The Latest

وحدت نیوز(لاہور)مجلس وحدت مسلمین شعبہ خواتین کی مرکزی سیکرٹری جنرل و ایم پی اے محترمہ سیدہ زھرا نقوی نے آغاز ایام فاطمیہ کے موقع پر تمام سوگواران اہلبیت کی خدمت میں تعزیت و تسلیت پیش کرتے ہوے کہا کہ یہ ایام جناب سیدہ فاطمة الزہرا سلام اللہ علیھا جگر گوشہ حضرت محمد مصطفی صل اللہ علیہ و آلہ وسلم کی شہادت کے ہیں جو کہ محبان آل عبا کے لیے کسی صورت ماہ محرم سے کم نہیں ہیں ان ایام میں پوری دنیا میں مجالس ہائےعزا کا انعقاد کیا جاتا ہے جن کے توسط سے بی بی دو عالم کے فضائل و مناقب اور پاکیزہ سیرت و کردار پر روشنی ڈالی جاتی ہے ۔

انہوں نے کہا دختر رسول خداؐ نہ صرف خواتین عالم بلکہ تمام انسانیت کے لیے اسوہ کامل ہیں انھوں نے کہا معاشرے میں عورت کو جس قدر و منزلت اور شرف سے آراستہ کیا گیا وہ جناب سیدہ کونین سلام اللہ علیھا کے وجود کی برکت ہے آپ سلام اللہ علیھا کہ بابا رحمة اللعالمین ، شوہر جنت و جہنم کے تقسیم کرنے والے ، بیٹے جوانان جنت کے سردار اور خود تمام عالمین کی عورتوں کی سردار ہیں آپ سلام اللہ علیھا کہ عظمت و رفعت اور خدا کے نزدیک آپ کے بلند ترین مقام کا اندازہ لگانا بشر کے لیے ممکن نہیں ۔

ان کا کہنا تھا کہ جناب فاطمہ زہرا (س) نے اپنے بابا کی جدائ کے بعد بے شمار رنج و الم برداشت کیے لیکن امامت و ولایت پر آنچ نہ آنے دی آپؑ نے اجتماعی و انفرادی دونوں لحاظ سے ولایت کا دفاع فرما کر عملی نمونہ پیش کیا ہے ،ساتھ یہ درس بھی دیا ہےکہ اسلام اور ولایت کے تحفظ کے لیے مرد اور خاتون میں کوئی فرق نہیں بلکہ اگر مردوں کےلیے اسلام کی حفاظت میں مشکلات پیش آجائیں تو خواتین کو میدان میں آکر اور جان کی بازی لگا کر دین کا تحفظ کرنا پڑتا ہے۔

 ان کا مزید کہنا تھا کہ حضرت فاطمہ س کی سیرت کو اپنانا اس دور میں ان کے ماننے والوں کے لئے سب سے زیادہ ضروری اور اہمیت کا باعث ہے۔

وحدت نیوز (کراچی) مجلس وحدت مسلمین صوبہ سندھ کے پولیٹیکل سیکریٹری سید علی حسین نقوی نے شہدائے وحدت کراچی کی ساتویں برسی کے موقع پر میڈیا سیل سے جاری اپنے بیان میں کہاکہ شہدائے وحدت کی یاد ان کی راہ آج بھی ہمارے دلوں میں زندہ ہے، شہید صفدر عباس، شہید عالم ہزارہ، شہید علی شاہ ،شہید علامہ دیدارجلبانی ، شہید سرفراز بنگش ودیگر ساتھی شہداءعظیم مکتب کے عظیم مقصد کے شہید ہیں۔

انہوں نے کہاکہ ایم ڈبلیوایم کی بنیاد یں شہداءکے پاکیزہ خون سے سیراب ہوئی ہیں ،شہر قائد میں خوف اور ظلم کی زنجیروں کو توڑنے کیلئے ایم ڈبلیوایم نے بڑی قربیاں دیں ہیں، سید الشہداء امام حسین ؑ کے پیروکار ہر دور کے یزیدوں کے آگے سیسہ پلائی دیوار ثابت ہوئے ،انہوں نے مزید کہاکہ افسوس ناک بات یہ ہےکہ دیگر سانحات اور واقعات کی طرح شہدائے وحدت کراچی کی ٹارگٹ کلنگ میں ملوث دہشت گرد بھی آج تک قانون کی گرفت سےآزاد ہیں ۔

