وحدت نیوز(گلگت) حکمران ہیلتھ ڈیپارٹمنٹ کو سرے سے مفلوج کرنے کی پالیسی پر گامزن ہیں۔ایک فرضی اشتہار کے ذریعے کچھ پوسٹوں کو مشتہر کیا گیا لیکن ڈائریکٹر اور وزیر اعلیٰ کے گٹھ جوڑ سے اندرون خانہ من پسند افراد کی تقرریاں ہورہی ہیں۔

مجلس وحدت مسلمین گلگت بلتستان کے رہنما سعید الحسنین نے کہا ہے کہ بسین ہسپتال کیلئے خلاف معمول گریڈ 18 کے ماہر امراض چشم کی پوسٹ پیدا کی گئی جہاں اس کی ضرورت بالکل نہ تھی۔چنانچہ اس پوسٹ پر ایک کلرک کو اے او کو مستقل پروموٹ کرنے کیلئے ڈی پی سی بناکر سروسز کو بھیجا گیا۔انہوں نے کہا کہ محکمہ صحت پہلے سے تعصبات، اقربا پروری اورحکمرانوں کی کرپشن کی بھینٹ چڑھ رہا ہے اور اندرون خانہ من پسند افراد کی تقرریوں کی خاطر اعلیٰ عہدوں پر تعینات اچھی شہرت کے آفیسروں کو تبدیل کیا گیا ہے ۔حکومت کی اس غریب مکاؤ پالیسی کے نتیجے میں ڈی ایچ کیو ہسپتال تباہی کے دہانے پر کھڑا ہے۔موجودہ ڈائریکٹر اور اے او محکمہ صحت میں ہونے والی تمام تر غیر قانونی اقدامات کے ذمہ دار ہیں۔

انہوں نے کہا کہ 11 اگست سے سبکدوش ہونے والے موجودہ دائریکٹر کے اختیارات کو واپس لیکر نئے ڈائریکٹر کی تقرری تک تمام خالی پوسٹوں کو پر کرنے کیلئے مشتہر پوسٹوں کے ٹیسٹ انٹرویوز رکوائے جائیں تاکہ کسی حقدار کی حق تلفی نہ ہو۔انہوں نے کہا کہ ایک عام کلریکل لائن کے ملازم کو آئی سپیشلسٹ کے پوسٹ پر مستقل پروموشن کیلئے ڈی پی سی کی سفارش کرنے والوں کے خلاف فوری کاروائی کی جائے اور حقائق کو سامنے لایا جائے۔انہوں نے چیف سیکرٹری سے مطالبہ کیا کہ وہ محکمہ صحت میں ہونے والی تمام بے ضابطگیوں کا نوٹس لیکر ذمہ داروں کے خلاف فوری کاروائی کریں اور محکمے میں جاری ناانصافیوں کو ازالہ کریں۔

