The Latest
وحدت نیوز(اسلام آباد) مجلس وحدت مسلمین پنجاب کی کابینہ کا اجلاس مرکزی سیکرٹریٹ اسلام آباد میں ہوا جس میں تنظیمی امور کا تفصیلی سے جائزہ لیا گیا اور آئندہ کے لائحہ عمل پر غور کیا گیا۔ اجلاس میں سترہ جولائی کو ملک کے اہم شہروں میں خواتین کے احتجاج کو کامیاب بنانے جبکہ 22 جولائی کو ملک بھر کی اہم شاہراوں کو پانچ گھنٹے تک بند کرنے کیلئے مختلف امور کا جائزہ لیا گیا۔۔ یاد رہے کہ علامہ ناصر عباس نے پورا احتجاجی شیڈول جاری کر رکھا ہے جس کے مطابق، سترہ جولائی کو خواتین کا احتجاج، بائیس جولائی کو ملک کی اہم شاہرائیں بند کی جائیں گی اور سات اگست کو اسلام آباد میں برسی شہید قائد کا اہم پروگرام کیا جائیگا جس میں آئندہ کا لائحہ عمل کا اعلان کیا جائیگا۔
وحدت نیوز(پنجاب سندھ) گذشتہ دو ماہ سے ریاستی جبر وتشدد، پاکستان کی فرقہ وارانہ تقسم،شیعہ نسل کشی کے خلاف جاری مجلس وحدت مسلمین کے سربراہ علامہ راجہ ناصرعباس جعفری کی بھوک ہڑتال تحریک کے دوسرے مرحلے میں ملک بھر میں احتجاجی تحریک کو وسعت دینے کا سلسلہ شروع ہو چکا ہے، علامہ راجہ ناصرعباس جعفری کے اعلان کے مطابق عید کے بعد مرحلہ وار احتجاجی تحریک میں تیزی لائی جائے گی اور ضلعی سطح سے احتجاجی اجتماعات کا آغاز کرکے سات اگست کو اسلام آباد میں عظیم الشان عوامی اجتماع بمناسبت برسی شہید قائد علامہ عارف حسین الحسینی منعقد کیا جائے گا، اس سلسلے میں پنجاب اور سندھ سمیت ملک کے تمام چھوٹے بڑے شہروں میں احتجاجی تحریک کی تشہیری اور عوامی رابطہ مہم تیزی سے جاری ہے، ملک کے گوشہ وکنارمیں پوسٹرز ، پمفلٹ اور بینرز لگائے جا رہے ہیں جبکہ مختلف شہروں میں وال چاکنگ بھی جاری ہے ، مرکزی و صوبائی کابینہ کے اراکین نے ضلعی سطح پر پنجاب کے دوروں اور عوامی رابطہ مہم کا آغاز کردیا ہے اسی طرح سندھ میں صوبائی سیکریٹری جنرل علامہ مقصودڈومکی اندرون سندھ مختلف اضلاع کے دورے اور عوامی رابطہ مہم میں مصروف ہیں ساتھ ہی کراچی سمیت سندھ بھر میں تشہیری ورابطہ مہم تیزی سے جاری ہے، پنجاب کے مختلف اضلاع فیصل آباد، اوکاڑہ، چکوال،منڈی بہائوالدین ، قصور، شیخوپورہ، چنیوٹ، جھنگ، جہلم سمیت دیگر اضلاع میں عوامی اجتماعات سے مرکزی رہنما علامہ احمد اقبال رضوی، علامہ اعجاز بہشتی ، علامہ اقبال بہشتی،علامہ یونس حیدری، ناصرشیرازی، نثارفیضی، صوبائی رہنما مسرت کاظمی،رائے ناصرعلی ، زاہدمہدوی ودیگر خطاب کرچکے ہیں ، مقررین نے حاضرین کے سامنے دو ماہ سے جاری علامہ راجہ ناصرعباس جعفری کی بھوک ہڑتال کے مقاصد اور وجوہات پر روشنی ڈالی اور ساتھ ہی آئندہ کا لائحہ عمل بھی واضح کیا۔
ضلع فیصل آباد کی رابطہ عوام مہم کے سلسلہ میں ضلعی سیکرٹری جنرل علامہ احسان علی جعفری کی زیر صدارت ہوٹل کرنل ان فیصل أباد میں ضلع فیصل أباد کے علماء ، ذاکر ین ، خطباء ، عزادارن ، لائسنس داران ، بانیان مجالس و عزاداری ، اور مخیر حضرات کے اعزاز میں افطار ڈنر کا اہتمام کیا گیا جس سے مرکزی سیکرٹری تربیت علامہ اعجاز حسین بہشتی ، صوبائی سیکرٹری تعلیم ڈاکٹر سید افتخار حسین نقوی ، ضلعی سیکرٹری جنرل مولانا احسان علی جعفری ، معروف خطیب علامہ غلام اکبر ساقی نے خطاب کیا مقررین نے بھوک ہڑتال کے ابتک ہونے والے فوائد اور اغراض و مقاصد سے شرکاء کو أگاہ کیا ، شرکاء نے ناصر ملت علامہ راجہ ناصر عباس جعفری سے مکمل اظہار یکجہتی کیا اور یقین دبانی کروائی کہ مرکز