وحدت نیوز(اسلام آباد) ماہ ربیع الاول سے مرکزی صدر ایم ڈبلیو ایم وومن ونگ سیدہ معصومہ نقوی ملک بھر کے اضلاع کا تنظیمی دورہ کریں گی جس میں سابقہ کارکردگی رپورٹس اور مستقبل کے لائحہ عمل اور ذمہ داریاں طے کی جائیں گی۔
اس سلسلے کے آغاز میں مرکزی صدر نے ضلع اسلام آباد کی سیکرٹری جنرل صدیقہ کائنات اور ان کی کابینہ سے ملاقات کی جس میں پچھلی کارکردگی رپورٹس کا تفصیلی جائزہ لیا اور آئندہ کا لائحہ عمل طے کیا گیا ۔
علاوہ ازیں اجلاس میں ضلع راولپنڈی کی عبوری سیکرٹری جنرل محترمہ سمعیہ اور ڈپٹی سیکرٹری جنرل محترمہ شائستہ کو منتخب کیا گیا دونوں ذمہ داران سے حلف لیا گیا دونوں مسئولین تین مہینے کے لیے ضلع راولپنڈی میں اپنی تنظیمی خدمات ادا کریں گی۔
