The Latest
وحدت نیوز (قم المقدس) ایم ڈبلیو ایم قم کے قائم مقام سیکرٹری جنرل حجۃ الاسلام گلزار احمد جعفری کے ساتھ ایم ڈبلیو ایم قم کی کمبائن ایکشن کمیٹی کا اجلاس ہوا۔اجلاس میں کمبائن کمیٹی نے قائم مقام سیکرٹری جنرل کوایران میں مقیم پاکستانی طلّاب کو پاسپورٹ کے کے حوالے سے درپیش مشکلات سے آگاہ کیا اور اس حوالے سے اپنی سفارشات پیش کیں۔کمبائن کمیٹی کی رپورٹ میں کہا گیا کہ تہران میں قام پاکستان ایمبیسی عرصہ دراز سے پاکستانیوں کو مختلف حیلے بہانوں سے ٹارچر کرتی چلی آرہی ہے۔اس مرتبہ ایمبیسی نے کمپیوٹرائز پاسپورٹوں کا بہانہ بنایا ہوا ہے اور لوگوں کو اذیّت دی جارہی ہے۔ایمبیسی کی طرف سے کمپوٹرائزڈ پاسپورٹ بنائے جانے کے حوالے سے انتہائی سستی اور بے حسی کا مظاہرہ کیا جارہاہے۔
کمبائن کمیٹی نے قائم مقام سیکرٹری جنرل کو اس حوالے سے اپنے آئندہ کے لائحہ عمل سے آگاہ کیا۔اس موقع پر قائم مقام سیکرٹری جنرل نے کہا کہ ایم ڈبلیوایم کا طرّہ امتیاز ہی مشکلات کو حل کرنا اور قومی مسائل پر آواز بلند کرنا ہے۔انہوں نے کمبائن کمیٹی کی کارکردگی کو سراہااور کہا کہ اسی ہفتے سے پاسپورٹ کا مسئلہ حل کروانے کے حوالے سے عملی اقدامات کئے جائیں۔
اجلاس میں سیکرٹری سیاسیات و ارتباطات عاشق حسین آئی آر اور آفس سیکرٹری مختار مطہری نے بھی تہران میں قائم پاکستان ایمبیسی کی سستی پر برہمی کا اظہار کرتے ہوئے کمبائن ایکشن کمیٹی کے آئندہ کے لائحہ عمل کے حوالے سے گفتگو کی۔اراکینِ اجلاس نے کہا کہ اگر ایمبیسی نے فوری طور پر پاسپورٹوں کا مسئلہ حل نہ کیا تو اس حوالے سے قانونی و سیاسی طور پر اعلیٰ سطح پر تگ و دو کی جائیگی۔
وحدت نیوز (مانٹرنگ ڈیسک) رپورٹ کے مطابق رہبر معظم انقلاب اسلامی حضرت آیت اللہ العظمی خامنہ ای نے ریڈيو اور ٹی وی کے سربراہ اور اہلکاروں سے خطاب میں دشمن کی طرف سے جاری سافٹ ویئر جنگ کی طرف اشارہ کرتے ہوئے فرمایا: دشمن ،عوام کے اعتقادات کو بدلنے اور اسلامی نظام کو اندرونی سطح پر ختم کرنے کی تلاش و کوشش جاری رکھے ہوئے ہے اور اس صورتحال کے پیش نظرقومی ریڈيو اور ٹی وی نیز ذرائع ابلاغ کی ذمہ داری بہت ہی اہم ہے۔
رہبر معظم انقلاب اسلامی نے فرمایا: عام طور پر جنگیں عوام کے جذبات و احساسات کو برانگیختہ کرنے اور لوگوں کے درمیان اتحاد اور انسجام کا باعث بنتی ہیں جبکہ سافٹ ویئر جنگ میں ایسا نہیں ہے سافٹ ویئر جنگ میں بڑی ظرافت کے ساتھ عوام میں اختلاف پیدا کیا جاتا ہے اور لوگوں سے انکےاعتقادات کو سلب کرنے کی کوشش کی جاتی ہے اور اسلامی نظام کے خاتمہ اور استحالہ کے لئے دشمن آج اسی حربے کو استعمال کررہا ہے اور اس عظیم اور ناخواستہ جنگ کا مقابلہ میڈیا اور ثقافتی اداروں کی اہم ذمہ داری ہے۔
