وحدت نیوز(مشھد)ہیلی کاپٹر حادثہ میں شہید ہونے والے ایرانی صدر آیت اللہ ابراہیم رئیسی کا مشہد میں شایان شان استقبال کیا گیا، لاکھوں چاہنے والے سڑکوں پر نکل آئے، اس استقبال میں دنیا بھر کی طرح پاکستان سے تعلق رکھنے والے علماء اور طلباء بھی شریک ہوئے۔
مجلس وحدت مسلمین مشہد مقدس کے مسئول حجتہ الاسلام والمسلمین آقائی عقیل حسین خان ایک بڑے وفد کے ساتھ تشیع جنازہ میں شریک ہوئے اور شہید کا استقبال کیا۔
اس موقع پر مجلس وحدت مسلمین خارجہ اُمور کے معاون حجتہ الاسلام چوہدری ضیغم عباس اور دیگر پاکستانی علمائے کرام اور طلاب موجود تھے۔ جنہوں نے پاکستانی اور مجلس وحدت مسلمین کے پرچم اُٹھا رکھے تھے اور امریکہ و اسرائیل کے خلاف مسلسل نعرے بازی کررہے تھے۔