کے ہر حکم اور فیصلے پر اہلیان فیصل أباد بھر پور لبیک کریں گے ، پروگرام میں مقامی عمائدین نے بڑی تعداد میں شرکت کی ،اہلیان فیصل أباد کی طرف سے علماء جمعہ و جماعت مولانا حبیب رضا ، مولانا ریاض شریفی ، مولانا کاظم رضا ، مولانا شبیر حسین ، مولانا رائے سلیم عباس ، مولانا ذاکر حسین ،ذاکر ین أل حسنین شیرازی ، بشارت حسین ،صغیر حسین ، ملازم حسین نے علامہ راجہ ناصر عباس جعفری سے مکمل یکجہتی کرتے ہوئے ان کی جرأت اور استقامت کو سلام پیش کرتے ہوئے کہا کہ علماء و ذاکر ین راجہ صاحب کی تحریک کا ہر اوّل دستہ ثابت ہوں گے بعد ازاں وفد نے مقامی علماء سے ملاقاتیں بھی کیں اور معروف خطیب مولانا مہدی کاظمی کی عیادت کی ۔
ضلع اوکاڑہ میں عمائدین ملت کے اعزاز میں افطار ڈنر سے مرکزی سیکریٹری یوتھ مولانا ڈاکٹر یونس حیدری نے خطاب کیا پروگرام میں صوبائی رابطہ سیکٹری رائے ناصر علی بے بھی شرکت کی جبکہ پروگرام کی صدارت ضلعی سیکرٹری جنرل صابر حسین چھچھر نے کی ، شرکاء نے علامہ راجہ ناصر عباس جعفری سے مکمل اظہار کا اظہار کیا
مجلس وحدت مسلمین پاکستان کی شیعہ نسل کشی اور ٹارگٹ کلنگ پر حکومت اور انتظامی اداروں کی مجرمانہ خاموشی اور تکفیری کالعدم جماعتوں اور دھشت گرد قاتلوں کو کھلی أزادی کے خلاف اور مظلومین سے انصاف کے لئیے بھوک ہڑتال کے اغراض و مقاصد اور اب تک کے افادیت کے حوالے سے عوامی أگاھی تحریک کے سلسلے میں ضلع چکوال میں برادر سید وسیم حیدر کاظمی کی رھائش گاہ پر ضلع بھر کے عمائدین زعماء اور تنظیمی عہدیداران اور کارکنان کے اعزاز میں افطار ڈنر دیا گیا جس سے مرکزی سیکرٹیری تعلیم برادر نثار علی فیضی ، صوبہ خیبر پختونخواہ کے سیکرٹری جنرل علامہ محمد اقبال بہشتی ، علامہ علی شیر انصاری ، اور ضلعی سیکرٹری جنرل مولانا سید اعجاز حسین نقوی نے ناصر ملت کی بھوک ہڑتال پر تفصیل گفتگو کی اس موقعہ پر شرکاء نے نعرہ بازی کرتے ھوئے ناصر ملت سے بھر پور اظہار یکجہتی کیا اور استقامت اور جرات کی قدر دانی کی۔
منڈی بہاؤالدین میں عوامی رابطہ مہم کے سلسلہ میں زعماء و عمائدین منڈی بہاؤالدین کے اعزاز میں افطار ڈنر دیا گیا جس کے مہمانان خصوصی قائم مقام صوبائی سیکرٹری جنرل پنجاب سید مسرت حسین کاظمی اور مرکزی آفس سیکرٹری علامہ عبد الخالق اسدی تھے ،پروگرام کی ضلعی سیکرٹری جنرل برادر سید رضوان صفدر نے کی اور ابتدائی گفتگو کی اس کے بعد علامہ عبالخالق اسدی اور سید مسرت کاظمی نے شیعہ نسل کشی اور ٹارگٹ کلنگ کے خلاف ناصر ملت علامہ راجہ ناصر عباس جعفری اور مجلس وحدت مسلمین کی تحریک پر تفصیلی گفتگو کی جس پر شرکاء نے مجلس وحدت پر مکمل اعتماد کا اظہار کیا ،بعد اذاں ضلعی کابینہ اور سینئر تنظیمی برادران سے ملاقات میں آئندہ لائحہ عمل پر عمل درأمد پر گفتگو ہوئی
عوامی آگاہی مہم کے سلسلے میں قصور چونیاں میں اھل علاقہ کے زعماء علماء کرام اور ذاکرین کے اعزاز میں افطار ڈنر دیا گیا جس سے مرکزی ڈپٹی سیکریٹری جنرل علامہ سید احمد اقبال رضوی اور ضلعی سیکرٹری جنرل مولانا ظفر اقبال ترابی نے خطاب کیا افطار ڈنر میں اھل علاقہ کی بڑی تعداد نے شرکت کی جن میں علامہ امین حری خطیب جامعہ مسجد اللہ آباد مولانا سید اعجاز حسین رضوی خطیب جامعہ مسجد حسینیہ چونیاں مولانا حسن عباس شمسی خطیب مسجد فاطمیہ ،ذاکر کوثر حسین کھوکھر چونیاں ،ذاکر اختر حسین لنگاہ
،ذاکر علی رضا قابل ذکر ہیں ، شرکاء نے ناصر ملت سے بھر پور یکجہتی کا اظہار کیا ۔
