وحدت نیوز (اسلام آباد) ملک بھر میں ہونے والے بلدیاتی انتخابات کے دوسرے مرحلے میں مجلس وحدت مسلمین کے تین امیدوارسندھ اور پنجاب میں کامیاب قرار پائے ہیں ، نامسائد حالات ، وسائل کی قلت کے باوجود ایم ڈبلیوایم کے امیدواروں اور کارکنان نے استقامت اور جواں مردی کا دیدنی مظاہرہ کیا اور جاگیرداروں اور کرپٹ اشرافیہ کے مقابل حوصلہ مندانہ سیاسی جدوجہد کی اور فیروز والہ ، بھوانہ اور ماتلی سے  میونسپل کمیٹی اور یونین کمیٹی کی تین نشستوں پر ن لیگ اور پاکستان پیپلز پارٹی کے امیدواروں کو شکست سے دوچار کیا،کامیاب قرار پانے والوں میں میونسپل کمیٹی فیروز والہ ضلع شیخوپورہ وارڈ نمبر 1 سے مجلس وحدت مسلمین کے امیدوار سید حسنین رضا کاظمی جنرل کونسلر کی سیٹ پر کامیاب ہوئے، یوسی 27 وارڈ نمبر6 بھوانہ سے مجلس وحدت مسلمین کے امیدوار نذیر احمد سراج جنرل کونسلر کی سیٹ پر کامیاب ہوئے ،سندھ یوسی ملاہاں  ڈسٹرک بدین تحصیل ماتلی سے مجلس وحدت مسلمین کے امیدوار باغ علی جنرل کونسلر کی سیٹ پر کامیاب قرار پائے جبکہ یونین کونسل 20حیدرآباد سے ایم ڈبلیوایم کے امیدوار برائے چیئرمین گڈومری اور وائس چیئرمین ندیم جعفری محض چالیس ووٹوں کی کمی سے شکست سے دوچار ہوئے ان کے مقامل ایم کیوایم کے امیدوار موجود تھے جنہیں مقامی انتظامیہ اور پولیس کی مکمل سپورٹ حاصل تھی واضح رہے کہ متعلقہ ایس ایچ او نے پولنگ کے دوران ایم کیوایم کے کارکنان کو دھاندلی کی کھلی چھٹی فراہم کررکھی تھی  ، جبکہ الیکشن کمیشن کا عملہ بھی خاموش تماشائی بنا رہا۔

وحدت نیوز (ماتلی) مجلس وحدت مسلمین کے مرکزی سیکریٹری امور تبلیغات علامہ اعجاز بہشتی ان دنوں سندھ کے بلدیاتی انتخابات میں حصہ لینے والے ایم ڈبلیوایم کے امیدواروں کی عوامی رابطہ مہم میں شرکت کیلئے سندھ کے مختلف اضلاع کے دورے پرہیں ، ماتلی میں ایم ڈبلیوایم کے نامزد کونسلر نادرنوتکانی کے انتخابی جلسے سے خطاب کرتے ہوئے انہوں نے کہا کہ ایم ڈبلیوایم کا انتخابات میں حصہ لینا کو ئی جذباتی اورغیر منطقی فعل نہیں ،  عدل وانصاف کے قیام کیلئے مخلصین  کاسیاسی طاقت حاصل کرناشرعی وعقلی فریضہ ہے،عوام پر حق حکمرانی جب تک فاسقین اور فاجرین کو حاصل رہے گا، عوام اپنے جائز حقوق کیلئے اسی طرح سرگرداں رہیں گے، مکتب تشیع کے پیروکار نظام ولایت کے حامی ہیں ، جس میں سیکیولرازم ، کمیونزم کی کوئی گنجائش نہیں، مکتب تشیع کو خدا نے وہ طاقت عطاکی ہے کہ وہ دنیا کے محروموں اور مظلوموں کو راہ نجات دکھا سکتے ہیں ، سابقہ الیکشن اور موجودہ بلدیاتی الیکشن میں حصہ لینے کا مقصد پسے ہو ئے طبقے کا با اختیار بنانے میں مدددینا ہے انشاءاللہ ایم ڈبلیوایم کے نامزد امیدوار کامیاب ہونے کے بعد تعلیمات علوی ؑکی روشنی میں عادلانہ نظام سیاست کی بنیاد ڈالیں گے۔واضح رہے کہ علامہ اعجاز بہشتی ماتلی سمیت حیدر آباد اور کراچی کے مختلف اضلاع میں ایم ڈبلیوایم کے نامزدامیدواروں کی انتخابی مہم میں بھی شریک ہو نگے۔

