وحدت نیوز(کوئٹہ) مجلس وحدت مسلمین پاکستان کے نامزد امیدوار سید محمد رضا (آغا رضا) منور کالونی میں ایک حمایتی کارنر میٹنگ میں خطاب کرتے ہوئے کہا کہ حلقہ پی بی 26کے عوام نے ایک بار موقع دیاتو حلقہ 27 سے بڑھ کر خدمت کریں گے، اس وقت ہمیں کئی سازشوں کا سامنا ہے ہم سب نے مل کر ان سازشی عناصر کے مذموم مقاصد کو ناکام بنائیں گے۔

انہوں نے کہا کہ غیور ہزارہ قبائل کی وطن کی تعمیر و ترقی میں نمایا ںکردار رہا ہے کسی ایک شخص کی غلطی کی سزا پوری قوم کو نہیں دی جا سکتی مخالفین کو اپنی شکست نظر آرہی ہے اگر اللہ کی مدد و نصرت شامل حال رہا اور آپ بھائیوں مائوں بہنوں نے ہم پر اعتماد کا اظہار کیا تو کامیابی پوری قوم کی ہوگی۔

آغا رضا نے کہا کہ روڑ اسکول ہسپتال اور بنیادی ضرورتیں تو ہر نمائندہ بنا سکتا ہے لیکن ان سے زیادہ اہم مجموعی عوامی افکار کی نمائندگی اور شہری حقوق کا دفاع کرنا ہے ۔مجلس وحدت مسلمین پاکستان واحد دینی سیاسی جماعت ہے جو اتحاد کی داعی ہے ہم تمام مکاتب فکر کیساتھ برابری کی بنیاد پرتعلقات چاہتے ہیں۔