وحدت نیوز (لاہور) مجلس وحدت مسلمین پنجاب کے صوبائی آفس کے مسؤل زاہد سردارزادہ نے بتایا ہے کہ صوبائی حکومت پنجاب مجلس وحدت مسلمین پاکستان کے کارکنوں اور عہدیداروں کو ہراساں کر رہی ہے انہوں نے بتایا کہ حکومت پنجاب کی ایما پر ضلعی سیکرٹری جنرل ٹوبہ ٹیک سنگھ چوہدری رضوان حیدر ،تحصیل سیکرٹری جنرل رانا نعیم عباس،سیالکوٹ سے سید نجم الحسن ،بھکر سے احسان اللہ بلوچ کو بلا جواز گرفتار کیا گیا ہے حکومت قاتلوں کو گرفتار کر نے کی بجائے پر امن شہریوں کو گرفتار کر رہی ہے حکومت قومی ایکشن پلان پر عمل در آمد میں غیر سنجیدہ ہے جس سے دہشت گردوں کو فائدہ پہنچایا جا رہا ہے ۔انہوں نے کہا کہ حکومت کی اس پالیسی سے دہشت گردوں کی حوصلہ افزائی ہو رہی ہے ۔زاہد سردارزادہ نے کہا کہ گرفتار عہدیداروں کو فی الفور رہا کیا جائے ورنہ ہم احتجاج پر مجبور ہو جائیں گے۔