وحدت نیوز (گلگت) خنجراب بارڈر کھلنے سے قبل چائنا میں قید پاکستانی شہریوں کی بیویوں کو آزاد کروایا جائے۔یہ ایک حساس مسئلہ ہے جس پر حکومت نے خاموشی اختیار کی ہوئی ہے، مسئلہ حل نہ ہوا تو متاثرین کے ساتھ تمام سیاسی ومذہبی جماعتوں کے کارکن پاک چائنا بارڈر پر دھرنا دینگے۔
مجلس وحدت مسلمین گلگت بلتستان کے ترجمان محمد الیاس صدیقی نے کہا ہے کہ شادی کرنا ہر انسان کا حق ہے اور پاکستانی شہریوں نے چائنا کے قوانین کے مطابق شادیاں کیں ہیں اور چائنا حکومت نے بغیر وجہ بتائے بچوں سمیت مائوں کو جیل میں رکھا ہے۔دنیا بھر میں بین الملکی شادیاں ہوتی ہیں اور ملکی قوانین کو پورا کرکے شادیوں کی اجازت ہوتی ہے ۔چائنا کے بہت سے افراد نے پاکستان شہریت رکھنے والی خواتین سے شادیاں کی ہیںلیکن پاکستان میں ان کو عزت وتکریم دی جاتی ہے۔افسوس کا مقام ہے کہ ہمسایہ ملک چائنا نے بین الاقوامی قوانین کے خلاف اقدام کیا ہے جس پر ہماری حکومت کو چائنا سے جواب طلبی کرنی چاہئے۔
انہوں نے کہا کہ وزارت خارجہ کو چاہئے کہ اسلام آباد میں مقیم چائنا کے سفیر کو طلب کرکے اس غیر قانونی اقدام کی وضاحت مانگنی چاہئے۔ایک سال سے زائد کا عرصہ گزرچکا ہے بلاجواز بیویوں اور بچوں کو قید میں رکھا گیا ہے اور انہیں نہ تو ان کے شوہروں سے ملنے کی اجازت ہے اور نہ ہی ان کے والدین اوربہن بھائیوں سے ۔انہوں نے کہا کہ چائنا کا یہ اقدام انسانی حقوق کی سنگین خلاف ورزی ہے اور انسانی حقوق کی تنظیموں کو اس غیر انسانی سلوک پر آواز اٹھانا چاہئے۔انہوں نے کہا کہ خنجراب بارڈر کھلنے سے قبل گرفتار تمام خواتین اور بچوں کو رہا کیا جائے بصورت دیگر متاثرین بارڈر پر دھرنا دینگے اور تمام سیاسی و مذہبی جماعتیں ان کے ساتھ کھڑی ہونگی۔
وحدت نیوز (اسلام آباد) مجلس وحدت مسلمین پاکستان کے سربراہ علامہ راجہ ناصرعباس جعفری نے رائیونڈ میں بم دھماکے کے نتیجے میں چار پولیس اہلکاروں اور شہریوں کی شہادت اور درجنوں کے زخمی ہونے پر شدید افسوس اور غم وغصے کا اظہار کیا ہے، مرکزی سیکریٹریٹ سے جاری اپنے بیان میں انہوں نے کہا کہ دہشت گردعناصرکو پاکستان کا امن ایک آنکھ نہیں بھاتا، بھارت ، امریکہ اور اسرائیل پاکستان کو غیر مستحکم کرنے کے یک نکاتی ایجنڈے پر متحد ہیں، افسوس کے ساتھ کہنا پڑتا ہے کہ پاکستان کو درپیش بیرونی چیلنجز کے باوجود ہمارے نا عاقبت اندیش حکمران ریاستی اداروں کے ساتھ ٹکرائو کی سیاست کو فروغ دیکر ملک دشمن قوتوں کے عزائم کو کامیاب بنا رہے ہیں، انہوں نے مزید کہاکہ ملکی سلامتی اور استحکام کیلئے سکیورٹی فورسز کی قربانی ناقابل فراموش ہیں، پاکستان کے غیور عوام دہشت گردوں کے مقابل اپنی سکیورٹی اداروں کے شانہ بشانہ کھڑے ہیں ،انہوں نے سانحہ رائیونڈ میں شہید ہونے والوں کے اہل خانہ سے تعزیت کا اظہار کیا ہے اور زخمی ہونے والوں کی جلد صحت یابی کی دعا کی ہے ۔
