The Latest
وحدت نیوز(اسلام آباد)امامبارگاہ امام جعفر صادق علیہ السلام اسلام آباد میں منعقدہ مجلس ترحیم بیاد شہدائے خدمت کے موقع پر ایم ڈبلیو ایم وومن ونگ کی جانب سے شہدائے خدمت کو خراج عقیدت پیش کرنے کے لیے مصوری مقابلہ اور قرآن خوانی کا اہتمام کیا گیا ، شہید ہم سے یہ کہ رہے ہیں لہو ہمارا بھلا نہ دینا اور شہادت تا ظہور مہدی عج کے عنوان پر بچوں نے مصوری مقابلے میں حصہ لیا جس میں پہلی تین بہترین تصاویر بنانے والے بچوں کو مرکزی صدر ایم ڈبلیو ایم وومن ونگ سیدہ معصومہ نقوی نے انعامات دیے اس موقع پر مجلس ترحیم میں آنے والے شرکاء نے شہداء کی بلندی درجات کے لیے ایک صفحہ قرآن تلاوت کرکے ھدیہ کیا۔
علاوہ ازیں خواتین نے ایک جملہ برائے شہداء کی سرگرمی میں بھرپور حصہ لیا اور اپنے الفاظ میں شہداء کو خراج تحسین پیش کیا۔ محترمہ معصومہ نقوی نے ضلع راولپنڈی اور اسلام آباد کی مسئولین کا تہہ دل سے شکریہ ادا کیا جنہوں نے مرکز کی جانب سے منعقدہ ان پروگرامز میں اپنی بھرپور خدمات پیش کیں۔
وحدت نیوز(لاہور) لاہور 18جیٹھ (ہندی سال کے اعتبار سےروز عاشورا)کی مناسبت سے صوبائی صدر مجلس وحدت مسلمین پنجاب علامہ سید علی اکبر کاظمی لاہور واشنگ لائن امام بارگاہ میں عوامی اجتماع سے خطاب کرتے ہوئے فرمایا:علامہ سید علی اکبر کاظمی صاحب نے اپنے خطاب میں فرمایا کہ کربلاکی تاریخ کا مطالعہ کرنا ہے توآج ہمارے سامنے انقلاب اسلامی کی تحریک موجود ہے ۔ قربانیوں اور ایثار کی اعلیٰ مثالیں اس تحریک میں ملتی ہیں ۔ میں آج صرف دونقاط کی طرف آپ کی توجہ مبذول کرانا چاہتاہوں ۔ 1۔حضرت امام خمینی رحمۃ اللہ علیہ کی پرعزم، روشن خیال اور انقلابی قیادت میں انقلاب اسلامی ایران کی تحریک کربلا کی سیاسی تشریح کے نقطہ نظر سے متاثر ہوا تھا۔
انہوں حضرت امام حسین علیہ السلام کے بارے کئی مقامات پر اس سلسلے میں بات کی تھی۔ ان کی تقاریر کا ایک مجموعہ قیام عاشورا در کلام و پیام امام خمینیؒ کے عنوان سے مرتب اور شائع کیا گیا ہے، امام خمینی رحمۃ اللہ علیہ کی تقریروں میں سے چند جملے پیش کرنا ضروری سمجھتا ہوں :جب حضرت سیدالشہداء (ع) مکہ مکرمہ پہنچے اور ان حالات میں جب وہ مکہ سے نکلے تو یہ ایک عظیم الشان سیاسی اقدام تھا۔حضرت امامؑ کی تمام حرکتیں سیاسی حرکتیں تھی مذہبی سیاسی (اسلامی سیاسی) حرکتیں؛ اور یہی مذہبی سیاسی حرکت تھی جس نے بنی امیہ کو ختم کر دیا اور اس تحریک کی وجہ سے اسلام کو کچل دیا جاتا۔دوسری جگہ امام خمینیؒ فرماتے ہیں:2۔حضرت سید الشہداء(ع) بھی حکومت سنبھالنے کے لیے آئے تھے۔
