وحدت نیوز(ڈیرہ اللہ یار) مجلس وحدت مسلمین صوبہ بلوچستان کی صوبائی شوری کا اہم اجلاس صوبائی سیکریٹری جنرل علامہ برکت علی مطہری کی زیر صدارت ڈیرہ اللہ یار میں منعقد ہوا اجلاس میں اراکین صوبائی کابینہ اور اضلاع کے سیکرٹری جنرلز و نمائندگان شریک ہوئے۔ اجلاس کی پہلی نشست میں مرکزی ترجمان علامہ مقصود علی ڈومکی نے خصوصی طور پر شرکت کی اور خطاب کیا۔جبکہ ایم ڈبلیوایم کے مرکزی سیکریٹری تربیت علامہ ڈاکٹر یونس اور مرکزی معاون سیکریٹری امور تنظیم سازی آصف رضا ایڈوکیٹ بھی اجلاس میں خصوصی طور پر شریک تھے۔

اس موقع پر صوبائی شوری اجلاس سے خطاب کرتے ہوئے علامہ مقصود علی ڈومکی نے کہا کہ مجلس وحدت مسلمین وطن عزیز پاکستان میں اتحاد امت اور حب الوطنی کی علمبردار جماعت ہے جس نے ہمیشہ ظالم کی مخالفت اور مظلوم کی حمایت کی ہے۔ کشمیر اور فلسطین کے مظلوموں کے حق میں موثر آواز بلند کرتے ہوئے ہم اس بات پر یقین رکھتے ہیں کہ ظلم کی سیاہ رات ختم ہوگی اور  آزادی کشمیر اور فلسطین کا مقدر بنے گی۔

وحدت نیوز(کوئٹہ) مجلس وحدت مسلمین بلوچستان کے صوبائی سیکرٹری جنرل علامہ برکت علی مطہری نے تفتان کے بارڈر پر زائرین کو درپیش مشکلات کے مستقل ازالے کا مطالبہ کرتے ہوئے کہا ہے کہ تفتان بارڈر پر زائرین کا کئی کئی روز تک جبری قیام کسی اذیت سے کم نہیں ہے۔اس مسئلے کا حکومت کو کوئی مستقل حل تلاش کرنا ہو گا۔

انہوں نے کہا کہ ایران و عراق مقامات مقدسہ سے واپسی پر بزرگوں، بچوں اور خواتین کی بڑی تعداد کو سیکورٹی کے نام پر تفتان بارڈر روک کر کئی کئی دن قیام پر مجبور کیا جاتا ہے اور جب تک زائرین کی غیر معمولی تعداد جمع نہیں ہو جاتی تب تک قافلوں کو چلنے کی اجازت نہیں ملتی۔حکومت کے ذمہ دار اداروں کی طرف سے اس مسئلے کے حل کے لیے بارہا یقین دہانی کرائی گی لیکن تاحال معاملات جوں کے توں ہیں۔

انہوں نے کہا کرتارپورہ راہدری پر سکھ برادری کو سہولیات کی فراہمی حکومت کا ایک احسن اقدام ہے تاہم ان اقدامات کو کلی طور پر  لائق تحسین تب ہی قرار دیا جاسکتا ہے جب منصفانہ طرز عمل اختیار کرتے ہوئے مسلمان زائرین کی مشکلات پر بھی توجہ دی جائے۔انہوں نے کہا کہ تفتان بارڈر پر درپیش مشکلات سے کسی کو چشم پوشی کی اجازت نہیں دیں گے۔۔اس مسئلے کا مستقل حل نکلنے تک ہماری بے چینی ختم نہیں ہو گی۔

وحدت نیوز(کوئٹہ) مجلس وحدت مسلمین پاکستان کے مرکزی رہنما علامہ سید ہاشم موسوی ،رکن شوری عالی و ممبر بلوچستان اسمبلی آغا رضا،صوبائی سیکرٹری جنرل برکت علی بلوچ، صوبائی سیکرٹری جنرل کیپٹن حسرت اللہ چنگیزی،ظفر عباس شمسی،صوبائی رہنما علامہ ولایت حسین جعفری،سیکرٹریجنر ل کوئٹہ ڈویژن سید عباس آغا،کونسلر کربلائی رجب علی،کونسلر سید محمد مھدی،حاجی عمران علی ہزارہ،امان علی ہزارہ،ضلعی سیکرٹری جنرل جعفر علی جعفری،فدا حسین ہزارہ،کامران حسین ہزارہ ،کربلائی مرزا حسین ہزارہ،رشید علی طوری،حاجی ناصر علی و دیگر رہنماووں نے اپنے مشترکہ بیان میں زرغون روڈ پر واقع چرچ پر بزدلانہ حملے کی شدید مذمت کرتے ہوئے کہا کہ چرچ پر دہشتگردانہ کاروائی نے ملک بھر کی فضا کو ایک بار پھر سوگوار کر دیا ،مشکل کی اس گھڑی میں مجلس وحدت مسلمین ،پوری شیعہ ہزارہ قوم اپنے مسیحی بھائیوں کیساتھ کھڑی ہے۔دہشتگردوں نے حضرت عیسیٰ علیہ السلام کی ولادت کے موقع پر حملہ کر کے دنیا بھر کے مسلمان و مسیحی بھائیوں کی خوشیوں کو سبوتاژ کرنے کی مذموم کوشش کی ہے ،اس بزدلانہ حملے سے دہشتگردوں نے ہمارے قومی وحدت کو پارہ پارہ کرنے کی ناکام کوشش کی ہے ۔ جسے تمام پاکستانی عوام اپنے یکجہتی اور وحدت و اخوت کے ذریعے ملکر ناکام بنائینگے۔ اپنے بیان میں علامہ سید ہاشم موسوی نے کہاکہ دہشتگردوں کے ہاتھوں اب کوئی بھی محفوظ نہیں ،عوام ،ادارے ،سیاسی پارٹیاں،اہم شخصیات یہاں تک کہ عبادتگاہیں جہاں پر اللہ تعالیٰ کا ذکر کیا جاتا ہے بھی جہاد کے نام پر دھوکہ کھانے والے دہشتگردوں کے شر سے محفوظ نہیں۔

