وحدت نیوز(مٹیاری) مجلس وحدت مسلمین صوبہ سندھ کے سیکریٹر ی جنرل علامہ مقصودڈومکی نےسیکریٹری فلاح بہبود عالم کربلائی ، ضلع  مٹیاری کی سیکریٹری جنرل علامہ اختر حسین اور سید فرمان علی شاہ کاظمی کے ہمراہ تعلقہ ھالا یوسی کرم خان نظامانی گاؤن ملوک خان لغاری  میں پیپلز پارٹی کے رہنما وڈیرہ علی احمد نظامانی اور گینگ وار سرغنہ جعفرسہتو کے کارندوں کی جانب سے ایم ڈبلیوایم کے کارکنان اور حامیوں کی املاک پر حملے سے متاثرہ افراد سے  ملاقات کی ،تفصیلات کے مطابق علامہ مقصودڈومکی نے وڈیرے کی لشکر کشی کے نتیجے میں تباہ ہونی والی املاک اور نقصانات کا جائزہ لیا اور متاثرین کی روداد بھی سنی ، علامہ مقصودڈومکی کی آمد کے ساتھ ہی متعلقہ تھانے سے پولیس نفری بھی موقع پر پہنچ گئی اور متاثرین کو انصاف دلانے کے دعوے کیئے، علامہ مقصودڈومکی نے اس موقع پر میڈیا سے گفتگو کرتے ہوئے کہا کہ پی پی پی رہنما علی احمد نظامانی اور جعفرسہتو کے اس ظلم پر مقامی انتظامیہ خاموش تماشائی بنی ہوئی ہے اور ان دہشت گرد عناصرکی پشت پناہی کررہی ہے ، انہوں نے کہا کہ پیپلز پارٹی کی اعلیٰ قیادت اس واقعے کا فوری نوٹس لے اور لوٹ مارمیں ملوث عناصر کے خلاف فوری قانونی کاروائی عمل میں لائی جائے وگرنہ مجلس وحدت مسلمین شدید احتجاج پر مجبور ہوگی، علامہ مقصودڈومکی کی آمد کی اطلاع ملتے ہی مخالف گروہ نے مین شاہراہ بلاک کرکے دھرنا دیا اور ایم ڈبلیوایم قائدین کا راستہ روکنے کی کوشش کی بعد ازاں ایم ڈبلیوایم کے صوبائی رہنما عالم کربلائی کی مدلل گفتگو سے شکست کھانے کے بعد انہوں نے راستہ چھوڑ دیا۔

وحدت نیوز(ٹیکسلا) ایم ڈبلیوایم کا ضلعی نہج البلاغہ کنونشن منعقد ہوا، جس میں ممبران نے بھر پور اندازمیں شرکت کی،ممبران نے کثرت رائےسے برادر وقار حسین نقوی کو  آئندہ تین سال کے لئے ایم ڈبلیوایم ضلع ٹیکسلاکا سیکریٹری جنرل منتخب کرلیا،ایم ڈبلیوایم ضلع راولپنڈی کے سیکریٹری جنرل علامہ علی اکبر کاظمی نےنومنتخب سیکریٹری جنرل سےحلف لیا جبکہ مرکزی ڈپٹی سیکریٹری جنرل سید ناصر شیرازی نے شرکاءسے خصوصی  خطاب بھی کیا۔

وحدت نیوز(دمشق) کویتی پارلیمنٹ کےرکن، پارلیمنٹ کی انسانی حقوق کی کمیٹی ، جنیوا میں انسانی حقوق کے ایک ادارے کے چیئرمین اور عربی واسلامی ممالک کے مقاومت کی حمایت کے اتحاد کے ڈپٹی سیکرٹری جنرل انٹرنیشنل لاء کے حقوق دان اور ماہر وکیل  ڈاکٹر عبدالحمید دشتی نےحرم حضرت زینب الکبری علیہا السلام کے جوار اقدس میں مجلس وحدت مسلمین پاکستان کےمرکزی سیکریٹری  امور خارجہ علامہ ڈاکٹر سید شفقت حسین شیرازی سے خصوصی ملاقات کی. انھوں نے تکفیری دھشت گردی اور شیعہ نسل کشی اور پاکستان میں قیام امن اور مظلوموں کی حمایت میں مجلس وحدت کے کردار اور مجلس وحدت کے سربراہ علامہ راجہ ناصر عباس جعفری کی بھوک ہڑتال اور پر امن جدوجہد کو بہت سراہا.