رہبر معظم انقلاب اسلامی نے فرمایا: سافٹ ویئر جنگ صرف ایران کے خلاف ہی نہیں ہے البتہ اس جنگ میں ایران ایک اہم اور حساب شدہ نشانہ ہے۔
رہبر معظم انقلاب اسلامی نے فرمایا: دشمن جوانوں کے اندر مایوسی پیدا کرنے اور انھیں انقلاب سے دور کرنے کی تلاش و کوشش میں ہے البتہ اسے اس محاذ پر بھی شکست اور ناکامی کا سامنا کرنا پڑےگا۔
رہبر معظم انقلاب اسلامی نے ایران کی علمی اور سائنسی میدان ترقی اور پیشرفت کی طرف اشارہ کرتے ہوئے فرمایا: ہمیں اپنے جوانوں کے اندر شوق و نشاط پیدا کرنے کی ضرورت ہے اور انھیں یہ بتانے کی ضرورت ہے کہ وہ علاقائي ممالک کا مشاہدہ کریں جو بڑے عرصہ سے امریکہ کے زير اثر ہیں اور امریکہ کی طرفداری اور وفاداری کا عہد کئے ہوئے ہیں ان کی ترقی اور ایران کی ترقی و پیشرفت کا موازنہ کریں اور پھر نتیجہ حاصل کریں کہ امریکہ کے ساتھ رہنے والے ممالک نے ترقی حاصل کی ہے یا امریکہ سے دور رہنے والے ملک نے ترقی اور پیشرفت حاصل کی ہے۔
رہبر معظم انقلاب اسلامی نے فرمایا: ایران نے انقلاب اسلامی کی سائے میں خاطر خواہ ترقی حاصل کی ، استقلال اور آزادی ایرانی قوم کو نصیب ہوئی اور آج اسلام اور قرآن کی بدولت ایرانی قوم کو دنیا میں عزت اور سرافرازی حاصل ہے اور دشمن میں مجال نہیں کہ وہ ایران کی طرف ٹیڑھی نگاہ کرکے دیکھ سکے ، ایرانی قوم کو یہ عزت اور پیشرفت اسلامی نظام کے سائے میں ملی ہے۔
وحدت نیوز (قم) عيد مباہلہ كی مناسبت سے مجلس وحدت مسلمين شعبہ قم نے جشن كا اہتمام كيا جس میں بطور مہمان خصوصی مجلس وحدت مسلمين كے امور خارجہ كے سیکریٹری ڈاكٹر علامہ سيد شفقت حسين شيرازی نے شركت كی اور محفل سے خطاب میں انہوں نے عيد مباہلہ کی اہميت اور اس کے مختلف پہلوؤں پر روشنی ڈالی۔ اور عظمت وفضيلت اميرالمؤمنين وحضرت سيدۃ النساء العالمين اور جوانان جنت كے سرداروں كو بهی دلائل سے اجاگر كيا. اور اپنے خطاب ميں پاكستان سميت جہان اسلام بالخصوص مشرق وسطی كی تازه ترين صورتحال پر روشنی ڈالی.