وحدت نیوز(فیصل آباد) مجلسِ وحدت مسلمین شعبہ خواتین ضلع فیصل آباد کی جانب سے جشنِ ولادت حضرت بی بی فاطمۃ الزہرہ سلام اللہ علیہ اور جشنِ عبادت کا انعقاد فیصل آباد کے مرکزی امام بارگاہ میں کیا گیا۔جسمیں شھزادیِ کونین س کی بارگاہِ عالیہ میں منقبت کے نذرانے خواہران نے پیش کئے۔جسکے بعد خصوصی طور پہ خواہر ثمینہ نقوی اود مرکزی سیکرٹری برائے تنظیم سازی مجلسِ وحدت مسلمین شعبہ خواتین خواہر فرحانہ گلزیب نے خطاب کیااور سیدۃ النساء العالمین س کے کردار و افکار پر روشنی ڈالی۔اسکے بعد خصوصی طور پر ۳۰ بچیوں کو جشنِ عبادت کے عنوان سے تحائف دئیے گئے اور نیتِ تقلید کرائی گئی۔
وحدت نیوز (ڈیرہ اسماعیل خان) مجلس وحدت مسلمین ضلع ڈیرہ اسماعیل خان کا ہنگامی جامع مسجد شیعہ لاٹوفقیرمیں زیرصدارت ضلعی جنرل سیکرٹری مولانا غضنفرنقوی منعقد ہوا،اجلاس میں معروف سیاسی و سماجی شخصیت سید محمود شاہ (مودی شاہ) ، ایم ڈبلیو ایم کے ضلعی راہنما سید اسد علی زیدی، جامع مسجد شیعہ لاٹوفقیر کے خطیب مولانا غضنفر، علی رضا، سید تہور عباس بخاری سمیت سٹی کے عہدیداران نے شرکت کی۔
اجلاس سے خطاب کرتے ہوئے کوٹلی امام حسینؑ کو وقف 327 کنال 9 مرے اراضی کی تبدیلی کسی صورت نہیں ہونے دینگے۔ یہ اراضی وقف کوٹلی امام حسینؑ اراضی ہے کسی کی ذاتی جائیداد یا ملکیت نہیں ہے جو اپنی مرضی سے اس اراضی کو تبدیلی کو ناکام کوششوں میں مصروف ہیں۔
انہوں نے کہا کہ ہمارے نوٹس میں بات آئی ہیں کہ چند لوگوں کی کوٹلی امام حسینؑ کی 119 کنال جو کہ قبرستان پر مشتمل ہیں کی چارددیواری دینے کی کوشش کی جا رہی ہے۔ ہم اس اقدام کی ہر سطح پر شدیدمذمت کرتے ہیں۔ انہوں نے کہا کہ جب تک 327 کنال 9 مرے پوری کی پوری اراضی وقف کوٹلی امام حسینؑ نہیں ہوتی تب تک کسی کو بھی کسی قسم کے اقدامات نہیں اُٹھانے دینگے۔
مولانا غضفرنقوی نے کہا کہ ہم قبرستان کی چاردیواری کے مخالف نہیں ہیں لیکن جب تک پوری اراضی وقف نہیں ہوتی قبرستان کی 119 کنال پر چاردیواری کا کوئی فائدہ یا مقصد نہیں۔ اجلاس میں فیصلہ کیا گیا کہ اگر 119 کنال پر چاردیواری دینے کی مذموم کوشش کی گئی تو پوری قوم بھرپور احتجاج کرے گی۔
مجلس وحدت مسلمین کے ضلعی جنرل سیکرٹری مولانا غضنفرنقوی نے IGP خیبر پختونخواہ صلاح الدین خان محسود کی جانب سے سینیٹ کی قائمہ کمیٹی برائے داخلہ کے اجلاس میں ڈیرہ اسماعیل خان میں جاری ٹارگٹ کلنگ کو "ذاتی دشمنی اور خاندانی اختلافات" کا شاخسانہ قرار دینے کی شدید مذمت کرتے ہوئے کہا کہ آئی جی پی انتہائی غلط فہمی کا شکار ہیں وہ اپنی اور عمران خان کی مثالی پولیس کی نااہلی، بے حسی اور اپنی مکمل ناکامی کوچھپنے کے لئے ڈیرہ اسماعیل خان میں جاری دشت گردی و ٹارگٹ کلنگ کو "ذاتی دشمنی اور خاندانی اختلافات" کا شاخسانہ قراردے رہے ہیں۔