انہوں نے سندھ حکومت، آئی جی سندھ اور ڈی جی رینجرز سےمطالبہ کیا کہ شہدائے وحدت کراچی کی ٹارگٹ کلنک کے کیس کو ری اوپن کیا جائے اور قاتلوں کو گرفتار کرکے فوری تختہ دار پر لٹکایا جائے۔

وحدت نیوز(اسلام آباد) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری نے بلوچستان کے علاقے ہرنائی میں ایف سی کی پوسٹ پر دہشت گردوں کے حملے کی شدید مذمت کی ہے۔انہوں نے کہا ایف سی کے نوجوانوں کی شہادت پر پوری قوم غمزدہ ہے۔ملک دشمن طاقتین اپنی بزدلانہ کاروائیوں سے ملک کے امن و سکون کو تباہ کرنا چاہتی ہیں۔بھارتی خفیہ ایجنسی را اپنے آلہ کاروں کے ذریعے جن مذموم عزائم کی تکمیل چاہتی ہے اس میں وہ کامیاب نہیں ہو گی۔

ان کاکہنا تھا کہ بلوچستان میں شدت پسند تنظیموں کی بیرونی معاونت کے ٹھوس شواہد موجود ہیں۔ کالعدم جماعتوں کی کمین گاہوں کے مکمل تدارک کے بغیر امن و امان کا قیام محض ایک خواب ہے۔دہشت گردی کی بیخ کنی کے لیے انتہا پسند عناصر کی بیخ کنی ضروری ہے۔ہمارا دفاع مضبوط ہاتھوں میں ہے اور قوم کو اپنے شہداءپر فخر ہے۔ایسے واقعات قوم کے حوصلوں کو پسپا نہیں کرسکتے۔

انہوں نے کہا ملک دشمنوں کے خلاف بلوچستان میں کاروائیاں تیز کرنا ہو گی۔ان عناصر کوقانون کے شنکجے میں لانا انتہائی ضروری ہے جو مذہب و مسلک کا نام استعمال کر کے اور کبھی محرومیوں کا رونا رو کر معصوم افراد کو ملک اور قوم کے خلاف دشمنی پر اکساتے ہیں۔ملک کاکوئی بھی فرد آئین سے بالاتر نہیں۔پاکستان میں بسنے والا ہر شخص پر آئین کااحترام لازم ہے۔شدت پسند عناصر ملک کے آئین سے منحرف ہیں اور سزا کے مستحق ہیں۔انہوں نے شہداءکے درجات کی بلندی اور اہل خانہ کے صبر کے لیے دعا بھی کی۔

وحدت نیوز(کوٹ ڈیجی) امامیہ اسٹوڈنٹس آرگنائزیشن پاکستان کے زیر اہتمام کوٹ ڈیجی میں منعقدہ سالانہ اسکاوٹس کیمپ سے خطاب کرتے ہوئے مجلس وحدت مسلمین پاکستان کے مرکزی ترجمان مقصود علی ڈومکی نے کہا ہے کہ نظام ولایت قرآن کریم اور اللہ کا دیا ہوا نظام ہے جو طاغوتی نظاموں کے مقابلے میں اللہ کی بندگی اور اطاعت کا نام ہے۔ پوری عالم انسانیت کے لیے اللہ کی طرف سے جو نظام زندگی متعارف کرایا گیا ہے اس کا نام نظام ولایت ہے۔ نظام ولایت گمراہی سے ہدایت اور تاریکی سے نور کا سفر ہے۔ جبکہ طاغوت کی اطاعت ہدایت سے گمراہی کا راستہ ہے۔

 انہوں نے کہا کہ قرآن اور سنت میں جو سیاسی نظام متعارف کرایا گیا ہے اس کا نام نظام ولایت ہے جو اللہ اور اس کے رسول اور اہل بیت علیہم السلام کی ولایت و اطاعت کے تحت زندگی گزارنے کا نام ہے۔ امام معصوم کے زمانہ غیبت میں ولی فقیہ کو نائب امام کی حیثیت سے ہم اپنا رہبر اور رہنما تسلیم کرتے ہیں۔

