وحدت نیوز(اسلام آباد)مجلس وحدت مسلمین پاکستان کے زیر اہتمام عظیم الشان مرکزی مجلس چہلم شہید حسن نصراللہ و شہدائے قدس کا پرشکوہ اجتماع مرکزی امام بارگاہ جی سکس ٹو میں منعقد ہوا، جس میں عوام کی کثیر تعداد میں شرکت، علمائے کرام، ذاکرین و شعراء عظام نے شہدائے قدس کو زبردست خراج تحسین پیش کیا اور آخر میں مختلف نوحہ خواں پارٹیوں کی جانب سے ماتمی داری بھی کی گئی۔ مقررین میں سربراہ ایم ڈبلیو ایم سینیٹر علامہ راجہ ناصر عباس جعفری، علامہ سید حسن ظفر نقوی، معروف عالم دین و خطیب علامہ سید شہنشاہ حسین نقوی، علامہ سید علی حسین مدنی، زاکر اہلبیت وسیم عباس بلوچ، قاضی وسیم عباس، مولانا مرتضی علوی و دیگر نے خطاب کیا۔

سینیٹر علامہ راجہ ناصر عباس جعفری نے شرکاء چہلم سے خطاب کرتے ہوئے کہا سید حسن نصراللہ ایک کریم اور لطیف شخصیت کے مالک عظیم انسان تھے، آپ کسی پر ظلم برداشت نہیں کرتے تھے، اگر کسی نے عزت سے جینا اور مرنا ہے تو شہدائے قدس کے نقش قدم پر چلے، ان عظیم شہداء نے اسرائیل کی طاقت کا غرور خاک میں ملا دیا ہے، شہداء تحریک مقاومت کے سر کا تاج ہیں، شہداء نے تحریک آزادی قدس کو نئی زندگی دے دی ہے، تاریخ گواہ ہے خیبر کو یا مولا علی نے فتح کیا یا علی والے کریں گے، سید حسن نصراللہ کی شہادت سے حزب اللہ کمزور نہیں ہوئی، آج نتن یاہو اپنے گھر میں محفوظ نہیں رہا بنکروں میں چھپتا پھر رہا ہے، غزہ کے لئے شیعہ سنی خون اکھٹا ہو گیا ہے، جسے دنیا کا کوئی فرعون جدا نہیں کر سکتا، یہ غزہ کی جنگ نہیں عالم اسلام کی جنگ ہے، لبنان کی سرحد پر اسرائیل کے پاؤں کانپ رہے ہیں، اسرائیل ایک سال سے بچوں عورتوں ہسپتالوں اور مساجد سے لڑ رہا ہے، پاکستان سے امریکی نفوذ کا خاتمہ ضروری ہے، وطن عزیز امریکی سامراجیت کے شکنجے میں جکڑا ہوا ہے،غزہ والے سب حسینی ہیں، شہید یحی سنوار نے خون کے آخری قطرے تک ڈٹے رہنا کربلا سے سیکھا، وہ سفاک اسرائیل کے سامنے نہ ڈرا نہ سہما بلکہ جوانمردی کے ساتھ میدان میں زخموں سے چور چور جسم کے ساتھ شہادت کا استقبال کیا، آج کے صہیونی خیبر کو اکھاڑ پھینکنے کے لیے رسول خدا کے سچے عاشق حملہ آور ہیں، عظیم اور بابصیرت رہبر معظم سید علی خامنہ ای کی قیادت میں لشکر مقاومت ناجائز صہیونی ریاست کو ڈھا دے گا، امریکہ و اسرائیل اپنے جدید ترین وسائل کے باوجود اس خدائی لشکر کے سامنے بے بس ہے، صہیونی رجیم کے خلاف تمام مسلمان متحد ہو چکے ہیں، ہم اس وحدت کو ٹوٹنے نہیں دیں گے، ہم اپنے ملک سے بھی بیرونی مداخلت کا خاتمہ کریں گے۔

