وحدت نیوز(کوئٹہ) مجلسِ وحدت مسلمین شعبہ خواتین پاکستان کوئٹہ کی جانب سے جشنِ ولادت بیبی شھزادی فاطمہ الزہرہ(س) کی مناسبت سے جشن و میلاد کا اہتمام جعفری ہاوس میں کیا گیا۔جسمیں خصوصی طور پہ شرکت کیلئے مرکزی مسؤل خواہر فرحانہ گلزیب نے شرکت فرمائی اور شھزادی فاطمتہ الزہرہ(س) کے اسوہ اور زندگانی پہ خطاب فرمایا۔جشن میں کوئٹہ شھر کے مدارس کی خواہران نے بھی بھرپور شرکت کی اوربچیوں نے مختلف موضوعات پرمشتمل بیبی فاطمہ(س) کی اسوہ مبارکہ پر تقاریر کیں اور ڈرامہ کی صورت میں عکاسی کی۔ اسکے علاوہ طباشی پیش کی گئیں۔مدرسہ فاطمتہ الزہرہ(س) کی خواہران نے بارگاہِ شھزادی کونین میں منقبت پیش کئیں۔آخر میں بہترین کارگردگی ادا کرنے والی خواہران میں انعامات تقسیم کئے گئے۔