وحدت نیوز(لاہور)قلعہ گجر سنگھ لاہور میں ایس ایچ او قلعہ گجر سنگھ کیساتھ مجلس وحدت مسلمین لاہور عزاداری ونگ کے صدر سید فخرِحسنین رضوی ایڈووکیٹ ہائی کورٹ کی بسلسلہ محرم الحرام میٹنگ ہوئی جس میں سیدفخرِ حسنین رضوی ایڈووکیٹ نے اپنے خیالات کا اظہار کرتے ہوئے کہا کہ محرم الحرام کی آمد آمد ہے بھائی چارے کو فروغ دینا ہوگا لاہور میں عزاداری کے حوالے سے عزاداران کو مسئلے مسائل درپیش ہیں جن کو جلد محرم سے پہلے حل کیا جائے, عزاداری امام حسینؑ میں کسی بھی قسم کی بد نظمی برداشت نہیں کی جائے گی مزید کہا کہ تمام عزاداران کے مسائل کو ترجیحی بنیادوں پر حل کروایا جائے مجلس وحدت مسلمین پاکستان عزاداروں اور مومنین کے شانہ بشانہ کھڑی ہوگئی ۔

انہوں نے مزید کہا کہ عزاداری امامِ حسینؑ میں خلل کسی صورت برداشت نہ کرینگے,اور مومنین و عزاداروں سے زبردستی شورٹی بانڈ دستخط کروائے جانے والا رویہ کسی صورت بھی برداشت نہ کیا جائے گا,  کیونکہ عزاداری امام حسینؑ ہماری عبادت ہےاور عبادت کے لئیے کسی قسم کا شورٹی بانڈ نہیں لیا جا سکتا۔

میٹنگ کے بعد 8.9 ربیع الاول کو ہونے والی لاہور کی مرکزی عزاداری بی بی پاک دامن (س) کے روٹ کا ایس ایس پی آپریشن لاہور,  ایس پی قلعہ گجر سنگھ,  ایس ایچ او قلعہ گجر سنگھ کے ساتھ دورہ کیا گیا جس وفد میں سیٹھ عدنان(رہنما پولیٹیکل کونسل), آغا شاہ حسین قزلباش, ایس ایچ او خواجہ حسن رضا ,فیضان نقوی, سید فخرِحسنین رضوی ایڈووکیٹ شامل تھے , بی بی پاک دامن میں جاری تعمیراتی کام کا جائزہ لیتے ہوئے سیکورٹی پلان ڈسکس کیا, اور مومنین کی آمد سے پہلے تمام سیکورٹی معاملات مکمل کرنے کی ہدایت جاری کی۔