انہوں نے کہا کہ نظام ولایت عصر حاضر کے فرعون کے مقابلے میں موسوی کردار ادا کر رہا ہے آج جب عرب ریاستیں یکے بعد دیگرے ظالم و غاصب اسرائیل کو تسلیم کرتے ہوئے وقت کے فرعون امریکا کے سامنے سجدہ ریز ہو چکی ہیں ایسے میں علی ولی کے ماننے والے ظالم کے مقابلے میں چٹان کی طرح میدان میں کھڑے ہیں۔ صداقت شجاعت اور ظالم کے مقابلے میں قیام اور حق گوئی کا یہ درس ہمیں کربلا سے ملا ہے۔ آج نائجیریا سے لے کر یمن تک ہزاروں اہل حق ظالم کے آگے تسلیم ہونے کی بجائے مزاحمت کر رہے ہیں۔اس موقع پر ایم ڈبلیو ایم سندہ کے سابق صوبائی سیکریٹری تنظیم آغا منور جعفری بھی ان کے ہمراہ تھے۔

وحدت نیوز(مظفرآباد) سانحہ شب عاشور 2009 کے بے گناہ شہداء کے لواحقین انصاف کی راہ دیکھ رہے ہیں حکومت نے نہ تو ان کے گرفتار شدہ ملزمان کو قانون کے کٹہرے میں کھڑا کیا نہ ہی کسی ٹرائل سے ان کے ورثاء کو آگاہ کیا گیا چند سال قبل میڈیا پر بعض لوگوں کو بتایا گیا کہ یہ سانحہ شب عاشور میں ملوث ہیں اور انہیں گرفتار کیا گیا ہے لیکن اب تک ان کا بالکل پتا نہیں وہ رہا کر دیے گئے یا انہیں کیا سزا دی گئی ہے اور ان کا کیا ٹرائل کیا گیا اس بارے میں ہمیں بہت زیادہ تشویش ہے کہ آخر قانون نافذ کرنے والے ادارے 6 شہداء جن میں دو پولیس اہلکار بھی شامل تھے کے خون سے کس طرح خیانت کر سکتے ہیں۔

 ان خیالات کا اظہار مولانا سید اسرار عباس نقوی سیکرٹری تعلیم و تربیت مجلس وحدت مسلمین آزادکشمیر نے 27 دسمبر سانحہ شب عاشور کے شہداء کے ایصال ثواب کے لیے وحدت سیکرٹریٹ میں منعقدہ تقریب سے خطاب کرتے ہوئے کیا۔ انہوں نے کہا کہ 27 دسمبر کو شب عاشور کے عظیم شہداء کی برسی ہے ہم سمجھتے ہیں کہ ان کا خون ابھی تک حکومت اور انتظامیہ کے زمہ قرض ہے بلاشبہ وہ مظلوم لوگ وہ نہتے شہری جو عزاداری امام حسینؑ کی عبادت میں مشغول تھے انہیں کس جرم میں قتل کیا گیا۔ خود کش حملہ کرنے والا کون تھا اس کے سہولت کار کون تھے اور گرفتار ملزمان کون ہیں اس بارے میں ابھی تک شہداء کے ورثاء کو یا قومی تنظیمات کو آگاہ نہیں کیا گیا اس پر بہت تشویش پائی جاتی ہے۔

مولانا سید اسرار عباس نقوی نے مزید کہا کہ ہمیں اس بات پر تشویش ہے کہ ان شہداء کے لیے آواز بلند کرنے والی مجاہد شخصیت علامہ سید تصور حسین نقوی الجوادی سیکرٹری جنرل مجلس وحدت مسلمین آزادکشمیر پر بھی سرعام حملہ کیا گیا ان کی آواز کو بند کرنے کی کوشش کی گئی آج تک ان کے حملہ آور نہ گرفتار کیے جا سکے نہ ہی ان کا قانون نافذ کرنے والے اداروں کو سراغ مل سکا۔ علامہ تصور جوادی کا خانوادہ آج تک حکومتی تسلیوں کو دیکھ رہا ہے۔ خود علامہ تصور جوادی سے جو وعدے کیے گئے تھے وہ بھی ابھی تک پورے نہیں کیے جا سکے۔