جب تک فریب خوردہ دہشتگرد اپنے بزدلانہ کاروائیوں کو جہاد سمجھیں گے دہشتگردی کا خاتمہ اسوقت تک ممکن نہیں ،ریاست اور علماء دونوں اسے سلسلے میں اپنا کردار ادا کریں۔اور دہشت گردوں کیخلاف نظریاتی جنگ کا بھی آغاز کریں ،اس موقع پر مجلس وحدت مسلمین کے تمام رہنماوؤں نے پولیس کے جوانوں کی جرأت کو بھی سلام پیش کرتے ہوئے انھیں بروقت کاروائی کرنے اور زیادہ نقصان سے بچانے کیلئے خراج تحسین پیش کیا،بیان کے آخر میں تمام عمائدین نے شہداء ،زخمی اور انکے لواحقین کیلئے دعا خیر بھی کی۔

وحدت نیوز( نصیرآباد) برسی شھداء گوٹھ چھلگری تحصیل بھاگ ضلع کچھی بولان مجلس وحدت مسلمین بلوچستان کے زیر اہتمام انتظامیہ کی سنگین رکاوٹوں کے باوجود شان و شوکت سے منائی گئی ، برسی کے اجتماع میں خانوادہ شہداء سمیت مومنین کی بڑی تعداد نے بھر پور انداز میں شرکت کی ،  شہباز اسکائوٹ کے چاک وچوبند دستے نے قبور شہداء پر سلامی پیش کی، اس موقع پر خطاب کرتے ہوئے مجلس وحدت مسلمین صوبہ بلوچستان کے سیکریٹری جنرل علامہ برکت علی مطہری نے کہا کہ شہدائے اسلام نے اپنے پاکیزہ لہو سے دین مبین کی آبیاری کی ، ہمارا فریضہ ہے کہ ہم اپنے شہداء کے مقدس لہو کے اہل وارث بنیں ان کی یاد کو ہمیشہ زندہ رکھیں اور ان کی راہ کو مٹنے نا دیں ۔

وحدت نیوز(کوئٹہ ) مجلس وحدت مسلمین پاکستان کے مرکزی رہنما علامہ ہاشم موسوی , صوبائی سیکرٹری جنرل علامہ برکت بلوچ , صوبائی ڈپٹی سیکرٹری جنرل کیپٹن حسرت اللہ ہزارہ , رکن صوبائی اسمبلی بلوچستان آغا رضا , صوبائی رہنما ظفر عباس شمسی, ڈویژنل سیکرٹری جنرل سید عباس آغا, علامہ ولایت حسین جعفری, کونسلر رجب علی, کونسلر سید مہدی , جعفر علی جعفری, فدا حسین ہزارہ, رشید علی طوری, حاجی عمران ہزارہ و دیگر پارٹی عمائدین نے اپنے مشترکہ بیان میں کہا ہے کہ ڈپٹی چیئرمین سینٹ مولانا عبدالغفور حیدری پر بزدلانہ حملے کی شدید مذمت کرتے ہیں. علامہ ہاشم موسوی نے کہا کہ بلوچستان بھر میں دہشت گردوں کے خلاف بھرپور کارروائی کی ضرورت ہے مستونگ , درینگڑھ اور نوشکی میں انتہا پسندی عروج پر پہنچ چکی ہے جس کی وجہ سے ان علاقوں میں دہشتگردوں نے اپنے اڈے قائم کر رکھے ہیں لیکن اب تک ان علاقوں میں دہشتگردوں کے خاتمے کے لیے کوئی سنجیدہ اقدام نہیں اٹھایا گیا ۔