علامہ راجہ ناصر عباس جعفری کی بھوک ہڑتال اور مجلس وحدت کی أئندہ حکمت عملی کی عوامی أگاہی مہم کے سلسلہ میں أج ایک مزاکرہ بعنوان مجلس وحدت اور حالات حاضرہ ضلع شیخوپورہ کی تحصیل مرید کے کربلا حسینیہ امام بارگاہ میں ضلعی سیکرٹری جنرل سید حسن رضا کاظمی کی زیر صدارت منعقد ہوا جس میں صوبائی سیکرٹری سیاسیات سید حسن رضا کاظمی اور مرکزی کی طرف سے نمائندہ مولانا سید مجیب علی نقوی نے شرکت کی اس موقع پر ضلع بھر سے علماء ، ذاکرین ، عزادارن ، بانیان مجالس ، مختلف انجمنوں اور ٹرسٹ کے عہدیداران نے شرکت کی ،شرکاء سے مولانا مجیب علی نقوی نے خطاب کرتے ہوئے کہا کہ ناصر ملت نے جو أواز بلند کی ہے وہ پوری قوم کی ترجمان ہے پوری ملت راجہ صاحب کے حکم پر سڑکوں پر أنے کے لئیے تیار ہے ،شرکاء سے مولانا غلام عباس جعفری اور مولانا ذہیر ہمدانی نے بھی خطاب کیا۔
علامہ راجہ ناصر عباس جعفری کی بھوک ہڑتال اور مجلس وحدت کی حکمت عملی سے عوامی أگاہی اور بیداری کے لئیے عوامی رابطہ مھم کے سلسلہ میں جامعہ بعثت چنیوٹ میں ضلع بھر کے عمائدین ، زعماء ماتمی سالار ، خطباء ، ذاکرین اور مختلف طبقہ ھائے زندگی کے بااثر افراد کے اعزاز میں عظیم الشان افطار ڈنر دیا گیا جس کی صدارت ضلعی سیکرٹری جنرل سید انیس عباس زیدی نے کی شرکاء سے مرکزی ڈپٹی سیکرٹری جنرل سید ناصر عباس شیرازی ، جامعہ بعثت کی ٹرسٹ کے مولانا محمد حیدر نقوی ، اور انیس عباس زیدی نے خطاب کیا مرکزی ڈپٹی سیکرٹری جنرل سید ناصر عباس شیرازی نے اپنے خطاب میں بھوک ہڑتال کی وجہ سے ملت کو حاصل ھونے والے ابتک کے فوائد اور آئندہ کی تحریک کے مراحل سے أگاہ کیا،انہوں نے اس عزم کا اظہار کیا کہ ملت کی عظمت وقار اور تحفظ تک مجلس وحدت اور سالار وحدت میدان عمل میں حاضر رہیں گے ضلع کی اہم شخصیات جن میں سید حسن مرتضی.سید رضا شاہ. سید کلیم امیر. سید افضل شاہ. سردارزولفقار حیدر.سردار افتخار حیدر.ملک کامران نسوانہ.نزیر سراج.سردارزادہ غلام عباس ملک زیشان .ملک وسیم.اسد عباس شاہ تھے نے بھر پور تعاون کی یقین دھانی کروائی۔
تحصیل دینہ ضلع جہلم میں مجلس وحدت مسلمین ضلع جہلم کی جانب سے '' پیام امن کانفرنس '' کا انعقاد کیا گیا جس میں ضلع بھر سے عوامی نمائندوں و عمائدین نے سینکڑوں کی تعداد میں شرکت کی،مرکزی کی نمائندگی علامہ اعجازحسین بہشتی،ملک اقرار حسین نے کی جبکہ ضلع بھر سے کارکنان کے علاوہ خواتین کی ایک بڑی تعداد نے شرکت کی..شرکاء نے قائد وحدت کی بے لوث قیادت پہ مکمل اعتماد اظہار کیا اور 17 جولائی22 جولائی اور 7 اگست کے پروگرامات کی حمایت کا اعلان کرتے ہوئے مکمل آمادگی کا اظہار کیا.ضلع کی نمائندگی رابطہ سیکرٹری سید وسیم حیدرڈپٹی سیکرٹری سید آغا حیدر زیدی اور سیکرٹری جنرل سید ثناء زیدی نے کی شاعر اہلبیت مجاہد حسین میر اور مولانا باقر صاحب نے شرکاء سے گفتگو کی
مجلس وحدت مسلمین تحصیل پتوکی ضلع قصور میں رابطہ مہم برائےاحتجاجی تحریک کے سلسلے میں سید علی حسین شمسی آفس سیکرٹری. سید محمد زمان نقوی سیکرٹری فلاح و بہبود. برادر جی ایچ حیات ایکس سیکرٹری یوتھ .شیخ شاہد حسین مانکی سیکرٹری تربیت مولانا ظفر حسین ترابی سیکرٹری جنرل. علی عمران نقوی. چوہدری صیغم علی جھنڈیر سیکرٹری روابط نے چوہدری صبح صادق. چوہدری صبح سعید کے ساتھ میٹنگ کی اور آئندہ کے لائحہ عمل پر تبادلہ خیال کیا۔