آل سعود اور تكفيريريت كے بهيانک جرائم اور بيگناہ انسانيت كو قتل وغارت كا نشانہ بنانے اور عالم اسلام ميں تباہی وبربادی پهيلانے اور امريكی واسرائيلی ايجنڈے كو تكميل كرنے كی مجرمانہ كاروائيوں كا بهی تذكره كيا. پاكستان ميں نواز حكومت كی متعصبانہ پاليسی اور عزاداری نواسہ رسول اكرم كو محدود كرنے كی كوششوں اور بيگناہ محبان وطن شيعہ وسنی افراد كے خلاف بے بنياد مقدمات اور بيلنس پاليسی كے تحت گرفتاريوں كی مذمت كی گئ اور مجاہدين اسلام , مقاومين اور ضرب عضب كی كاميابی وفتح يابی اور تمام شہداء اسلام بالخصوص منى كے شہداء كی مغفرت ودرجات كی بلندی اور زخميوں كی جلد شفاءيابی كی دعا بهی کی۔
وحدت نیوز (ٹنڈومحمدخان/سجاول /سکھر) مجلس وحدت مسلمین پاکستان کے مرکزی سیکریٹری جنرل ان دنوں اندرون سندھ کے تنظیمی دورے میں مصروف ہیں،اس دوران انہوں نے ٹھٹھہ ،ٹنڈومحمد خان اورسکھرمیں خیرالعمل فائونڈیشن شعبہ ویلفیئرمجلس وحدت مسلمین اور ہیت امام حسین کویت کےاشتراک سے تین مساجد کا افتتاح کیااور سندھ کے مختلف اضلاع میں جشن غدیر ومباہلہ کی مناسبت سے منعقدہ عوامی اجتماعات میں خطاب کیا،سجاول میں قائد شہید علامہ عارف حسین الحسینی کے دست مبارک 29برس قبل افتتاح کی گئی جامع مسجد حسینی کی ازسرنو تعمیر کے بعد دوسری مرتبہ افتتاح علامہ راجہ ناصرعباس جعفری نے اپنے دست مبارک سے کیا،اس موقع پرضلعی سیکریٹری جنرل مختار علی دایوسمیت علمائے کرام اور علاقہ مکینوں کی بڑی تعداد شریک تھی بعد ازاں علامہ راجہ ناصرعباس نے جشن غدیر کے عنوان سے عوامی اجتماع میں خطاب بھی کیا، علامہ راجہ ناصرعباس نے ٹنڈوغلام حیدرضلع ٹنڈومحمد خان میں ایم ڈبلیوایم کے فلاحی شعبے کی جانب سے تعمیر کردہ مسجدالامام المہدی عج کابھی افتتاح کیا،اس موقع پر ایم ڈبلیوایم کے ضلعی سیکریٹری جنرل محب علی بھٹومقامی علمائے کرام اور علاقہ مکینوں کی بڑی تعداد موجود تھی، مسجد کے افتتاح کے بعد علامہ راجہ ناصرعباس نے کارکنان کی خصوصی گفتگو بھی کی،سکھرمیں نو تعمیر شدہ مسجد السبطین کا افتتاح بھی علامہ راجہ ناصرعباس جعفری نے اپنے دست مبارک سے کیا،اس موقع پر ضلعی سیکریٹری جنرل چوہدری اظہر حسن ،علامہ علی بخش سجادی سمیت معززین شہر اور عوام کی بڑی تعداد موجود تھی،بعدازاں علامہ راجہ ناصرعباس جعفری نے قومی وبین الاقوامی صورت حال پر مقامی رہنماوں کے ہمراہ پریس کانفرنس بھی کی،علامہ راجہ ناصرعباس نے بدین کی تحصیل مراد چھلگری میں زیر تعمیر مسجد کے تعمیراتی کا م کا معائنہ بھی کیا، اس موقع پر ایم ڈبلیوایم کے مرکزی رہنما یعقوب حسینی اور مہدی عابدی بھی ان کے ہمراہ موجود تھے۔