درحقیقت وہ اسی (مقصد) کے لیے آئے ہیں اور یہ ایک انسانی اعزاز ہے۔ جو لوگ یہ سمجھتے ہیں کہ حضرت سید الشہداء(ع) حکومت کرنے نہیں آئے تھے (غلطی میں ہیں)۔ نہیں،حضرت حکمرانی کے لیے آئے تھے کیونکہ حق حکمرانی حضرت سید الشہداء(ع) کے چاہنے والوں کے ہاتھ میں ہوناچاہیے، ان لوگوں کے ہاتھ میں جو حضرت امام عالی مقامؑ کے کے پیروکار ہیں ۔اگر آج ہم متفق ہوجائیں اور ولی فقیہ کی پیروی کرلیں توکامیاب ہوجائیں ۔ ہماری کامیابی کاراز ولی فقہیہ کی حکومت میں ہے ۔ اورولی فقہی کی حکومت کی کامیابی کاراز کربلا کی سیاسی تحریک سےمنسلک ہے۔ لہذاہمیں ایک جگہ پر اکٹھا ہونا پڑے گا ۔ تاکہ سیاسی طور پر مضبوط ہوجائیں ۔ والاساری زندگی دوسرے کے محتاج بن کر رہ جائیں گے ۔
وحدت نیوز(کراچی)شدید گرمی میں ہیٹ اسٹروک سے بچاؤکیلئے مختلف مقامات کی طرح مجلس وحدت مسلمین کراچی ڈویژن کی جانب سے انچولی بس اسٹاپ مین شاہراہ پاکستان پر بھی سبیل بنام امام حسینؑ کا اہتمام کیا گیا جس میں ٹھنڈے شربت اور پانی سے مسافروں اور راہگیروں کو سیراب کیا گیا ،اس موقع پر ایم ڈبلیوایم صوبہ سندھ کے صدر علامہ سید باقرعباس زیدی، نائب صدر علامہ مختاراحمد امامی، ڈویژنل صدر علامہ صادق جعفری ، ڈویژنل پولیٹیکل سیکریٹری علامہ مبشر حسن، علامہ حیات عباس نجفی، علامہ ملک غلام عباس، امتیاز عباس ودیگر رہنما بھی شہریوں کی خدمت کیلئے موجود تھے۔
وحدت نیوز(اسلام آباد)مجلس وحدت مسلمین کے مرکزی جنرل سیکرٹری سید ناصر عباس شیرازی کی قیادت میں مختلف قافلہ سالاروں کی انجمنوں پر مشتمل ایک وفد نے ایرانی سفیر آقای رضا امیری مقدم سے آیت اللہ سید ابراہیم رئیسی اور انکے رفقا کے شہادت پر تعزیت کی۔اس موقع پر زائرین کے مسائل کم کرنے پرگفتگو کی گئی۔ زائرین کو اربعین کے موقع پر فری ویزہ ، ویزہ ٹائم میں توسیع ، انشورنس فیس ختم کرنے اور زائرین کے بسوں کے فیول مسائل بھی حل کرنے پر بات چیت کی گئی۔
وحدت نیوز(اسلام آباد) مجلس وحدت مسلمین پاکستان کے مرکزی سیکرٹریٹ میں چیئرمین مجلس وحدت مسلمین پاکستان سینیٹر علامہ راجہ ناصر عباس جعفری کی زیر صدرت مرکزی کابینہ کا اہم اجلاس، جس میں ملکی سیاسی اور ملی امور زیر بحث آئے۔
اجلاس میں مرکزی جنرل سیکرٹری ایم ڈبلیو ایم سید ناصر عباس شیرازی، مرکزی صدر مجلس علماء مکتب اہلبیت پاکستان علامہ سید حسنین عباس گردیزی ، صدر عزاداری ونگ ملک اقرار حسین علوی، مرکزی سیکرٹری تنظیم سازی علامہ مقصود علی ڈومکی، رابطہ سکرٹری محسن شہریار اور ڈپٹی جنرل سیکرٹری سلیم عباس صدیقی موجود تھے۔
وحدت نیوز(ڈی آئی خان)مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی نے ضلعی کابینہ ڈیرہ اسماعیل خان کے ہمراہ مختلف یونٹس کا دورہ کیا۔
اس موقع پر ضلعی صدر علامہ سید غضنفر علی نقوی ضلعی سیکرٹری فنانس مولانا سید حسنین ضلعی سیکرٹری روابط سید علی رضا و دیگر ہمراہ تھے۔