علامہ سید حسن ظفر نقوی نے کہا کہ شہدائے قدس کا پاکیزہ لہو غاصب اسرائیل کی بربادی کا پیش خیمہ ثابت ہو گا، سید مقاومت کی شہادت سے حزب اللہ اس قدر توانا ہو کر اسرائیل پر حملہ آور ہوئی ہے کہ اسرائیل کا شمال ویران ہو چکا ہے، خیبر شکن کے باایمان اور پاکیزہ وشجاع پیروکار اس قدر بزدل اسرائیلی فوجیوں کو مار رھے ہیں کہ وزیر دفاع کو ہٹانا پڑا ھے، حزب اللہ کے خوف سے قابض ریاست کی بھگوڑی عوام واپس اپنے آبائی ممالک میں بھاگ رہے ہیں۔

علامہ شہنشاہ حسین نقوی نے کہا کہ دشمن کی شکست ہی اسی میں ہے کہ اس کی طاقت کو تسلیم ہی نہ کیا جائے، اللہ نے اپنے گھر کی حفاظت کیلئے ہاتھیوں کے مقابلے میں ہاتھی نہیں بلکہ ابابیل کا لشکر بھیجا لہذا حزب اللہ وسائل پر انحصار نہیں کرتی توکل خدا اور نصرت خدا پر بھروسہ کرتی ہے، اللہ کے دین کے لیے قیام کرنے والوں سے اللہ بھی محبت کرتا ہے، مظلومین فلسطین و لبنان کی استقامت نے عالم اسلام میں بیداری کی نئی لہر پھونک دی۔

علامہ سید علی حسین مدنی نے کہا کہ جذبہ حریت سے سرشار عالم اسلام کا ہر فرد غزہ و لبنان کے مظلومین کے ساتھ ہے، اسرائیل اپنی تمام تر درندگی اور سفاکیت کے باوجود نابودی کی طرف بڑھ رہا ہے، شہدائے قدس کی عظیم شہادتیں تحریک مقاومت کی پائیداری اور مضبوطی کا باعث ہیں، ایک غزہ پارہ چنار کی شکل میں پاکستان میں بھی موجود ہے وہاں بھی محاصرے سے سنگین مشکلات ہیں ہم سب کو چاہیئے کہ اپنے ان ہم وطنوں کے لیے بھی صدائے احتجاج بلند کریں۔مرکزی چہلم کے موقع پر شہدائے فلسطین و لبنان کی تصویری نمائش اور نیاز کا بھی خاطر خواہ اہتمام کیا گیا ہے، چہلم کے انعقاد میں انجمن دعا زہرا، حیدری اسکاؤٹس اور جانثاران اہلبیت و راولپنڈی اسلام آباد کی دیگر انجمنوں، ماتمی سنگتوں اور نوحہ خواں پارٹیوں نے بھرپور شرکت اور تعاون کیا۔

وحدت نیوز(کراچی)مجلس وحدت مسلمین کی جانب سے نشر پارک میں چہلم شہید حسن نصراللہؒ  وشہداء کانفرنس کا انعقاد کیا گیا۔جلسہ سے غزہ حماس و حزب اللہ لبنان سمیت سیاسی و مذہبی جماعتوں کے قائدین نے خطاب کیا،کانفرنس میں ہزاروں کی تعداد میں مرد،خواتین،بچوں اور کارکنان شریک تھے۔ اس موقع پر فلسطینی بچوں اورعوام سے اظہار یکجہتی کیلئے مختلف ٹیبلو اور ترانے بھی پیش کئے گئے۔