وحدت نیوز(بھکر) مجلس وحدت مسلمین پاکستان ضلع بھکر کے سیکرٹری جنرل سفیر حسین شہانی اپنے بیان میں کہا ہے کشمیرمیں انڈین آرمی کی بربریت جاری ہے کشمیری مسلمان بہن بھائیوں کی سسکیاں ناقابل برداشت ہوتی جار ہی ہیں کہ کشمیری مسلمان بہن بھائیوں پر ہونے والے ظلم و بربریت پر حکومت پاکستان کی خاموشی حکمرانوں کی بے حسی کا منہ بولتا ثبوت ہے ۔ ہم حکومت پاکستان ، یو این او اور بین الاقوامی انسانی حقوق کی تنظیموں سے پرزور مطالبہ کرتے ہیں کہ اس بربریت کو جلد از جلد بند کرائے اور ہندوستانی آرمی پر جنگی جرائم کا سلامتی کونسل میں مقدمہ چلایا جائے۔ اور انہوں نے کہا کہ ہم کشمیری بھائیوں کے حقوق کی جدو جہد میں ان کے ساتھ ہیں۔ اور ہر فورم پر مظلومین کشمیرکی ہمایت جاری رکھیں گے۔

وحدت نیوز(اسلام آباد) مجلس وحدت مسلمین کے مرکزی سیکرٹری جنرل علامہ راجہ ناصر عباس جعفری نے بھوک ہڑتالی کیمپ میں پریس کانفرنس سے خطاب کرتے ہوئے کہا ہے کہ انسانی حقوق کی پامالی کے جو واقعات اس وقت رونما ہو رہے ہیں ان کی ماضی میں مثال نہیں ملتی۔عالم اسلام کو ان کے بنیادی حقوق سے محروم کیا جا رہاہے۔ تہذیب یافتہ ہونے کے دعویدار ممالک مسلمانوں کے ساتھ وحشیانہ سلوک کے مرتکب ہو رہے ہیں۔کشمیر،یمن،لبیا اور عراق سمیت دیگر ریاستوں میں مسلمان سنگین تر ین صورتحال سے دوچار ہیں۔مقبوضہ کشمیر میں مظلوم کشمیریوں کے ساتھ بھارتی فوج کا سلوک درندوں سے بھی بدتر ہے۔بھارتی حکومت کا کشمیریوں سے خود ارادیت چھیننا عالمی قوانین سے انحراف ہے۔اسی طرح یمن میں جاری قتل عام پر عالم اسلام کی خاموشی حیران کن اور تشویشناک ہے۔بحرین میں جمہوریت پسند جماعتوں پر غیر منصفانہ پابندیاں عائد کی جا رہی ہیں تاکہ حکمران من پسند طریقے سے حکومت قائم رکھ سکیں۔صدیوں سے مقیم افراد سے ان کی شہریت چھینی جا رہی ہے۔ایک اسلامی ریاست میں نماز جمعہ پر پابندی لگائی جانا عالم اسلام کے نام نہاد ٹھیکیداروں کے منہ پر طمانچہ ہے۔

انہوں نے کہا کہ مذہبی آزادی ہر شخص کا بنیادی حقوق ہے ۔کوئی بھی قانون کسی کو مسجد، چرچ یا مندر جانے سے نہیں روک سکتا۔ریاست کی طرف سے اتنقامی کاروائیوں کا اس سے بڑھ کر ہو کیا ثبوت ہو گا کہ ممتاز مذہیبی رہنما علامہ عیسی قاسم سے ان کی شہریت چھین لی گئی اور خمس و زکوۃ کو منی لانڈرنگ کا نام دے دیا گیا۔یمن سے کشمیر تک ہر جگہ مسلمان مظالم و بربریت کا شکار ہیں لیکن عالمی ضمیر مکمل طور پر بے سدھ پڑا ہے۔اسرائیلی غاصب و ظالم حکومت ہے جس نے ہزاروں بے گناہ فلسطینیوں کو موت کے گھا ٹ اتارا ۔آج آل سعود اپنے اعلی سطح وفد ان کے پاس بھیج رہا ہیں جودنیا بھر کے مسلمانوں کے زخموں پر نمک پاشی ہے۔عرب ممالک میں عرب مسلمانوں کا قتل عام ہو رہا ہے لیکن عرب لیگ بھیگی بلی بن بیٹھی ہے۔اس کی خاموشی عالم اسلام کی آنکھیں کھولنے کے لیے کافی ہے۔ ہم بحرین سمیت دنیا بھر کے ان تمام مسلمانوں کے ساتھ اظہار یکجہتی کرتے ہیں جو حکومتی مظالم اور بربریت کا شکار ہیں۔

بھوک ہڑتالی کیمپ کے حوالے سے ایک سوال کے جواب میں علامہ ناصر عباس نے کہا کہ حکومت کے ساتھ ان کے مذاکرات حوصلہ افزا ہیں۔وفاقی وزیر داخلہ چوہدری نثار علی خان سے سے ہماری بات چیت جاری ہے۔جیسے ہی ہمارے مطالبات پر عمل درآمد ہو گا ہم یہاں سے اٹھ کر چلے جائیں گے۔خیبر پختونخواہ کے حوالے سے انہوں نے بتایا کہ وہاں ہمارے بیشتر مطالبات پر عمل درآمد ہو چکا ہے۔ پارہ چنار، بنوں،ڈیرہ اسماعیل خان،کوہاٹ اور شاہ خیل کے حوالے سے مثبت پیش رفت ہوئی ہے تاہم کے پی کے صوبائی حکومت کی تساہل پسندی ہمارے لیے مشکلات پیدا کر رہی ہے۔ مجرمان کے خلاف مقدمات کی پیروی میں حکومت کی طرف سے عدم دلچسپی انصاف کے حصول کی راہ میں رکاوٹ ہے جسے دور کیا جانا چاہیے۔اس طرح خیبر پختونخواہ میں اپیکس کمیٹی کے اجلاس میں مسلسل پیش وپس ہمارے لیے شکوک و شبہات کا باعث بن رہا ہے۔انہوں نے امیدظاہر کی کہ پنجاب میں بھی ان کے مطالبات پر جلد ہی عمل درآمد شروع ہو جائے گی۔علامہ ناصر عباس نے میڈیا کو بتایا کہ 7 اگست کواسلام آباد میں تحفظ پاکستان کانفرنس کا انعقاد ہو گا جس میں ملک بھر سے ہزاروں کی تعداد میں لوگ شریک ہوں گے۔

وحدت نیوز(ملتان) مجلس وحدت مسلمین جنوبی پنجاب کے سیکرٹری جنرل علامہ سید اقتدار حسین نقوی نے کہا ہے کہ دہشت گردی، فرقہ واریت، لسانیت اور ظلم سے پاک پاکستان مجلس وحدت مسلمین کا عزم ہے اور انشاءاللہ علامہ راجہ ناصر عباس جعفری کی طویل جدوجہد رنگ لائے گی۔ جس معاشرے میں انصاف ختم ہوجائے وہ انسانوں کے قابل نہیں رہتا، ہمارے حکمران اس وقت ظلم کی انتہا کو پہنچ چکے ہیں مظلوموں کی آہوں، فریادوں اور سسکیوں کی کوئی پرواہ نہیں، بہت جلد ظلم کا خاتمہ اور مظلوم کی جیت ہوگی۔ ان خیالات کا اظہار اُنہوں نے ملتان میں جنوبی پنجاب کی صوبائی کابینہ کے اجلاس سے خطاب کرتے ہوئے کیا۔ اجلاس میں صوبائی ڈپٹی سیکرٹری جنرل محمد عباس صدیقی، محمد اصغرتقی، سید عدیل عباس زیدی، سید فرخ مہدی، علی رضا طوری، مہر سخاوت اور دیگر موجود تھے۔ علامہ اقتدار نقوی کا مزید کہنا تھا کہ مجلس وحدت مسلمین اس وقت حقیقت بن چکی ہے، کچھ نادیدہ قوتیں مجلس وحدت مسلمین کے خلاف سازشوں میں مصروف ہیں دراصل یہ نادان احمقوں کی جنت میں رہتے ہیں۔ اس وقت مجلس وحدت مسلمین ملت تشیع کی ہر فورم پر بھرپور نمائندگی کر رہی ہے۔ اس وقت جنوبی پنجاب سمیت پورے ملک کے مظلوم طبقات مجلس وحدت مسلمین کے ساتھ کھڑے ہیں۔ انشاء اللہ مجلس وحدت مسلمین کے سربراہ کی جدوجہد ضرور رنگ لائے گی اور 7 اگست کو اسلام آباد میں عظیم الشان اجتماع کرے گی اور حکومت وقت کو اپنے مطالبات منوانے پر مجبور کر دے گی۔