اورحاضرین سے حالات حاضرہ پر خطاب بھی کیا ۔جناب حجت الاسلام والمسلمین علامہ سید علی اکبر کاظمی صاحب نے شیعہ بیٹھک پر بہت ہی عمدہ خطاب جسے شرکاء نے بہت سراہا ۔
صوبائی ،ضلعی اور مختلف ٹاونز کے مسئولین کے علاوہ لاہور شہر کی معروف سیاسی، سماجی اور مذہبی شخصیات نے بھی اس خوبصورت پروگرام میں شرکت کی ۔
امامیہ آرگنائزیشن ،امامیہ اسٹوڈنٹس آرگنائزیشن پاکستان، بانیان مجالس ،نوحہ خوانوں، اور ماتمی سالاروں کے نمائندہ وفود نے بھی اس پروگرام اور ضیافت افطار میں شرکت کی ۔
علامہ حسن رضا ہمدانی ،علامہ وقار الحسنین نقوی ،افسر رضا خان ، سیٹھ عدنان ، سید حسن رضا کاظمی ،سید حسین زیدی ،شیخ عمران علخ ،سید فصاحت علی بخاری ، جناب حاجی امیر عباس مرزا برادر نقی مھدی ،برادر سجاد نقوی ، حیدر کھوکھر ایڈووکیٹ ، سید اسد نقوی ایڈووکیٹ ، برادر شعیب ، بدر عباس ،رانا آصف ، سجاد حسین گجر ، متولی ،پیر دربار پھل پیر شاہ ، سید نسیم کاظمی ، سید ضمیر شاہ ،سید نجم شاہ نے ضلعی صدر جناب نجم عباس کی خصوصی دعوت پر پروگرام میں تشریف لائے ۔
