وحدت نیوز (مشہد مقدس) مجلس وحدت مسلمین مشہد مقدس کے زیراہتمام امام خمینی رحمتہ اللہ علیہ کے فرمان کے مطابق دنیا بھر کی طرح ایران میں بھی پاکستانیوں کی جانب سے یوم المقدس بھرپور طریقے سے منایا گیا۔ مشہد مقدس میں ریلی کا آغاز صبح 9بجے میدان شہداء سے ہوا۔ ریلی اپنے مقررہ راستوں چار طبقہ، خیابان خسروی نو، فلک آب اور باب الرضا (ع)سے ہوتی ہوئی صحن جامع رضوی میں اختتام پذیر ہوئی۔ مجلس وحدت مسلمین کی جانب سے ریلی کی قیادت علامہ وزیر علی لغاری ور علامہ عارف حسین تھہیم نے کی۔ ریلی میں ہزاروں عشاق بیت المقدس نے شرکت کی۔ ریلی میں بچے، بوڑھے، جوان اور خواتین کی بہت بڑی تعداد شامل تھی۔ ریلی کے شرکاء نے پاکستانی اور مجلس وحدت مسلمین کے پرچم اور جھنڈیاں اُٹھائی ہوئی تھیں۔ ریلی کے شرکاء نے امریکہ، اسرائیل کے خلاف اور حزب اللہ، فلسطین اور تحریک آزادی القدس کے حق میں شدید نعرے بازی کی۔ ریلی میں شریک پاکستانی اور ایرانی عوام نے مجلس وحدت مسلمین، پاکستان اور ایران کے پرچموں پر مشتمل جھنڈیاں اُٹھا رکھی تھیں۔