وحدت نیوز (نصیرآباد) وارثان شہداء کمیٹی شکارپور و جیکب آبادکے چیئرمین علامہ میر مقصود علی ڈومکی نے تحصیل نصیرآباد کا دورہ کیا ، جہاں پر مجلس وحدت مسلمین کے ضلعی رہنماؤں سید اختر عباس ، حبدار علی لغاری ، غلام شبیر جویو ، اور دیگر رہنماؤں سے ملاقات کی اور شہداء کے لواحقین کو حق دلانے کے لئے بلوچستان بھاگ ناڑی سے وزیر اعلیٰ ہاؤس کراچی تک لبیک یا زینب ؑ لانگ مارچ میں شرکت کی دعوت دی ۔ اس موقعے پر علامہ میر مقصود علی ڈومکی نے پریس کانفرنس کرتے ہوئے کہا کے سندھ کی نا اہل حکومت اس پُر امن دھرتے پر رھنے والے تمام مکاتب فکر کے انسانوں کو امن دینے میں بلکل ناکام ہوچکی ہے ، سانحہ شکارپور ، بھاگ ناڑی اور جیکب آباد کے ذمیوار دھشتگردوں کے اڈے اور ٹرینگ کئمپس آج بھی موجود ہیں مگر حکومت ان کے خلاف کوئی ایکشن نہیں لے رہے ، ہمیں مجبوراََ اپنے شہداء کو انصاف دلانے کے لئے بلوچستان سے کراچی وزیر اعلیٰ ہاؤس تک لبیک یا زینب ؑ لانگ مارچ کرنا پڑ رہا ہے ، ہم سندھ میں رہنے والے تمام امن پسند شہریوں کو اس پُرامن لانگ مارچ میں شرکت کی دعوت دیتے ہیں شریک ہو کر اس سندھ دھرتی کو دہشتگردوں سے پاک کرنے میں ہمارا ساتھ دیں ۔

وحدت نیوز (لاہور) وحدت اسکاوٹ کے نوجوان اپنے سارے کام خدا اور آئمہ اطہا رؑ کے لئے سرانجام دیا کریں،اسکائوٹ رضا کار کی زندگی خدمت خلق کیلئے وقف ہوتی ہے،معاشرے میں موجود برائیوں کو ختم کرنا اور صحت مند سرگرمیوں کافروغ اسکاوٹ کی بنیادی ذمہ داری ہے ، ان خیالات کا اظہار  مرکزی سیکریٹری وحدت اسکاوٹ برادر تنصیر حیدرشہیدی نے چنیوٹ میں منعقدہ وحد ت اسکاوٹ پنجاب کی صو بائی اسکاوٹ اسمبلی کے اجلاس سے خطاب کرتے ہوئے کیا،جس میں پنجاب بھر کے وحدت اسکاوٹ کے ڈسڑکٹ اسکاوٹ لیڈرز نے شرکت کی ۔ جس کے اند ر آئندہ چھ ماہ کا پروگرامز پر  ڈسکشن ہوئی ۔ اور نئے ڈسڑکٹ سکاوٹ لیڈرز اور کابینہ سے سکاوٹ وعدہ لیا گیا۔جن سکاوٹ لیڈرز کی کارکردگی نظر نہیں آرہی اس پر صوبائی اجلاس میں ان کے خلاف سخت کاروائی کی گزارش کی گئی ہے۔ جس پر عمل درآمد شروع کر دیا گیا ہے۔ اس کے علاوہ چہلم امام حسین ؑ پر وحدت اسکائوٹ پنجاب کی جانب سے اعزادران اما م حسین سید الشھدا کی خدمت  میں اپنے آپ کو  پیش پیش رکھے گی۔
اجلاس کے شروع میں وحدت اسکاوٹ کی جانب سے اما م زین العابدین ؑ کی شہادت کے موقع  پر  مجلس عزا  بھی کروائی گئی جس میں رکن شوری عالی علامہ شبیر بخاری نے خطاب کیا۔ اجلاس میں خصوصی شرکت علامہ عبدالخالق اسدی صاحب نے  کی اور سکاوٹس کی کارکردگی کو بہتر بنانے پر زور دیا۔ اجلاس میں  بعثت یونیورسٹی پاکستان کو ضلع کا درجہ دیا گیا اور اس کے ڈسڑکٹ سکاوٹ لیڈر برادر قدوس علی کو بنایا گیا۔