مجلس وحدت مسلمین صوبہ بلوچستان کے سیکرٹری جنرل علامہ برکت بلوچ نے کہا کہ مولانا عبدالغفور حیدری اور جمعیت کے دیگر کارکنان پر حملہ کرنا اس بات کا ثبوت ہے کہ دہشت گرد ہم سب کا مشترکہ دشمن ہے جس کے متحد ہونے کی ضرورت ہے ایم ڈبلیو ایم کے مرکزی رہنما و رکن صوبائی اسمبلی بلوچستان آغا رضا نے کہا کہ مولانا عبدالغفور حیدری  ایک سلجھے ہوئے سیاست دان ہیں جو امن وامان کی بحالی کے لیے خدمات انجام دے رہے ہیں ان کے قافلے پر حملہ اور قیمتی انسانی جانوں کے ضیاع کی جتنی مذمت کی جائے کم ہے اسی راستے پر شیعہ زائرین پر کئی بار دہشت گردانہ حملے ہو چکے ہیں جس پر ہم نے احتجاج بھی کیا اور اس وقت بھی ہم نے حکومت اور اداروں پر زور دیا کہ اس روٹ پر دہشت گردوں کیخلاف سنجیدہ آپریشن کرکے دہشتگردوں کا مکمل صفایا کیا جائے لیکن آج تک اس روٹ پر دہشت گردوں کیخلاف آپریشن نہیں کیا گیا اور دہشت گردوں کو صرف شیعہ مسلک کا دشمن سمجھ کر انکے ساتھ نرمی برتی گئی اگر ہمارے مطالبات مان کر حکومت اور ادارے دہشت گردوں کا صفایا کرتے تو آج یہ افسوسناک سانحہ پیش نہ آتا . سانحہ پر اپنے شدید غم وغصے کا اظہار کرتے ہوئے ایم ڈبلیو ایم کے دیگر رہنماؤں نے حکومت اور اداروں سے مطالبہ کیا کہ کوئٹہ تفتان روٹ اور خصوصاً مستونگ میں  دہشتگردوں کا مکمل صفایا کیا جائے..

وحدت نیوز(کوئٹہ) تحریک انصاف بلوچستان کے صوبائی رہنماء قاسم سوری سے ملاقات میں ایم ڈبلیوایم بلوچستان کے رہنماء علامہ مقصود علی ڈومکی کا کہنا تھا کہ زبانی جمع خرچ کی بجائے ترکی سمیت دیگر اسلامی ممالک کو فلسطین میں جاری جارحیت کیخلاف اسرائیل سے تمام تر سفارتی تعلقات معطل کرنے چاہئیں ، مجلس وحدت مسلمین کے رہنماء علامہ مقصود علی ڈومکی نے کہا ہے کہ انتخابی اصلاحات کے بغیر حقیقی جمہوریت کا قیام ناممکن ہے۔ چار حلقوں میں انتخابی عمل کی تحقیقات سے خائف حکومت اقتدار میں رہنے کا اخلاقی جواز کھو چکی ہے۔ ہم انتخابی اصلاحات کے موقف کی حمایت کرتے ہیں۔ اس موقع پر علامہ مقصود علی ڈومکی نے کراچی میں آپریشن کے باوجود معصوم شہریوں کی ٹارگٹ کلنگ کو سوالیہ نشان قرار دیا۔ انہوں نے ٹارگٹ کلنگ میں مجلس وحدت مسلمین کے کارکنوں اور معصوم انسانوں کی شہادت پر افسوس کا اظہار کرتے ہوئے حکومت سندھ سے مطالبہ کیا کہ وہ نہتے شہریوں کے تحفظ کو یقینی بنائے۔ انہوں نے کہا کہ عدیل عباس اور حیدر رضوی کے قتل میں ملوث عناصر کو بے نقاب کرنا بہت ضروری ہے۔ علامہ مقصود علی ڈومکی نے کہا کہ غاصب اسرائیل کے خلاف شیعہ سنی مسلمان مل کر قیام کریں۔ حماس اور حزب اللہ کی حمایت تمام مسلمانوں پر فرض ہے۔ انہوں نے ترک وزیراعظم اردوگان کی جانب سے اسرائیل کو دی گئی دھمکی پر حیرت کا اظہار کرتے ہوئے کہا کہ ترکی حکومت پہلے انکارا اور استنبول میں قائم اسرائیلی سفارتخانے بند کرنے کا اعلان کرتے ہوئے اس کی جگہ فلسطینی سفارتخانے کھولنے کا اعلان کرے۔

انہوں نے کہا کہ زبانی جمع خرچ کی بجائے عملی طور پر ترکی اور دیگر مسلم ممالک کو مظلومین فلسطین کی مدد کرنا ہوگی۔ ترک انٹیلیجنس کا موساد کے ساتھ معاہدہ اور نیٹو کی رکنیت ایک سوالیہ نشان ہے۔ انبیاء (ع) کی سرزمین فلسطین پر اسرئیلی جارحیت پر اقوام متحدہ اور حقوق انسانی کے عالمی اداروں کی خاموشی قابل مذمت ہے۔ ہم مظلوم فلسطینی عوام کو یقین دلاتے ہیں کہ آپ ہمارے دلوں میں بستے ہیں۔ مسلم حکمرانوں کی خیانت کے باوجود مسلم عوام آپ کے ساتھ ہیں۔ انشاءاللہ نصرت الٰہی کا وعدہ جلد سچا ہوگا اور امت مسلمہ کی وحدت بیداری اور قیام للہ کے نتیجہ میں قبلہ اول جلد آزاد ہوگا۔