وحدت نیوز(اسلام آباد)مجلس وحدت مسلمین خیبرپختونخوا کی صوبائی پولیٹیکل کونسل کا اہم اجلاس مرکزی سیکریٹریٹ اسلام آباد میں منعقد ہوا جس میں مرکزی ڈپٹی سیکرٹری جنرل علامہ سید احمد اقبال رضوی ،علامہ اقبال بہشتی، صوبائی سیکرٹری جنرل علامہ وحید کاظمی ،صوبائی سیکرٹری سیاسیات برادر علی داد خان،برادر سید اظہر شاہ اور برادر شبیر ساجدی شریک ہوئے۔

 اس موقع پر بلدیاتی انتخابات کے حوالے سے لائحہ عمل پر تفصیلی مشاورت ہوئی، اجلاس میں طے پایاکہ 20 مارچ تک فوکس حلقہ جات کے دورہ جات مکمل کئے جائینگے۔ اور ہر یونین کونسل میں سٹرکچر کو مزید مظبوط کیا جائے گا۔

 اس موقع پر تحصیل ناظم اور ولیج کونسل کے لئے بھی نمائندوں کا انتخاب کیا جائے گا۔ اجلاس سے خصوصی گفتگو میں مرکزی ڈپٹی سیکرٹری جنرل علامہ احمد اقبال رضوی نے کہاکہ سیاست پر سب سے بڑی آفت سیاست کاکمزور ہونا ہے۔ شہید قائد نے شیعہ قوم کو سیاسی شناخت دی۔ مجلس وحدت مسلمین نے 2013 کے الیکشن میں حصہ لے کر سیاسی سفر کا آغاز کیا جسے کامیابی کے ساتھ طے کررہے ہیں انشا اللہ بلدیاتی الیکشن میں بھی میدان میں آئیں گے اور کامیابی ہمارے مقدر ہوگی۔