علامہ مقصود علی ڈومکی نے رکنو اور نون محلہ میں نو منتخب یونٹ کابینہ سے حلف لیا اور مومنین کرام و تنظیمی کارکنوں سے خطاب کیا۔
اس موقع پر خطاب کرتے ہوئے علامہ مقصود علی ڈومکی نے کہا کہ آج پوری دنیا میں اھل حق باطل طاغوتی قوتوں کے خلاف صف آراء ہیں۔ حماس اور غزہ کے مظلوم عوام نے اپنے جہاد صبر و استقامت سے اسرائیل کو پوری دنیا میں ذلیل و رسواء کیا ہے۔
یونٹ کابینہ نون کی حلف برداری تقریب سے خطاب کرتے ہوئے علامہ مقصود علی ڈومکی نے یونٹ کابینہ میں جوانوں کی شمولیت کو خوش آیند قرار دیتے ہوئے کہا کہ کسی بھی معاشرے کی سمت متعین کرنے میں نوجوانوں کا کلیدی کردار ہوتا ہے انقلاب اسلامی سمیت دنیا بھر کی انقلابی تحریکوں میں نوجوانوں نے بنیادی کردار ادا کیا ہے۔
آج یورپی ممالک کی یونیورسٹیز میں نوجوان اسرائیلی مظالم کے خلاف سراپا احتجاج بنے ہوئے ہیں۔ رہبر معظم حضرت آیت اللہ العظمی آقا خامنہ ائ دام ظلہ نے نوجوانوں کے نام جو خط تحریر کیا ہے وہ یورپ کے جوانوں کو صراط مستقیم کی طرف رہنمائی کا کام کرے گا۔
در ایں اثناء علامہ مقصود علی ڈومکی نے رکنو جامع مسجد میں نماز جمعہ کے اجتماع سے بھی خطاب کیا۔
انہوں نے تنظیمی کارکن مرحوم علی رضا اعوان کی وفات پر ان کے والد محترم و دیگر ورثاء سے تعزیت کی۔
وحدت نیوز(ڈی آئی خان)مجلس وحدت مسلمین پاکستان کے مرکزی سیکرٹری تنظیم سازی علامہ مقصود علی ڈومکی ضلع ڈیرہ اسماعیل خان کے تنظیمی دورے پر پہنچے تو ضلعی نائب صدر محمد سبطین کی قیادت میں کارکنوں نے ان کا استقبال کیا۔ علامہ مقصود علی ڈومکی نے کوٹلی امام حسین علیہ السلام میں ضلعی کابینہ سے ملاقات کی۔ اور شہدائے راہ حق کے مزارات پر حاضری دی اور فاتحہ خوانی کی۔
اس موقع پر ایم ڈبلیو ایم بلوچستان کے صوبائی صدر علامہ سید ظفر عباس شمسی بھی ان کے ہمراہ تھے۔کوٹلی امام حسین علیہ السلام کی جامع مسجد میں ضلعی کابینہ اجلاس میں ضلعی صدر مولانا سید غضنفر علی نقوی جنرل سیکریٹری علامہ عابد بہشتی سیکرٹری تنظیم سازی سید محمد علی شاہ و دیگر اراکین ضلعی کابینہ شریک ہوئے۔
اس موقع پر اجلاس سے خطاب کرتے ہوئے علامہ مقصود علی ڈومکی نے کہا کہ حضرت امام خمینی رحمۃ اللہ علیہ کی 35 ویں برسی کے موقع پر ہم اس عظیم رہبر کو خراج عقیدت پیش کرتے ہیں۔ انہوں نے کہا کہ حضرت امام خمینی رحمۃ اللہ علیہ نے پوری دنیا پر حاکم ظالم استکباری نظام کو للکارا اور ایران پر حاکم ڈھائی ہزار سالہ شہنشاہیت کا خاتمہ کرکے قرآن و سنت اور سیرت اھل بیت علیھم السلام کی روشنی میں الہی اسلامی حکومت تشکیل دی۔