انہوں نے کہا کہ ہمارا مطالبہ ہے کہ ان دونوں سانحات میں ملوث ذمہ داران کو گرفتار کیا جائے انہیں قانون کے مطابق سزا دی جائے انہیں گرفتار کر کے میڈیا کے سامنے پیش کیا جائے اور انہیں بھاری بھرکم سزا دی جائے۔ مولانا اسرار عباس نقوی نے کہا کہ مجلس وحدت مسلمین پاکستان کے قیام کا مقصد ہی مظلوم و محروم طبقے کے حق میں آواز بلند کرنا ہے اور ہم مولا کائنات امام علی ابن ابی طالب علیہ سلام کے اس فرمان کہ ظالم کے دشمن اور مظلوم کے دوست بنو۔ جہاں ہم دنیا بھر کے مظلومین کے لیے آواز بلند کرتے ہیں وہاں اپنے مظلومین کے حق میں آواز بلند کرنا ہمارا اخلاقی وشرعی فریضہ ہے۔ تقریب کے اختتام پر سانحہ شب عاشور کے شہداء اور ملت پاکستان اور ملت اسلامیہ کے تمام شہداء کے ایصال ثواب کے لیے فاتحہ خوانی کی گئی۔

وحدت نیوز(سکردو) پریس کلب سکردو اور تنظیم نصرت کے زیر اہتمام منعقدہ جنگ آزادی گلگت بلتستان پدم پارٹی کے ہیرو محمد امین نمبردار کے تعزیتی ریفرنس میں صوبائی وزیر زراعت و رہنما مجلس وحدت مسلمین گلگت بلتستان کاظم میثم کی بطور مہمان خصوصی شرکت۔

تعزیتی ریفرنس سے خطاب کرتے ہوئے صوبائی وزیر زراعت نے کہا کہ گلگت بلتستان میں شہداء اور غازیوں کے آثار کو زندہ رکھنے کے لیے تمام تر وسائل بروئے کار لائیں گے۔

انہوں نے کہا کہ ہمارے ہاں یہ بہت بڑا المیہ ہے کہ گلگت بلتستان کے غازی اور شھداء کے کارناموں اور آثار کو ابھی تک دوام نہیں دیا گیا ہے۔انشاءاللہ صوبائی حکومت ان شھداء اور غازیوں کے کارناموں کو زندہ کرنے کے لئے اقدامات اٹھائیں گے۔اس پروگرام کے میزبان علی شیر نمبردار تھے جو کہ جنگ آزادی کے ہیرو محمد امین نمبردار کے بھتیجے تھے۔

انہوں نے کہا کہ جس طرح نمبردار محمد امین کے وارث علی شیر اس پروگرام کے میزبان ہے مجھے فخر ہے میں اس تقریب کا صدر محفل ہوں جو غازیوں اور شھداء کی یاد میں منائی جارہی ہے۔

انہوں نے مزید کہا کہ مجھے فخر حاصل ہے کہ میرے بھی جد امجد اسی پدم پارٹی کے ایک کمانڈر تھے اور انہوں نے جنگ آزادی میں بھی کردار ادا کیا جس کہ وجہ سے ہمارا سر فخر سے بلند ہیں۔ہم آج جو سانس لے رہے ہیں ان شہداء اور غازیوں کے مرہون منت ہے۔

وحدت نیوز(چکوال) مجلس وحدت مسلمین شعبہ خواتین کی مرکزی سیکرٹری تنظیم سازی محترمہ معصومہ نقوی اور مرکزی آفس سیکرٹری محترمہ بینا شاہ نے چکوال سٹی کا دورہ کیا جہاں علاقے کی فعال اور تنظیمی تجربہ رکھنے والی خواتین سے ملاقات کی اور ایک آرگنائزنگ کمیٹی تشکیل دی جس میں محترمہ مسرت نقوی کو آرگنائزر جبکہ محترمہ ام فروا، محترمہ صدف زہرا اور محترمہ فاطمہ جعفری کو ڈپٹی آرگنائزر منتخب کیا گیا۔

 اس موقع پر محترمہ معصومہ نقوی نے خواتین سے خطاب کرتے ہوے کہا کہ دشمن کی سازش یہی ہے کہ ہمیں شیعہ سنی کے تفرقے میں الجھا کر آپس میں دست و گریباں کر دے اور خود اپنے ناپاک عزائم کی تکمیل میں سرگرم ہو جاے ان شاء اللہ کہ ہم دینی اور سیاسی شعور وبصیرت کے ساتھ دشمن کی ہر چال کا مقابلہ کریں گے اور ملک میں امن و رواداری کے پیغام کو عام کریں گے۔