ایم ڈبلیوایم خیرپور کے ضلعی سیکریٹری جنرل علامہ اختر علی طاہری کی زیرصدارت ضلعی کابینہ کا اجلاس منعقد ہوا جس میں احتجاجی تحریک کےسلسلے میں حکمت عملی پرغورکیا گیا اور عوامی رابطہ مہم میں تیزی لانے کا فیصلہ ہوا
ایم ڈبلیو ایم ضلع حیدرآباد کے سیکریٹری جنرل ایڈوکیٹ رحمان رضا عباسی نے ضلعی رہنماء سید شکیل حیدر اور عابد علی کے ساتھ چانگ گوٹھ کا وزٹ کیا اور نماز مغربین ادا کی جب کہ جماعت سے خطاب بھی کیا جس میں اسلام آباد میں جاری علامہ راجا ناصر عباس جعفری صاحب کی بھوک ھڑتال سے آگاہ کیا اور 22 جولائی کو دھرنے میں شرکت کے لئیے آمادہ کیا۔
ایم ڈبلیوایم کراچی ضلع ملیر اسٹیل ٹائون آرگنائزنگ کمیٹی ماتمی انجموں اور ملی تنظیموں کے ذمہ داران کو ایم ڈبلیوایم کی احتجاجی تحریک کے حوالے سے آگاہی فراہم کرنےکے لئے ایک نشست کا اہتمام کیا گیا جس میں پروجیکٹرپر قائد وحدت علامہ راجہ ناصرعباس جعفری کا خصوصی پیغام سنایا گیا جب کے ڈویژنل ڈپٹی سیکریٹری جنرل علامہ نشان حیدر آور ضلعی سیکریٹری جنرل ثمر عباس زیدی نے شرکاء سےخطاب کیا۔
وحدت نیوز(مظفرآباد) مجلس وحدت مسلمین کے مرکزی سیکریٹری امور سیاسیات سید اسد عباس نقوی نے ریاست آزادجموں وکشمیرکے آمدہ انتخابات کے سلسلے میں ریاست کا دورہ کیا ، اس موقع پر مرکزی کوآرڈینیٹر امور سیاسیات آصف رضا ایڈووکیٹ بھی ان کے ہمراہ تھے،انہوں نے ریاستی کابینہ اور پولیٹیکل کونسل کے علیحدہ علیحدہ اجلاسوں میں شرکت کی اس موقع پر ریاستی سیکریٹری جنرل علامہ تصور حسین نقوی سمیت ، پولیٹیکل سیکریٹری محسن رضا سبزوازی ایڈووکیٹ اور دیگر رہنمائوں نے انہوں نے انتخابی حکمت عملی اور سیاسی روابط کے حوالے سے تفصیلی بریفنگ دی۔
وحدت نیوز(اسلام آباد) مجلس وحدت مسلمین پاکستان شعبہ خواتین کی مرکزی سیکریٹری جنرل خانم سیدہ زہرانقوی نے ایک بیان میں کہاہے کہ ریاستی جبر وتشدد ، پاکستان کی فرقہ وارانہ بنیادوں پر تقسیم اور شیعہ نسل کشی کے خلاف کنیزان زینب ع17جولائی کو تمام چھوٹے بڑے شہروں میں احتجاجی مظاہرے کریں گی اور ریلیاں نکالیں گی،خانم زہرا نقوی کا کہنا تھا کہ ہمارے قائد وحدت انصاف کے حصول کے لئے گذشتہ دو ماہ سے پر امن بھوک ہڑتال پر بیٹھے ان بے حس حکمرانوں کے مردہ ضمیروں کو جھنجھوڑ رہے ہیں لیکن ان کم ظرف حکمرانوں کے کانوں پر جوں تک نہیں رینگ رہی،انہوں نے کہا کہ ہماری قیادت اور جماعت نے آخری وقتوں تک کوشش کی بغیر کسی شور شرابے اور طاقت کے استعمال کے حکمران ہمارے جائز مطالبات تسلیم کرلیں اور ملک بھر میں اہل تشیع مکتب فکر کو درپیش مشکلات اور مسائل کو فوری بنیادوں پر حل کرلیں لیکن حکومت نے ہمارے پر امن رہنےکو ہماری ک کمزوری سمجھا ہے ، 13مئی سے جاری علامہ راجہ ناصرعباس جعفری کی بھوک ہڑتالی تحریک عید الفطرکے بعد دوسرے مرحلے میں داخل ہو گئی ہے ، انصاف کے حصول کیلئے17جولائی کوکنیزان زینب ؑ 22جولائی کو اورعاشقان حسینیؑ ملک بھرکی سڑکوں پر سراپا احتجاج ہوں گے، 22جولائی کو ملک بھر کی اہم شاہراہیں دن دو بجے سے رات آٹھ بجے تک جام کی جائیں گی ، اس کے بعد بھی حکمران ٹس سے مس نہ ہوئے تو پنجاب اسمبلی کے باہر غیر اعلانیہ دھرنے کا اعلان کردیا جائے گا، انہوں نے ملک بھر کی خواتین اور حضرات سے اپیل کی کہ ملت تشیع کے جائز حقوق کے لئے بھرپور انداز میں احتجاجی اجتماعات میں شرکت کریں ۔
