The Latest

وحدت نیوز(جیکب آباد) مجلس وحدت مسلمین پاکستان کے مرکزی ترجمان علامہ مقصود علی ڈومکی نےمرکزی امام بارگاہ جیکب آباد میں خطاب کرتے ہوئے کہا کہ رہبر معظم انقلاب اسلامی حضرت آیت اللہ سید علی خامنہ ای کروڑوں انسانوں کے محبوب رہنما ہیں، انہوں نے ہر محاذ پر شیطان بزرگ امریکہ کو رسوا کیا ہے۔ آج امریکہ کے تمام شیطانی منصوبے ناکامی کا شکار ہیں۔ ان شاء اللہ تعالی صدی کی ڈیل نامی شیطانی منصوبہ بھی ناکام ہوگا۔ بے ضمیر عرب حکمرانوں نے قبلہ اول کو بیچنے کا جو منصوبہ بنایا ہے وہ غیور مسلمانوں کے ہاتھوں شکست سے دوچار ہوگا۔

وحدت نیوز(سکردو) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری تین روزہ تنظیمی دورے پر سکردو پہنچ گئے۔ ایئرپورٹ پر ان کا استقبال علامہ سید آغا علی رضوی,علامہ احمد علی نوری اور دیگر رہنماؤں نے کیا۔

اس دورے میں ان کے ہمراہ مجلس وحدت مسلمین پاکستان کے مرکزی سیکرٹری شعبہ تنظیم سازی علامہ سید غلام شبیر بخاری ، آصف رضا ایڈوکیٹ بھی موجود ہیں ۔ تین روزہ دورے کے دوران علامہ راجہ ناصر عباس جعفری مجلس وحدت کے صوبائی کنونشن میں شرکت کریں گےاور سکردو میں منعقد ہونے والے ڈیل آف دی سینچری سیمینار سے خطاب بھی کریں گے۔

وحدت نیوز(اسلام آباد) مجلس وحدت مسلمین کے مرکزی پولیٹیکل سیکریٹری اور مشیر حکومت پنجاب برائے بین المذاہب ہم آہنگی سید اسد عباس نقوی کی اسلام آباد میں مسلم لیگ ق کے رہنما اور وفاقی وزیر برائے ہاوسنگ اینڈ ورکس طارق بشیر چیمہ سے ملاقات۔

 دونوں رہنماؤں کے درمیان موجودہ ملکی صورت حال پر تفصیلی گفتگوہوئی ۔ اس موقع پر اسدعباس نقوی کے ہمراہ ایم ڈبلیوایم کے رہنما مولانا علی شیر انصاری سمیت دیگر بھی موجود تھے ۔

وحدت نیوز (کراچی)  سکردو ضلع شگر کے نواحی گاؤں میں آسمانی بجلی گرنے سے 5افراد کی ہلاکت پر مجلس وحدت مسلمین کراچی ڈویژن کے سیکریٹری جنرل علامہ صادق جعفری نے دلی افسوس اور رنج وغم کا اظہار کیا ہے ۔ ڈویژنل سیکریٹریٹ سے جاری اپنے تعزیتی بیان میں انہوں نے کہاکہ قدرتی آفات خداکی جانب سے امتحان ہوتی ہیں۔صوبائی حکومت تمام جاں بحق افراد کے پسماندگان کے ساتھ مکمل تعاون کرے ۔ اس ناگہانی آفت کے نتیجے میں جاں بحق خواتین اور بچوں کی خدا مغفرت فرمائے اور تمام مرحومین کے پسماندگان کو صبر جمیل عطا فرمائے ۔

واضح رہے کہ ضلع شگر کے نواحی گاؤں میں آسمانی بجلی گرنے سے2خواتین اور 3بچے جاں بحق ہوگئے تھے جبکہ 7مکانات جل کر خاکستر ہوگئے تھے۔ اطلاعات کے مطابق ضلعی انتظامیہ شگر کے دور افتادہ علاقے میں امدادی سرگرمیوں میں مصروف عمل ہیں ۔

وحدت نیوز(فیصل آباد) ضلع فیصل آباد میں ایم ڈبلیو ایم شعبہ خواتین کی مرکزی سیکرٹری فلاح و بہبود محترمہ فرحانہ گلزیب کی زیر سرپرستی بچوں اور خواتین کے لیے ۱۵ جون تا ۱۵ جولائی تربیتی ورکشاپ جاری ہے اس ورکشاپ میں تجوید القرآن ، عقائد ، اخلاق، تفسیر اور احکام جیسے موضوعات پر خواتین کو دینی و فکری تعلیم دی جارہی ہے اور اس کیساتھ ساتھ پارلر ، سلائی ، سپوکن انگلش کمپیوٹر کورسز بھی کرواے جارہے ہیں ۔

