وحدت نیوز (پشاور) مجلس وحدت مسلمین ضلع پشاور کے ایک وفد نے امامیہ کالونی دھماکہ میں زخمی ہونے والے افراد کی عیادت کیلئے لیڈی ریڈنگ اسپتال کا دورہ کیا اور زخمیوں کے ساتھ ان کے لواحقین سے بھی ملاقات کی۔ ایم ڈبلیو ایم ضلع پشاور کے سیکرٹری شعبہ جوان مقبول حسین کی سربراہی میں وفد نے زخمیوں کی خیریت دریافت کی۔ واضح رہے کہ زخمی ہونے والوں میں اہل تشیع اور اہلسنت دو مکاتب فکر کے پیروکار شامل ہیں۔
وفد نے زخمیوں کے لواحقین کو اپنے ہر قسم کے تعاون کی یقین دہانی کرائی اور ان کی جلد صحت یابی کیلئے بھی دعا کی۔ اس موقع پر ایم ڈبلیو ایم کے وفد نے گزشتہ دنوں دہشتگردوں کی فائرنگ سے شدید زخمی ہونے والے نوجوان آغا میر کی بھی عیادت کی۔
