وحدت نیوز(اسلام آباد) سابق سیکریٹری جنرل مجلس وحدت مسلمین ضلع جھنگ اورپرنسپل جامعہ شمس العلوم علامہ سید اظہر حسین کاظمی مختصر علالت کے بعد خالق حقیقی سے جا ملے ، مجلس وحدت مسلمین پاکستان کے مرکزی سیکریٹری جنرل علامہ راجہ ناصرعباس جعفری نے اس افسوس ناک سانحہ ارتحال پر اپنے تعزیتی پیغام میں کہا کہ حجت الاسلام والمسلمین مولانا سیداظہر کاظمی کے انتقال پرملال پر انتہائی رنجیدہ ہوں ،ہم ملت تشیع کے حقوق کی جدوجہد میں ایک فعال اور دیرینہ ساتھی سےمحروم ہو گئے ،آپ ایک بہترین استاداور مبارز عالم دین تھے، آپ کی قومی خدمات کو کبھی فراموش نہیں کیا جا سکتا ۔خداوندِ عالم چہاردہ معصومین ؑ کے صدقے مرحوم کو جوار آئمہ معصومینؑ میں جگہ عنایت فرمائے اور پسماندگان کو صبر جمیل عنایت فرمائے۔
دوسری جانب ایم ڈبلیوایم کے مرکزی ڈپٹی سیکریٹری جنرل علامہ سید احمد اقبال رضوی نے کہا کہ علامہ سید اظہر حسین کاظمی کے انتقال پرملال پر تمام پسماندگان کو تعزیت پیش کرتا ہوں، آپ کی وفات بے شک ملت تشیع کے لئے ایک ناقابل تلافی نقصان ہے ۔ آپ کی سماجی ،سیاسی اور قومی خدمات کو کبھی فراموش نہیں کیا جاسکتا ہے ۔ خداوند متعال بحق محمدﷺ وآل محمدﷺ مرحوم کو جوار آئمہ اطہارؑ میں جگہ عنایت فرمائے اور پسماندگا ن کو صبر جمیل عنایت فرمائے۔