وحدت نیوز(مظفرآباد) مجلس وحدت مسلمین آزاد کشمیر کےسیکرٹری جنرل علامہ سید تصور حسین نقوی الجوادی سے امیدواران اسمبلی کی ملاقاتیں , ملاقات کرنے والوں میں وزیر زراعت و لائیو سٹاک , پیپلز پارٹی کے حلقہ 2 لچھراٹ سے نامزد امیدوار اسمبلی سید بازل علی نقوی , وزیر جنگلات و حلقہ 1 کوٹلہ سے امیدوار اسمبلی سردار جاوید ایوب , سابقہ وزیر بلدیات و پی ٹی آئی کے حلقہ 3 سٹی سے نامزد امیدوار اسمبلی خواجہ فاروق احمد اور مسلم کانفرنس کے حلقہ چار کھاوڑہ سے نامزد امیدوار اسمبلی راجہ ثاقب مجید شامل تھے, ان موقعوں پر سیکرٹری سیاسیات سید محسن رضا جعفری ایڈووکیٹ , سید طالب حسین ہمدانی, خالد محمود عباسی , سید ارسلان آفتاب , سید حمید نقوی و مجلس کے دیگر ریاستی و ضلعی رہنما بھی موجود تھے, امیدواران اسمبلی نے الگ الگ ملاقاتوں کے دوران اپنے اپنے حلقہ جات میں تعاون کی اپیل کی , حلقہ جات کے مسائل و سیاسی صورتحال پر تبادلہ خیال کے بعد مجلس وحدت مسلمین آزاد کشمیر کے سیکرٹری جنرل علامہ تصور جوادی نے حلقہ ایک کوٹلہ میں سردار جاوید ایوب , حلقہ دو لچھراٹ میں سید بازل نقوی , حلقہ تین سٹی میں خواجہ فاروق احمد اور حلقہ چار کھاوڑہ سے راجہ ثاقب مجید کی حمایت کا اعلان کیا , مجلس کے امیدواران اسمبلی حلقہ دو لچھراٹ سے سید محسن رضا سبزواری ایڈووکیٹ , حلقہ تین سٹی سے سید ارسلان آفتاب , اور حلقہ چار کھاوڑہ سے خالد محمود عباسی کو دستبردار کیا گیا , جبکہ میرپور اور کوٹلی سے سنی اتحاد کونسل کے امیدواران کی حمایت کا اعلان کیا گیا, اس اعلان کے بعد امیدواران اسمبلی نے مجلس وحدت مسلمین کا شکریہ ادا کرتے ہوئے ریاستی ترقی , امن و خوشحالی کے لیے مل کر کام کرنے کے عزم اعادہ کیا, واضح رہے کہ آزاد کشمیر کے عام انتخابات کے لیے پولنگ 21 جولائی کو ہو گی۔
وحدت نیوز(اسلام آباد) مسلم لیگ قاف کے سربراہ چودھری شجاعت حسین نے مجلس وحدت مسلمین کے سیکرٹری جنرل علامہ راجہ ناصر عباس کو فون کیا۔ انہوں نے کہا کہ مجلس وحدت مسلمین کے اتنے طویل دھرنے کے باوجود حکومت ان کے مطالبات و مسائل پر کوئی توجہ نہیں دے رہی جو کہ افسوسناک ہے۔ انہوں نے کہا کہ ملک میں ٹارکٹ کلنگ میں اہل تشیع کو نشانہ بنایا جا رہا ہے، ان کی قیادت ایک طویل عرصے سے دھرنے میں بیٹھی ہے اور حکومت ہے کہ ٹس سے مس نہیں ہو رہی ہے جس کا مطلب ہے کہ حکمرانوں کے دہشتگردوں کے ساتھ رابطے ہیں جس وجہ سے وہ ایم ڈبلیو ایم کےمطالبات تسلیم نہیں کر رہی۔ چودھری شجاعت حسین نے کہا کہ ایسی حکومت کو اقتدارمیں رہنے کا کوئی حق نہیں جو اپنے ہی عوام کی قاتل ہو۔ انہوں نے کہا کہ ماڈل ٹاؤن میں بھی 14 بے گناہوں کا خون حکمرانوں کے سر ہے جو ان کے اقتدار کا سورج غروب کرنے کیلئے معاون ثابت ہو گا۔
پی ٹی آئی کے مرکزی رہنما شاہ محمود قریشی کی بھوک ہڑتال کیمپ میں علامہ راجہ ناصرعباس جعفری سے ملاقات
وحدت نیوز(اسلام آباد) پاکستان تحریک انصاف کے مرکزی رہنما شاہ محمود قریشی نے مجلس وحدت مسلمین پاکستان کے سربراہ علامہ راجہ ناصر عباس جعفری سے بھوک ہڑتالی کیمپ میں ملاقات کی۔ ملاقات میں دوطرفہ دلچسپی کے امور اور ملکی صورتحال پر بات چیت ہوئی۔ علامہ ناصر عباس جعفری نے تحریک انصاف کے رہنما کو خیبر پخوتخوا میں جاری شیعہ ٹارگٹ کلنگ پر اپنی تشویش سے آگاہ کیا۔ بعد ازاں دونوں رہنماوں نے مشترکہ پریس کانفرنس کی۔ اس موقع پر شاہ محمود قریشی نے کہا کہ مجلس وحدت مسلمین کے سربراہ کی بھوک ہڑتال کو 61 روز گزر چکے ہیں۔ پُرامن احتجاج اور عدم تشدد کی یہ روایت لائق تحسین ہے۔ اپنے حقوق کے لئے احتجاج ہر پاکستانی کا قانونی و آئینی حق ہے۔ پاکستان میں بڑھتی ہوئی فرقہ واریت ایک سوچی سمجھی چال ہے، جس کا مقصد وطن عزیز کو عدم استحکام سے دوچار کرنا ہے۔ دہشت گردی صرف پاکستان تک محدود نہیں۔ پوری امت مسلمہ اس کا شکار ہے۔ ہمیں تقسیم کرکے کمزور کیا جا رہا ہے۔ فرقہ واریت اور ٹارگٹ کلنگ کا ہمیں مل کر بحثیت قوم مقابلہ کرنے کی ضرورت ہے۔ ہمیں ایک دوسرے کی تکالیف کو سمجھنا ہوگا۔ انہوں نے کہا کہ علامہ راجہ ناصر عباس اور شیعہ کمیونٹی ملک کی محب وطن ہے، ان کو تحفظ فراہم کرنا وفاقی و صوبائی حکومتوں کی ذمہ داری ہے۔ جو قوتیں ہمیں داخلی طور پر کمزور کرنا چاہتی ہیں، ہمیں ان کے عزائم کو سمجھنا ہوگا۔ ڈیرہ اسماعیل خان میں شیعہ رہنما ایڈووکیٹ شاید شیرازی کو دہشت گردی کا نشانہ بنائے جانے پر مذمت کرتے ہوئے انہوں نے کہا کہ احتجاجی کیمپ میں ہم اس واقع پر افسوس کا اظہار کرنے حاضر ہوئے ہیں۔
علامہ راجہ ناصر عباس جعفری نے کہا کہ ہمارے پُرامن احتجاج کا حکومت پر کوئی اثر نہیں۔ حکمران عوامی مشکلات سے مکمل طور پر بےحس ہوچکے ہیں۔ ہم ریاست کے باوفا بیٹے ہیں۔ ہم عدم تشدد کی سیاست کے قائل ہیں۔ 17 جولائی کو ملک کے مختلف شہروں میں خواتین احتجاجی مظاہرے کریںگی۔ 22 جولائی کو مجلس وحدت مسلمین کے کارکنان اور شیعہ کمیونٹی اپنی اتحادی جماعتوں کے ساتھ مل کر ملک کی اہم شاہراوں کو بند کر دے گی۔ انہوں نے کہا کہ تحریک انصاف کے سربراہ عمران خان احتجاجی کیمپ میں تشریف لائے اور ہمارے مسائل کے حل کا وعدہ کیا، لیکن انتہائی افسوس کہ وہ اپنے وعدوں پر عمل درآمد نہ کرا سکے۔ انہوں نے کہا کہ خیبر پختونخوا کے وزیراعلٰی اگر ہمارے لئے اچھے احساسات رکھتے تو شاید ہمیں اتنے دکھ درد نہ سہنے پڑتے۔ مقبوضہ کشمیر میں بھارتی افواج کی جارحیت کے حوالے سے گفتگو کرتے ہوئے علامہ ناصر عباس نے مقبوضہ کشمیر میں نہتے شہریوں پر بھارتی فوج کی فائرنگ کے نتیجے میں تیس سے زائد قیمتی انسانی جانوں کے ضیاع پر گہرے افسوس کا اظہار کیا اور اسے ریاستی دہشت گردی قرار دیا ہے۔ انہوں نے کہا کہ مظلوم کشمیریوں پر بھارت کی جارحانہ کارروائی انسانی حقوق کی شدید خلاف ورزی ہے۔ بھارت طاقت کے بل بوتے پر آزادی کی تحریک کو دبانے کی کوشش کر رہا ہے۔
علامہ ناصر عباس کا کہنا تھا کہ کشمیر پر بھارت کا غاصبانہ تسلط ختم کرانے کے لئے اقوام متحدہ سمیت عالمی قوتوں اور بین الاقوامی اداروں کو اپنا کردار ادا کرنا ہوگا۔ مقبوضہ کشمیر پر ہندوستانی جارحیت نے خطے کو سنگین خطرات سے دوچار کر رکھا ہے۔ مقبوضہ کشمیر کے مسلمانوں کو پاکستان کی حمایت میں بولنے کی سزا دی جا رہی ہے۔ کشمیر پاکستان کی شہ رگ حیات ہے۔ جس پر ہندوستانی ریاست نے کشمیری شہریوں کی مرضی کے خلاف زبردستی قبضہ کر رکھا ہے۔ حق خود ارادیت کے لئے آواز بلند کرنے والے شہریوں کو بھارتی فوج گولیوں کو نشانہ بنا دیتی ہے، جو ریاستی غنڈہ گردی ہے۔ کشمیر کو بھارتی تسلط سے آزاد کرانے کے لئے پاکستان کو سفارتی سطح سمیت تمام عالمی فورمز پر اپنی کوششوں کو تیز کرنا ہوگا، تاکہ کشمیر کے مظلوموں کو اس ظلم و بربریت سے نجات مل سکے۔ علامہ ناصر عباس جعفری نے کہا کہ بھارت میں انسانی حقوق کی پامالی کے سنگین ترین واقعات اقوام عالم کی آنکھیں کھولنے کے لئے کافی ہیں۔ عالم اسلام کے خلاف واویلا کرنے والی متعصب عالمی قوتوں کو بھارتی جارحیت پر بھی آواز بلند کرنی چاہیے۔