 انھوں نے کہا کہ اپنی ملت اور دین کی سربلندی کےلیے تربیت کے میدان میں خواتین بے شمار خدمات انجام دی سکتی ہیں اور مجلس وحدت مسلمین شعبہ خواتین کے پلیٹ فارم سے ان شاء اللہ ہم نہ صرف خود سازی بلکہ معاشرے کی بھی دینی اور سیاسی تربیت کا عمل انجام دیں گی تاکہ ظہور امام زمانہ عج کا مقدمہ فراہم کرنے والوں میں ہمارا بھی شمار ہو۔ نو منتخب مسئولین کو ایک سال کا شیڈول دیا گیا جس میں ہفتہ وار دروس و دعا کی محفل کا انعقاد ، معصومین ع کی ولادت و شہادت اور سال بھر کی اہم مناسبتوں پر پروگرامز کا انعقاد کرنا شامل ہے۔

وحدت نیوز(گھڑی یاسین) مجلس وحدت مسلمین تحصیل گڑھی یاسین کے سیکرٹری جنرل مستنصر مہدی ابڑو نے وفد کے ہمراہ ڈکہن سٹی میں فعال نوجوانوں سے ملاقاتیں کرکے مجلس وحدت مسلمین میں شمولیت اختیار کرنے کی دعوت دی جوان نوجوانوں نے قبول کرتے ہوئے مجلس وحدت مسلمین تحصیل گڑھی یاسین کے سیکرٹری جنرل مستنصر مہدی ابڑو کی موجودگی میں باضابطہ طور پر شمولیت کا اعلان کردیا جبکہ اس موقع پر مجلس وحدت مسلمین تحصیل گڑھی یاسین کے سیکرٹری سیاسیات حسنین عباس جوادی، طارق حسين کنبھر، محمد ملوک چانڈیو بھی ہمراہ تھے۔

ایم ڈبلیوایم میں شمولیت اختیار کرنے والوں میں زوار ذوالفقار علی منگی، زوار شاہد حسین کلر، زوار دیدار حسین کلر، زوار جانی کلر شامل ہیں، اس موقع پر زوار شاہد حسین کلر نے کہاکہ سربراہ مجلس وحدت مسلمین پاکستان علامہ راجہ ناصر عباس جعفری حفظہ ﷲ ملت جعفریہ کے لئے جدوجہد قابل ذکر ہےاور اسی سے متاثر ہوکر ایم ڈبلیوایم میں شامل ہونے کا فیصلہ کیا۔

وحدت نیوز(اسلام آباد) ایم ڈبلیوایم اور آئی ایس او نے ملکی سلامتی اور اتحاد بین المسلمین کیلئے مشترکہ جدوجہد کا اعلان کردیا۔مجلس وحدت مسلمین پاکستان کی سپریم کونسل اور امامیہ سٹوڈنٹس آرگنائزیشن پاکستان کی مرکزی مجلس نظارت کا مشترکہ اجلاس ایم ڈبلیو ایم کے سیکرٹری جنرل علامہ راجہ ناصر عباس جعفری کی زیر صدارت مرکزی سیکریٹریٹ میں منعقد ہوا۔

اجلاس میں آئی ایس اوکے مرکزی صدر عارف حسین الجانی بھی شریک تھے، اسلام آباد میں منعقدہ اجلاس میں عالمی امور، ملک و قوم کو درپیش مسائل اور تنظیمی امور پر تفصیلی گفت و شنید کی گئی۔ اجلاس میں پیش کیے جانے والے اعلامیہ کے تمام نکات پر مکمل اتفاق کیا گیا۔

مشترکہ اعلامیہ کے اہم نکات:
۱۔دونوں ملی تنظیمیں ملکی ترقی، سلامتی، بین المذاہب ہم آہنگی اور اتحاد بین المسلمین کیلئے مشترکہ جدوجہد جاری رکھیں گی۔

۲۔ قائد شہید علامہ سید عارف حسین الحسینی کے تفکر کا احیاء اور ترویج دونوں ملی تنظیموں کا مشترکہ اہم ہدف ہے، جسے پوری سنجیدگی کے ساتھ آگے بڑھایا جائے گا۔

۳۔ دینی و تنظیمی تربیت، تنظیم سازی اور دیگر شعبوں میں باہمی تعاون انجام دیا جائے گا۔

۴۔ عزاداری سید الشہداء ہماری شہ رگ حیات ہے، اس کی ترویج اور تحفظ پر کوئی آنچ نہیں آنے دی جائے گی۔