انہوں نے کہا کہ عصر حاضر کو عصر خمینی کہنا چاہیئے اس لئے کہ امام خمینی کے افکار نے جغرافیائی سرحدوں کو عبور کرتے ہوئے عالمی رخ اختیار کیا اور پوری دنیا کے پاکیزہ انسانوں کو اپنی طرف متوجہ کیا۔ آج نائیجیریا کے ابراہیم زکزاکی سے لے کر یمن کے سید عبد المالک تک فرزندان خمینی وقت کی فرعونی و یزیدی قوتوں سے بر سر پیکار ہیں۔انہوں نے ضلعی کابینہ کو ہدایت کی کہ مجلس وحدت مسلمین کے ملک بھر کے اضلاع ایک روزہ تنظیمی تربیتی ورکشاپ منعقد کریں۔ کیونکہ کارکنوں کی دینی و تنظیمی تربیت ہماری ترجیحات میں شامل ہے۔
وحدت نیوز(لاہور) مجلس وحدت مسلمین کے صوبائی صدرعلامہ سید علی اکبر کاظمی نے لاہور کے مختلف یونٹس کا دورہ کیا ،علامہ اقبال ٹاون ، کھاڑک ، بھپتیاں اور نیلم بلاک شامل تھے ۔ بھپتیاں اور واشنگ لائن میں 18 جیٹھ (ہندی سال کے حساب سے عاشورہ محرم الحرام )کی مناسبت مجالس عزاء سے خطابات بھی کیے ۔ لاہور کے مختلف علاقوں کے وزٹ میں ضلعی صدر جناب نجم عباس خان ، ضلعی سنیئرنائب صدر، سید فخر حسنین رضوی صدر عزاداری ونگ لاہور ، برادر نقی حیدر صدر وحدت یوتھ ونگ لاہور ڈویژن ، سید یاسر زیدی صدر اقبال ٹاون ، صدر نیاز بیگ یونٹ ،رانا کاظم ضلعی صدر لاہور کے علاوہ علامہ اقبال ٹاون کے کابینہ کے معزز اراکین بھی صوبائی صدر کے اس وزٹ میں ہمراہ تھے ۔ اس وزٹ میں نیاز بیگ یونٹ کی حلف برداری کی تقریب میں شرکت اور صوبائی صدر نے نیاز بیگ یونٹ کے صدر سے حلف بھی لیا ۔
وحدت نیوز(سجاول)مجلس وحدت مسلمین ضلع سجاول کے عہدیداران کا جاتی کا تنظیمی دورہ ،جاتی یونٹ کی تنظیم نو کی گئی جس میں ضلعی آرگنائزنگ کمیٹی کے چیف آرگنائزر مختیار احمد دایو،ضلعی آرگنائیزر فیاض حسین شیخ غلام قادر لوہار سید غلام حسین شاہ اور ضلعی معاون حاجی مظفر علی لغاری شامل تھے۔
اس موقع پہ تنظیم نو کے سلسلے میں یونٹ جاتی کا الیکشن ہوا جس میں متفقہ طور پر سکندر علی من کو مجلس وحدت مسلمین یونٹ جاتی کا صدر منتخب کیا گیا بعد میں نو منتخب صدر سے ضلعی چیف آرگنائزر مختیار دایو نے حلف لیا مومنوں کی کثیر تعداد نے شرکت کی منتخب صدر کو مبارک باد پیش کی۔
وحدت نیوز(سجاول) مجلس وحدت مسلمین ضلع سجاول کی جانب سے مجلس ترحیم برائے بیاد شہدائے اسلامی جمہوری ایران حضرت علامہ ابراہیم رئیسی کے سلسلے میں یو نٹ جاتی سٹی میں مجلس وحدت مسلمین کی طرف سے مجلس عزا برپا کی گئی جس سے خصوصی خطابت مولانا شیخ فیاض حسین نے خطاب کیا۔
اس موقع پہ شہدا کو خراج عقیدت پیش کیا گیا ضلعی قیادت چیف ارگنائزر مختیار احمد دایو آرگنائزر فیاض حسین شیخ غلام قادر لوہار سید غلام حسین شاہ ضلعی معاون حاجی مظفر علی لغاری سمیت مومنوں کی کثیر تعداد نے شرکت کی بعد میں نیاز کا تقسیم کیا گیا اور دعائے خیر کی گئی۔
