وحدت نیوز(سکردو) مجلس وحدت مسلمین پاکستان گلگت بلتستان کے سیکرٹری جنرل آغا علی رضوی نے میڈیا کو جاری اپنے ایک بیان میں کہا ہے کہ اپوزیشن لیڈر کی گرفتاری بدترین انتقام اور جمہوری حکومت کے منہ پر طمانچہ ہے۔ انہوں نے کہا کہ کیپٹن ریٹائرڈ محمد شفیع جو کےجی بی قانون ساز اسمبلی کے اپوزیشن لیڈر کی حیثیت سے خدمات سرانجام دے رہے ہیں، ان کی گرفتاری شرمناک عمل ہے۔

کچھ طاقتیں گلگت بلتستان میں امن و امان کو خراب کرنے کے درپے ہیں۔ اپوزیشن لیڈر کو عوامی مسائل پر آواز بلند کرنے اور حقیقی اپوزیشن کا کردار ادا کرنے کی سزا دی جا رہی ہے۔ پوری قوم اپوزیشن لیڈر کے ساتھ کھڑی ہے اور خطے بھر میں اس ظلم کے خلاف بھرپور آواز بلند کی جائے ۔

 آغا علی رضوی نے مطالبہ کیا کہ جمہوری اقدار کا خیال کرتے ہوئے مقتدر حلقے لیڈر آف اپوزیشن کو فوری طور پر رہا کرے بصورت دیگر سخت احتجاجی تحریک چلانے پر مجبور ہوں گے۔

انہوں نے کہا کہ خطے میں عوامی حقوق کے لیے جدوجہد کرنے اور عوامی مسائل پر آواز بلند کرنے والوں کے خلاف انتقامی کارروائیاں اب بند ہونی چاہیں۔ حکومت اور انتظامیہ کی عاقبت نااندیش کارروائیوں کے سبب عوام میں بے چینی پیدا ہو رہی ہے۔ ایک عرصے سے کچھ نادیدہ طاقتیں ریاست کو عوام کے درمیان فاصلہ پیدا کرنے کی کوشش کر رہی ہیں۔ ریاستی اداروں کو چاہیے کہ ایسی کارروائیوں سے باز رہے جس سے منفی طاقتوں کو پنپنے کا موقع ملتا ہو۔

وحدت نیوز(گلگت)  اپوزیش لیڈر کیپٹن محمد شفیع کی گرفتاری عوامی مینڈیٹ کی توہین ہے۔ایک معمولی جھگڑے پر انسداد دہشت گردی کا مقدمہ خود اپنی جگہ سوالیہ نشان ہے جس کو جواز بناکر عوامی حقوق کی جدوجہد کرنے والے رکن اسمبلی کو گرفتاری انتقامی کاروائی ہے۔

مجلس وحدت مسلمین گلگت بلتستان شعبہ خواتین کی رہنما ورکن گلگت بلتستان اسمبلی بی بی سلیمہ نے قائد حزب اختلا ف کیپٹن محمد شفیع کی گرفتاری پر سخت احتجاج کرتے ہوئے اسے سیاسی انتقام کا شاخسانہ قرار دیا ہے۔

انہوں نے کہا ہے ایک معمولی جھگڑے پر انسداد دہشت گردی ایکٹ کے تحت مقدمہ درج کرنا اور کئی سالوں تک مقدمے کو طول دینا انصاف کی سنگین خلاف ورزی ہے۔اگر کیپٹن محمد شفیع کا جرم اتنا سنگین ہے تو اس مقدمے کا فیصلہ ہونا چاہئے اور انہیں اس کی سزا فوری ملنی چاہئے لیکن کئی سالوں تک مقدمے کو طول دینے سے ثابت ہوتا ہے کہ دبائو بڑھاکر عوامی حقوق کی جدوجہد سے بازرکھنے کے حربے ہیں۔

انہوں نے کہا کہ حکومت اس مقدمے کو محض ایک ٹول کے طور پر استعمال کررہی ہے ، اپوزیشن لیڈر کی گرفتاری کے پیچھے سیاسی انتقام کا جذبہ کارفرما ہے جس کی ہم پرزور مذمت کرتے ہیں۔اس طرح کے غیر دانشن مندانہ فیصلوں سے عدالتوں کا اپنا وقار بھی مجروح ہورہا ہے جہاں انتہائی سنگین کیسز التوا اور تاخیر کا شکار ہیں اور سالہا سال سے ان کیسز کا نہ صرف فیصلہ نہیں ہوتا بلکہ انصاف کے منتظر بے بس عوام عدالتی نظام سے پر عدم اعتماد کرتی نظر آتی ہے۔

وحدت نیوز(سکردو) مجلس وحدت مسلمین بلتستان اور گلگت بلتستان یوتھ الائنس کی جانب سے ملک بھرمیں جاری شیعہ جوانوں کی جبری گمشدگیوں کے خلاف اور کراچی میں جاری دھرنے کے شرکاء سے اظہار یکجہتی کے لئے یاد گار شہداء سکردو پر علامتی دھرنادیا گیا اور احتجاج کیا گیا ۔

علامتی احتجاجی دھرنےسے سیکریٹری جنرل ایم ڈبلیوایم گلگت بلتستان اور مجاہد عالم دین آغا سید علی رضوی ، چیئرمین گلگت بلتستان یوتھ الائنس شیخ حسن جوہری، سیکرٹری جنرل ایم ڈبلیو ایم ضلع سکردو شیخ فدا ذیشان،صدر آئی ایس او بلتستان ڈویژن برادر موسی علی اور دیگر رہنماؤں سے خطاب کیا ۔

مقررین نے کہاکہ کراچی میں شیعہ لاپتہ افراد کے اہل خانہ کےاحتجاجی دھرنے کی مکمل حمایت کا اعلان کرتے ہیں۔ ریاستی ادارے گناہ گاروں کو عدالتوں میں پیش کریں اور بے گناہوں کو رہا کریں۔ جبری گمشدگیاں آئین پاکستان کی سراسر خلاف ورزی ہے ۔

اگر خانوادہ اسیران ملت جعفریہ کے مطالبات تسلیم نا ہوئے تو علامتی احتجاجی دھرنے مستقل دھرنوں میں تبدیل ہوجائیں گے اور یہ سلسلہ پوری ملک میں پھیل جائے گا۔

وحدت نیوز(ملتان) سابق وفاقی وزیر مذہبی اُمور صاحبزادہ حامد سعید کاظمی نے کہا ہے کہ عالم اسلام کو اس وقت اتحاد کی ضرورت ہے، پاکستان میں اتحاد کی فضا کو عام کرنے میں مجلس وحدت مسلمین کا کردار قابل تعریف ہے، اس وقت پاکستان عالمی طاقتوں کی سازشوں کا مرکز بنا ہوا ہے، عالمی طاقتیں اپنے ایجنڈے کے ذریعے ملک کے حالات کو بگاڑ رہی ہیں، پاکستان میں امن و امان کی صورتحال کو بہتر بنانے کے لئے شیعہ سنی کردار قابل تعریف ہے، عالم اسلام میں پاکستان کا کردار اہم ہے۔ ان خیالات کا اظہار اُنہوں نے ملتان میں مجلس وحدت مسلمین کے زیراہتمام منعقدہ ''وحدت اسلامی کانفرنس'' سے خطاب کرتے ہوئے کیا۔ حامد سعید کاظمی کا مزید کہنا تھا کہ عالمی دہشت گردی کے پیچھے امریکہ اور اس کے حواری ہیں، پاکستان کو بنانے میں شیعہ سنی کردار مشترک ہے اور یہی مل کر پاکستان بچائیں گے، ملتان میں عزاداری اور میلاد کے جلوس امن اور اتحاد کی دعوت دیتے ہیں، شہر اولیاء نے ہمیشہ پورے پاکستان کو امن کا درس دیا ہے۔

وحدت نیوز(پشاور) علامہ سید وحید عباس کاظمی مجلس وحدت مسلمین خیبر پختونخوا کے نئے سیکرٹری جنرل منتخب ہوگئے ہیں۔ اس سلسلے میں ایم ڈبلیو ایم کی صوبائی شوری کا دو روزہ اجلاس  بنعوان جانثاران امام عصر عج کنونشن جامعہ شہید عارف حسین الحسینی رح میں منعقد ہوا۔

 اجلاس کے دوسرے روز انٹرا پارٹی الیکشن ہوئے، اجلاس میں مجلس وحدت مسلمین کے مرکزی سیکرٹری مالیات علامہ محمد اقبال بہشتی، مرکزی سیکرٹری تربیت ڈاکٹر علامہ یونس حیدری، مرکزی معاون سیکرٹری تنظیم سازی برادر آصف رضا ایڈووکیٹ، مرکزی کوآرڈینیٹر سید عدیل عباس زیدی اور مرکزی معاون مسئول دفتر برادر ارشاد حسین بنگش نے شرکت کی۔ جبکہ صوبائی کابینہ کے اراکین سمیت تمام اضلاع سے تنظیمی مسئولین کی نمائندگی تھی۔

 اس موقع پر صوبائی شوری نے علامہ سید وحید عباس کاظمی کو بھاری اکثریت سے نیا صوبائی میر کاررواں (سیکرٹری جنرل) منتخب کرلیا۔ اس موقع پر علامہ اقبال بہشتی نے نومنتخب سیکرٹری جنرل سے حلف لیا۔

وحدت نیوز(گلگت)  گلگت بلتستان کے حدود میں غیر مقامیوں کی مداخلت ہرگز قبول نہیں۔داریل کے جنگلات پر مقامی لوگوں کا حق ہے جسے ہتھیانے کی کسی سازش کو کامیاب ہونے نہیں دیں گے۔اپنی زمین کی حفاظت گلگت بلتستان کے ہر شہری کا فرض بنتا ہے ،ہم داریل کے عوام کا اپنے حقوق کیلئے احتجاج کی مکمل حمایت کرتے ہیں۔

مجلس وحدت مسلمین گلگت بلتستان کے رہنما شیخ نیئر عباس مصطفوی نے اپنے ایک بیان میں کہا ہے کہ عوامی ملکیتی زمینوں اور جنگلات پر قبضے کا سلسلہ بند ہونا چاہئے۔داریل کھنبری کے عوام استقامت دکھائیں اور اپنے حق سے ایک انچ انحراف نہ کریں بلتستان سے خنجراب تک عوام آپ کے ساتھ کھڑے ہیں۔

انہوں نے کہا کہ گلگت بلتستان میں زمینوں پر قبضے کا معاملہ پہلے ہی شدت اختیار کرچکا ہے اور ہم اپنی ملکیتی اراضی پر غیروں کا قبضہ قطعاً برداشت نہیں کرینگے۔دیامر کے جنگلات وہاں کے مقامی عوام کی ملکیت ہیں جنہیں سازش یا جبر کے ذریعے ہتھیانے کی ہر اقدام کی پرزور مذمت کرتے ہیں۔داریل کے عوام سے حکومت فوری مذاکرات کرے اور اس حساس مسئلے کو ختم کرکے عوام کو مطمئن کریںبصورت دیگر شاہ قراقرم صرف دیامر میں بند نہیں ہوگا بلکہ پورے جی بی میں شاہراہ قراقرم پر دھرنا ہوگا۔

انہوں نے مزید کہا کہ وزیر اعلیٰ خو اب خرگوش سے بیدارہوں  اور گلگت بلتستان کے عوامی حقوق کے تحفظ کو یقینی بنائے ۔ گلگت بلتستان کے حدود شندور، تھور کوہستان اور اب داریل جنگل پر قبضہ کی کوشش صوبائی حکومت کے منہ پر طمانچہ ہے۔اگر حکومت جی بی کے جغرافیے اور یہاں کے قدرتی وسائل کا تحفظ نہیں کرسکتی تو مستعفی ہوجائے۔