 اپنے مرکزی خطاب میںسربراہ مجلس وحدت مسلمین پاکستان سینیٹر علامہ راجہ ناصر عباس جعفری کا کہنا تھاکہ اسرائیل خطہ کا کینسر ہے عظیم رہنماوں نے غاصبوں اور ظالموں سے جنگ کا درس دیافلسطین کی سر زمین پر اسرائیل نے قبضہ کیا۔غزہ اس وقت انسانی زندان بن چکا تھا۔امام خمینی رح نے ظالموں سے ٹیبل ٹاک نہیں جہاد کا درس دیا۔ملکی حکمران یحییٰ سنوار کی زندگی سے سبق حاصل کریں۔یحییٰ سنوار 22 سال اسرائیلی جیل میں رہے۔سنوار نے دشمن شناسی کا درس دیا۔فلسطین کی حمایت میں انصار اللہ، حشدالشعبی ، حزب اللہ سمیت کئی تنظیموں کے مجاہدین نے اپنی جانوں کی قربانیاں دیں۔فلسطین میں 10 ہزار سے زائد معصوم بچوں کو شہید کیا۔اسپتالوں،تعلیمی اداروں مساجد کو نشانہ بنایا۔سید حسن نصر اللہ،اسماعیل ہانیہ، یحییٰ سنوار، ہاشمی صفی الدین کی شہادت عظیم قربانیاں ہیں۔قربانی شہداء آزادی کا صفر ہے۔طوفان الاقصیٰ نے امریکہ و اسرائیل سمیت عالمی قوتوں کی کمر توڑ دی۔ مظلوم بچون، خواتین کا خون رائیگاں نہیں جائے گا۔

انہوں نےکہا کہ سید حسن نصر اللہ 32 سال حزاب اللہ کے سربراہ رہے،وہ مزاحمت کا استعارہ اور ان کی زندگی نمونہ عمل ہے۔ملکی حکمران امریکہ کو اپنا دوست نہ سمجھیں۔دنیا میں امریکی تسلط کو قائم رکھنا امریکی پالیسی ہے۔ملکی حکمران اللہ پر نہیں امریکہ پر توکل کرتے ہیں۔بائیڈن ہو یا ٹرمپ یہ انسانیت کے قاتل ہیں۔ پاکستان کی آزادی ہزاروں جانوں کی مرحون منت ہیں۔ جانیں دینے کے بعد بھی اس ملک میں چادر و چاردیواری کا تقدس پامال ہو رہا ہے۔ہمیں غزہ اور لبنان سے عزت کا راستہ سیکھنا ہوگا۔ پاکستان کو کرپٹ حکمرانوں سے پاک کرنا ہوگا۔ملک میں صہیونی حکمرانوں کا قبضہ ہے۔ملکی حکمران طاقت کا ناجائز استعمال کر رہے ہیں۔ڈونلڈ ٹرم کو مسیحا سمجھنے والے اپنے لئے گڑھا کھود رہے ہیں۔ حکمرانوں نے تباہی کے دھانے پر لاکر کھڑا کیا۔عمران خان کو اللہ پر توکل کرنے کا مشورہ دیا تھا۔خون کے آخری قطرے تک حماس و حزب اللہ کی حمایت کرتے رہیں گے۔

کانفرنس سے خطاب میں حماس ترجمان ڈاکٹر موسیٰ ابو مرزوق کا کہنا تھا کہ ملت پاکستان نے اپنے فلسطینی بھائیوں کو تنہا نہیں چھوڑا۔خطہ میں فلسطین، کشمیر، افغانستان کے مسائل ہیں۔فلسطین عالم اسلام کا ہے۔مغربی فلسطین کے بیشتر حصے میں اسرائیلی جارحیت جاری ہے آزادی فلسطین کیلئے مسلم امہ کی وحدت اشد ضروری ہے۔

فلسطین جہاد اسلامی کے ترجمان احسان عطایا ٹیلی فونک میں کہنا تھا کہ بیت المقدس کے راستے چلتے ہوئے شہید ہونے والوں کو سلام پیش کیا۔شہیدحسن نصر اللہ، اسماعیل ہانیہ،یحییٰ سنوار کی تمام زندگی مذاحمت کیلئے وقف تھی۔عظیم رہنماوں کی حکمت عملی پر عمل پیرا ہوکر اسرائیل کو خطہ میں شکست دیں گے۔

 حزب اللہ لبنان کے رہنما سید ابراہیم موسوی کا کہنا تھا کہ ہم پاکستانی بھائیوں کے شکر گزار ہیں۔عالمی برادری اقوام متحدہ سمیت  اسرائیلی جارحیت پر خاموش ہے۔امریکہ اور یورپی ممالک اسرائیل کی کھلے عام حمایت کررہے ہیں۔فلسطین اور لبنان حالت جنگ میں ہیں ہم عالم اسلام سے مدد کی اپیل کرتے ہیں۔حسن نصر اللہ،اسماعیل ہانیہ،یحییٰ سنوار کی قربانیان رائیگاہ نہیں جائیں گی۔بیروت اور غزہ میں ہزاروں معصوم بچوں اسرائیلی جارحیت کا نشانہ بنے ہیں۔

