وحدت نیوز(گجرانوالہ)مجلس وحدت مسلمین پاکستان صوبہ پنجاب کے صوبائی صدر علامہ سید علی اکبر کاظمی  اپنے وفد کے ہمراہ وزیر آباد کے علاقے جامکے چھٹہ پہنچے ۔جہاں انہوں نے ضلعی صدر ضلع گوجرانوالہ جناب سید مبشر زیدی کے بھائی مرحوم ذیشان علی زیدی کے اچانک انتقال پر افسوس کیا اور ان کے مرحوم بھائی کی بلندی درجات کے لئے فاتحہ خوانی کی ۔صوبائی سیکریٹری تعلیم جناب سید نجیب الحسن نقوی، صوبائی ڈپٹی جنرل سیکریٹری جناب سید منتظر مھدی صاحب، صوبائی آفس سیکرٹری مولانا ظہیر کربلائی بھی ان کے ہمراہ تھے ۔ سید مبشر زیدی ضلعی صدر مجلس وحدت مسلمین پاکستان ضلع گوجرانوالہ اور ان کے بھائیوں نے مجلس وحدت مسلمین صوبہ پنجاب  کے صوبائی صدر اور ان کے ہمراہ وفد کا گوجرانوالہ آمد پر اور ان کے مرحوم بھائی کے فاتحہ خوانی کرنے کا شکریہ ادا کیا ۔