وحدت نیوز(لاہور) مجلس وحدت مسلمین پاکستان کے مرکزی کوآرڈینیٹر برائے امور خطباءو ذاکرین علامہ سید حسن رضا ہمدانی نے اپنے ایک بیان میں کہا ہے کہ ذاکرین و زکر امام حسین علیہ السلام کو درپیش مشکلات کے حوالے سےاور آئندہ کے لائحہ عمل کی تشکیل کیلئے ذاکرین و خطبا کانفرنس کا انعقاد کیا جارہا ہے ۔

 انہوںنے کہا کہ ذاکرین و خطبا کانفرنس  سربراہ مجلس وحدت مسلمین پاکستان سینیٹر علامہ راجہ ناصرعباس جعفری کی زیر صدارت قومی مرکز شادمان لاہور میں بروز پیر یکم جولائی 2024 بوقت شام 4 بجے منعقد ہوگی۔

علامہ حسن رضا ہمدانی کا کہنا ہے کہ محرم الحرام کے آغاز سے قبل اس ذاکرین و خطبا کانفرنس  میں ملک بھر سے جید خطباء وذاکرین شریک ہوں گے اور اپنا اپنا نقطہ نظر پیش کریں گے ۔