وحدت نیوز (اسلام آباد) مجلس وحدت مسلمین پاکستان کے مرکزی ڈپٹی سیکرٹری جنرل علامہ احمد اقبال رضوی نے سندھ کے وزیر پلاننگ اینڈ ڈیولپمنٹ میر ہزار خان بجارانی اور ان کی اہلیہ کے مبینہ قتل کو افسوسناک سانحہ قرار دیتے ہوئے تعزیت کا اظہار کیا ہے۔انہوں نے کہا کہ کہ میرہزار خان بجارانی کا شمار ملک کے قد آور سیاست دانوں میں ہوتا تھا۔ اس سانحہ کی فوری طور پرتحقیقات ہونی چاہیے تاکہ حقائق کا پتا لگا کر ذمہ داران کو انصاف کے کٹہرے میں لایا جا سکے۔انہوں نے مرحوم کی بلندی درجات اور پسماندگان کے لیے صبر کی دعا کی ہے۔