۵۔ تمام مستضعفین جہان بالخصوص فلسطین اور کشمیر کے مظلوم مسلمانوں کی حمایت کو اپنا اولین فریضہ سمجھتے ہیں اور اسرائیل اور ہندوستان کے فلسطین و کشمیر پر غاصبانہ قبضے کو ہرگز تسلیم نہیں کرتے۔

۶۔ قائد شہید علامہ سید عارف حسین الحسینی کے فرمان ''ہمارا عقیدہ ہے کہ اسلام میں دین سیاست سے جدا نہیں بلکہ سیاست دین کا جزو ہے اور ہم نے دیکھ لیا کہ ہمارے سیاسی مسائل ہمارے مذہبی مسائل پر اثر انداز ہوتے ہیں اور مذہبی مسائل ہمارے سیاسی مسائل سے جدا نہیں تو جب یہ احساس کیا کہ اسلام کے اصول بھی یہی ہیں تو پھر ہم نے کہہ دیا کہ ہم ملکی اور بین الا قوامی مسائل سے لاتعلق نہیں رہ سکتے، کی روشنی میں جو اسلام کی آفاقی تعلیمات کے عین مطابق ہے۔

۷۔ دونوں ملی تنظیمیں مادر وطن کی تعمیر و ترقی اور ملک میں بہتری کیلئے ملت تشیع کے سیاسی کردار کو ناگزیر سمجھتی ہیں۔

اجلاس کے شرکاء میں علامہ سید احمد اقبال رضوی، علامہ حسنین گردیزی، علامہ شبیر بخاری، علامہ حیدرعباس عابدی، ناصرشیرازی، ڈاکٹر امتیاز علی رضوی، روزی علی، علامہ اقبال بہشتی،آغا سید رضا، علامہ مبارک موسوی، آغا سید علی رضوی ودیگر بھی شامل تھے۔

وحدت نیوز(گلگت) شغر تھنگ پاور پروجیکٹ کے قائم مقام ڈائریکٹر کریم صاحب کی نو منتخب منسٹر ایگریکلچر محمد کاظم میثم سے ملاقات کیلئے منسٹر ایگریکلچر کے آفس آمد۔ قائم مقام ڈائریکٹر نے اس موقع پر صوبائی وزیر زراعت کاظم میثم کو وزارت کا قلمدان سنبھالنے پر مبارکباد پیش کی۔ ملاقات میں شغر تھنگ پاور پروجیکٹ کے تمام معاملات پر تفصیلی گفتگو ہوئی۔

 پروجیکٹ ڈائریکٹر نے منسٹر ایگریکلچر کو میگا پراجیکٹ کے موجودہ صورتحال کے بارے میں آگاہ کرتے ہوئے کہا کہ تمام تر وسائل بروئے کار لا کر شغر تھنگ پاور پروجیکٹ کی تکمیل کو یقینی بنائیں گے۔ ڈائریکٹر کے مطابق تمام پوسٹوں کو فوری طور پر مشتہر کیا جا رہا ہے ان پربھرتی ہو گی۔ ڈویلپمنٹ اور ایکسسیشں کے کام فوری طور آغاز کیا جائیگا تاکہ مقررہ مدت میں پروجیکٹ تکمیل تک پہنچ جائے۔ اس موقع پر صوبائی وزیر زراعت کاظم میثم نے کہا کہ شغر تھنگ پاور پروجیکٹ کی تقرریوں میں مقامی افراد کے لیے ترجیحی بنیادوں پر روزگار فراہم کرنے کو یقینی بنائی جائے۔

انہوں نے کہا مزید کہا ہماری ترجیح ہوگی کہ شغر تھنگ اور ستقچن کے لیے اس پروجیکٹ کے ذریعے تعلیم اور صحت کے مواقع بھی فراہم ہو۔ صوبائی حکومت اس پروجیکٹ کی بروقت اور معیار کے مطابق تکمیل کے لئے تمام تر وسائل بروئے کار لائیں گےاور امید کرتی ہے کہ ذمہ داران پروجیکٹ کے معیار پر کسی بھی قسم کی کمپرومائز نہیں ہوگی۔

Page 7 of 1090

مجلس وحدت مسلمین پاکستان

مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے 


MWM Pakistan Flag

We use cookies to improve our website. Cookies used for the essential operation of this site have already been set. For more information visit our Cookie policy. I accept cookies from this site. Agree