وحدت نیوز(آرٹیکل )قیام پاکستان سے آج تک استحکام پاکستان کی خاطر حکمران طبقہ نے مختلف ممالک کہ شہ پر کافی فیصلہ جات ایسے کئے ہیں، جو بعد میں پاکستان کی خود مختاری اور سلامتی کے لئے خطرہ بن گئے۔ جس کی کئی مثالیں پچھلی کئی دہائیوں سے دیکھی جا سکتی ہیں۔ لیکن ان سب کا اصل شکار عوام ہی بنتے آئے ہیں، کیونکہ پاکستانی قوم کے اندر لاشعوری اور تعصب بدرجہ کمال موجود ہے۔ جس کی سب سے بدترین مثال جہاد افغانستان تھا۔ پاکستان نے امریکہ و سعودیہ کی شہ پر روس کے خلاف جہاد افغانستان کے نام پر ٹاسک فورس بنائی گئی۔ وہ فیصلہ غلط تھا یا صحیح تھا، یہ الگ بحث ہے، لیکن اس سب میں ایک غلطی جو حکمرانوں نے انجام دی، وہ یہ کہ جہاد افغانستان کے نام پر بننے والی جهادی فورس میں ایک خاص فرقہ کو پروان چڑھایا گیا، وہابیت کو ٹاسک فورس میں بھرتی کیا گیا اور پاکستان میں موجود باقی تمام مذاہب و ادیان کو فراموش کیا گیا۔
دنیا کے مخلتف ممالک میں جب بھی کوئی بیرونی خطرہ یا جنگ ہوتی ہے تو عوام الناس پر مشتمل رضاکار فورسز بنائی جاتی ہیں، جن کے ذمہ وہ تمام کام ہوتے ہیں، جو آرمی انجام نہیں دے سکتی۔ لیکن ہمیشہ اس رضاکار فورس کو قومی مفادات اور قومی سوچ کے ساتهـ بنایا جاتا ہے، اس ملک کے تمام طبقات کو شامل کیا جاتا ہے اور ان سب کا ہدف ملکی سلامتی ہوتا ہے۔ ان کی تربیت ہمیشہ اس چیز کا خیال رکھا جاتا ہے کہ ان تمام افراد کو نسلی، لسانی اور مذہبی تعصب سے بالاتر رہیں اور صرف اور صرف ملکی مفادات و سلامتی اور خود مختاری کو عزیز تر بنایا جایے۔
اس وقت عراق اور شام میں داعش کے خلاف جنگ کیلئے رضاکار فورس ترتیب دی گئی ہے، جس میں عوام الناس کے تمام طبقات کو شامل کیا گیا ہے۔ جیسا کہ عراق میں حشد الشعبی نامی رضا کار فورس کہ جس میں اہل تشیع، اہلسنت اور تمام ادیان کے لوگوں کو شامل کیا گیا ہے، جن کا ہدف صرف اور صرف ملکی سلامتی ہے۔ اسی طرح شام میں لجان الشعبیه نامی رضا کار فورس کہ جس میں اہل تشیع، اہلسنت اور تمام ادیان کے لوگوں کو شامل کیا گیا ہے اور یہ فورسز اسٹریٹجک ایسٹس ہوتے ہیں اور وقت آنے پر ہمیشہ ان سے فائدہ اٹھایا جاتا ہے، تاکہ ملکی سلامتی کو درپیش خطرات سے نمٹا جا سکے۔ داعش کے خلاف جتنی کامیابیاں بھی ہو رہی ہیں، ان کی اصل وجہ عوامی رضا کار فورسز ہیں۔ عوامی طبقے بغیر کسی نسلی و مذہبی تعصب کے صرف اور صرف دشمن کے خلاف جنگ کا حصہ بنتے ہیں۔
پاکستان میں بھی اسی طرح کی ہی رضا کار فورس ترتیب دی گئی، جس کا مقصد یہ تھا کہ افغانستان میں موجود روس جیسی سپر پاور کو نکالا جاسکے، کیونکہ افغانستان کے بعد روس کی اگلی نظر پاکستان پر تھی اور روس اس خطے میں مستقل بنیادیں بنانا چاہتا تھا، جس کے لئے پاکستان سے رضا کار فورسز بنا کر افغانستان بھیجی گئی تھیں، تاکہ وہاں جا کے روسی افواج کے ساتھ جنگ کریں اور اس وقت کا یہ تجربہ کامیاب رہا۔ بالآخر روس اپنا تمام تر اسلحہ چھوڑ کر افغانستان سے فرار ہوگیا۔ لیکن تاریخ کی سب سے بڑی غلطی اس وقت یہ کی گئی کہ جہاد افغانستان کے نام پر بننے والی رضاکار فورس میں صرف اور صرف وہابیت مائنڈ سیٹ کے لوگوں کو شامل کیا گیا۔ جس کا خمیازه پورا ملک بهگت رہا ہے اور جس کی بنیادی وجہ سعودی عرب کے مفادات تھے. سعودیہ ایشیا میں اپنے نظریات کے حامل افراد میں اضافہ چاہتا تھا، جس کے لئے وہابیت کو پروموٹ کیا گیا۔