وحدت نیوز (اسلام آباد) مجلس وحدت مسلمین پاکستان کے مرکزی سیکرٹری سیاسیات سید ناصر شیرازی کی قیادت میں ایک مرکزی وفد نے وفاقی وزیر برائے مذہبی امور پیر امین الحسنات سے ملاقات کی۔ملاقات میں دوطرفہ امور پر تبادلہ خیال کیا گیا۔وفد نے وفاقی وزیر کو اپنی تشویش سے آگاہ کرتے ہوئے بتایا کہ سانحہ منیٰ کے الخراش واقعہ میں جو لوگ ابھی تک لاپتا ہیں ان میں ملت تشیع کے گرانقد قدر عالم دین اور ایم ڈبلیو ایم کے رہنما حجت الاسلام والمسلمین علامہ فخر الدین بھی شامل ہیں۔ایم ڈبلیو ایم نے مختلف ذرائعوں سے ان کے بارے معلومات حاصل کرنے کی بھرپور کوشش کی ہے لیکن ابھی تک مصدقہ اطلاعات تک رسائی حاصل نہیں ہو سکی۔حکومت سے ہماری درخواست ہے کہ ان کے بارے درست معلومات حاصل کرنے کے لیے سفارتی ذرائع اور خارجی تعلقات استعمال کرے تاکہ ان کے اہل خانہ کے اضطراب میں کمی اور ملت تشیع میں موجود ان کے عقیدت مندوں کو سکون حاصل ہو۔وفد نے پنجاب میں ذاکرین و علما پر باپندی لگائے جانے کے حکومتی فیصلے پر اپنے ردعمل سے بھی وفاقی وزیر کو آگاہ کیا۔وفد نے کہا کہ ملت تشیع ایک پُرامن قوم ہے۔ علما اور ذاکرین پر پابندیاں لگا کر حساسیت بڑھائی جا رہی ہے جو حالات کو سنگینی کی طرف لے جا سکتی ہے۔ پنجاب حکومت میں موجود کالعدم جماعتوں سے وابستہ وزراء کی ڈکٹیشن پر عمل کرکے ہماری عزاداری کے پروگراموں کو متاثر کرنے کی کوشش نہ کی جائے۔ حکومت پنجاب کو پہلے بھی ہم نے واشگاف الفاط میں بتایا ہے کہ ایسا کوئی فیصلہ ہمارے لیے قابل قبول نہیں۔ آپ کے توسط سے اپنا مطالبہ دوبارہ دوہرا رہے ہیں کہ حکومت پنجاب اس فیصلے کو واپس لے اور ایام عزا کے دوران ہمارے روایتی مذہبی پروگراموں میں رکاوٹ کا باعث نہ بنے۔ وفاقی وزیرنے وفد کے اراکین کو یقین دہانی کرائی کہ علامہ فخر الدین کے بارے معلومات حاصل کرنے کے لیے حکومتی ذرائع استعمال کیے جائیں گے اس کے علاوہ پنجاب میں مجالس و جلوس کے حوالے سے آپ کو درپیش مشکلات کے ازالہ کے لیے بھی ہماری طرف سے بھرپور تعاون جاری رہے گا۔ ایم ڈبلیو ایم کے وفد میں مرکزی سیکرٹری سیاسیات سید ناصر شیرازی کے علاوہ مرکزی رہنما علامہ اصغر عسکری اور مرکزی سیکرٹریٹ کے معاون مسؤل ارشاد حسین بنگش بھی موجود تھے۔
وحدت نیوز (کراچی) مجلس وحدت مسلمین پاکستان کے سربراہ علامہ ناصر عباس جعفری نے کہا ہے کہ ہم ملک بھر میں نواسہ رسولؐ کی عزاداری پر کسی قسم کے دباؤ یا پابندی کو برداشت نہیں کریں گے، ملت تشیع اپنے اس آئینی و قانونی حق سے ایک اینچ بھی پیچھے ہٹنے کو تیار نہیں، پنجاب میں ملت جعفریہ کے خلاف مسلم لیگ (ن) کے ناعاقبت اندیش حکمران سیاسی انتقامی کارروائیوں میں مصروف ہیں، علماء کرام و ذاکرین پر ضلع بندیاں ہمیں کسی بھی صورت قبول نہیں، ہم پاکستان کے محب وطن شہری اور یہاں کے باسی ہیں، مقبوضہ کشمیر میں نہیں رہتے۔ ان خیالات کا اظہار انہوں نے صوبائی رہنما مولانا نشان حیدر،، مولانا احسان دانش، علامہ مبشر حسن، عبدللہ مطہری، یعقوب حسینی، عالم کربلائی، علی حسین نقوی، مولانا علی انور جعفری سمیت دیگر رہنماؤں کے ہمراہ کیتھولک گارڈن کراچی میں ایک پُرہجوم پریس کانفرنس سے خطاب کرتے ہوئے کیا۔
علامہ ناصر عباس جعفری نے کہا کہ پنجاب میں دہشتگرد مخالف شیعہ سنی مکتب فکر کو چند مٹھی بھر تکفیری دہشتگردوں کی خوشنودی کیلئے حکومت انتقامی کارروائیوں کا نشانہ بنا رہی ہے، پنجاب میں نیشنل ایکشن پلان کو درود و سلام اور عزاداری نواسہ رسولؐ کے خلاف استعمال کر رہی ہے، جس کی ہم بھرپور مذمت کرتے ہیں، نواز لیگ کے قائدین سن لیں، اگر ان کا یہ عزاداری مخالف رویہ برقرار رہا، تو ہم ملک گیر احتجاج کریں گے۔ انہوں نے کہا کہ سندھ حکومت بھی عزاداروں کو درپیش مشکلات کے حل میں سنجیدہ نہیں، ہم محرم الحرام میں اندرون سندھ سکیورٹی انتظامات سے مطمئن نہیں، سندھ کے ضعیف العمر وزیراعلٰی حکومتی امور چلانے کے اہل نہیں رہے، گذشتہ محرم الحرام میں اندرون سندھ عزاداروں کے خلاف ساڑھے تین سو سے زائد ایف آئی آر درج کیں، ہم ان نااہل حکمران کی سازشوں سے بخوبی واقف ہیں۔
ایم ڈبلیو ایم کے مرکزی سیکرٹری جنرل نے کہا کہ بلدیاتی الیکشن کا محرم الحرام کے مقدس ایام میں انعقاد افسوس ناک ہیں۔ انہوں نے الیکشن کمیشن اور اعلٰی عدالتوں سے مطالبہ کیا کہ بلدیاتی الیکشن کا انعقاد ایام عزا کے بعد کروایا جائے۔ علامہ ناصر عباس جعفری نے لاہور میں حالیہ الیکشن میں الیکشن کمیشن کی بے بسی لمحہ فکریہ ہے، نواز حکومت آپریشن ضرب عضب کو خراب کرنے کے در پے ہے، آپریشن میں بیجا حکومتی مداخلت سے تکفیری ایجنڈے کی پروموشن کی جا رہی ہے، سکیورٹی اداروں کو چاہئے کہ کراچی سمیت ملک بھر میں تکفیری دہشتگرد گروہوں کے خلاف آپریشن کا آغاز کریں۔ انہوں نے مزید کہا کہ لاؤڈ اسپیکر ایکٹ کے تحت شیعہ و سنی علماء کرام و ذاکرین کے خلاف مقدمات کو ختم کیا جائے، ورنہ ملک گیر احتجاج کا اعلان کیا جائے گا۔
