وحدت نیوز(اسلام آباد) 8 سالہ کمسن کوہ پیما ارحان عباس شگری نے اپنے والد قمر عباس شگری کے ہمراہ قائد وحدت چیئرمین مجلس وحدت مسلمین پاکستان علامہ راجہ ناصر عباس جعفری حفظہ اللہ سے ملاقات کی۔

ارحان شگری نے حال ہی میں 6400 میڑ بلندی برفانی پہاڑ خسر گنگ کو سر کرکے دنیا کے کمسن ترین کوہ پیما کا اعزاز اپنے نام کیا ہے،8 سالہ کمسن ارحان عباس نے خسر گنگ پر پاکستانی سبز ہلالی پرچم کیساتھ سرکار وفا حضرت علمدار عباس کا بھی علم مبارک لہرانے کا اعزاز حاصل کرکے عالمی ریکاڈ قائم کیا۔

کمسن کوہ پیما نے قائد وحدت کو چوٹی سر کرنے اور پاکستانی سبز ہلالی پرچم و علم حضرت عباس علمدار لہرانے کی تصاویر پیش کی،قائد وحدت علامہ راجہ ناصر عباس جعفری حفظہ اللہ نے ارحان عباس کی حوصلہ افزائی کرتے ہوئے مزید کامیابیوں اور روشن مستقبل کے لئے دعا کی۔