ڈاکٹر فاروق ستار نے شہید سید حسن نصر اللہ اور تمام شہدائے فلسطین کو خراج تحسین پیش کیا اورملت اسلامیہ کی یکجہتی کیلئے پر زور اپیل کی انہوں نے کہادنیا میں دو ہی مذاہب ہیں حسینی و یزیدی۔غزہ و فلسطین میں جارحیت کے خلاف مسلم ممالک خاموش کیوں ہیں راہ مقاومت میں دی جانے والی شہادتیں را ئیگاہ نہیں جائیں گی۔دنیا بھرمیں فلسطینی مظلوموں کی شہادت پر آواز اٹھا رہے ہیں۔صہیونیزم دنیا بھر میں معاشی، اور میڈیا میں مضبوط ہے۔ ہمیں اس کا مقابلہ کرنا ہوگا۔

 جماعت اسلامی کے رہنما ڈاکٹر معراج الہدیٰ نے کہا عرب ممالک اسرائیل دہشتگردی پر مجرمانہ خاموش ہیں۔فلسطینی مزاحمت کیلئے رہبر معظم سید علی خامنہ ای سرمایہ اورعالم اسلام کے رہبر ہیں۔لیبیا، انگولہ، مالٹا نے اسرائیل کو اپنے اڈے نہیں دیئے۔حسن نصر اللہ نے اسرائیل کو واضح پیغام دیا کے فلسطین کی آزادی تک جنگ جاری رہے گی۔1989 میں سب سے پہلے امام خمینی نے مظلوم فلسطینی مسلمانوں سے اظہار یکجہتی کیایوم القدس امام خمینی رح کے فرمان پر منایا جاتا ہے۔اسرائیل نابودی کے قریب ہے۔ انشاء اللہ غلام مصطفیٰ کی فتح ہوگی۔

کانفرنس سے عوامی تحریک کے رہنماالیاس مغل،علامہ حسن ظفر نقوی، علامہ ناظر عباس تقوی،علامہ احمد اقبال رضوی، علامہ باقر عباس زیدی،علامہ مختار امامی،علامہ صادق جعفری،ڈاکٹرصابر ابو مریم سمیت دیگر نے خطاب کیا۔اس موقع پر علمائے کرام،ذاکرین،سماجی اور تنظیموں سے تعلق رکھنے والی شخصیات موجود تھیں۔

وحدت نیوز(کراچی) مجلس وحدت مُسلمین پاکستان صوبہ سندھ کراچی ڈویژن اور دیگر ملی تنظیمات کے زیر اہتمام سردار مُق اوم ت شہید سیّد ح س ن  ن ص ر اللّٰہ و دیگر شہدائے راہ الق دس کی عظیم الشان مرکزی مجلس چہلم و شہدائے مُق اوم ت کانفرنس کا نشتر پارک کے تاریخی گراؤنڈ میں انعقاد، تلاوت کلام پاک کی سعادت قاری مُحمد حسین نے حاصل کی، نظامت کے فرائض علامہ مبشر حسن نے انجام دئیے ، دینی مدارس اور اسکولوں کے بچوں نے فلسطینی و لبنانی بچوں سے اظہار یکجہتی کیلئے ٹیبلو پیش کیا۔