انہوں نے کہا کہ IGP خیبر پختونخواہ صلاح الدین خان محسود کی سینیٹ میں بیان جھوٹ اور فریب کے مترداف ہے جس کا حقیقت سے دور دور تک تعلق نہیں۔ IGP خیبر پختونخواہ کے سینیٹ میں جھوٹی بریفنگ نے عمران خان کی مثالی پولیس کا پول کھول کر سامنے آ گیا۔ انہوں نے کہا کہ خیبرپختوخوا پولیس کا کردار دنیا کے سامنے ہے کہ سی سی ٹی وی ویڈیوز میں قاتل واضع ہونے کے باوجودقاتلوں اور مجرموں کو پکڑنے میں انتظامیہ اب تک مکمل ناکام ہے
وحدت نیوز(کوئٹہ) مجلس وحدت مسلمین کے مرکزی رہنما اور صوبائی وزیر قانون وپارلیمانی امور حکومت بلوچستان آغا سید محمد رضا نےصادق سنجرانی کو چیئرمین سینیٹ منتخب ہونے پر مبارک باد پیش کی ہے اور نیک خواہشات کا اظہار کیا ہے، کوئٹہ میں وزیر اعلیٰ بلوچستان میر عبدالقدوس بزنجوکے ہمراہ صادق سنجرانی سے ملاقات کے موقع پر آغارضا نے انہیں چیئرمین سینیٹ منتخب ہونے پر مبارک باد پیش کی، انہوں نے کہا کہ صادق سنجرانی کا بحیثیت چیئرمین سینیٹ انتخاب ملکی تاریخ میں اہم سنگ میل ہے، بلوچستان جیسے پسماندہ صوبے سے تعلق رکھنے والےصادق سنجرانی کا چیئرمین سینیٹ منتخب ہونا بلوچستان کے محروم اور پسے ہوئے عوام کی بحالی کیلئے نیک شگون ہے، انہوں نے مزید کہا کہ بلوچستان میں صوبائی حکومت کی آئینی انداز میں تبدیلی کے بعد چیئرمین سینیٹ کا بلوچستان سے انتخاب قومی سطح پر مثبت تبدیلی کا پیش خیمہ ہے، امید ہے کہ صادق سنجرانی بلوچستان سمیت دیگر چھوٹے صوبوں کے غصب شدہ حقوق کیلئے جدوجہد کریں گے ۔
وحدت نیوز (ملتان) مجلس وحدت مسلمین پاکستان کے مرکزی سیکرٹری جنرل علامہ راجہ ناصر عباس جعفری 23 مارچ سے یکم اپریل تک جنوبی پنجاب کا دس روزہ تنظیمی و تربیتی دورہ کریں گے، ملتان سے جاری بیان کے مطابق ایم ڈبلیو ایم جنوبی پنجاب کے ترجمان ثقلین نقوی نے کہا کہ علامہ راجہ ناصر عباس جعفری 23 مارچ جمعۃ المبارک سے میانوالی سے دورے کا آغاز کریں گے، 24، 25 مارچ کو بھکر کا دورہ کریں گے، دریا خان، کوٹلہ جام میں مختلف اجتماعات اور تنظیمی شخصیات سے ملاقات کریں گے، 26 مارچ لیہ میں گزاریں گے اور مختلف تقریبات سے خطاب کریں گے۔ 27 مارچ کو مظفرگڑھ اور 28 مارچ کو علی پور کا دورہ کریں گے، 29، 30 مارچ دو دن رحیم یار خان میں گزاریں گے، 31 مارچ کو بہاولپور کا دورہ کریں گے، یکم اپریل کو ملتان کا دورہ کریں گے۔ ثقلین نقوی کے مطابق دورے کا مقصد آئندہ عام الیکشن کے حوالے سے سیاسی جوڑ توڑ، اُمیدواروں سے ملاقات اور سیاسی شعور کو بلند کرنا ہے۔ دورے کے دوران ایم ڈبلیو ایم جنوبی پنجاب کے صوبائی سیکرٹری علامہ اقتدار حسین نقوی، ڈپٹی سیکرٹری جنرل سلیم عباس صدیقی اور محمد اصغر تقی ان کے ہمراہ ہوں گے۔ دورے کے اختتام پر ملتان میں پریس کانفرنس سے خطاب بھی کریں گے۔
