وحدت نیوز(ڈی آئی خان) آپس کے مضبوط روابط کے ذریعے سے ہی غلط فہمیوں کو ختم کیا جا سکتا ہے۔ان خیالات کا اظہار مجلس وحدت مسلمین خیبرپختونخوا کے صوبائی سیکرٹری روابط علی رضا طوری نے کے پی کے کے جنوبی اضلاع کے دورہ جات کے دوران ڈیرہ اسماعیل خان میں ضلعی کابینہ کے دوستوں سے ملاقات کے دوراں کیا۔
اس موقع پر کابینہ کے ذمہ داروں سے تنظیمی امور اور فعالیت پر تفصیل سے بات چیت ہوئی انہوں نے کہاکہ یونٹ سازی پر مزید کام کی ضروت ہے اور سینئر دوست زیادہ سے زیادہ رابطوں کو بڑھائیں تاکہ تنظیمی امور باطریقہ احسن چل سکیں ۔
صوبائی رہنمانے اس دوران ضلع ٹانک کا بھی دورہ کیا جہاں پر ضلعی سیکرٹری جنرل عبدلحسنین , سید عباس, امجد, عطا اللہ اور دیگر دوستوں سے تفصیلی گفتگو ہوئی۔
اس موقع پر ٹانک جامعہ مسجد کا بھی دورہ کیاضلع بنوں کے دورہ کے موقع پر تنظیمی عہدداروں اور دیگر دوستوں سے ملاقات کی گئی اس موقع پر صوبائی رہنما بردار نوروز بھی موجود تھے۔ ملاقات میں ضلع کے تنظیمی فعالیت اور سٹرکچر کو مزید مظبوط بنانے پر مشاورت ہوئی۔