ایم ڈبلیو ایم شعبہ خواتین ضلع فیصل آباد کی سیکرٹری جنرل محترمہ مقدس نقوی ، سیکرٹری تربیت محترمہ ثمینہ نقوی ، مرکزی سیکرٹری فلاح و بہبود محترمہ فرحانہ گلزیب اور محترمہ سیدہ موسوی صاحبہ آف ملتان اس تربیتی ورکشاپ میں درس و تدریس کے فرائض انجام دے رہی ہیں۔

وحدت نیوز(لاہور) مجلس وحدت مسلمین شعبہ خواتین ضلع لاھور کی جانب سے گڑھی شاہو یونٹ میں بچوں کی دینی تعلیم و تربیت کے لیے سمر کیمپ کا انعقاد کیا گیاجس میں بچوں اور بچیوں کی کثیر تعداد نے شرکت کی۔ضلعی سیکرٹری جنرل محترمہ حنا تقوی,ضلعی سیکرٹری شعبہ تربیت محترمہ نجبہ اور ضلعی سیکرٹری  شعبہ تعلیم محترمہ فرحانہ نے درس و تدریس کے فرائض سر انجام دیے۔ بچوں کو سورہ الفجر واحادیث حفظ کرائی گئیں۔بنیادی شرعی احکامات اور معرفت امام زمانہ عج کے عنوان پر دروس دیے گئے۔ محترمہ حنا تقوی سیکریٹری جنرل ایم ڈبلیو ایم شعبہ خواتین لاہور نے بہترین انتظامات اور سمر کیمپ کو کامیاب بنانے کےلئے یونٹ ممبران کی کاوشوں کو لائقِ تحسین قرار دیا۔

وحدت نیوز (اسلام آباد) مجلس وحدت مسلمین پاکستان کے مرکزی سیکرٹری تنظم سازی علامہ شبیربخاری نے نے سنٹرل سیکرٹریٹ میں نماز ظہرین میں درس دیتے ہوئےکہاکہ اسلام میں کسی بھی نیک پاکیزہ انسان کے لئے 2 بنیادی چیزوں کی ضرورت ہے 1 تقوی 2علم ۔علم اور ایمان ایک ساتھ ہیں اگر علم بغیر ایمان کے حاصل کریں گے تو تقوی بے معنی ہو جائے گا 4 احادیث جو علم کی فضیلت پر دلالت کرتی ہیں طلب العلم علی کل مسلم و مسلمہ / اطلبوالعلم المھدالی الحد / اطلبوالعلم ولو بالسین / العلم نور واللہ یقذف لمن یشاء فی قلبہ / الحکمہ ضالتہ المومن /  ان احادیث مبارکہ روشنی میں گفتگو کی گئی آقا صاحب نے فرمایا کہ علم بغیر تقوے کے ایسے ہے جیسے بیج بغیر چھلکے کے کاشت کیاجائے وہ کبھی بھی نہیں اگے گا ایمان باعمل صالح اور علم باتقوی ایک ہی چیز ہے ۔ بو علی سینا اور جابر حیان کی مثالیں پیش کیں۔

 انہوں نے جابر بن حیان کی مثال پیش کرتے ہوئے فرمایا کہ جب ان کا وقت رحلت قریب پہنچا تو ایک فقیہ ان کی تیمارداری کے لئے ان کے گھر گئے جابر فقیہ سے وراثت کا مسئلہ دریافت کیا تو فقیہ نے جواب دیا اب کیا فائدہ اب تو آپ کی آگے کی تیاری کریں اتنے میں جابر نے کہا کہ مجھے بتائیں اگر آدمی ایک مسئلہ جان اور سمجھ کر اس دنیا سے رخصت ہو تو بہتر ہے یا پھر جھالت میں چلا جائے فقیہ نے کہا جان کر اتنے میں انہوں نے مسئلہ وراثت ان کو بتایا اور چل دیئے فقیہ فرماتے ہیں کہ میں ابھی گھر سے باہر محلے میں ہے تھا جابر کے کے گھر سے رونے کی آوازیں بلند ہو گئیں دیکھیں عزیزان ایک یہ زندگی ہے اور ایک آج کے دور کو دیکھ لیں ۔

 اسی طرح بوعلی سیناکے بارے گفتگو کرتے ہوئے فرمایا کہ بو علی سینا نے 12 سال کی عمر میں پڑھنا شروع کیا اور تجربات کرتے ہوئے اس زمانے بادشاہ تک پہنچے اور اپنا نام پیدا کیا اور دیکھیں آج پورا مغرب ان میڈیکل سائنس پر کھڑا ہے انہوں کتنی مشکلات میں علم حاصل کیا آج جیسے ایٹم کی تعلیم پر پابندی اس زمانے میں لائبریریوں پر قدغن تھی اور اس دور میں جب بو علی سینا نے بادشاہ کا علاج کیا تو بادشاہ نے ایک سال کے لئے اپنی لائبریری استعمال اور استفادہ کرنے کی اجازت دی یہ ہے چھٹی ساتویں ھجری کی تعلیم اور آج ذرا مشاھدہ فرمائیں اتنا جدید دور ہونے کے باوجود ہم تعلیم بغیر تقوی اور بغیر ہدف کے حاصل کر رہے ہیں ۔ دعا ہے کہ اللہ تعالی ہمیں علم و عمل کی دولت سے نوازے آمین ۔