وحدت نیوز(کراچی ) مجلس وحدت مسلمین پاکستان کے مرکزی سیکرٹری اطلاعات سید علی احمر زیدی نے کہا ہے7اگست کو شہید قائد عارف حسین الحسین کی برسی کے موقعہ پر اسلام آباد میں تاریخی اجتماع ہو گا۔جس میں ملک بھر سے ایک لاکھ سے زائد افراد کی شرکت متوقع ہے۔شہید قائد کی برسی کے سلسلے میں ہونے والی ’’تحفظ پاکستان کانفرنس‘‘کو ملی وقار اور قومی جوش و جذبہ سے منانے کے لیے مرکز کی سطح پر چار رکنی کمیٹی تشکیل دے دی گئی ہے جو رابطہ مہم کے ساتھ ساتھ انتظامات کی بھی نگرانی کرے گی۔اس سلسلے میں ایم ڈبلیو ایم کے تمام صوبائی و ضلعی دفاتر کے ذمہ داران کوموثر رابطوں کی ہدایات جاری کی جا چکی ہیں۔وحدت ہاؤس کراچی سے بیان میں انہوں نے کہا قائد عارف حسینی وحدت امت مسلمہ کے حقیقی داعی تھے۔وہ زندگی بھر اس ان طاغوتی طاقتوں سے برسرپیکار رہے جنہوں نے عالم اسلام کو اپنے مفادات کی بھینٹ چڑھا رکھا تھا۔وہ وطن عزیز میں فرقہ واریت سے پاک ایسے نظام کے خواہاں تھے جس میں ہر مکتہ فکر کو مکمل مذہبی آزادی حاصل ہو۔شہید قائد کا جرات مندانہ کردار استکباری قوتوں کو اپنی موت کی شکل میں نظر آتا ہے۔یہی آواز حق اس عظیم قائد کی شہادت کا باعث بنی۔انہوں نے کہا کہ شہید عارف حسینی اپنے افکار اور کردار میں ہمیشہ زندہ رہیں گے۔ وطن عزیز کے امن و استحکام کے لیے شہید حسینی کی تعلیمات مشعل راہ ہیں جن پر ہماری ملت کا ہر فرد کاربند رہے گا۔بھوک ہڑتالی کیمپ کے حوالے سے انہوں نے کہا کہ وفاقی حکومت کے ساتھ جاری مذاکرات مثبت انداز میں آگے بڑھ رہے ہیں تاہم پنجاب میں کوئی خفیہ ہاتھ مذاکرات کے عمل کو دانستہ طور پر سبوتاژ کرنا چاہتے ہیں۔ہمارے قائد علامہ ناصر عباس کی بھوک ہڑتال 13مئی سے جاری ہے۔ حکمرانوں کو چاہیے تھا کہ فورا اس مسئلے کا حل نکالا جاتا لیکن ایسا نہیں کیا گیا جوافسوسناک ہے۔اگر وفاقی حکومت نے ہمارے مطالبات پر عمل درآمد کا آغاز کر دیا تویہ بھوک ہڑتال ختم ہو جائے گی۔

وحدت نیوز(قم) مجلس وحدت مسلمین  کے سربراہ علامہ راجہ ناصر عباس جعفری اور ڈپٹی سیکرٹری جنرل علامہ حسن ظفر نقوی کی جان خطرے میں ہے. حکومت اندرونی و بیرونی پریشر پر قومی مفادات اور آئینی فرائض کی ادائیگی کو ترجیح دے.  جب وزیر داخلہ  خود اعتراف کر چکے کہ  علامہ راجہ ناصر عباس کے مطالبات جائز ہیں اور آپ حق بجانب ہیں تو پھر ٹال مٹول اور تاخیر کس بات کی؟ حکومت وقت 20 کروڑ  پاکستانی عوام بالخصوص شیعان حیدر کرار کے جذبات سے کھیل رہی ہے. ان خیالات کااظہار مجلس وحدت مسلمین کے سیکرٹری امور خارجہ ڈاکٹر سید شفقت حسین شیرازی نے دفتر قم ایران سے جاری اپنے بیان میں کیا.

  انھوں کہا کہ علامہ راجہ ناصر عباس کی بھوک ہڑتال 80 دن سے تجاوز کر گئی  اور کل انھیں بےہوشی کے عالم میں ھاسپیٹل منتقل کر دیا گیا ہے.  اور ڈاکٹرز کے بقول انکی صحت خطرناک مرحلے میں داخل ہو گئی اور علامہ حسن ظفر نقوی صاحب کی صحت بہت بگڑ چکی ہے. حکومت وقت اس تمام تر صورتحال کی زمہ دار ہے. جبکہ  بشمول حکمران پارٹی پاکستان کے ہر سیاسی راہنما اور مذہبی لیڈر نے اعتراف کیا کہ جن مطالبات کے حصول کیلئے مجلس نے مجبورا بھوک ہڑتال کا اعلان کیا یہ انکا آئینی حق ہے . انکی حق تلفی اور انکے ساتھ ظلم و زیادتی ہوئی ہے. اور انہوں نے احتجاج کا مظلومانہ اور پر امن راستہ انتخاب کیا ہے۔ جو کہ انکا آئینی حق ہے. لیکن حکومت لاپرواہی دیکھا رہی ہے.

 افسوس سے کہنا پڑتا ہے کہ حکمران شاید جلاو ، گھراو ، خانہ جنگی و بدامنی کو ہی پسند کرتے ہیں. باوقار اور مھذب انداز احتجاج انکے نزدیک بے اثر ہے. ہم حکومت سے مطالبہ کرتے ہیں کہ ہمارے مطالبات فی الفور قبول کرکے اپنی آئینی زمہ داری ادا کرے.اور اندرونی وبیرونی پریشر پر قومی مفادات کو ترجیح دے. بیرون ملک مقیم پاکستانی عوام بالخصوص شیعان حیدر کرار ، علماء کرام اور مجلس کے زمہ داران اور اسپورٹرز سے اپیل ہے کہ وہ بے حس حکمرانوں پر اپنے مزید احتجاج سے پریشر  بڑھائیں . اور  مرکزی حکومت سمیت پاکستانی  سفارت وکونسل خانہ جات اور ہائی کمیشنز تک مختلف ذرایع سے اپنی آواز احتجاج  پہنچائیں. بین الاقوامی میڈیا اور انسانی حقوق کے اداروں تک صدائے احتجاج بلند کریں .علامہ راجہ ناصر عباس اور علامہ سید حسن ظفر نقوی کی صحت وشفایابی کے لئے دعائیہ محافل کا اہتمام کریں اور انکی کامیابی کی دعا کریں۔

وحدت نیوز(کراچی) مجلس وحدت مسلمین کے صوبائی سیکرٹری سیاسیات علی حسین نقوی نے لاڑکانہ میں رینجرز کے جوانوں پر حملے کی شدیدمذمت کرتے ہوئے سندھ حکومت سے مطالبہ کیا ہے کہ وہ صوبہ میں رینجرز کے اختیارات کی توسیع میں جلدی کریں پاکستانی قوم اپنے محافظوں پر حملہ آوروں کو دہشتگرد ملک دشمن اور بیرونی ایجنٹ گردانتے ہیں وطن دشمنوں کو فی الفور گرفتار کرکے نشان عبرت بنایا جائے اور ان دہشتگردوں کے پیچھے جو بھی عناصر کارفرما ہیں انکے چہرے قوم کے سامنے بے نقاب کیئے جائیں۔انہوں نے سندھ حکومت سے مطالبہ کیا کہ وہ رینجرز اختیارات سمری پر فی الفور دستخط کرکے سندھ بھر میں دہشت گردوں کے خلاف کاروائی کا اختیار دیا جائے۔

انہوں نے صوبائی حکومت کو متنبہ کیا کہ سندھ بھر میں کالعدم دہشتگرد جماعتوں کے دہشتگردد کھلے عام دندناتے پھررہے ہیں شہر قائد سے لیکر جیکب آباد تک کالعدم جماعتوں کے دفاتر کھلے ہیں اگررینجرز کو سندھ میں کاروائی کے اختیارات نہ دیئے گئے تو پھر سانحہ شکارپور اور سانحہ جیکب آباد جیسے واقعات رونما ہونے کے امکانات بڑھ جائیں گے ۔علی حسین نقوی نے ہالہ اور مٹیاری میں سندھ حکومت میں شامل چند وزاء کی جانب سے مجلس وحدت مسلمین کے کارکنان کے خلاف سیاسی انتقامی کاروائیوں کی بھی بھرپور الفاظ میں مذمت کرتے ہوئے وزیر اعلٰی سندھ مراد علی شاہ اور آئی جی سندھ سے مطالبہ کیا کہ وہ پولیس کی سر پرستی میں مٹیاری کے گاؤن تعلقہ ہالا یوسی کرم خان نظامانی گاؤن میں مجلس وحدت مسلمین کے کارکن محمد خان لغاری کے گھر اور املاک پر رئیس علی احمد نظامانی کے کہنے پر ایس ایچ .او ہالہ عبیداللہ رند کی سربراہی میں مشہور جرائم پیشہ جعفر سھتو نے اپنے درجنوں لوگوں کے ساتھ حملہ کیا اور گھر سمیت چار دوکانیں مسمار کرکے قیمتی سامان لوٹنے کی مذمت کی انہوں نے کہا کہ پولیس ان جرائم پیشہ افراد کی حفاظت کرتی رہی ہے ان حالات میں اگر مذکورہ کارکن کو سندھ حکومت نے انصاف فراہم نہ کیا توہم احتجاج کا راستہ اختیار کرنے پر مجبورہونگے۔

وحدت نیوز(گلگت) گلگت بلتستان میں غیرقانونی ٹیکسز کے نفاذکے خلاف عوامی ایکشن کمیٹی کے احتجاجی جلسے سے مجلس وحدت مسلمین گلگت بلتستان کے سیکرٹری سیاسیات برادر غلام عباس نے خطاب کرتے ہوئے کہاہے کہ مسلم لیگ ن کی جی بی حکومت کی ایک سالہ کارکردگی پی پی پی حکومت کی گذشتہ پانچ سالہ کارکردگی سے مختلف نہیں ، جی بی حکومت عوام کے مسائل کے حل میں یکسرناکام دکھائی دیتی ہے، سہولیات دینے کے بجائے غیر قانونی اور غیر آئینی ٹیکسز کا نفاذکرکے عوام سے جینے کا حق بھی چھینا جارہا ہے جو کہ ناقابل برداشت ہے، انہوں نے کہا کہ صوبائی حکومت ہوش کے ناخن لے اور اس دن سے ڈرے کے جب پورا گلگت بلتستان ان کے عوام دشمن اقدامات کے خلاف سڑکوں پر نکل آئے ۔

وحدت نیوز(کوہاٹ) قومی وحدت کونسل اور مجلس وحدت مسلمین کے اشتراک سے شہید قائد علامہ عارف حسین الحسینی کی برسی کا اجتماع انواریہ امام بارگاہ مٹھا خان میں منعقد ہوا،جس میں عوام کی بڑی تعداد نے شرکت کی، اجتماع سے ایم ڈبلیوایم کے رکن شوری عالی اور صوبائی آرگنائزر علامہ محمد اقبال بہشتی نے خصوصی خطاب کرتے ہوئے کہاکہ شہید عارف حسینی ؒ اس سرزمین پر امام خمینی ؒ کے انقلاب کا تنہا سفیر تھا، انہوں نے تشیع پاکستان کو سیاسی ، اجتماعی اور سماجی شعور اور آگہی فراہم کی، شہید حسینی امریکہ اوراس کی ہواری قوتوں کی آنکھ کا کانٹا تھے جسے امریکہ نے اپنے پالتو ضیاءالحق کے زریعے راستے سے ہٹا دیا، انہوں نے مذید کہا کہ شہید حسینی ؒ کی ذات  مقدس تقاضاکرتی ہے اور خود امام خمینیؒ کا فرمان بھی ہے کہ میرے عزیزفرزند (عارف حسینی)کے افکار ونظریات کو زندہ رکھواس فرمان کو مدنظر رکھتے ہوئے مجلس وحدت مسلمین نے اپنے قیام سے آج تک شہید حسینی ؒ کی یوم شہادت کے موقع پر قومی اجتماع کا آغاز کیا الحمد اللہ ۷اگست بروز اتوار مرکزی امام بارگاہ جی سکس ٹو اسلام آباد کے باہرعظیم الشان قومی اجتماع بسلسلہ برسی شہید قائد بعنوان تحفظ پاکستان کانفرنس منعقد ہو گا۔