جبکہ پاکستان کے اکثریت بریلوی فرقہ اور اہل تشیع کو فراموش کر دیا گیا۔ جس کا نقصان یہ ہوا کہ جہاد افغانستان کے بعد فارغ ہونے والی یہ تمام فورسز پاکستان میں واپس آکر بے گناہ افراد کے خون سے اپنے ہاتھوں کو رنگین کرنے لگے اور پاکستان میں مذہب کے نام پر قتل عام کیا گیا اور خون کی ندیاں بہائی گئیں۔ آج پاکستان کی سلامتی کے لئے سب سے بڑا خطرہ وہی اسٹریٹجک ایسٹس ہیں، جن کو ہم نے خود پروان چڑھایا تھا۔ لہذا آج بھی وقت ہے کہ ہمیں اپنے فیصلہ جات پر نظرثانی کرنی چاہیے اور ان تمام لوگوں کو جو کہ ایک خاص طبقے سے تعلق رکھتے ہیں، وہ پاکستان کے لئے خطرہ ہیں۔ ان کو عوام الناس اور خاص طور پر اہلسنت برادران سے الگ کھڑا کیا جائے، کیونکہ وہ پاکستان کے لئے خطرہ ہیں اور وہ کبھی بھی پاکستان کے وسیع تر مفادات کے لئے کام نہیں کریں گے۔ آج پاکستانی عوام اور حکمرانوں کو ان افراد سے تمام قسم کے تعلقات کو ختم کرنا ہوگا اور خاص مائنڈ سیٹ کے لوگوں کو حقیقی حجم پر لانا ہوگا۔
تحریر۔۔۔۔۔۔۔۔ ڈاکٹر علامہ سید شفقت حسین شیرازی
وحدت نیوز(مظفرآباد) مقبوضہ کشمیر میں قتل و غارت گری کا بازار گرم ، عالمی برادری خصوصاً اسلامی دنیا کی خاموشی لمحہ فکریہ ہے ، نہتے و مظلوم کشمیریوں کو بندوق کے زور پر دبانے کے درپے ہے ، اس کے خواب چکنا چور ہوں گے، ان خیالات کا اظہار مجلس وحدت مسلمین آزاد جموں و کشمیر کے رہنماؤں علامہ سید تصور حسین نقوی الجوادی ،مولانا سید طالب حسین ہمدانی و سید محسن رضا سبزواری ایڈووکیٹ نے وحدت سیکرٹریٹ میں مختلف وفود سے ملاقات کے دوران کیا ، انہوں نے کہا کہ انسانی حقوق کی تنظیمیں ، عالمی برادری اور او آئی سی نوٹس لے ، مقبوضہ کشمیر کی محکوم و مظلوم عوام پر ظلم و ستم کی داستانیں رقم کی جارہی ہیں ، نہتے اور مظلوم کشمیر کو پے در پے قتل کیا جارہا ہے ، بھارت کے خطرناک عزائم کو ناکام بنانے کے لیے سفارتی سطح پر حکومت پاکستان بھرپور اقدامات اٹھائے ، پرامن اور جمہوریہ کہلانے والے بھارت کے چہرے سے نقاب نوچنا وقت کی اہم ضرورت ہے ، بھارت کسی طور پر امن عمل کو کامیاب نہیں دیکھنا چاہتے طرح طرح کے طریقوں سے ثبوتاژ کر رہا ہے ، مجلس وحدت مسلمین مقبوضہ کشمیر کی محکوم و مظلوم عوام کے ساتھ کھڑی ہے ، مظلوموں کے لیے آواز اٹھانا ہمارا مقصد و مشن ہے ، اس کے لیے ہر فورم پر آواز حق بلند کرتے ہیں تاہم ضرورت اس امر کی ہے آزاد کشمیر اور پاکستان کی حکومتیں کردار ادا کریں ، کسی کا اتحادی بننے سے پہلے اپنے گھر کی خبر لیں ، کسی بادشاہت کے بچاؤ کے بجائے اپنے گھر کے بچاؤ اور اپنے لوگوں کا قتل عام بند کروانے میں کردار ادا کریں ، حکومت پاکستان کشمیریوں کی وکیل ہے ، مضبوط وکیل بن کر عالمی سطح پر ان مظالم کو اجاگر کرے اور سفارتی تعلقات کے ذریعے بھارت کو آئینے میں اس کا چہرہ دکھا دے ۔
وحدت نیوز(مظفرآباد) حلقہ کوٹلہ 1 سے امیدوار اسمبلی و سابقہ وزیر جنگلات آزاد کشمیر سردار جاوید ایوب کی وفد کے ہمراہ علامہ سید تصور حسین نقوی الجوادی سے ملاقات ، اس موقع پر ڈپٹی سیکرٹری جنرل مولانا سید طالب حسین ہمدانی ، سیکرٹری سیاسیات سید محسن رضا سبزواری ایڈووکیٹ کے علاوہ عمائدین حلقہ کوٹلہ کی بڑی تعداد موجود تھی ، حلقہ کے مسائل و سیاسی صورتحال پر تبادلہ خیال کے بعد مجلس وحدت مسلمین آزاد جموں و کشمیر نے حلقہ کوٹلہ 1 سے سردار جاوید ایوب کی حمایت کا فیصلہ کیا ہے جس کا باضابطہ اعلان جلد کر دیا جائے گا۔