وحدت نیوز (لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی نے لاہور میں عزاداران کے اجلاس سے خطاب کرتے ہوئے کہا کہ چند علماء کو مراعات اور سیاسی رشوت دے کر ملت جعفریہ پر اجارہ داری کی کسی سیاسی جماعت یا حکومتِ وقت کو اجازت نہیں دینگے، نون لیگ اپنے آقاوں کو خوش کرنے کیلئے ملت تشیع کیساتھ جو برتاو کر رہی ہے، اس کے بھیانک نتائج نکلیں گے، محرم الحرام میں عزاداری سیدالشہداء کو محدود کرنے کی سازشوں کو کامیاب نہیں ہونے دینگے۔ انہوں نے کہا کہ پنجاب نون لیگ کی جاگیر نہیں، جہاں جو شہباز شریف کا جی چاہے فرمان جاری کر دے اور پنجاب پولیس ریاست کی ملازم ہے، آئین و قانون کیخلاف نون لیگ کی انتقامی کارروائیوں کا حصہ نہ بنے۔
انہوں نے کہا کہ محرم الحرام میں عزاداران امام عالی مقام حسب سابق اپنے پروگرامز اور مجالس بدستور جاری رکھیں، یہ ہمارا آئینی و قانونی حق ہے، اس سے کوئی ہمیں روک نہیں سکتا، عزاداری نواسہ رسولۖ پر ہم سمجھوتہ کرنے سے سر کٹانے کو ترجیح دینگے، ذاکرین اور علمائے کرام کی ضلع بندیاں ہمیں ہرگز قبول نہیں، ہم پاکستان کے شہری ہیں، بھارت کے زیرانتظام مقبوضہ کشمیر کے نہیں۔ انہوں نے کہا کہ ہم مملکت خداداد پاکستان کو الباکستان نہیں بننے دینگے، علامہ اقبال اور قائداعظم کے پاکستان میں ہر مکتب فکر کو اپنی عبادات و رسومات سرانجام دینے کی مکمل آزادی ہے، ملت جعفریہ نے دہشتگردی کیخلاف سب سے زیادہ قربانیان دیں، آج ہمیں دیوار سے لگانے کی منظم سازش کو کسی بھی صورت کامیاب نہیں ہونے دینگے۔ انہوں نے کہا کہ محرم سے قبل آل پارٹیز کانفرنس میں آئندہ کے لائحہ عمل کا اعلان کریں گے۔
وحدت نیوز (پشاور) مجلس وحدت مسلمین خیبر پختونخوا کے صوبائی سیکرٹری جنرل علامہ سید سبطین حسینی نے پشاور میں اے ایس آئی ملک جرار علی کو ٹارگٹ کلنگ کا نشانہ بنانے پر سخت غم و غصے کا اظہار کرتے ہوئے کہا ہے کہ سکیورٹی اداروں کی غفلت کے باعث شرپسند قوتیں ایک بار پھر سر اٹھا رہی ہیں۔ خیبر پختونخوا میں شیعہ افراد کو چن چن کر قتل کیا جا رہا ہے، جس سے خیبر پختونخوا حکومت کی ’’اعلٰی صلاحیتیں‘‘ بے نقاب ہوگئی ہیں۔ ملت تشیع کو مجالس و جلوس کے حوالے سے دھمکی آمیز خطوط موصول ہو رہے ہیں۔ بنوں میں مجالس و جلوس محدود کرنے کے لئے مبینہ طور پر داعش کی طرف سے لکھا گیا خط تقسیم کیا گیا، جس سے ظاہر ہوتا ہے کہ شرپسند عناصر کی جڑیں ابھی تک پھیلی ہوئی ہیں۔ ضرب عضب کے دائرے کو وسیع کرتے ہوئے پشاور سمیت پورے صوبے تک پھیلایا جانا چاہیئے، تاکہ ملک کے امن و امان کو نقصان پہنچانے والے عناصر کا مکمل طور پر صفایا کیا جاسکے۔ انہوں نے کہا ہے کہ ماہ محرم کے دوران حساس مقامات پر فول پروف سکیورٹی کا انتظام کیا جائے، تاکہ کسی قوت کو عزاداری کے پروگراموں میں رخنہ ڈالنے کی ہمت نہ ہوسکے۔ مجالس و جلوس کو تحفظ فراہم کرنا صوبائی حکومت کی پیشہ وارانہ ذمہ داری ہے۔ خدا نخواستہ کسی بھی ناخوشگوار واقعہ کے رونما ہونے کی صورت میں تمام تر ذمہ داری خبیر پختونخوا حکومت اور متعلقہ انتظامیہ پر عائد ہوگی۔