اجتماع سے خصوصی خطاب سربراہ مجلس وحدت مُسلمین پاکستان قائد وحدت ناصر ملت سینیٹر علّامہ راجہ ناصر عبّاس جعفری حفّظہ اللّٰہ  نے کیا جبکہ دیگر مقررین میں سینیئر رہنما متحدہ قومی موومنٹ پاکستان ڈاکٹر فاروق ستار، نائب امیر جماعت اسلامی پاکستان معراج الہدیٰ صدیقی ، رہنما پاکستان عوامی تحریک ظفر اقبال ،مرکزی ایڈیشنل سیکریٹری شیعہ علماء کونسل علامہ ناظر عباس تقوی، وائس چیئرمین ایم ڈبلیوایم علامہ سیّد احمد اقبال رضوی، علامہ سید حسن ظفر نقوی، صدر ایم ڈبلیوایم صوبہ سندھ علامہ سیّد باقر عباس زیدی ، جنرل سیکریٹری فلسطین فاؤنڈیشن پاکستان ڈاکٹر صابرابومریم ، خطیب اہل بیت علامہ فرقان حیدر عابدی ، صدر ہیئت آئمہ مساجد و علماء امامیہ کراچی مولانا مُحمد حسین رئیسی ،مرکزی صدر وحدت یوتھ پاکستان مولانا تصور علی مہدی، صدر ایم ڈبلیوایم کراچی مولانا صادق جعفری ، مرکزی رہنما ح ز ب اللّٰہ لبنان ابراھیم موسوی، مرکزی ترجمان ح م اس موسیٰ ابو المرزوق ، ترجمان ح م اس غزہ سعیدالہندی اور نائب امیر جہ اد اسلامی فلسطین احسان عطایا نے آن لائن خطاب کیا جبکہ مولانا حیات عبّاس نجفی نے مترجِم کے فرائض انجام دئیے، بین الاقوامی شہرت یافتہ نوحہ و منقبت خواں احمد رضا ناصری نے ترانہ شھادت  پیش کیا، آخر میں حیدری دائرے نے نوحہ خوانی و سینہ زنی کی، سیکورٹی کے فرائض وحدت یوتھ کے رضاکاروں نے انجام دئیے۔

اس موقع پر چیئرمین شوریٰ عالی ایم ڈبلیوایم علامہ شیخ حسن صلاح الدین ، صدر جعفریہ الائنس علامہ سیّد رضی جعفر نقوی، رہنما جماعت اسلامی اسد اللّٰہ بھٹو ،محمد حسین محنتی، قائدین جماعت صوفیہ نور بخشیہ امامیہ، صدر مجلس ذاکرین امامیہ کراچی جناب علامہ نثار احمد قلندری ،آغا سبط حیدر ، مولانا سیّد علی مرتضیٰ زیدی ، مولانا اصغر حسین شہیدی ،مولانا صادق رضا تقوی، مولانا حیدر عباس عابدی، یعقوب شہباز، صدر مرکزی تنظیم عزا غفران مجتبیٰ نقوی، رہنما بوتراب اسکاؤٹ گروپ مہدی عباس ،صدر آئی ایس او کراچی ڈویژن ظفر حیدار، شیعہ علماء کونسل کراچی ڈویژن ، پیام ولایت پاکستان اور جعفریہ ارگنائزیشن و دیگر مذہبی سیاسی جماعتوں کے ذمہ داران اور بڑی تعداد میں علماء کرام ، ذاکرین ، مذہبی ، سیاسی ،سماجی شخصیات ،نوحہ خوان ،سوز خوان ،شعراء اہل بیت ، ناظمین محفل و مجالس سمیت ہزاروں کی تعداد میں شیعہ سنی عاشقان شہداء اسلام نے شرکت کی جنھوں نے ہاتھوں میں شہید سیّد کی تصاویر ، ح ز ب اللّٰہ ، فلسطین، پاکستان اور ایم ڈبلیوایم کے پرچم تھامے ہوئے تھے۔

ہم مجلس وحدت مسلمین کی جانب سے خراج تحسین پیش کرتے ہیں تمام علماء، ذاکرین، ملی تنظیموں، ماتمی انجمنوں اور اداروں اور مومنین و مومنات  کو کہ جنہوں نے مرکزی چہلم شہید سید و شہدائے مقا و م ت میں بھرپور شرکت کرکے تاریخی پروگرام کا انعقاد کیا، یہ اجتماع ملی اتحاد، شہداء سے تجدید عہد اور فلسطین و لبنان کے مظلومین سے عشق و محبت اور یکجہتی کا اظہار تھا۔ خدا ہم سب کی توفیقات خیر میں اضافہ فرمائے۔