وحدت نیوز (اسلام آباد) وحدت سکاوٹ کی مرکزی کابینہ کا اجلاس اسلام آباد میں منعقد ہوا، جس میں فیصلہ کیا گیا کہ  مرکزی وحدت اسکائوٹ کیمپ  اپریل 2016  میں بعنوان ـــ قومی یکجہتی سکائوٹ کیمپ گھوڑا گلی، مری میں ہو گا،اس سال وحدت اسکاوٹ مزار قائد کراچی پر 25 دسمبر بھرپور طریقے سے منائے گی اور قائد اعظم کے عظیم شخصیت کے حوالے سے ان کو خراج تحسین اور سلامی پیش کرے گی۔نیشنل وحدت اسکاوٹ کمیٹی کا اجلا س  دسمبر میں ہوگا۔جس تما م صوبائی سیکرٹری وحدت سکاوٹ اور سنٹرل کابینہ شرکت کرے گی۔امریکہ کے اندر ہونے والی ورلڈ مسلم اسکاوٹ جمبوری میں وحدت اسکاوت بھرپور شرکت کرے گی۔

بعدازاں وحدت سکائوٹ کی جنرل باڈی میٹنگ چنیوٹ پیس ویلیج میں ہوئی جس مرکزی کابینہ کے اندرردوبدل کیاگیا ہے، نئی کابینہ  کے نام اور ذمہ داریاں
  برادر مجاہد علی ، سنٹرل ڈپٹی سیکرٹیری وحدت اسکائوٹ ،برادر عمران سنٹرل کوارڈینٹر، برادر صادق علی سنٹرل ڈپٹی کوآرڈینیٹر،برادر سلامت علی سنٹرل کوآرڈنیٹرسندھ بلوچستان،برادر محبت حسین سنٹرل سیکرٹری پروگرا م منیجر،برادر اظہر علی سنٹرل سیکر ٹری سپورٹس و ایڈونچر،برادرعمران حسین سنٹرل سیکرٹری اکنامکس،برادر بلال حسین سنٹرل سیکرٹیری کلچرل ،برادر پاسدار مہدی  سنٹر ل سیکریٹری ادارہ جات کے طور اب ذمہ داریاں نبھائیں گے۔

وحدت نیوز (سکردو) ن لیگ کی صوبائی حکومت کے گڈگورننس کے دعوے کھوکلے ثابت ہوئے، سابقہ اور موجودہ حکومت کی کارکردگی میں کوئی فرق نہیں ، کرپشن ، اقرباءپروری اور متعصبانہ سوچ علاقائی امن کے لئے ناسوربن رہی ہے، جی بی کی ن لیگی حکومت یہاں کے محروم عوام کو دھوکے کے سوا کچھ دینے کے قابل نہیں، گلگت بلتستان کے عوام کے آئینی حقوق سے کم کسی چیز پر راضی نہیں ہوں گے، ان خیالات کا اظہار مجلس وحدت مسلمین گلگت بلتستان کے صوبائی ڈپٹی سیکریٹری جنرل علامہ آغا علی رضوی نے وحدت ہاوس سے جاری بیان میں کیا۔

ان کاکہنا تھا کہ موجودہ حکومت کی سو دنوں کی کارکردگی انتہائی مایوس کن اور سابقہ حکومتی کارکردگی کی عکاس ہے، موجودہ حکومت کا کام عوام کی فلاح وبہبود کے لئے اقدامات کرنانہیں بلکہ سیاسی مخالفین کے خلاف بیان بازی کرنا رہ گیا ہے، مسلم لیگ ن کے سربراہ میاں  نواز شریف نے الیکشن سے قبل گلگت بلتستان کے عوام سے کیئے کسی وعدے کو اب تک پورا نہیں کیا، تمام وفاقی جماعتیں گلگت بلتستان کی آئینی حیثیت کو اسی طرح متنازع رکھ کراپنے اقتدار کو طول دینا چاہتی ہیں ، لیکن گلگت بلتستان کے عوام اب مذید ان دھوکے بازوں کے فرب کا شکار نہیں ہوں گے۔