وحدت نیوز (کوئٹہ) کوئٹہ کے علاقے ہزارہ ٹاؤن میں حاجی محمد خان خوشہ اور حاجی محمد عیسٰی خوشہ نے مجلس وحدت مسلمین پاکستان کوئٹہ ڈویژن کے کابینہ کو ظہرانے کی دعوت دی۔ اس موقع پر ایم ڈبلیو ایم کے رکن شورٰی عالی و امام جمعہ کوئٹہ علامہ سید ہاشم موسوی، رکن بلوچستان اسمبلی سید محمد رضا، حاجی محمد علی، حاجی کریم، امام جمعہ ہزارہ ٹاون سید محمد حسن مبلغ، کوئٹہ یکجہتی کونسل کے ممبران سمیت نور وہلفیئر سوسائٹی کے چئیرمین عامر علی چنگیزی کے وفد بھی موجود تھے۔ آخر میں حاجی محمد خان خوشہ نے خوشہ طائفہ سمیت مجلس وحدت مسلمین پاکستان کوئٹہ ڈویژن میں شمولیت اختیار کی اور اپنے بھرپور تعاون کا یقین دلایا۔ اس موقع پر خطاب کرتے ہوئے ایم پی اے سید محمد رضا کا کہنا تھا کہ مجلس وحدت مسلمین ملک بھر میں پاکستانی قوم کی بلاتفریق رنگ و نسل خدمت پر یقین رکھتی ہے۔ خوشہ طائفہ کی ایم ڈبلیو ایم میں شمولیت انتہائی خوش آئند ہے۔
وحدت نیوز (لاہور) مجلس وحدت مسلمین پنجاب کے سیکرٹری جنرل علامہ عبدالخالق اسدی نے لاہور میں عزاداری سیل کے اجلاس سے خطاب کرتے ہوئے کہا کہ عزادرای امام حسینؑ ہماری شہ رگ حیات ہے، ہم کٹ تو سکتے ہیں لیکن نواسہ رسولؑ کی عزاداری پر قدغن لگانے کی کسی کو اجازت نہیں دینگے، پنجاب میں علماء و ذاکرین کی ضلع بندیاں ہمیں کسی صورت قبول نہیں، ہم مقبوضہ کشمیر میں نہیں پاکستان میں رہتے ہیں، جسے ہمارے آبا و اجداد نے جان اور مال کی قربانی دے کر حاصل کیا تھا۔ انہوں نے کہا کہ پنجاب حکومت ملت جعفریہ کیخلاف انتقامی کارروائیوں سے باز رہے، ہم کسی بھی ایسے اقدام کو ہرگز قبول نہیں کریں گے جو عزاداری امام مظلومؑ کو محدود کرنے کا سبب بنے۔ انہوں نے کہا اگر حکومت پنجاب نے اپنا رویہ نہ بدلا تو ہم ملک بھر میں عاشور کے روز جلوس ہائے عزاء روک کر پنجاب کے متعصب حکمرانوں کیخلاف صدائے احتجاج بلند کریں گے، ہم اپنے دینی و ایمانی فریضے کو ہرحال میں ادا کریں گے، چاہے اس راستے میں ہمیں جان کی قربانی ہی کیوں نہ دینی پڑے، پنجاب پولیس سٹیٹ کی ملازم ہے، پولیس کو مراعات ہمارے ٹیکس کے پیسوں سے ملتی ہیں، وہ شریف فیملی کی ملازم نہ بنے، آئین و قانون کیخلاف کسی بھی اقدام کو عزاداران امام مظلوم برداشت نہیں کریں گے۔