وحدت نیوز(ٹوبہ ٹیک سنگھ) سید محمد حسن جعفری مجلس وحدت مسلمین ضلع ٹوبہ ٹیک سنگھ کے سیکرٹری جنرل منتخب، مولانا سید ملازم حسین نقوی نے حلف لیا۔تفصیلات کے مطابق مجلس وحدت مسلمین پاکستان ضلع ٹوبہ کی تنظیم نو کا اجلاس مرکزی امام بارگاہ جھنگ روڈ ٹوبہ ٹیک سنگھ میں منعقد ہوا جس میں سید محمد حسن جعفری کو آئندہ تین سال کے لیئے ضلع ٹوبہ کا سیکرٹری جنرل منتخب کر لیا گیا۔ اس موقع پرمولانا سید ملازم حسین نقوی نے شرکاء سے گفتگو کی اور ملت جعفریہ کو درپیش مختلف چیلنجز کے حوالے سے خطاب کیا۔

وحدت نیوز (لاہور) مجلس وحدت مسلمین ضلع شاہدرہ، لاہور کے انٹرا پارٹی الیکشن مسجد و امام بارگاہ امام موسی کاظم (ع) امامیہ کالونی شاہدرہ میں منعقد ہوئے، جس میں ضلع کے تمام یونٹس اراکین شریک ہوئے۔ انٹرا پارٹی الیکشن میں الیکشن کمیشن کے فرائض علامہ عبدالخالق اسدی کی نگرانی میں سید حسن کاظمی اور علامہ سید حسن ھمدانی نے سر انجام دیئے۔

 صوبائی سیکرٹری جنرل پنجاب علامہ عبدالخالق اسدی نے عمائدین شہر اور کارکنان سے خصوصی خطاب کرتے ہوئے کہا کہ مجلس وحدت مسلمین مخلصین، وطن دوست اور اسلامی اقدار کے محافظ افراد پر مشتمل ایک الہی کاروان ہے، جو ظلم کیخلاف جدوجہد میں مصروف ہے، ان شاءاللہ وطن عزیز کی ترقی و استحکام اور استعماری قوتوں کیخلاف ہم ہر فورمز پر آواز بلند کرتے رہیں گے۔

 اپنے خطاب میں سید حسن کاظمی نے آنیوالے تنظیمی عہدے داروں کو خوش آمدید کہا اور تنظیمی طور پر ضلع شیخوپورہ کو دو حصوں میں تقسیم کرنے کی وجوہات اور افادیت سے آگاہ کیا۔ اجلاس میں خصوصی طور پر علامہ سید وقارالحسنین نقوی نے شرکت کی اور الیکشن پراسیس کو مانیٹر کیا۔ ضلعی شوریٰ نے بھاری اکثریت سے علامہ سید قمر عباس شمسی کو آئندہ تین سال کیلئے ضلعی میر کارواں منتخب کیا۔

وحدت نیوز(اسلام آباد) حکومتِ پنجاب نے سید اسد عباس شاہ کو وزیراعلیٰ پنجاب کی ہدایت پر فوکل پرسن برائے بین المذاہب ہم آہنگی مقرر کردیا۔ حکومت پنجاب نے صوبے میں بین المذاہب ہم آہنگی کے فروغ اور مذہبی رواداری کے قیام کیلئے مجلس وحدت مسلمین کے مرکزی سیکرٹری سیاسیات سید اسد عباس شاہ کو پنجاب حکومت کا فوکل پرسن برائے بین المذاہب ہم آہنگی مقرر کر دیا ہے۔

 سیکرٹری انسانی حقوق و اقلیتی امور نےاسدعباس شاہ کی بحیثیت فوکل پرسن برائے بین المذاہب ہم آہنگی حکومت پنجاب تقرری کا باقاعدہ نوٹیفکیشن جاری کر دیا ہے۔ اسد عباس نقوی مجلس وحدت مسلمین میں مختلف عہدوں پر کام کر چکے ہیں جبکہ قومی امن کمیٹی کے رکن بھی رہ چکے ہیں۔ پنجاب حکومت نے ان کی خدمات کے اعتراف میں انہیں فوکل پرسن مقرر کیا ہے۔

Page 8 of 954

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree