وحدت نیوز (اسلام آباد) مجلس وحدت مسلمین پاکستان کے سربرا ہ علامہ راجہ ناصر عباس جعفری نےعوامی نیشنل پارٹی( اے این پی) کی کارنر میٹنگ میں طالبان دہشتگردوں کے دھماکے کی پروزمذمت کرتے ہوئے کہا کہ دہشتگردوں کو الیکشن کے لئے راتوں رات شیڈول فور سے نکال کر کھلی چھٹی دینے کے نتائج سامنے آنا شروع ہوگئے ہیں، نیشنل ایکشن پلان کو بالائے طاق رکھ کر قومی سلامتی کو دائو پر لگانے والے ایسے حادثات کے ذمہ دار ہیں ، انہوں نے کہا کہ اے این پی کے شہداء کے لواحقین خصوصاًبلورفیملی کے غم میں برابر کے شریک ہیں، جنہوں نےوطن کے استحکام کی خاطر قیمتی جانوں کی قربانیاں پیش کی ہیں، قومی سلامتی کا تقاضہ ہے کہ دہشتگردوں کے سیاسی سرپرستوں اور انکے سہولت کاروں کے ساتھ آہنی ہاتھوں سے نمٹا جائے ، علامہ راجہ ناصر عباس جعفری نے کہا کہ دہشتگردوں کو کھلی چھوٹ دینے والے قوم کے سامنے جواب دہ ہیں۔
مجلس وحدت مسلمین پاکستان
مجلس وحدت مسلمین پاکستان ایک سیاسی و مذہبی جماعت ہے جسکا اولین مقصد دین کا احیاء اور مملکت خدادادِ پاکستان کی سالمیت اور استحکام کے لیے عملی کوشش کرنا ہے، اسلامی حکومت کے قیام کے لیے عملی جدوجہد، مختلف ادیان، مذاہب و مسالک کے مابین روابط اور ہم آہنگی کا فروغ، تعلیمات ِقرآن اور محمد وآل محمدعلیہم السلام کی روشنی میں امام حسین علیہ السلام کے ذکر و افکارکا فروغ اوراس کاتحفظ اورامر با لمعروف اور نہی عن المنکرکا احیاء ہمارا نصب العین ہے
